Јошко Миленковски – Kurir.mk

Миленковски: Оваа Италија е тоа што е САД е во кошарката со сите НБА ѕвезди

Бошко Тасиќ — Sun, 10 Sep 2023 10:56:47 +0000

Одбојкарската репрезентација на Македонија го заврши Европското првенство со оечкуван пораз од Италија на кое за првпат игравме во осминафиналето. За македонскиот стратег Јошко Миленкоски порача дека ова е уште една спектакуларна епизода од нивните животи и кариери. „Заврши уште една епизода од нашите кариери и тоа на едно спектакуларно Европско првенство. Одамна немав видено да демонстрира некој ваква сила како Италија против нас. Оваа селекција на Италија е како во кошарка САД да игра со сите НБА ѕвезди. Тие беа супериорни во многу фази од играта и бевме немоќни да сториме нешто повеќе. Во првиот сет бевме одлични, но откако тие почнаа да сервираат многу поагресивно веќе немавме шанси. Мислам дека Полска и Италија ќе играат финале на ова првенство, а ние ја имавме таа среќа и привилегија да играме против двете најдобри екипи во светот“, изјави Миленкоски.

Миленковски:: Имавме пракрасна атмосфера, големо благодарам до публиката

Бошко Тасиќ — Wed, 06 Sep 2023 20:04:20 +0000

Македонската машка одбојкарска репрезентација ги врши настапите во групната фаза од ЕП на четвртото место по што во осминафиналето од шампионатот во Бари ќе играме против Италија. „И на минатото ЕП, Чешка постигнувше големи резултати, сите играчи играат во полската лига. Нема што да жалиме, дали ќе беше Србија или Италија. Јас посакував против Италија ретка можност да се игра против светски и европски првак. Имавме прекрасна атмосфера, благодариме за поддршката. Да не се разочаруваат, ова можеби е максимумот. Можеби веќе не фати и заморот. После 2-0 е тешко е да се вратиш назад, особено кога противникот е подобар. Треба да бидеме задоволни, пред се од резултатот, имавме добри мечеви. Не можевме да парираме кога играш против супериорен противник. Мислам дека вчера бевме подобри“, вели Јошко Миленковски, кој потенцира дека Македонија со елитата ќе патува во Бари. Италија не чека во Бари, предводникот на национален тим вели дека треба да уживаат. „Станува збор за репрезентација со врвни играчи, генерација која ја немале одамна, која освои се што може да се освои. Ќе бидат главни кандидати и на ОИ во Париз. Треба да го најдеме задоволството во учеството во Бари, се пласиравме меѓу 16-те најдобри екипи. Ова треба да биде поттик за следните години, ова ЕП треба да биде пример како треба да функционира одбојката“, рече предводникот на нашиот најдобар национален тим.

Миленковски: Без Ѓорѓиев во составот е исто како без Лазаров во ракомет

Бошко Тасиќ — Tue, 05 Sep 2023 17:27:55 +0000

Селекторот на Македонија, Јошко Миленковски, по натпреварот против Холандија и поразот од 0-3 во сетови говореше за играта на „црвено-жолтите“ и дуелот со еден од фаворитите во нашата група на ЕП 2023. Предводникот на најдобрата селекција по вториот пораз на континенталниот собир кажа дека повредата на капитенот Никола Ѓорѓиев го разнишала тимот и дека недостасувале неговите поени на дуелот со „лалињата“. „Штета што немавме време малку да ја вежбаме оваа формација, но повредата на Никола дојде изненадувачки. Самодовербата ни беше разнишана, ненадоместиво е вакво неиграње. Ако на холандскиот состав не им е Нимир, ќе им биде тешко. Денес одигра цел натпревар против нас, а претходно редовно беше ротиран. Не сакам да го форсираме Никола, ако не може - нема да игра и со Чешка. Треба да го сочуваme за натпреварот во Бари. Околу нокаут-фазата, Италија или Србија нема голема разлика во елиминационата фаза. Италијанската репрезентација пред 10.000 гледачи е голем предизвик. Ако играме со европскиот и светскиот првак задоволство ќе биде да се игра. И против Србија е слично, тие се поранешни шампиони и имаат неспорен квалитет. Да им се извиниме на гледачите, но играме против најдобрите селекции во светот и Полска и Холандија не се исто како Данска и Црна Гора. Денес и Лука Костиќ и Стојан Илиев добија свои минути. Го имаме најмладиот одбојкар на првенството, Тоше Ефремов, кој е „бисер“ и кој верувам ќе биде лидер на нашата селекција во иднина. Денес пробавме да играме без Никола, утре имаме уште еден тренинг и пак ќе ги пробаме ротациите. Нашиот спорт е специфичен, не е лесно да се игра на туѓа позиција. Мора да имаме шема како треба да стојат одбојкарите за да не ги нарушат правилата на играта. Тоа гледачите не можат да го забележат, но без тоа внимание можеме да направиме техничка грешка и судиите да ни изречат казна. Најдобра варијанта е Никола Ѓорѓиев да е здрав и да игра. Неговите поени не се малку, тоа е како да фали Кире Лазаров на нашата репрезентација во ракомет“, изјави Јошко Миленковски. Одлучувачкиот натпревар за подобар пласман е дуелот против Чешка утре од 20:00 часот.

Миленкоски: Овој меч да го заборавиме и да уживаме во првенството

Бошко Тасиќ — Mon, 04 Sep 2023 04:23:53 +0000

Селекторот на машаката одбојкарска репрезентација Јошко Миленкоски порача дека сега треба само да уживаат.Тој накратко го раскажа мечот во кој Македонија најсилен и најконзистентен отпор пружи во вториот сет, кој го загуби со 22-25. „Ова треба да го заборавиме, иако имаше и добри моменти. Во првиот сет бевме добри некаде до средина, потоа го поставија блокот и беше невозможно да се помине. Во вториот сет имавме добра игра до 21-21, се додека не направивме три лесни грешки. Третиот веќе беше рутина“, рече Миленкоски.

„Денеска игравме против најдобрата екипа на планетата, против подобри не сум играл. Играв против еден поранешен мој играч, Бартож Курек, кој беше во моја екипа, потоа стана МВП на Светско првенство. Висок е 210 сантиметри и не можете да најдете против-игра на него. Тие сервираат со 120-130 на час. Можеби нашите симпатизери кои не следат толку одбојка ни ги знаат овие играчи, но тие што следат знаат против кого игравме. И другите репрезентации тешко играа против Полјаците. Ќе се обидеме повеќе на дуелите со Холандија и со Чешка. Можеби сме во осминафиналето, но едно црно сценарио вели дека и Црна Гора има уште шанси ако победи со некој од фаворитите. Но и ние имаме уште два наптревара. Сега дојде момент кога треба само да уживаме на ова Европско првенство против големи репрезентации', дополни Миленкоски. foto: ekipa.mk

Миленковски: Добро се подготвивме за овие натпревари, а имаме и голема помош од фантастичната публика

Ристе Здравков — Sat, 02 Sep 2023 20:06:25 +0000

Македонската одбојкарска репрезентација само чудо може да ја спречи да се пласира во осминафиналето од Европското првенство по денешнта фантастична победа над Црна Гора со 3-0. По натпреварот селекторот Јошко Миленковски не го криеше задоволството од новиот фантастичен натпревар, а имаше и пофални зборови како и за публиката така и за неговите играчи. „Овие две победи ни беа најважни, а потоа рековме дека ќе уживаме на ова првенство. Такви ни беа подготовките, ја темпиравме формата и како што рече капитенот многу одработивме, посветивме многу внимание на нашата игра, во техничко-тактички анализи и се останато и тоа вроди плод. Но, пред се мораме да бидеме благодарни на оваа прекрасна публика, за овој прекрасен амбиент. Имаме трема и возбуда. Јас зад мене имам стотици натпревари, но и јас имам трема пред ваква публика која не поддржува од се срце, пее и се радува заедно со нас. Не треба да застанеме тука. Утре имаме натпревар против најдобрите на светот, играчи кои се од друга планета и мислам дека самото тоа треба да претставува магнет за публиката. Нека биде тоа една ревија во која ќе уживаме сите заедно. Колку и да сме оптимисти, играме против најдобрите на светот. Нашето внимание ќе биде за следните натпревари и верувам дека нема да има изненадувајќи резултати до крајот. Ние нашето го направивме и верувам дека со оваа победа го потврдиме пласманот. Дуелот со Чешка мислам дека за сите нас ќе биде едно докажување и можност за постигнување на уште подобар резултат. Зошто да не одиме на вториот или третиот во следната фаза. Ние не се предаваме, гледате дека играме и во вакви натпревари од голем притисок. Секоја чест за играчите кои се покажаа во најдобро светло“, вели селекторот.

Миленкоски: Црна Гора е добро простудирана, само да реализираме на терен!

Бошко Тасиќ — Fri, 01 Sep 2023 17:17:10 +0000

Селекторот на машката одбојкарска репрезентација Јошко Миленкоски изјави дека триумфот над Данска ја подобрил атмосферата и на терен и надвор од него, па и подготвувањето оди подобро. Сега овој меч е најважен за нас, бидејќи може и математички да го расчисти патот кон осминафиналето. „Присутно е задоволството од првиот натпревар и постигнатата победа. Тоа ни дава некоја атмосфера и на тренинзите и во хотел. Важна беше таа победа, но беше само прв чекор, ние се подготвуваме за вториот, натпревар кој ќе ни ги отвори вратите на вториот круг. Меѓутоа се гледа и од денешниот меч Данска - Чешка дека е неизвесно и сигурно дека ќе има неизвесни мечеви до крајот на групната фаза. Она што е сигурно дека ние сме на вистинскиот пат. Очекуваме полна поддршка и на натпреварот со Црна Гора, тука ќе биде клучот, се надевам дека и по тој натпревар ќе бидеме добро расположени, па да се подготвуваме растоварено за тие врвни екипи кои не очекуваат“, вели Миленкоски. Црна Гора е познат противник, нашиот стручен штаб имаше можност да ја скенира и вчера, при поразот од Холандија, па не е ставена во прашање тактичката подготовка. „Имаме добра стратегија, добро ги анализираме сите противници. Мислам дека сме многу искусни во тој дел, имаме добри аналитичари и не е спорно дека добро ќе го подготвиме натпреварот, останува само тоа да се реализира на терен. Играчите се навистина искусни, ова им е трето ЕП, интернационалци се, во најзрелите години, секој си ја знае својата задача. Во тој дел сме перфектни“, додава Миленкоски.

Миленковски: Еуфоријата може да биде погубна, со ладни глави да ја дочекаме средбата со Црна Гора

Бошко Тасиќ — Thu, 31 Aug 2023 04:01:20 +0000

По победата над Данска, селекторот на машаката однојкарска репрезентација Јошко Миленковски беше задоволен од прикажаното. Тој посочи на грешки, меѓутоа ги повика играчите да не бидат еуфорични и да се спуштат на земја. „Ова беше еден возбудлив натпревар. Ги молам сите без еуфорија, не очекува тешка борба на сите следни мечеви. Вакви дуели се играат тешко, во Европските лиги и Купови, тешко е да се надмине возбудата. Секој поен беше за инфаркт, беше навистина тешко да се издржи. И покрај големото искуство, треперев бидејќи имаме мисија да се пласираме во втор круг. Сите сме професионалци, на добар пат сме, ова беше пресуден натпревар. Со Црна Гора ќе биде исто така тешко. Треба добра анализа и подготовка. Ако дојдеме до ситуација да ја победиме, до крајот на турнирот ќе можеме да играме растеретено против големите репрезентации. Денес правевме невообичаени грешки, а тоа беше поради притисокот. Изгубивме лесни поени, но потполно ги разбирам играчите. Навистина ова беше натпревар со големи емоции. Против Црна Гора можеме да ја добиеме оваа селекција, тоа е селекција на нивото на Данска. Се работи за подмладена репрезентација, полетна која сака да се претстави најдобро. Не смее да завладее еуфорија кај нас. Мора да се спуштиме на земја и чекор по чекор со ладни глави да одиме понатаму во следните предизвици“, изјави Миленковски. Следен ривал во групата е Црна Гора, натпревар кој е закажан за в сабота. foto: gol.mk

Одбојкарите ги почнуваат финалните подготовки за Европското првенство

Бошко Тасиќ — Wed, 23 Aug 2023 04:18:44 +0000

Македонската машка одбојкарска репрезентација по еднодневната пауза по учеството на Меморијалот „Чајка“ од стартуваат со финалните подготовки во СЦ „Борис Трајковски“ за настапот на Европското првенство кое од 30. август стартува во Скопје. За избраниците на селекторот Јошко Миленкоски следи фналната подготвителна фаза по одигрувањето на тест натпреварите.

„Може да искажам задоволство од досегашниот тек на подготовките. Го реализиравме тоа што го планиравме, секако утврдени се одредени недостатоци кои ќе мора да ги корегираме. Имаме доволно време до почетокот на шампионатот, и мислам дека максимално подготвени ќе го дочекаме Европското првенство“ изјави селекторот Миленковски.

На тренинзите од денеска се враќа и повредениот Филип Маџинков кој ја санираше повредата на коленото. Првиот натпревар на Европското првенство Македонија го игра против Данска на 30. август. Данците наредниве денови ќе одиграат четири контролни натпревари на турнир во Хрватска.

Македонските одбојкари ги почнаа подготовките за Европското првенство

Бошко Тасиќ — Tue, 18 Jul 2023 03:56:41 +0000

Македонската машка одбојкарска репрезентација ги започна подготовките за Европското првенство на кое од крајот на август ќе бидат домаќини на натпреварите од групата Ц против Црна Гора, Полска, Холандија, Чешка и Данска. Селекторот Јошко Миленковски на подготовките повика 19 одбојкари кои ќе одиграат 11 контролни натпревари до почетокот на Европското првенство, чиј кодомаќини од 28 август до 16 септември ќе бидат и Италија, Бугарија и Израел. Првите контролни натпревари ќе бидат одиграни против Романија од четврти до шести август во салата „Јане Сандански“ во Скопје, по што националниот тим ќе се пресели во Кавадарци каде ќе одигра пријателски натпревари против Израел и Јапонија. Одбојкарската федерација на Македонија (ОФМ) од 18 до 20 август во Скопје ќе биде домаќин на традиционалниот меморијален турнир „Чајка“ на кој покрај македонската ќе настапат и селекциите на Јапонија, Грција и Египет. Настапот на Европското првенство во групната фаза во Скопје избраниците на Миленковски ќе го почнат против Данска на 30 август.

Македонските одбојкари стартуваат со подготовките за Европското првенство во Скопје

Ивона Петрова — Wed, 12 Jul 2023 19:31:49 +0000

Седум недели до првиот натпревар на Македонија на Европското одбојкарско првенство 2023, последни денови од одморот на одбојкарите пред почетокот на подготовките за континенталниот собир. Селекторот Јошко Миленкоски ќе прозива в понеделник, а репрезентацијата ќе тренира во Скопје. Македонските одбојкари за да бидат во вистинската форма ќе одиграат 11 контролни натпревари со пет репрезентации. Трипати ќе се тестираме со Романија, двапати со Израел, четирипати со Јапонија, а по еднаш со Грција и со Египет. Ова значи дека во период од триесетина денови кај нас ќе има 30 натпревари врвна европска одбојка. Македонија третпат ќе игра на европско првенство, премиерно дома, во „Борис Трајковски“ од 30-ти август до 6-ти септември.