јорданка ивановска – јоци – Kurir.mk

Јоци со поддршка за тимот на стратешки соработници на ВМРО-ДПМНЕ

Предраг Кукиќ — Thu, 03 Oct 2019 17:38:53 +0000

Ја вака гледам на ова - Кедев е угледен кардиолог со сопругата Ганка, старо вмровско крило, кои носат мноогу гласови. Доктори од негов калибар секогаш носат мнооооогу гласови. Борко е ултрапопуларен спортист и носи гласови особено од младите. Дурловски, кој, доби ослободителна пресуда за 27 април од суд, не преку амнестија, ќе ги ,,спакува" гласовите од ултра десничарите кои сега се расцепкани , а Силјановска Давкова веќе докажа дека знае да прибере и ,,левичарски" гласови. Од друга страна, кај СДСМ е Буџетот и поддршката од меѓународна заедница. А, фрлени се со месеци на популизам и субвенции., напиша на својот Фејсбук профил новинарката Јорданка Ивановска Јоци.

Јоци: Отприлика вака некако изгледа некој кога ќе изгуби контрола врз себе, ова е правото лице на Заев

Дарко Андоновски — Tue, 13 Aug 2019 19:07:54 +0000

Новинарката Јорданка Ивановска- Јоци на својот Фејсбук профил сподели статус поврзан со скандалозната изјава на Зоран Заев и навреда на хомосексуалците. -Правото лице на Заев. Отприлика вака некако изгледа некој кога ќе изгуби контрола врз себе и се` што потиснувал ради политичка коректност - ќе му излезе низ уста. Реков ,,низ уста" ? Да. На тоа акцент, стои во нејзиниот пост на Фејсбук.

ФОТО: „На Филипче му умираат луѓе од морбили и грип, али нему до забава му е“

Катерина Бојаџиева — Sun, 10 Mar 2019 09:31:56 +0000

Долгогодишниот член и активист на СДСМ Мери Николова Буџаку и новинарката Јорданка Ивановска-Јоци „удрија“ по министерот за здравство Венко Филипче. -Министерот за здравство вчера на марш со жени, вечерва на карневал. Абе тоа тендерот како со него да го носи, толку шетан ни стана и никако да се распише. Страдаат лицата со ретки болести а тие селфиња и насмевки ни праќаат на фб. Ние не сме камен се ќе ви се врати на своја глава! Страм да ви е, ве седнавме но и ќе ве бутнеме. Силата е во граѓанскиот активизам а не во вас, пишува Николова Буџаку на својот Фејсбук. -Филипче на карневал во Струм'ца. Пошто тоа е настан од белосветски размери, нешто ко Елон Маск да слета на Марс. Му умираат луѓе од морбили и грип, али нему до забава му е. Жоко више го знаете. Нему се' му е рамно, пишува Ивановска.

Јоци: Петре Шилегов е толку арогантен, наскоро ќе си паѓате како скапани круши (ВИДЕО)

Катерина Бојаџиева — Tue, 27 Nov 2018 14:50:08 +0000

Петре Шилегов е толку арогантен, занесен во функцијата, лабав на тема „загадување“, а и за се` друго, да не му ни текнува дека одзади него има камери, пишува во својата најнова објава на Фејсбук, новинарката Јорданка Ивановска Јоци.

-Ако, Петре, само вие играјте си игрици. Ќе си паџате ко скапани круши за кратко, додава Јоци.

Инаку, во Собранието денеска имаше јавна расправа за справување со енормното загадување, а меѓу присутните беше и Шилегов кој требаше да говори кои мерки ќе ги преземе градот. Но, Шилегов додека траше расправата си играше игри на својот мобилен телефон, успешно поминуваше нивоа и не беше заинтересиран за тоа што се предлага.

Јоци: Заев со месеци ја обвинуваше опозицијата дека бара амнестија, а сега јавно сам ја нуди, си ги откри намерите

Ивона Петрова — Mon, 15 Oct 2018 11:20:41 +0000

Јорданка Ивановска - Јоци на социјалните мрежи го искоментира говорот на премиерот Зоран Заев во Собранието, поточно делот во кој Заев нуди амнестија за настаните од 27 април во замена за глас за договорот во Грција. -За греота. О Ч А Ј !! Со месеци обвинуваше дека опозицијата му бара амнестија за 27 април, удави со тоа на 432 прес конференции, а сега сам јавно си понуди. Поточно си ги откри намерите. Дека е подготвен на пратениците вмровци да им понуди закон, ако му се приклонат и гласаат за уставни измени. За два дена и на Груевски ќе му понуди, како тргнал. Море на сите, само да нема избори, пишува Јоци на Фејсбук.

Јоци: Длабоко човечки, јас се гадам од оваа власт

Дарко Андоновски — Mon, 18 Jun 2018 08:08:14 +0000

Новинарката Јорданка Ивановска Јоци на својот Фејсбук профил вчера сподели неколку статуси по повод насилното однесување на полицијата врз демонстрантите.

Јоци до Заев: СДСМ е катастрофа, ако ВМРО-ДПМНЕ собра волку народ по една година, колку ли ќе собере следната пролет?

Даниел Василев — Mon, 04 Jun 2018 08:45:25 +0000

Ако ВМРО-ДПМНЕ собра волку народ по една година власт на Заев, и тоа на митинг кој воопшто не беше најавуван долго и бомбастично, а нема на повидок ни никакви избори, се прашувам колку ќе собере следната пролет, напиша новинарката Јорданка Ивановска-Јоци на својот Фејсбук профил. -Она исто ВМРО, чии функционери, секој втор ден се по судови. Заеву, сам си го бараше. Име, закони за двојазичност, менување на истории, Устав, вработување на багра, неработење, делење места на морони, непотизми, фамилијарни бизниси, делење тендери, мендери, излитени пароли... Пројдоа деновите кога се „возеше“ на режим. Пројде филмот за режим кај народов. Ако. СДСМ е катастрофа во секој поглед. Ти си имаш поголем проблем всушност со оние кои те донесоа на власт, меѓу нив и јас. Само ти верувај си на тоа анкетите ,,а-ла Груевски". Ти имаш проблем со неисполнување на ветеното и со шибицарење под маса. Тоа не проаѓа, му порача Јоци на премиерот Зоран Заев.

Директорот на театар Kомедија: Да, на моето биро стои слика од Заев

Даниел Василев — Sun, 27 May 2018 15:28:46 +0000

-Да, на моето работно биро стои фотографија, а тоа е фотографија на Претседателот на Владата на Република Македонија, г. Зоран Заев, без никакви партиски обележја, а воедно покрај неа стојат и знамето на Македонија и знамето на ЕУ-, одговори в.д директорот на Театар Комедија, Сашо Ристовски, на прашањето дали во тие постапки не гледа партиска идолатрија и еден вид притисок кон вработените, кои, не мислат исто како него, пишува новинарката Јорданка Ивановска - Јоци на својот портал Јоци.мк.

Тој не гледа ништо лошо во тоа, да се меша политика со уметност, за разлика од вработените актери на кои тоа им пречи. Меѓудругото, тој не гледа никаква партиска идеологија и притисок кон вработените, бидејќи бил „борец за слобода во начинот на комуникација и изразување на своите ставови“. Целиот текст прочитајте го на порталот Joci.mk.

Јоци: Срамота! Класична злоупотреба на Илинден

Матеја Петровски — Sat, 19 May 2018 16:55:34 +0000

Откако заврши лидерската средба, а Зоран Заев откри што прифатил како ново уставно име и промена на Утавот, со реакција на социјалните мрежи излезе новинарката Јорданка Ивановска- Јоци. Фејсбук статус на Јорданка Ивановска- Јоци: И наеднаш подрумското десничарско СДСМ стана ВМРО. Си тупосаа лавче на чело. За потребите на фамилијата, ајварот и канабисот, ако треба и Илинден ќе го слават со бради и на коњ на Мечкин камен. И ќе читаат манифести и ќе си најдат и фалц комитски корени. Наеднаш сите морони, спопикани по институции, станаа илинденкомаседонианци. А, за тоа време, нивната Република Илинденска Македонија, дури ни Илинка не им ја сака. Класична злоупотреба на Илинден. Срамота !

Остри реакции за случувањата во конфекцијата МГИ: Алармантна е состојбата со правата на работничките, државата мора да направи притисок

Даниел Василев — Tue, 15 May 2018 10:18:05 +0000

Остри реакции од јавноста за случувањата во конфекцијата „Маседониа гармет индустри“, каде што текстилните работнички ги немаат земено платите за март и април. Кристина Ампева од здружението Гласен текстилец во изјава за Курир вели дека ова што се случува со странските инвестиции во Македонија е алармантна состојба. -Ова е алармантна состојба која се случува со странските инвестиции во Македонија. Мора да се најде начин за да се исплатат задоцнетите плати, вели Ампева за Курир, додавајќи дека државата мора да направи притисок. Таа појаснува дека на работничките им останува правдата да си ја бараат по судска постапка, што според Ампева, е скапо за нив, особено што тие се оставени без две плати, па не можат да си ги дозволат трошоците. -Не се знае и дали по судската постапка тие ќе си ги наплатат платите. Тоа е еден од проблемите со приватните фирми, вели Ампева. Од здружението Женски форум од Тетово, пак, посочуваат дека доколку во иднина текстилните работнички од МГИ организираат нов протест ќе им се придружат во борбата за своите права. -Сме против тоа жените на таков начин да се третираат. Се солидаризираме со сите жени кои обесправени. Во нареден протест би учествувале и ние како организација, вели за Курир Џане Крешова од здружението Женски форум од Тетово. Инаку, сопственик на конфекцијата МГИ е холанѓанецот Марсел Мелес, сопруг на професорката Синоличка Трпкова. Работничките на протестот во неделата се жалеа дека тој за време на состаноците викал по нив, им велел дека не знаат ништо да сработат и вината ја префрлал врз нив, велејќи им дека ги бива само за правење ајвар. За ова се огласи и новинарката Јорданка Ивановска-Јоци. -Зошто Марсел Мелес е интересен случај ? Прво, бидејќи Владата воопшто не реагира околу оваа социјална драма и неправда. А, второ, бидејќи е сопруг на професорката од ФДУ, Синоличка Трпкова, која со години, жолчно и со голема доза на горчина, пишуваше за криминалите на Никола Груевски и на улица протестираше за неправдите кон работниците, за шивачки, за работнички маки, за иселување на млади, за социјална правда. П.С: Заедно сме протестирале за обесправени работници. Јас, се` уште. Таа молчи, напиша Јоци на Фејсбук. Од друга страна, Трпкова во својата последна колумна објаснува дека недоволната продуктивност и лошата состојба на текстилната индустрија е причина за пропаѓањето на МГИ. -И директорот на фабриката и работниците остануваат без работа. Но исто така, и инвеститорите го губат тоа што го вложиле, зашто со инвестицијата преземале ризик. Во овој случај, за жал, сите изгубиле и никој не станал побогат, не купил „мерцедес“, куќи, станови, не бил на одмор на Хаваи, не отворил тајни сметки. Биле вработени 130 луѓе што издржувале семејства во изминатите девет години. И тоа е сиот „ќар” од вложената инвестиција и макотрпната работа. Тие работници стекнале вештини да произведат квалитетен производ, по светски стандард, напиша Трпкова во колумната.

На ова реагираа вработените кои велат дека биле добри работници 10 години и сега одеднаш не ја извршуваат работата како што треба, а се и навредени бидејќи излегува оти само тие се во ќар, а инвеститорот и сопственик во големи загуби. Работничките најавија дека ќе продолжат со протестите. Тие се подготвени да одат до крај и веруваат во правен исход, иако, како што нагласија, судските трошоци се огромни. Во врска со отказите што неодамна ги добија, се пожалија дека биле присилени да ги потпишат. -Ни ги пикнавте изјавите под нос, но да ги пишуваме своерачно, диктирани од вас: Јас таа и таа своеволно давам отказ од лични причини, потпис и дата денешна, кажуваше правничката. Дојдовме по отказите, ве баравме да излезете да ни кажете кога точно плата, господине Марсел, зошто три недели нѐ лажевте, парите се тргнати, патуваат, да легнат на сметка и ќе ве исплатам, рече поранешната работничка Моника Стојановска за време на протестот. Конфекцијата „Маседониа гармент индустри“ на нашиот пазар е точно 10 години. За дел од вработените, неофицијално, сопственикот е ловец на субвенции во државите каде што инвестира, а доказ за тоа им е и најавата за инвестиција во индустриската зона во Врање, соседна Србија. Мелес таму потпишува Мемурандум за соработка со ветување дека ќе вработи 500 вработени во текстилен сектор и оти ќе инвестира 1.3 милиони евра во период од 3 години. Вработените шпекулираат дека слична ситуација Мелес имал и во Тунис, каде претходно имал фирма за која користел субвенции и потоа наеднаш си заминал, но немаат доволно информации за тамошната фирма.