јорм – Kurir.mk

Обвинителство ќе ја промовира новата интернет-страница

Ивона Петрова — Thu, 05 Dec 2019 06:40:10 +0000

Јавното обвинителство на Република Северна Македонија денеска ќе ја промовира новата интернет-страница, овозможена со финансиска поддршка од мисијата на ОБСЕ во Скопје. На промоцијата ќе присуствуваат државниот јавен обвинител Љубомир Јовески и амбасадорот Клеменс Која, шеф на мисијата на ОБСЕ во Скопје.

Обвинителството започна предистражна постапка во врска со бегството на Груевски

Ивона Петрова — Thu, 15 Nov 2018 12:50:06 +0000

Основното јавно обвинителство за гонење на организиран криминал и корупција следејќи ги информациите во врска со бегството на осудениот Н.Г., како и написите на медиумите и интересот на јавноста, оформи предмет по допрен глас, се вели во соопштението. -Во врска со настанот постојат основи на сомневање дека одредени службени лица, злоупотребувајќи ја својата службената положба и овластување, му овозможиле на осудениот нелегално да ја напушти Република Македонија. Предметот е доделен на надлежен обвинител и во рамки на предистражната постапка издадени се Наредби за прибирање податоци поврзани со настанот, се наведува во соопштението од Обвинителството.

Комисија при ЈОРМ: До 10 часот не е пријавен кривично правен или посериозен инцидент

Ивона Петрова — Sun, 30 Sep 2018 09:02:18 +0000

Комисијата за следење евентуални противправности сторени при организирањето и спроведувањето на референдумот информира дека до 10.00 часот утринава не е пријавен кривично правен настан или посериозен инцидент кој би значел повреда на правото на гласање и противзаконито дејствување предвидено во Глава 16 – Кривични дела против изборите и гласањето од Кривичниот законик, како и други кривични дела кои би биле сторени при организирањето и спроведувањето на референдумот. Во соопштението наведуваат дека дежурни јавни обвинители во сите Основни и Виши јавни обвинителства го следат процесот на гласање и се подготвени да ги преземат сите потребни дејствија за откривање и гонење на сторители на кривични дела кои се поврзани со процесот на гласање за референдумот. - Јавното обвинителство е во постојана комуникација и координација со Министерството за внатрешни работи и дадени се насоки за итно преземање мерки за прибирање докази за евентуално сторени противправности и попречување на правото на глас на граѓаните, стои во соопштениет во кое се додава дека јавното обвинителство во континуитет ќе продолжи будно да ги следи случувањата во текот на денешниот ден. Посочуваат дека за сите незаконитости веднаш ќе бидат преземени со закон определените мерки согласно надлежноста на јавното обвинителство. МИА

Комисија на ЈОРМ ќе следи евентуални нерегуларности на референдумот

Ивона Петрова — Sun, 30 Sep 2018 05:05:12 +0000

Привремена комисија формирана од Јавното обвинителство на РМ ќе ги следи евентуалните противправности при организирањето и спроведувањето на референдумот. Во Комисијата членуваат по еден јавен обвинител од четирите Виши јавни обвинителства и еден обвинител на ОЈО Скопје. - Дадени се задолженија на денот на гласањето покрај редовните да има и дополнителни дежурства, со цел навремено делување ако има евентуални кривични дела, изјави за медиумите јавниот обвинител Џељаљ Бајрами, додавајќи дека со тоа се покрива целата територија на државата Тој посочи дека е воспоставена комуникација со сите обвинителства и со припадниците на МВР, кои ќе бидат на терен и ако има некое кривично дело да ги известат за да можат да делуваат навремено да собираат докази. Целта на ЈОРМ е на овој начин да се потенцира борбата против кривичните дела поврзани со изборниот процес и гласањето и да се даде поголем придонес кон нивно сузбивање и превенирање. Јавното обвинителство на Република Македонија ја повикува јавноста, граѓанските организации, други организации, политички партии, домашни и меѓународни институции и сите кои сметаат дека во некоја постапка има индиции за сторено кривично дело поврзано со организизирањето и спроведувањето на референдумот, да достават поднесок/пријава до Комисијата на електронската адреса: [email protected]. МИА

ОЈО со обвинителен акт за 30 лица за настаните за 27 април поради „терористичко загрозување на уставниот поредок и безбедноста“

Ивона Петрова — Tue, 27 Mar 2018 11:32:39 +0000

Јавното обвинителство на РМ денеска до основниот суд Скопје 1 поднесе обвинителен акт против 30 лица во врска со настаните од 27 април 2017 година, соопшти на прес-конференција државниот јавен обвинител Љубомир Јовески. Како што Јовески појасни, 28 лица од нив се обвинети за кривично дело „терористичко загрозување на уставниот поредок и безбедноста“ од член 313 од КЗ, а две лица се обвинети за помагање при вршење на истото кривично дело. Обвинетите, според Јовески, го загрозиле уставниот поредок и безбедноста на РМ со акт на насилство со што создале чувство на несигурност и страв кај граѓаните. -Опсежаната истрага утврди, а уверени сме дека во судската постапка и ќе се докажe, дека обвинетите дејствувале со иста цел, извршувајќи поврзани и усогласени дејствија на битието на кривичното дело. Ве уварувам дека Обвинителството ќе продолжи да постапува согласно законот, имајќи предвид дека гонењето го врши во јавен интерес, и заради тоа неговата активност е наосечна, пред се, пред лицето на правдата да ги донесе сите кои сториле кривично дело и и секој да одговара за тоа што го сторил, обезбедувајќи го принципот на правна сигурност како еден од фундаменталните аспекти на владењето на правото, изјави Јовески на прес конференцијата на ЈО. МИА

Јовески: Обраќањето на четворицата обвинители е непрофесионално

Ивона Петрова — Fri, 16 Mar 2018 15:04:18 +0000

Државниот јавен обвинител Љубомир Јовески ја осудува постапката на дел од обвинителите во ЈОРМ за објавеното соопштение за кривичниот предмет во врска со трагичната смрт на Алмир Алиу, бидејќи смета дека таквото обраќање е непрофесионално и е прекршен Етичкиот кодекс на јавните обвинители во Македонија. - Како Јавен обвинител на Република Македонија ја осудувам постапката на дел од јавните обвинители во Јавното обвинителство на Република Македонија за објавеното соопштение за кривичниот предмет во врска со трагичната смрт на 4-годишниот Алмир Алиу, бидејќи сметам дека таквото обраќање е непрофесионално и дека со тоа се повредува функцијата јавен обвинител и тешко е прекршен Етичкиот кодекс на јавните обвинители во Република Македонија. Нивната постапка ја доведува под сериозно сомневање независноста, непристрасноста, лојалноста и достоинството на јавниот обвинител, бидејќи нивниот настап е предизвикан од други цели кои не се поврзани со извршување на јавнообвинителската функција, наведува во пишаната изјава Јовески. Нема да допуштам, посочува Јовески, влијание од кого и да доаѓа, а кое ги попречува напорите за средување на состојбите во јавното обвинителство во насока на професионално, стручно, непристрасно, совесно и законито извршување на јавно обвинителската функција. - Јавните обвинители во вршењето на функцијата не смеат да дозволат да бидат надвладеани од субјективни мислења и проценки, од притисокот на јавноста или политиката. Законот за секого и во секој предмет е еднаков за сите, без оглед на национална, верска или политичка припадност и така треба да се применува, истакнува Јовески. Посочува дека предметот во детали е рефериран и разгледуван на колегиум на Вишото јавно обвинителство Скопје и на Проширен колегиум на Јавното обвинителство на Република Македонија, при што се оцени дека во кривичниот предмет е постапено во согласност со Законот за кривична постапка, Законот за јавно обвинителство и начелата во работењето на јавното обвинителство. - Со соопштението од јавните обвинители директно е нарушена функцијата јавен обвинител и се настојува да се влијае во одлуките по предметот, бидејќи тие конкретно не постапуваат по тој предмет и не можат во јавност да изнесуваат ставови што не добиле верификација на Колегиум. Затоа за нивната постапка ќе се расправа Колегиум на Јавното обвинителство на Република Македонија, а ќе побарам нивното однесување да го преиспита Етичкиот Совет на јавните обвинители, вели Јовески во изјавата за медиумите. Јавните обвинители Ферат Елези, Башким Бесими, Џелал Бајрами и Исмаил Дардишта во соопштение до медиумите сметаат дека со прекфалификацијата на кривичното дело „убиство“ во „тешки дела против безбедноста на луѓето и имотот во сообраќајот“ е сторено повреда на основните начела на Законот за јавното обвинителство, кои воедно се и основни и темелни вредности на Уставот на РМ. МИА