Јован Манев – Kurir.mk

Јован Манев се сели во Осијек

Бошко Тасиќ — Wed, 06 Sep 2023 03:57:45 +0000

Јован Манев стана стандарден дел од листите на селекторот Благоја Милевски, а фудбалерот кој е дел од македонскиот строј денеска си договори трансфер во Хрватска. Македонскиот стопер е фудбалер на турска Адана и има договор со овој клуб, но до крајот на сезоната ќе игра во најсилната фудбалска лига во Хрватска за составот на Осијек. Интересно, нашиот фудбалер во европквалификаиите ова лето како член на Адана играше против Осијек, но сега ќе ги брани боите на Хрватите до крајот на сезоната.

Манев: Никој не може да ѝ се заканува на Италија, но веруваме во позитивен резултат

Ристе Здравков — Tue, 05 Sep 2023 09:34:11 +0000

Македонскиот дефанзивец, Јован Манев верува дека по вторпат можеме да ја изненадиме силната селекција на Италија. Македонија во сабота на Националната арена „Тодор Проески“ ја пречекува Италија во квалификациски меч. Италијанците добро ја паметат нашата селекција од дуелот во Палермо и сигурно нема да не потценат. Јован Манев знае дека ќе биде тешко, но ветува дека сите кои ќе играат против Италија ќе го дадат максимумот во надеж дека повторно ќе дојдеме до добар резултат. „Играме против една репрезентација каква што е Италија. Не може никој да ѝ се закнува на Италија, сите знаеме каква екипа е. Фудбалски е да се надеваш на позитивен резултат и сигурен сум дека секој од соиграчите ќе го даде максимумот и ќе постигнеме позитивен резултат“, вели Манев. „Веруваме во себе, ако не веруваме нема да сме тука. Мораме да имаме позитивна мисла за да постигнеме посакуван резултат. Не верувам во одмазда, ова е фудбал, секој натпревар е нова приказна, верувам дека ќе ги израдуваме нашите фанови во сабота“.

Манев: Верувам во добар резултат против Италија

Бошко Тасиќ — Mon, 04 Sep 2023 18:33:02 +0000

Младиот дефанзивец на македонската фудбалска репрезентација Јован Манев, фудбалер на Адана Демирспор, очекува многу подобар настап против Италија. „Фудбалски е да се надеваш на позитивен резултат и сигурен сум секој од соиграчите ќе го даде максимумот и на крајот ќе извлечеме добар резултат. Дуелите со Украина и Англија се минато, останува да се фокусираме на Италија и со позитивни мисли да постигнеме позитивен резултат.Тоа што играме пред нашите навивачи, тогаш мотивацијата е голема и се надевам на добра игра“ - заврши со својата изјава нашиот репрезентативец.

Најголем трансфер во историјата на Брегалница, Манев потпиша за Адана

Тале Кристо — Mon, 04 Jul 2022 14:52:19 +0000

Македонскиот фудбалски прволигаш Брегалница од Штип соопшти денеска дека го реализирала најголемиот трансфер во клупската историја, откако македонскиот младински репрезентативец и еден од најдобрите играчи на штипскиот клуб Јован Манев кариерата ќе ја продолжи во турскиот прволигаш Адана. – По неколкудневните интензивни преговори меѓу двата клуба и официјално договорена е преселбата на 21-годишниот Манев во Адана, трансфер на кој Брегалница е исклучително горда како начин и за промоција на сопствениот начин на работа со силна поддршка за младите и талентирани македонски фудбалери, соопшти попладнево штипскиот прволигаш. Новиот клуб на Манев е предводен од клупата од легендарниот поранешен италијански репрезентативец Винченцо Монтела, а редовите на Адана настапува поранешниот фудбалер на Интер, Милан, Манчестер сити и Ливерпул Марио Балотели. – Овој трансфер е силна потврда на сите наши заложби за максимална поддршка на младите и талентирани фудбалери, кои, како што истакнавме и со преземањето на клубот, ќе бидат секогаш максимално промовирани во интерес и на нашите и на нивните кариери, на клубот и на македонскиот фудбал, изјави за клупскиот сајт спортскиот директор н Брегалница, Никола Тонев.