јошко гвардиол – Kurir.mk

Гвардиол: Среќен сум, не мора повеќе да размислувам како да го сопрам Халанд

Тале Кристо — Sat, 05 Aug 2023 12:59:52 +0000

Новото засилување на Манчестер сити, Јошко Гвардиол ги сподели емоциите од трансферот во англискиот клуб. -Се чувствувам неверојатно. Прекрасно е да се биде дел од овој тим. Одлуката беше многу едноставна, особено по толку совршена сезона. Отсекогаш сонував да играм во Англија - и потпишувањето со Манчестер сити е голема чест за мене. Да бидам искрен, сакав да ги избегнам натпреварите со Сити минатата година. Но, за жал, ние бевме еден од тимовите кои му се спротивставија на Манчестер сити во Лигата на шампионите. Знаевме дека ќе биде многу тешко. Атмосферата која владееше на Етихад е на друго ниво. Исто така, одлично е што сега го имам Ерлинг Халанд на моја страна. Тој е многу добар играч, моќен и брз. Среќен сум што повеќе не треба да размислувам за него, го цитира дефанзивецот прес-службата на „граѓаните“. Договорот со 21-годишниот Хрват е на пет години. Играчот ќе игра со број 24.

Манчестер сити го објави рекордниот трансфер на Гвардиол

Тале Кристо — Sat, 05 Aug 2023 12:18:41 +0000

Манчестер сити го објави трансферот на дефанзивецот на Лајпциг, Јошко Гвардиол. Договорот со 21-годишниот Хрват е на пет години. Играчот ќе игра со број 24. Трансферот ќе ги чини „граѓаните“ 90 милиони евра, со што Гвардиол стана најскапиот дефанзивец во историјата на фудбалот. Гвардиол настапува за Лајпциг од 2021 година. Хрватот на 87 натпревари за германскиот клуб има постигнато пет гола и три асистенции. Порталот „Transfermarkt“ ја проценува вредноста на дефанзивецот на 75 милиони евра.

Јошко Гвардиол официјално во Манчестер Сити за 100 милиони евра

Бошко Тасиќ — Thu, 20 Jul 2023 04:06:34 +0000

Хрватскиот фудбалски репрезентативец Јошко Гвардиол е нов играч на Манчестер Сити. Лајпциг и Манчестер Сити конечно се договорија за обештетувањето и Гвардиол веќе го завршил првиот дел од лекарските прегледи. „Гвардиол ги договори условите со Сити пред еден месец“, истакнува Фабрицио Романо кој редовно најбрзо ги објавува големите европски трансфери. Манчестер Сити на Лајпциг ќе му плати отштета од 100 милиони евра, а Гвардиол на тој начин ќе стане најскапиот стопер во историјата на фудбалот. Гвардиол досега за Лајпциг одигра 87 натпревари и забележа пет гола и три асистенции. Во меѓувреме и се приклучи на хрватската репрезентација за која има 21 настап и два гола, а со Лајпциг освои два Купа на Германија.

Гвардиол е најскап дефанзивец на сите времиња, се договори со Сити!

Ристе Здравков — Mon, 03 Jul 2023 09:40:24 +0000

Зделката е готова! РБ Лајпциг го продаде Јошко Гвардиол во Манчестер Сити и Хрватот станува најскап дефанзивец на сите времиња во светскиот фудбал. Долго време преговараа двете страни, а директорот на РБ Лајпциг потврди дека преговорите завршиле успешно. Гвардиол оди во Манчестер Сити за сума од околу 100.000.000 евра, а Пеп Гвардиола ќе го добие посакуваното засилување. 21-годишниот хрватски стопер се најде во фокусот за време на СП 2022 поради неговите добри партии, а во исто темпо играше и во Лигата на шампионите. За него Манчестер Сити ќе биде најголем предизвик во кариерата. Досега, Гвардиол играше само за Динамо Загреб и РБ Лајпциг.

Манчестер Сити го руши рекордот за најскап дефанзивец во историјата на фудбалот

Бошко Тасиќ — Sun, 25 Jun 2023 06:34:23 +0000

Актуелниот англиски и европски шампион Манчестер сити ги договори личните услови сп Јошко Гвардиол и наскоро ќе започне преговори со Ред Бул Лајпциг, објави новинарот кој е експрерт за трансфери, Фабрицио Романо. Романо објави дека Хрватот ја прифатил понудата на Граѓаните за висината на платата и должината на договорот. Сити во наредните денови ќе започне преговори со тимот Ред Бул Лајпциг кој бара 100 милиони евра отштета. Засега Сити е подготвен да плати 90 милиони евра, но за очекување е да се најдат на средина и Граѓаните да понудат дополнителни бонуси. Кога ќе се договорат двата тима, Јошко Гвардиол ќе стане најскапиот дефанзивец во историјата на фудбалот. Актуелен рекордер е Хари Мегваер за кого Манчестер јунајтед на Лестер му плати 87 милиони евра.

Гвардиола ќе плати 100 милиони евра за дефанзивец

Бошко Тасиќ — Tue, 25 Apr 2023 05:29:30 +0000

Англискиот фудбалски клуб Манчестер Сити сè уште е во игра за тројната круна, а тренерот Пеп Гвардиола веќе почнува да размислува и за летниот преоден рок и на врвот на листата со желби се наоѓа дефанзивецот на оваа екипа Јошко Гвардиол. Англиските медуми пишуваат дека Манчестер сити планира да потроши над 100 милиони евра за да го купи фудбалерот на Лајпциг, но претходно Гвардиола ќе мора да се ослободи од неколку фудбалери. Најверојатно од Сити ќе заминат Ајмерик Лапорт и Жоао Кансело, а од нивните трансфери екипата треба да заработи доволно пари за да може да покрие голем дел од отштетата за Хрватот.

„Халанд го мачеше и го уништи Гвардиол“

Ристе Здравков — Wed, 15 Mar 2023 13:04:03 +0000

Неверојатниот настап на Ерлинг Халанд постигна пет гола во победата од 7-0 против Лајпциг во осминафиналето од Лигата на шампионите, сосема очекувано е главна тема на Островот денес. Дуелот меѓу напаѓачот на Сити, кој важи за најдобар млад напаѓач во светот и Хрватот Јошко Гвардиол, кој беше прогласен за најдобар млад стопер и кој веќе го бараат најбогатите клубови во светот, целосно му припадна на Норвежанецот. Тој од 22. до 63. минута пет пати успеа да ја погоди мрежата на гостите, а Гвардиол апсолутно ништо не му можеше. Интересно е што Хрватот одигра очајно против Халанд, иако беше одличен на првиот натпревар против истиот ривал (1:1). Меѓутоа, сега сè беше поинаку. Рио Фердинанд, поранешениот стопер на Манчестер Јунајтед и Англија, а сега стручен коментатор истакна дека Халанд го уништил хрватскиот дефанзивец. „Многу зборувавме за него. Најголемите светски клубови го посакуваат, но Халанд се покажа како преголем залак. Го мачеше и го уништи. Гвардиол беше премногу нервозен и Халанд го победуваше на секој дуел. Овој натпревар беше кошмар за него“, истакна Фердинанд.

Реал Мадрид со мега понуда за Јошко Гвардиол

Ристе Здравков — Fri, 06 Jan 2023 15:00:26 +0000

Хрватскиот репрезентативец Јошко Гвардиол и понатаму е мета број еден на Челси и Реал Мадрид. Англискиот и шпанскиот тим се наддаваат за услугите на младиот стопер, а според германските медиуми желба на 20-годишникот е премин во главниот град на Шпанија. За тоа е подготвен да се откаже од три милиони евра во неговата плата. Челси нуди вртоглави девет милиони евра по сезона, но за Гвардиол доволни се и шест колку што изнесува понудата на Реал Мадрид. Но, за реализација на преминот и понатаму пречка останува сумата на трансферот. Лајпциг не планира да го продаде својот бисер за под 120 милиони евра, а според медиумите во Шпанија „кралската“ понуда изнесува токму 120 милиони евра, но во две рати по 60 милиони евра. Без разлика каде ќе заврши Гвардиол добра заработка ќе има и Динамо Загреб кој ќе добие 20 отсто од следниот трансфер.

Баерн не планира да го ангажира Гвардиол

Тале Кристо — Wed, 21 Dec 2022 10:54:11 +0000

Спортскиот директор на Баерн, Хасан Салихамиџиќ изјави дека клубот нема да го купи дефанзивецот на Лајпциг и Хрватска, Јошко Гвардиол. Тој истакна дека тимот е целосно екипиран. – Ги имаме Матијс де Лит, Дајо Упамекано и Лукас Ернандез, тројца врвни играчи. Го имаме и Јосип Станишиќ, кој треба да се појави на теренот. Затоа, не е планиран потпис на централен дефанзивец, го цитираат Салихамиџиќ германските медиуми. Оваа сезона Гвардиол одигра 19 натпревари за германскиот клуб во сите натпреварувања и постигна еден гол. На Светското првенство 2022 година во хрватската репрезентација, дефанзивецот одигра седум натпревари и постигна еден гол. Тој стана сопственик на бронзениот медал на турнирот.

Гвардиол: Многу од нас не се ни свесни што направивме

Бошко Тасиќ — Sat, 17 Dec 2022 18:16:10 +0000

Хрватскиот фудбалер Јошко Гвардиол имаше перфектно Светско првенство и е еден од најзаслужните што Хрватска дојде до бронзата на Светското првенство. „Многу од нас не се свесни што направивме. Покажавме дека се е можно кога е најтешко. Тешко е да се опише ова чувство. Пред четири години на море ги следев натпреварите на Хрватска и гледав како на нашите играчи им беше тешко таму“, вели Гвардиол. „Оваа победа им ја посветувам на моите родители. Без нив не би бил тука. Се радуваме на враќањето во Загреб и славјето со нашите фамилии“. Имаше една спорна ситуација во шеснаесетникот на Мароко кога Гвардиол беше фаулиран. „Не сум сигурен дали беше пенал. Ме закачи по нозете, но тоа сега не е важно“.