Јоргос Пападакис – Kurir.mk

Грк до пратеник на СДСМ: Зошто Северна, немате ни трошка достоинство?

Дарко Андоновски — Sat, 21 Sep 2019 12:30:15 +0000

Грчки член на Европската Слободна Алијанса, Јоргос Пападакис со коментар на употребата на зборот Северна од страна на македонските политичари при неформална комуникација. Пападакис реагира на напис на пратеникот и потпретседател на СДСМ Мухамед Зекири кој во напад врз лидерот на опозицијата Мицкоски и кандидатката за претседател професорката Гордана Силјановска без никаква потреба го користи насилно наметнатиот збор во уставното име. The most beautiful balcony views in the world! Take a look at some of the worlds most desirable vacation homes from Inspirato “Морате баш да кажете Република Северна Македонија, нели? Ќе ве казнат ако не го сторите то? Ниту трошка достоинство немате, жално”, пишува Пападакис кој долги години го следи прашањето за името. За разлика од функционерите на СДСМ и ДУИ кои инсистираат во секоја пригода дури и приватно да го споменат за најголем број граѓани омрзнатиот збор, во Грција ретко кој политичар го користи името според Преспанскиот договор. За нив Македонија се уште е ФИРОМ а ние сме фиромци, Скопјани или славомакедонци. Извор: Експрес.мк

Пападакис: Ако се откажуваме од малцинството во Грција се откажуваме од себе

Даниел Василев — Wed, 13 Jun 2018 09:41:42 +0000

Откажување од малцинството Македонци кои живеат во Грција е лошо за Македонија вели во изјава за Фактор, Јоргос Пападакис, претставник на македонската партија во Грција, Виножито и член на Европската слободна алијанса ЕФА. -Лично сметам дека современа Република Македонија и македонскиот народ на може да постои без Македонците во Егејска Македонија. Откажување од нив е откажување од самиот себе, вели Пападакис. Смета оти Ципрас и другите власти во Атина повторно ќе ги викаат Македонците Скопјани. Вчера премиерот Зоран Заев рече дека начинот на промена на членот 49 од Уставот е унифицирање со европската пракса за тоа како се води грижа за дијаспората, За тоа дали договорот содржи одредба со која се отстрануваат наводите во Уставот за „заштита на македонското малцинство“ вон границите и се спроведува соодветниот член што постои во грчкиот Устав за дијаспората, како што јавија грчките медиуми, Заев посочи дека станува збор за усогласување со европската пракса. -На тој начин ќе го прецизираме делот за грижата за нашата дијаспора, каде и да се наоѓаат во светот, а при тоа да не иритираме кој било од соседите, додаде премиерот.

Пападакис: Грција не ја интересира промена на името, туку идентитетот

Ивона Петрова — Sun, 21 Jan 2018 10:24:48 +0000

Грција не ја интересира промена на името, туку идентитетот, вели аналитичарот Јоргос Пападакис за Канал 5. -Не би се согласил дека постои разлика или разни изјави од страна на Грција, дури од почетокот на тој апсурден спор оклу името на Македонија, изјавив неколку пати дека ставот на Грција е многу едноставен – Грција не ја интересира толку да се реши спорот за името, бидејќи не ја интересира како ќе се вика Македонија. Проблемот на Грција е единствено идентитетот на македонскиот народ и тоа постојано се гледа во последните 25 години, вели Пападакис за Канал 5. Тој вели дека промена на името на Република Македонија за Грција би значело и промена на идентитетот. -Тоа е нешто за Македонците во светот, нешто свето, не може да се допира тоа. Затоа мислам дека нема суштинско ништо ново за да се промени ништо и да отидеме еден чекор понапред за прашањето на името, истакнува аналитичарот Пападакис. Аналитичарот нагласува дека прашањето за името кое постои 25 години, не може да се реши за три месеци. -Од друга страна, Грција постојано со вакви изјави и лицемерности покажува дека не сака да се реши и целта на Грција е добивање на време за Македонија да остане вон ЕУ и вон НАТО, а второ и најважно, ако стигнеме до еден вид на решение тоа да биде новиот идентитет на македонскиот народ. Тоа на сите треба да ни биде јасно, истакнува Пападакис. Во врска со најавената средба на Зоран Заеви Алексис Ципрас која треба да се одржи во Давос, тој вели дека тоа најверојатно ќе биде една козметичка средба која нема суштински работи да реши.