Јован Јаулески – Kurir.mk

Јаулески: Власта успеа да обезбеди едвај 70 пратеници што ниту навидум не е дека ќе успее во целта

Катерина Бојаџиева — Fri, 18 Aug 2023 11:09:07 +0000

Мојата должност кон мојот македонски народ и Република Македонија е исполнета - гласав #ПРОТИВ точката на дневен ред за отворање на Уставот кое има за цел ново предавство, вели Јован Јаулески, пратеник на ВМРО-ДПМНЕ. -Власта успеа да обезбеди едвај 70 пратеници што ниту навидум не е дека ќе успее во целта. Ќе се бориме и ќе успееме, до крај за Македонија!, додава Јаулески.

Јаулески: Ниту Груби ниту Ковачевски ги градат коридорите со свои пари од џеб, за да со вакви штетни и непромислени брзи законски решенија ги оштетуваат граѓаните и ја осакатуваат државата

Тале Кристо — Mon, 22 May 2023 11:17:03 +0000

Денес на дневен ред е законот за изменување и дополнување на законот за градење поврзан договорот за изградба на коридорите 8 и 10 Д и како на брза лента исто како и минатите закони законот за урбанистичко планирање законот за работни односи денес на дневен ред е овој закон со кој што треба побрзо да се реализира она што е договорено и да се крие од очите на јавноста. Оваа проектирана сума од милијарда и 300 илјади евра нема да биде финална затоа што со ваков начин на градење штетите кои што ќе настанат ќе бидат далекусежни и ќе чинат повеќе милиони евра пари на граѓаните, нагласи пратеникот од ВМРО-ДПМНЕ, Јован Јаулески на денешната собраниска седница. Пратеникот од редовите на ВМРО-ДПМНЕ, Јаулески додаде и дека во секоја друга европска држава ваквите закони би оделе на нивните матични комисии каде што ќе може да се дискутираат со експерти и останатите стручни лица од областа. -Со потпишувањето на договорот Благој Бочварски, Ејуп Рустем излегле надвор од своите надлежности и врз основа на тој договор ние сега менуваме закони. Тие ја презеле како влада, како претставници на извршната власт улогата на собранието и потпишале договор со што го обврзале собранието на сето ова. Наместо да склучуваат договори согласно постоечкото законодавство. Во секоја нормална држава овие закони за експропријација, за проектирање, за работни односи би оделе на нивните матични комисии, комисијата за труд и социјала, комисијата за транспорт, каде што ќе може да учествуваат и коморите и стручни лица да ги дадат своите забелешки со цел најдобро решение со кое ќе се изградат овие коридори, нагласи Јаулески. Јаулески истакна и дека ниту вицепремиерот, ниту премиерот ги градат коридорите со свои пари од џеб, за да со вакви штетни и непромислени брзи законски решенија ги оштетуваат и понатаму македонските граѓани. -Ниту Артан Груби ниту Ковачевски ги градат коридорите со свои пари од џеб, за да со вакви штетни и непромислени брзи законски решенија ги оштетуваат и понатаму македонските граѓани и ја осакатуваат македонската држава, истакна Јаулески.

Јаулески: Груби наместо на камен темелник требаше да биде викнат во ЈО и наместо маичка со број 8 треба да носи маичка со бројот 22

Тале Кристо — Tue, 04 Apr 2023 21:04:57 +0000

Во вечерашната емисија „Заспиј ако можеш“ на Алфа Телевизија пратеникот од редовите на ВМРО-ДПМНЕ, Јован Јаулески истакна дека тој смета дека наместо на камен темелник Артан Груби требало да биде викнат во Јавното Обвинителство. „Јас наместо на камен темелник очекував Артан Груби да биде викнат во Јавното обвинителство и наместо со маичка на која што го има бројот 8 да ја има маичката 22 затоа што спорниот тендер за надзор на изведба на овој проект кој што чини милјарда и 300 милиони евра е премногу скандалозно. Она на што сакам да се осврнам е да потсетам на овој скандал за тендер за надзор кој што го направи Артан Груби каде што се избраа четири фирми од кои што едната фирма е за правење на долна облека од Велес, „Електра Солушн“, додека другата фирма „Ептиса“ имаше негативна референца одсамата влада каде што имаше заклучок на владата да општините и институциите не соработуваат со неа и во тек додека траеше јавниот оглас за избор на фирма кој што ќе врши надзор истата фирма замислете добива лиценца“ нагласи Јаулески. Јаулески истакна и дека договорот за надзор за само четворица вработени ќе исплати хонорари од 900 илјади евра за тие четири претставници на фирми односно по 225 илјади евра. „Договорот за надзор за само четворица вработени со исплатени хонорари од 900 илјади евра за тие четири претставници на фирми односно по 225 илјади евра. И што е пострашно фирмата за долна облека што одеднаш стана експертска фирма за спроведување на надзор од тие 22 милиони евра, треба да поминат 8, 3 милиони евра пеку неа.И ако ова неа е аларм за да седнат што побрзо на обвинителна клупа и да дадат изјава за овој спорен тендер и како во 5 дена склучија конзорциум, од кој што едниот газда на едната фирма е осомничен за слична криминална шема во друга држава“, истакна Јаулески.

Јаулески за Алијанса на Албанците: Таравари е заложник на Груби, кога нема да им требаат во владата ќе ги шутнат

Дарко Андоновски — Mon, 27 Feb 2023 16:21:16 +0000

Дали вие добивте ексклузивна понуда за куќа по 500тини евра за метар квадратен во Скопје. Добивте ли понуда да купите деловен простор на улица Македонија по цена пет пати пониска од пазарната, ги праша Јован Јаулески пратеник од ВМРО-ДПМНЕ на денешната собраниска седница пратениците од мнозинството, посочувајќи дека овие два примери се еклатантен пример на корупција и криминал. -Знаете ли пратеници од Алијансата која е најуспешна туристичка агенција во државата? Туристичката агенција на Грби. Ќе ве пренесе жедни преку вода, ќе имате туристичко разгледување на владата од неколку месеци, а потоа ќе ве шутне како партал од истата, им рече Јаулески на пратениците од Алијанса. Јаулески истакна дека Таравари станал заложник на Груби, како и дека со поддржување на пратениците на Алијанса на Албанците на оваа реконструкција не остваруваат никаков интерес на граѓаните. -Вашиот Артан Таравари, човекот кој требаше да го прати Артан Груби во опозиција стана негов заложник, а вие со вашето гласање и негови соучесници. Партијата слободно може да ви се преименува Алијанса за Артан. Никаков интерес за вашите гласачи не остварувате и зошто некој би гласал за вас на наредните избори кога многу повеќе може да добие ако отиде со ДУ, потенцираше тој. Ова е коалиција за спас на Артан Груби. За да има вистинска борба со криминалот на институциите, потреба е дегрубизација на институциите, смета Јаулески.

Јаулески: Таравари ја продате битката на нашите сограѓани Албанци за шака директорски места кои ќе траат 10 месеци

Катерина Бојаџиева — Tue, 14 Feb 2023 13:20:53 +0000

Денес на дневен ред уште една трагикомична претстава на театарот на СДСМ и ДУИ, а тоа е неуспехот да го престави како успех. Па така, се прави реконструкција на Влада со влез на нова партија од албанскиот блок и тоа замислете не било која, туку онаа на која што му беше полна устата дека ДУИ конечно треба да замине во опозиција. Се преставуваа како спасители на на албанскиот народ во наводници од злобните ДУИ, па Алијанса на Таравари ќе биде таа која што ќе го спаси народот, вели пратеникот на ВМРО-ДПМНЕ, Јован Јаулески. Тој од денешната собраниска седница за за рекоснтрукција на владата, Јаулески рече дека се испостави дека Алијанса за Албанците не се ништо друго освен соработници на ДУИ и Арбен Таравари кој ја продаде битката на сограѓаните Албанци, за шака директорски места кои ќе му траат десет месеци, а сите говори и обвинувања од минатото биле само една маска во лов на гласовите на нашите сограѓани Албанци. „Не знам дали стигнуваат до тебе чарсиските муабети, конкретно од Струга, каде што уживаше голема поддршка, дека не си баш толку омилен после оваа коалиција со ДУИ. Пред само година ипол, две со чесните Албанци кои имаа искрени намери, истите оние кои децата им се иселуваат, истите оние кои што се разочарани од криминалот и корупцијата, водевме заедничка битка во Струга за да се случат промени. Вие, нивните очекувања ги изневеривте и ги излажавте вашите сопствени гасачи. Сега ќе ги лажете дека ова е само десет месеци за да ви зајакне партијата. И да ви поверуваат за момент дека е така, после извесни време ќе се види дека не е така, затоа што вие ќе станете учесници во криминалот, ќе станите соочесници во корупцијата и само пар неколку функционери назначени од Алијанса за Албанците ќе се богатат заедно со функционерите на ДУИ, на грпот на оние кои што ве избраа. Господине Таравари, ја продаде битката на нашите сограѓани Албанци, за шака директорски места кои ќе ти траат десет месеци. После што ќе правиш? Партијата ќе ти се претопи во ДУИ и ќе треба да ставиш катанец на врата, поточно ќе настане пасокизација на Алијанса“, истакна пратеникот Јаулески од собраниската говорница. Јаулески го потсети Таравари, како ревносно го обвинуваше Али Ахмети, Зоран Заев и целата оваа власт и дека Алијанса и ДУИ не можат да бидат во коалиција, а сега не само што ќе бидат во коалиција, туку ќе бидат и партнери во криминалот. „На 11.062018 година лично Алијанса обвинуваше дека има закани по живот, но тогаш Генералниот секретар, сега лидер на Алијансата, Арбен Таравари од страна на ДУИ. Потоа со неколку последователни пресови ја обвинуваше истата ДУИ за криминал, корипција и партски вработувања, се до денс кога им седна во скутот. Даде интервју посветено на тоа де ДУИ и Алијанса никогаш не мпже да се најдат во иста коалиција. Еве денес, не само што сте коалиција туку ќе станете и партнери во криминалот“, рече Јаулески. Јаулески исто така го запраша Таравари како не му е срам да поттикнува меѓуетнички тензии и да ја заплашува македонскста јавност радикализирање на нашите сограѓани Албанци ако во Собранието не поминеле устаните измени. „Нели ти е срам господине Таравари да плашиш мали деца дека доколку не се промени уставот, Албанците ќе се радикализираат? Ти, сакаш ли да го глумиш Али Ахмети, кај него одеше ли на спремање? Нели ти е срам господине Таравари да зборуваш за радикализирање и да подгреваш меѓуетнички тензии? Па, мене ли ме плашиш кој сум родум од Струга, кој израснал во град со Албанците и ден денеска имам другари со кој секојдневно пијам кафе, си одиме на слави, си одиме на родендени, на прослави. Мене ли најде да ме плашиш, господине Таравари“, запраша Јаулески.

Јаулески: Пратениците од СДСМ и ДУИ против зголемување на субвенцијата за студентски оброк од 120 на 160 денари

Дарко Андоновски — Wed, 16 Nov 2022 14:27:47 +0000

Јован Јаулески од ВМРО-ДПМНЕ преку статус на Фејсбук пишува дека пратениците од СДСМ и ДУИ се против зголемување на субвенцијата за студентски оброк од 120 на 160 денари. „Тажна слика за студентите од Собранието на Република Македонија. Пратениците од СДСМ и ДУИ против зголемување на субвенцијата за студентски оброк од 120 на 160 денари. Инфлацијата од 30% на храната очигледно не е доволна причина за пратениците да земат од парите за прехрана на Маричиќ и да дадат на студентите. Не се откажувајте, ова е причина плус да излезете во што поголема бројка и директно на Таче и Јетон да им кажете што мислите за нивната рационализација на давачките за студентите“, стои во неговиот пост на Фејсбук.

ВМРО-ДПМНЕ ќе поднесе Закон за субвенциониран студентски оброк, бараат финансиска поддршка и за средношколците

Ивана Ефремовски — Wed, 02 Nov 2022 10:28:05 +0000

Пратеничката група на ВМРО - ДПМНЕ и Коалицијата „За обнова на Македонија“ продолжува со својата конструктивна улога давајќи предлог мерки до Владата и колегите од мнозинството кои имаат за цел да им помогнат на одредени групи на граѓани во овие предизвикувачки моменти со кои се соочуваме, посочи Јован Јаулески, пратеник на пратеничката група на ВМРО-ДПМНЕ. -Сакам да Ве известам дека денес до Собранието на Република Македонија ќе поднесеме Закон за субвенциониран студентски оброк со кој бараме зголемување на субвенцијата од 120 на 160 денари и исплата на средствата по истиот принцип како и минатата година. Студентите нема да земат финансиски средства за субвенциониран студентски оброк овој месец затоа што владеачкото мнозинство лани брзаше со законските измени и донесе конфузни решенија кои оставаат правна празнина и неможност на Министерството за образование и наука да исплати средства, истакна тој. Ја повика власта да го прифати предлог законот и веднаш да им се помогне финансиски на студентите со цел зачувување на и онака кревкиот студентски стандард. -Освен студентите и средношколците треба да добијат соодветна финансиска поддршка и за нив бараме по 3 000 денари месечно во периодот додека трае кризната состојба т.е. до 30ти април 2023 година. Владата мора да скрати од своите луксузирања за да им покаже на младите т.е. иднината на државата дека мисли на нив. Без младина, нема иднина. Дозволете ми да изразам револт за најавените мерки за рационализација на трошоците на државата кои удираат директно врз студентите т.е. рационализација на стипендиите, редефинирање на системот за студентски оброк и потенцијална приватизација на студентските домови, истакна Јаулески. „Состојбите со кои се соочуваат студентите се загрижувачки. Кај нас власта гледа да скрати, а во бројни европски земји се даваат дополнителни средства за студентите. Токму затоа преку Клубот за младински прашања и политики ќе иницирам одржување на јавна расправа на која ќе бидат поканети релевантните институции, но и претставниците на студентите. Мора да најдеме одржливи решенија за проблемите со кои се соочуваат студентите. Оваа власт ветуваше повисок студентски стандард, ветуваше поквалитетно образование, а ги излажа студентите. Еве можност, не само преку декларативни заложби, туку со прифаќање на ова предлог законско решение да покажат дека барем малку мислат на студентите“ - порача тој.

Јаулески го запали на говорница францускиот предлог, никој не победил народ, нема ниту вие

Ристе Здравков — Thu, 14 Jul 2022 16:16:44 +0000

После ова ако го изгласате ќе бидете запишани како гробарите на Македонија. Со Преспанскиот Договор го ископавте гробот а со овој т.н француски предлог сакате да го затрупате. ВМРО-ДПМНЕ нема да дозволи да се отвори Уставот и истиот да се промени тоа да му биде јасно на секого. Ако отвориме Устав тоа е за да ве вметнеме вас од СДСМ како предавничка и антидржавна партија, изјави пратеникот од редовите на ВМРО-ДПМНЕ Јован Јаулески на денешната Собраниска седица. „Кога го слушав Бујар Османи дека овој француски предлог има реципроцитет, наеднаш си помислив дека Македонците ќе бидат впишани во бугарскиот Устав, дека бугарската држава ќе ги почитува пресудите на ЕСЧП и ќе ја регистрира „Омо Илинден Пирин“ организацијата на Македонците во Бугарија, дека во таблите на културно-историските споменици во Пиринска Македонија ќе има македонски ознаки, дека ќе има санкции за говор на омраза кон Македонците, рехабилитација и репарација на Македонците од Пиринска Македонија кои се измачувани од комунистичкиот режим во Бугарија после 1948 година па се денес, дека ќе се отворат архивите на државната безбедност на Бугарија и дека ќе се лустираат сите агенти кои ги кршеле основните човекови права на Македонците, дека ќе се отворат школи во кои Македонците ќе можат да учат на мајчин јазик“, кажа Јаулески. Јаулески потенцираше дека за жал не е така, овој договор нема никаков реципроцитет, ова е резултат на немање црвени линии, на виткање кичма и овој договор е ултиматум кој во целост ги изразува бугарските барања. Тој потсети дека во овој законодавен дом изгласавме резолуција за утврдување на македонските државни позиции. Со вашето прифаќање на овој предлог истата ја кршите а истата е обврзувачка. „Немој да мислите дека доколку викате помош од надвор да ни држат говор нас тука, ќе успеете да не убедите дека ова е добро. Не е дами и господа, никогаш нема да биде добро бришење на идентитетот, нашата историја и пишување нова по теркот на Софија. Никогаш нема да биде добро оспорувањето и бришењето на македонскиот јазик. Целата Европска Унија донесете ја, овој народ кои изминатите 10 дена ве поздравува ништо нема да го убеди“, посочи Јаулески. Тој додаде дека наместо да се прифаќаат вакви понижувачки предлози вие требаше да прогласите крај на какви било разговори за историјата, јазикот и идентитетот. Со прифаќање на овој предлог никогаш нема да влеземе во ЕУ, со ставање потпис на ваков предлог тоа е невозможно и давате право на Бугарија кога сака и за што сака. „Многу окупатори во минатото ја газеле оваа земја, многу војски се изживувале врз Македонците, Албанците, Турците , Србите и сите други народи кои живеат во Македонија, но ниту една војска и окупатор не успеал да не уништи. Ако мислите дека со овој потег ќе не направите послаби, напротив ќе бидеме уште посилни и ќе истраеме никој не победил народ, овој народ ќе живее и живее. Оваа земја опстоила и ќе опстои, Да живее Република Македонија“, заклучи Јаулески.

Јаулески: Талат Џафери нема почит кон Уставот, Деловникот и Законите, надзорната улога на Собранието во овој мандат е целосно засенета

Ивана Ефремовски — Thu, 30 Jun 2022 16:55:53 +0000

Јавноста беше шокирана од навредите и пцовките кои Претседателот Талат Џафери ги упати кон собраниските служби, луѓе кои чесно си ја работат својата работа. И замислете за тоа претседателот не почувствува потреба ниту да им се извини на тие луѓе, а овие од СДСМ нит сте чуле, нит сте виделе такво нешто, изјави пратеникот од редовите на ВМРО-ДПМНЕ, Јован Јаулески на денешната собраниска седница за интерпелацијата на Талат Џафери. „Зборуваме за етика и морал, зборуваме за европски вредности, за прозападни вредности, за модерни политики, дури и ДУИ ја замислија дека се зелена партија. Ниту има етика и морал, ниту имаат европски вредности. Јас не знам за друг пример во европските земји каде што претседател на собрание на овој начин ја злоупотребува функцијата“, вели Јаулески. Јаулески потенцираше дека неговото однесување наликува како ова да е во неговиот имот во вашето Село Форино и не слушате ништо што ние кажуваме. Јаулески посочи дека покрај тоа што претседателот на Собранието ги навредуваше вработените, неговото работење е испреплетено со низа други скандали. -Имено, покрај тоа што изврши најтешки повреди на Кодексот за етичко однесување на пратениците во Собранието на Република Македонија, тој исто така не си ја врши работа и не разгледува барања за интерпелации поднесени за носители на јавни фунцкии, а предложени од ВМРО-ДПМНЕ. Надзорната улога на Собранието во овој мандат целосно е засенета кога Претседател е Талат Џафери, рече тој. „Да одиме понатаму, имавте храброст да ги заклучите врати во Собранието, да одземате право на збор, да одземате право на дискусија на пратеници. Ние сме пратеници, ги претставуваме граѓаните и тоа е голема одговорност. Тука се носат закони по која траекторија треба да се движи Македонија“, изјави Јаулески. Јаулески додаде дека ова е законодавен дом и така треба да се однесуваат сите, па и Џафери. -Бидејќи ги поминавте сите граници навистина е време да си отидете од таа позиција. За сервилноста на пратениците од СДСМ не сакам ни да зборувам, тие ќе премолчат се, бидејќи се тресат да не им падне владата. А ќе падне владата, ќе падне затоа што тоа го бараат граѓаните на Македонија. Ќе падне поради тоа што Талат Џафери нема почит кон Уставот, Деловникот, Законите, ќе падне поради тоа што пратениците од ДУИ и СДСМ во Собранието се само гласачка машинерија, ќе падне поради инфлацијата, поради растот на трошоците на живот, поради енормниот криминал и корупција, националните понижувања, неспособноста да се справите со кризите, грешките во образованието и немањето реформи, кажа Јаулески. Јаулески заклучи: „Македонија е на сите луѓе, а не само за врхушката на ДУИ и СДСМ и криминалците кои ги штитите. Македонија заслужува промени, демократија, заслужува излез од кризата, подобар животен стандард, инвестиции, стабилност, реформи, правна држава која ја урнисувате секој ден. И на се ова излезот се избори. Падот на владата е почнат, ќе падне и Талат Џафери“.

Јаулески: На СДСМ не ѝ одговора функционален туку партиски Уставен суд кој ќе биде продолжена рака на Заев и Ковачевски

Тале Кристо — Wed, 02 Mar 2022 15:33:41 +0000

Пратеникот на ВМРО-ДПМНЕ Јован Јаулески, на денешната седница на Собранието на Република Македонија кажа дека тука се дискутира за сѐ, само не за вистинските проблеми со кои се соочуваат граѓаните, кризите и ценовните шокови, како да им се помогне и најголем приоритет е предлог-одлуката за разрешување на член на Комисијата за избори и именувања. - После локалните избори, претседателот на оваа комисија стана градоначалник и истата остана без претседател. Во меѓувреме, ние како пратеничка група на ВМРО-ДПМНЕ баравме да се закаже второто заседание на тринаесеттата седница на оваа комисија. Иницијативата ја поднесовме до претседателот на Собранието Тала Џафери и бидејќи постојано сме обвинувани дека опозицијата ја кочи работата на Собранието, власта не ја закажуваше оваа седница со цел да не се избере претседател на Собранието. Причината за тоа е што власта го изгуби мнозинството во комисијата после локалните избори. – рече Јаулески. Тој додаде дека со стопирањето на изборот се оневозможило брзиот избор на Уставниот суд, односно се оневозможило законито функционирање на таа комисија. Јаулески се повика на Уставот и кажа дека таму е точно наведено дека пратеникот дејствува по свое уверување, а сега власта има проблем со тоа што пратеникот Фадил Зендели согласно неговото убедување одлучил да мисли спротивно од она што мисли власта и додаде дека тоа е причината за целото кочење на работата на комисијата. - Вчера бевме сведоци како Талат Џафери и ДУИ работат како продолжена рака на Зоран Заев и Ковачевски. Незакажувањето на комисијата за избори и именувања го оневозможи изборот на Уставни судии додека не се избере ново мнозинство. Од тука излегува дека на СДСМ и Зоран Заев не им одговараше да има функционален уставен суд, односно им одговара да има партиски уставен суд. Сведоци за тоа сме како беше избрана Добрила Кацарска, таа е добро позната на јавноста како џелат на власта, онаа која треба да го вади Зоран Заев од неговите кривични дела, која треба да го помилува за поткуп итн. – додаде Јаулески.