јован митревски – Kurir.mk

Пратениците Митрески, Атанасов, Камберовски и Зендели потврдија дека Вељаноски седницата на „27 април“ ја водел согласно Деловникот и Уставот

Магдалена Андонова — Mon, 16 Nov 2020 13:32:14 +0000

Јован Митрески, Петар Атанасов, Алија Камберовски и Фадил Зендели на денешното рочиште за настаните од 27 април потврдија дека тогашниот претседавач Трајко Вељаноски ја водел седницата согласно Деловникот и Уставот, пишува Република.мк Сите тие беа едногласни дека се потпишале на барањето седницата да продолжи следниот ден. Фадил Зендели од Беса беше дециден дека потпишал барање седницата да продолжи следниот ден во петок. На прашање пак на адвокатот дали имал сознание дали Зекирија Ибраими ќе ја испее албанската химна тој рече не ниту пак во пратеничката група на Беса се говореле за такво нешто.

Мицевски до Митревски: Со својата неспособност СДСМ доведе да во последните 5 дена имаме над 1000 заразени и над 20 починати

Ивана Ефремовски — Mon, 15 Jun 2020 17:09:53 +0000

Денес во емисијата „Отворено Студио“ гостуваше Никола Мицевски од ВМРО-ДПМНЕ на неговиот соговорник Јован Митревски му посочи дека СДСМ не беше кадарна да се избори со вонредната ситуација со Ковид-19, во последните денови граѓаните на Република Македонија гледаат само троцифрени бројки на новозаразени и десетици починати. -Милувате да зборувате за Наќе Чулев и дополнителната заменичка министерка за финансии Гордана Кочоска Димитриеска, меѓутоа да потсетам во текот на денешниот ден излезе информација дека МВР во минатиот период изрегистрирала околу 2.653 прекршочни пријави за не носење на маска односно 620 лица само во текот на вчерашниот ден биле прекршочно казнети и им е дадена глоба за плаќање за тоа што не го реализирале. За мене поголем проблем е вашиот начин за функционирање со кризата, со вонредната состојба и посебно со рестриктивните мерки кои што ги имавме, посочи Мицевски на Митревски. Мицевски додаде дека по 80-часовен карантин од наредниот ден веќе мерки немаше во државата. Бидејќи господинот Заев излезе на телевизија и кажа дека вирусот со неговиот интензитет паѓа, а граѓаните од неговата изјава понатака видоа само троцифрени бројки на заболени од Ковид-19 и скоро десетици починати граѓани. -Само во последните 5 дена бројката е над 1000 и нешто заразени граѓани и над 20-тина починати граѓани на Република Македонија. Зошто го направи тоа господинот Заев? Од причина што, единствено брзи избори на кои што нема да има целосен мониторинг од страна на ОБСЕ/ОДИХР со целокупните нивни капацитети и со целокупната нивна методологија, и со стравот кој што го има од бројот на заразени од страна на граѓаните, и во право да го имаат тој страв граѓаните, СДСМ ќе успееше да го намали поразот кој што им следуваше на изборите. Јас знам дека состојбата со бројот на заразени во Република Македонија не е мал. И ние како партија тоа го знаеме, нагласи Мицевски.

Јован Митревски е нов координатор на пратеничката група на СДСМ

Предраг Кукиќ — Wed, 09 Jan 2019 11:43:55 +0000

Пратеникот од редовите на владејачката СДСМ, Јован Митревски е нов координатор на пратеничката група во Собранието. Тој доаѓа на местото на пратеникот Томислав Тунтев кој си поднесе оставка како пратеник и координатор на пратеничката група за да биде директор во Агенцијата за цивилна и воздушна пловидба. . Пратеникот Јован Митрески е роден во 1980 година во Струга, а по професија е дипломиран економист.