јован донев – Kurir.mk

Донев: Системот на правосудство во Македонија е уништен, тоа го докажува и последниот избор за судии

Дарко Андоновски — Sun, 02 Apr 2023 11:24:01 +0000

Јован Донев, поранешен амбасадор и универзитетски професор на денешната панел дискусија тема „Извештај на Стејт Департментот:Сериозна владина и судска корупција“ зборуваше за последниот извештај на Стејт Департментот каде посочи дека во тој извештај е отсликана реалната состојба во Македонија каде се покажува есктремната корупција и екстремна злоупотреба на владеење на правото. -Тоа е стандарден извештај само стандардна форма веќе десетина години ако не и повеќе наназад, се труди да ги нотира состојбите во областа на демократијата и владеењето на правото во сите држави во светот, некои држави го прифаќаат, некои го одбиваат, некои се задоволни, некои не се задоволни. Преку тој извештај се обидуваат да ги фатат големите случаи каде има големо кршење на човековите права или владеењето на правото, немаме нешто повеќе да додадеме или одземеме од тој извештај, реално е отсликана состојбата за Македонија. За разлика од минатата и предминатата година имаме заострување на вордингот, на термините што ги употребуваат, дека имаме екстремна корупција, екстремна злоупотреба на владеење на правото и така натаму, што е факт и го знаеме сите ние. Всушност немаше ни потреба да го чекаме овој извештај, зошто и анкетите јасно тоа го покажаа, рече Донев. Донев во текот на своето обраќање се осврна и на две важни реченици кои него најмногу го засегнале. -Она кое мене најмногу ме засегна и имам доста дилеми зошто е тоа така, тоа се само две реченици. Во една реченица зборува дека имаме од страна на социјадемократскиот сојуз екстремна злоупотреба на клиентализмот, полтронство и втората реченица дека ВМРО-ДПМНЕ во неколку наврати реагира на таквата позиција и таквото однесување на социјалдемократскиот сојуз. Ако вие имате клиентализам во една политичка партија, а не само во една политичка партија туку насекаде во Република Македонија и ако имате форсирање на своите членови на партијата или на своите истомисленици во тој случај имате драстично кршење на слобода на убедување и тоа не е нешто што е дозволиво и мислам дека е многу полоша и од корупцијата. Вие не можете некому да не му дозволите да не се вработи затоа што не е член на СДСМ, вие имате ситуација дека не можете ниту помош да добиете, ниту грантови од Министерството за култура или образование, економија и така натаму ако не сте нивни член или нивни симпатизер или нивни член. На тој начин има серозно драстично кршење на човековите права во Република Македонија и тоа е нешто кое мора да го елиминираме. За мене тоа е сериозно прашање и поврзано со ова прашање, ако вие имате мислење или ако имате убедување кое што се спротивни од убедувањата на владејачката гарнитура во Република Македонија, во тој случај не само што се дискриминирани по тој основ, туку ви е дискриминирано правото на потрага по среќа. Луѓето си одат од Македонија, да, не само што Македонија е економски неразвиена, туку затоа што и правото по потрага на среќа ви е скратен, потенцираше тој. Донев на крај порача дека имате ваков уништен систем на правосудство како што го има Република Македонија нема никаде на друго место, а за тоа е и доказот за избор на судии. -Вие не можете да имате ваков уништен систем на правосудство како што го има Република Македонија, и тоа е резултат на тоа дека ако вие бирате судии односно бирате студенти што ќе завршат академијата за судии и јавни обвинители по политичка припадност, во тој случај не можете да очекувате да имате делење на правдата. Јас мислам дека ескалацијата на сето ова се случи по потпишувањето на договорот со Преспа, кажа Донев.

Донев: СДСМ е заробена партија, Заев промовира свој пулен кој мораше да го бараме на интернет за да знаеме кој е

Магдалена Андонова — Tue, 07 Dec 2021 18:56:08 +0000

Фактот дека Ковачевски се појави на преговори уште пред Заев да ја поднесе оставката и да преговара тоа беше октроирање на нов претседател. Вие си давате оставка и може да имате нов пулен, но треба да си молчите, а членството е тоа што треба да го избере новиот претседател, вели во „Што не е јасно“ на Алфа, Јован Донев поранешен амбасадор. Според него каков ќе биде новиот претседател доволно кажува тоа што никој не го знаеше и што мораше да го бараме на интернет. - Ако СДСМ најавува нов кандидат и ние мора да отвораме на интернет за да видиме кој е тој кандидат доволно тоа ни кажува. СДСМ е заробена партија, одредени членови го поддржуваат Заев затоа што на некој начин тоа го прават од лукративни цели. СДСМ си има внатрешен сериозен партиски проблем и тоа се покажа на изборите, рече Донев. Тој истакна дека ова сега ќе биде уште еден удар за таа партија и може да дојде навистина до пасокизација на СДСМ, но Заев тоа не го интересира. - Заев не го интересира ниту партијата, ниту нацијата, туку само тоа што му е дадено на маса, изјави Донев.

Донев: СДСМ е заробена партија, Заев промовира свој пулен кој мораше да го бараме на интернет за да знаеме кој е

Дарко Андоновски — Tue, 07 Dec 2021 18:34:18 +0000

Донев: Власта сака да попушти пред Бугарија, а да прикаже дека постигнале компримисно решение, истата шема како со Преспанскиот договор

Дарко Андоновски — Tue, 07 Dec 2021 18:27:44 +0000

Власта не се надева на притисок кон Бугарија, туку сака тоа што се спремни да го направат, да попуштат на бугарските барања, и тоа е очигледно, тоа да го претстават дома дека постигнале компримисно решение кое ги задоволува двете страни. Ја користат истата шема со Преспанскиот договор, изјави во „Што не е јасно“ на Алфа, поранешниот амбасадор Јован Донев. Според него случувањата со новото мнозинство ни покажаа дека во Македонија се е пазар и затоа не може да се очекува нешто сериозно, ниту да ги интересира што мислат гласачите, туку да го завршат тоа за што се дојдени. - Заев мора да одработи тоа што го ветил, затоа тој мора да и даде се на Алтернатива, а тие нормално дека ќе си земат, оти тој нема друга опција во моментов. Која е логиката да му ги бирате министрите, мандатарот си ги бира. Ова е клика создадена надвор од допир со граѓаните. Последниве 10 дена ќе бидат клучни и опозицијата мора да му се спротивстави на Заев, затоа што мислам дека влагаме во неповратен амбис, рече Донев. Донев посочи дека од бугарска страна имаме национал-шовинизам кон Македонија, негирање на постоење на македонската нација и јазик, и затоа македонската страна има погрешен приод во преговорите, а дека Бугарија нема да попушти. - Во бугарските позиции нема да има никакви промени, без разлика дали е министер или технички министер за надворешни работи. Може да има промена во тактиките и тоа ќе зависи од новата бугарска влада, друго ништо нема да се смени. Вие не може да ги убедите Бугарите дека постои македонски јазик. Ако се потпише сега нешто со Бугарија, кренат ќе биде прагот на бугарските барања во идни преговори, истакна Донев. Тој потенцира дека Бучковски како специјален пратеник за Бугарија со изјавата дека има омекнување во ставовите на двете страни само покажа дека не ја познава бугарската политика.

Донев: Оваа влада е закана за демократијата во Македонија, на владата на СДСМ и Заев воопшто не им е гајле што мислат граѓаните за носење на 650 Авганистанци

Катерина Бојаџиева — Mon, 23 Aug 2021 18:49:26 +0000

Оваа влада е закана за демократијата во Македонија. И тие го знаат тоа, затоа вака се однесуваат и кон Авганистанците, се додворуваат за да не бидат пожестоко нападнати од некоја странска сила, ним им е гајле што мислат Македонците или граѓаните на Македонија што воопшто мисли з владата, нив тоа воопшто не ги интересира. Затоа така се однесуваат, истакна универзитетскиот професор и поранешен амбасадор Јован Донев, во гостување во емисијата „Што не е јасно“ на ТВ Алфа за владата на СДСМ и одлуката на премиерот Зоран Заев, 650 Авганистанци да се доселат во Македонија. Донев посочи дека САД не побарала да се донесе ваква одлука, туку дека власта на СДСМ и Заев сами се понудиле, коментирајќи дека пред два до три месеца на состанок со министрите за надворешни работи на Македонија, Косово и Албанија е договорена координација на надворешната политика, укажувајќи дека тој смета дека Македонија не смеела да влегува во вакви комбинации бидејќи има отворено други праша кои можат да се рефлектира на безбедносен план. -Американците не побараа од нас ние да примиме бегалци, ние сами им се понудивме и втора работа што мене повеќе ме загрижува имам впечаток и мислам дека македонските медиуми не го објавија, меѓутоа пред два до три месеци имаше трилатерална средба на министрите за надворешни работи на Македонија, Косово и Албанија каде што беше договорена координација на надворешните политики и ова се повеќе ми личи дека се работи за надворешна политика помеѓу овие три држави и тоа е нешто што ме загрижува затоа што Македонија доколку е вистина, Македонија не треба да влегува во такви комбинации и да координира надворешна политика со Косово и Албанија затоа што имаме ние отворено и други прашања кои што може да ни се рефлектира и на безбедносен план и најдобро ќе беше да почекаме, вели тој.

Донев: Не треба да се верува во изјавите на Заев за преговорите со Бугарија, истото го правеше кога се колнеше во децата пред Преспанскиот договор

Катерина Бојаџиева — Thu, 03 Jun 2021 18:20:19 +0000

Поранешниот амбасадор на Македонија во Велика Британија, Јован Донев во врска со предлогот од страна на Португалија за продолжување на преговорите со Бугарија за одблокирање на процесот за интеграција на Македонија, вечерва во „Само Вистина“ во Канал 5 телевизија, истакна дека за предлогот од Португалија не треба да им се верува на изјавите на Заев, затоа што тој е несериозен политичар кој се колнеше во децата пред потпишување на Преспанскиот договор. -Треба да ги тргнеме на страна изјавите на Заев, тој е несериозен човек, тој истото го зборуваше и во децата се колнеше уште пред потпишување на Преспанскиот договор, така да тој не е сериозен политичар, од еден аспект, а од друг треба да се има во предвид дека кога зборуваме за македонската надворешна политика таа се базира на дневно политички цели, зборувам за подолг период, а тоа се гледа како од ден на ден се работи нема долгорочна стратегија, а и тоа е нормално во ситуација кога во државата немаме стратегија за долгорен развој, не може да се очекува дека ќе се има долгорочна надворешна политика, затоа што внатрешната политика и надворешната се една целина, критикуваше Донев. Донев вели дека никој не одговара за ваквата ситуација, прво оваа држава нема стратегија за национална безбедност, а ние сме една од ретките држави во свет која нема таква стратегија. -Нашата грешка беше тоа што го потпишавме тој договор со Бугарија, затоа што се потпиша договор без никакво знаење, без доволно информации што се подготвува, а тие што се најзадолжени за тоа не си ја завршиле работата, вели Донев. Тој вели дека држава како Бугарија која сеуште го слави 3-ти март денот на потпишување на „Сан Стефанска Бугарија“ сеуште живее во сонот за „Голема Бугарија“ и таа сеуште живее во сонот дека Македонија ќе биде дел од Бугарија, како и тоа дека ние сме Бугари и сега сакаме со нив да преговараме. -По прес конференцијата на Захариева кога таа на истата по владината седница ги објави точките кои влегоа во бугарската Декларација ние имавме отприлика седум дена, а ниту еден човек во Македонија не реагираше на таа прес конференција на Захариева, а можевме во тој момент да запреме со преговорите за да спречиме тој документ да дојде во парламентот на Бугарија, тоа можеше да се спречи, но ние дозволивме сега и правно Бугарската влада се повикува на тој документ, критикуваше Донев.

Донев: Георгиевски и Бучковски се ликови кои мора да се на функција за да може Заев да го продаде тоа што го смислил

Ивана Ефремовски — Wed, 03 Mar 2021 18:38:19 +0000

„Не би сакал да го коментирам Љубчо Георгиевски, не ме интересира тој човек. Тоа се тие ликови на таа издвоена политичка елита кои немаат допир со интересите на македонските граѓани туку тоа се ликови кои што едноставно нив судбината на Република Македонија и иднината на Република Македонија не ги интересира. Тие ја гледаат својата позиција, ги гледаат своите интереси, и своите некакви фрустрации, меѓутоа и свои лукративни интереси итн. Поради тоа не вреди да се говори за позицијата на Љубчо Георгиевски“, истакна Јован Донев, универзитетски професор и поранешен амбасадор во емисијата „Што не е јасно“. Донев додаде: “Нека му остане на чест на Георгиевски, бил премиер на Македонија, исплукал се што говорел претходно, земал туѓо државјанство. А, за жал ги има доста луѓе како него што ја продаваат македонската историја за пари“. -Бучковски е иста приказна како Георгиевски. Бучковски дури и немаше потреба таа позиција да ја прифати, воопшто не знам зошто ја прифати. Но тоа е негов избор како на Георгиески. Нема зошто тоа да го прави, ниту ја знае таа проблематика. Не верувам дека има познавања од бугарската историја за да може да зборува со авторитет со Бугарите. Не верувам дека има познавања и од бугарската политика исто така за да зборува со авторитет, рече Донев. Донев посочи дека и Бучковски е еден од тие ликови кој мора да е на функција за да може Заев да го продаде тоа што го смислил.

Донев за Заев: Нема никаква логика во неговото образложение денеска во Собранието, граѓаните и државата станаа негови заробеници

Ивана Ефремовски — Wed, 03 Mar 2021 18:12:33 +0000

„Суштината е дека нема никаква логика во образложението на Заев денеска во Собранието. Јас го слушав образложението негово, дека бара доверба на владата заради тоа што ВМРО-ДПМНЕ тврди дека нема доверба на владата. Прашање на опозицијата е да тврди што сака, тоа е нејзино прашање. Премиерот на владата не треба да се занимава со тоа прашање,а уште помалку да докажува на јавноста дека има мнозинство или нема. Во прво гласање на закон ќе се види дали има мнозинство или нема“, истакна Јован Донев, универзитетски професор и поранешен амбасадор во емисијата „Што не е јасно“. Донев додаде дека последниве години откако е Заев премиер Македонија и македонските граѓани станаа негови заробеници. „Ние сме заробеници на условно речено една елита која е и политичка, и бизнис, и интелектуална елита условно ако можам така да кажам. Тоа не е елита, тоа е еден тенок слој кој што веќе одреден период нема никаква врска со мнозинството граѓани во Република Македонија“, појасни Донев. Донев посочи дека по секоја цена СДСМ сака да ја задржи својата власт во Македонија, не работи за доброто на граѓаните. „Заев ќе прифатеше се дури и бугарските барања, како што прифати од Грците, тука да не се лажеме. Никакви дилеми немам околу тоа прашање. Проблемот е што има сериозен отпор внатре во неговата партија и помеѓу неопределените граѓани на Република Македонија. И заради тоа така се однесува Заев. За него нема проблем да се прифатат барања од соседните држави“, рече Донев.

Донев: Четири години оваа влада не заземе своја позиција по ниедно прашање

Ристе Здравков — Mon, 09 Nov 2020 22:00:12 +0000

Јован Донев, универзитетски професор и поранешен амбасадор во Лондон во своето гостување во емисијата „Заспиј ако можеш“ зборуваше за нон-пејперот кој денеска беше објавен и што е договорено помеѓу македонскaта и бугарската страна. -Прво од македонската страна знаејќи кој бил во Берлин и кој ги дава инструкциите македонската страна ќе прифати се што може, што ќе и се чини дека може да го продаде на македонскта јавност како успех на македонскта дипломатија. Немојте да мислите дека македонската страна ќе заземе своја страна, своја позицијата, таква позиција не видовме, не видовме 4 години од оваа влада по ниедно прашање. Така да дали македонскиот јазик е кодициран 45 година или покасно, тоа е само една добра обланда за да Зоран Заев и министерот за надворешни да кажат ние победивме и тука нема ништо друго. Јас не очекувам дека Македонија излегла со некој предлог, истакна Донев во своето гостување.

Донев: Не очекувајте МНР да реагира за случајот со Еди Рама и Шар Планина

Ристе Здравков — Tue, 29 Sep 2020 16:32:43 +0000

Универзитетскиот професор и поранешен амбасадор, Јован Донев во своето гостување во емисијата „Што не е јасно“ зборуваше за фотографијата каде Еди Рама со слика од македонска Лешница, Шар Планина ја промовира Албанија и посочи дека и да немаше извинување од страна на кабинетот на Еди Рама, МНР ќе молчеше. -Ова што го направи Еди Рама може да се толкува и како провокација, барем последното што го слушнав е дека портпаралот на Еди Рама се извинил зошто имале исто место со нас и би требало тоа да го прифатиме. Но, треба да се видат следните потези дека може да е провокација, да се опипа терен и да се види како ќе реагираат македонските органи и која стратегија ќе ја применат понатаму, така да треба да се биде претпазлив секогаш кога се во прашање такви намерни или ненамерни грешки. Ова треба да се запамти, да не се заборави, да се има во превид дека е направена грешка и да видиме дали ќе има следна грешка, истакна Донев. Имено тој посочи дека Министерството за надворешни работи предводено од Бујар Османи нема да испрати протесна нота и да немаше извинување ќе молчеа. -Не очекувајте од нашето МНР да испрати протесна нота и да немаше извинување ќе молчеа. Ќе се задоволеа со изјавата дека кабинетот на Заев го контактирал кабинетот на Еди Рама и тука ќе завршеше приказната, додаде Донев.