Јоргос Папандреу – Kurir.mk

Папандреу: Крајно време е Македонија и Албанија да почнат преговори со ЕУ

Ристе Здравков — Thu, 30 Jun 2022 11:54:44 +0000

Сега е вистинско и крајно време да работиме со позабрзано темпо за зачленување на Република Македонија и Република Албанија во Европската унија, смета поранешниот грчки премиер и шеф на дипломатијата Јоргос Папандреу. Одговарајќи на новинарски прашања во рамките на Македонски енергетски форум 2022 што денеска и утре се одржува во Охрид, забележа дека кризата во Украина укажала на потребата за посилна политичка волја за отворање на процесот за члентво во ЕУ и зачленување на Македонија и Албанија. – Чекавме навистина предолго за да ја приближиме Македонија и Западниот Балкан поблиску до ЕУ. Сега е вистинско време и крајно време е да работиме со позабрзано темпо. Оваа криза, особено кризата во Украина укажа дека во моментот потрбна е уште посилна политичка волја за отворање на ЕУ, односно отворање на процесот за члентво во ЕУ и зачленување на РСМ и Албанија, рече Папандреу, кој во својство на министер за надворешни работи на Грција ја потпиша т.н. Солунска декларација за иднината на Западниот Балкан. Потсети за несогласувањата на двете држави, но дека сега се надминати, а истото го препорачува за надминување на блокадата од соседна Бугарија – Имавме несогласувања во минатото. Нашите две држави, Грција и Македонија, но со тешки политички жртви беа надминати. Истото би го апелирал, препорачал и со Бугарија, односно мора да водиме и навистина имаме дна прекрасна заедничка иднина, рече Папандреу.

Димитров се сретна со Папандреу: Инспиративна средба за иднината на нашите земји

Даниел Василев — Thu, 10 May 2018 18:51:10 +0000

Министерот за надворешни работи Никола Димитров денеска во Сунио се сретна со поранешниот грчки премиер, а сега лидер на Сегрчкото движење на демократските социјалисти и на социјалистичката интернационала, Јоргос Папандреу. - Инспиративна средба со Папандреу за иднината на нашите две земји кои имаат историска можност во блиска иднина да станат сојузници. Историјата е важна. Но ние можеме да ја промениме само иднината, напиша на својот Твитер профил по средбата министерот Димитров. Тој во Сунио, на покана на неговиот грчки колега Никос Коѕијас, учествува на Вториот состанок на министрите за надворешни работи на балканските земји и Вишеградската група.

Утре средба Папандреу-Димитров во Сунио

Даниел Василев — Wed, 09 May 2018 19:00:13 +0000

Со поранешниот грчки премиер, а сега лидер на Сегрчкото движење на демократските социјалисти и на социјалистичката интернационала, Јоргос Папандреу ќе оствари средба утре во Сунио шефот на македонската дипломатија, Никола Димитров. Информацијата за дописничката на МИА од Атина ја потврди самиот Папандреу по средбата со грчкиот премиер, Алексис Ципрас. Поранешниот премиер за надворешната политика разговараше со Алексис Ципрас, а потоа замина на средба со Никос Коѕијас. - За земјата да оди напред потребна е национален консензус и компромис. И сите имаме должност да му служиме на тоа, рече Папандреу по средбата со Ципрас и додаде дека надворешната политика, особено во критични моменти за Грција бара одговорност и чисти гласови. МИА