Јован Тозиевски – Kurir.mk

Тозиевски: Ресен го наследив со блокирана сметка, централната власт активно работи против Ресен и заштитата на Преспанското езеро

Ивона Петрова — Sun, 27 Nov 2022 11:18:36 +0000

И покрај наследената блокирана општинска сметка, со сопствени средства и добро менаџирање на општинскиот буџет, успеавме да реализираме голем број на проекти за нашите жители, изјави градоначалникот на Општина Ресен Јован Тозиевски на регионалната средба на градоначалниците од Пелагонискиот регион. - Во состојба со блокирана сметка и со пониски приходи во однос на некои други општини, успеавме да се справиме со кризната година со добро менаџирање на буџетските средства. Минатава година успеавме со наши општински средства да реализираме многу проекти. Асфалтираме 21 улица, за кои издвоивме 20 милиони денари средства од нашиот буџет, успеавме да реновираме дел од градинката, ги зголемивме социјалните трансфери за прво родено дете, за првпат во историјата на Општина Ресен финансиски ги помогнавме и првачињата – кажа градоначалникот Тозиевски. Тој се осврна на користењето на европските фондови од страна на општината, пред се во делот на прекуграничната соработка, каде годинава се реализирани два големи проекти во вредност од по 8,5 милиони денари, со кои се предвидени поставување на фотоволтаична централа на општинската зграда, како и набавка на две електрични возила, од кое едно ќе биде пуштено во употреба за реализација на училишниот превоз. - Општина Ресен работи и на огромен европски проект „ЕУ за Преспа“ кој е во вредност од 23 милиони евра, каде најголема задача за нас е обезбедување на планската документација. Со овој проект се предвидени 7 нови пречестителни станици и влегување на сите села во крајбрежјето на Преспанското езеро во канализационен систем, управување со цврстиот отпад, нови водоводни линии и други проекти поврзани со спас за езерото – додаде Тозиевски. Тој на регионалната средба ја потенцираше несоработката со централната власт оваа измината година, како и непринципиелните методи со кои тие, само за пресметка која е од политичка природа, го загрозуваат развојот на регионот и го загрозуваат самото Преспанско езеро. - Веќе по трет пат се соочуваме со непринципиелен обид да ни ги одземат средствата од наменската сметка, кои се во износ од околу 84 милиони денари доделени од централниот буџет а се наменети за спас на Преспанското езеро. Веќе трети пат државата се обидува да ни ги повлече средствата, покрај тоа што истата сума ја има во Општина Дојран, сакаат за пречистителната станица во оваа општина да ги одземат и дадат средствата и од нашата општина. Тука јасно се гледа дека е политичка игра во прашање и жалам што некој гледаат политика во Преспанското езеро, кое е многу постаро од политичарите и политиката – изјави тој. Од аспект за справувањето со последиците со енергетската криза, градоначалникот на Ресен изјави дека работат на заштеда на електрична енергија, а на објектот на општинската зграда се монтирани фотоволтаична централа, а се работи на изработка на проектни документации за поставување и на детската градинка и останатите училишта и објекти кои се во надлежност на локалната самоуправа. Од аспект на сметките за уличното осветлување, Општина Ресен е обврзана преку јавно приватно партнерство, но проблем се високите сметки за препумпните пумпи за водоснабдување, кои се зголемени неколкукратно а државата нема никаков слух на барањата и апелите на општините. Регионалната средба на општините од Пелагонискиот регион се одржа во Битола и истата беше организирана од страна на Комисијата за локална, Комисијата за инфраструктура, урбанизам и транспорт, Комисијата за енергетика и Комисијата за финансии при ВМРО-ДПМНЕ.

Тозиевски од Ресен: Во тек е инвестиција од 5.5 милиони, која опфаќа реконструкција на улица, атмосферска канализација и нови водоводни приклучоци

Ивана Ефремовски — Wed, 18 May 2022 12:38:57 +0000

На улицата „Илинденска“ во Ресен се одвиваат градежни активности во вредност од 5,5 милиони денари. Заедно со атмосферска канализација и нови водоводни приклучоци во должина од 220 метри која ја реализираме заедно со Планскиот регион, но покрај тоа и општина Ресен се обврзува дека уште еден крак од улицата ќе го надогради со индивидуални водоводни приклучоци и асфалтирање, истакна денес Јован Тозиевски, градоначалник на општина Ресен. -Потоа продолжуваме на поставување на нова водоводна линија на улицата Никола Вапцаров и продолжуваме со пуштање на еден од најголемите проекти во овој момент и нова туристичка атракција во Преспа, проектот на патеките на Светите води која ги поврзува манастирите од преспанскиот крст до манастирот во сливница во должина од 12км. Сето тоа ќе биде изградено со природни материјали, со видиковци осветлени со фотоволтаични сијалици и замислете да возите по Пелистер и да го гледате на дланка преспанското езеро и во најкраток рок па и за оваа сезона таа ќе биде готова и пуштена во употреба за туристите, рече тој. Покрај сето ова, општина Ресен заедно со тимот, со советот и соработниците работиме на нов детски парк на плоштадот во Ресен. -Веќе сме во фаза на подготовка и завршна фаза на тендерот и на подготовките за асфалтирање и имаме проектирано 15тина улици во Ресен и во населените места во Преспа и сите останати тековни активности што ги имаме и продолжуваме активно да ги работиме, истакна градоначалникот.

Тозиевски: Продолжуваме со акцијата за расчистување на дивите депонии во Ресен

Ивана Ефремовски — Thu, 07 Apr 2022 15:16:23 +0000

И во текот на денешниот ден се продолжи со акцијата за расчистување на диви депонии на повеќе локации низ нашата општина, истакна градоначалникот на Ресен, Јован Тозиевски. -Кај раскрсницата за селата Евла и Болно, на локација во с.Болно како и кај раскрсницата за с. Горно Дупени и на локација наспроти градските гробишта, посочи тој.

Милошоски од Ресен: Победата на листата на советници ќе ја поткрепиме и со градоначалник, излезете масовно и гласајте за Јован Тозиевски

Ивана Ефремовски — Mon, 25 Oct 2021 10:38:43 +0000

Граѓаните се прилично незадоволни од лагите на актуелниот градоначалник на Ресен, ошаревски од кого што повеќе лаже само премиерот Заев и сметам дека е време на овие лаги да им се даде заслужената казна, истакна Антонијо Милошоски, член на ИК на ВМРО-ДПМНЕ. „Tука од Ресен, од Јанковец, сакам да испратам една порака. Mногу сме задоволни од победата на нашата листа на советници во општина Ресен, сметаме дека ќе биде клучна во креирањето на новото мнозинство во Советот. Имаме млад, способен човек, спремен со проекти и добар тим, Тозиевски кој што може Ресен реално да го води напред и да води проекти кои што ќе бидат од интерес за сите граѓани. Затоа ги повикуваме на 31-ви октомври да му дадат шанса и да дозволат Ресен да направи чекор напред после овие четири години застој“- истакна тој.

Трипуновски: Новата влада на ВМРО-ДПМНЕ заедно со Јован Тозиевски како градоначалник ќе го реши проблемот со откупот на јаболкото

Магдалена Андонова — Sun, 24 Oct 2021 13:19:14 +0000

Почитувани граѓани на Република Македонија, се наоѓам во срцето на Преспанскиот регион во ресенско, каде што денеска во средбите со граѓани, со земјоделците разговаравме за тешката ситуација во која што во моментов се соочуваат со пласманот и откупот на јаболкото кое што е на ширум низ светот познато, изјави денеска за медиумите, Цветан Трипуновски, претседател на Комисија за земјоделство, шумарство и водостопанство на ВМРО-ДПМНЕ. Тој истакна од оваа средба и од оваа изјава од лице место од Ресен дека откупот со јаболкото е катастрофален, цените кој што се истакнати од страна на купувачите за индустриското е 2 денари, мизерни 2 денари, додека за конзумното е 8 до максимум 10 денари. - Она што сакам да го потенцирам и покрај овие цени што се истакнати, откуп и пласман речиси да нема, земјоделците се цел ден на бавчите по нивите, го берат својот труд, меѓутоа пласманот останува не загарантиран. Пред речиси две недели овдека од ова место Зоран Заев најави дека ќе даде дополнителни 3 денари за индустриското јаболко, меѓутоа тоа остана само празни зборови, ниту има измени на програма, ниту има некакво дејствие за да знаат земјоделците дека на вистина ќе ги добијат тие 3 денари, посочи Трипуновски. Тој додаде дека тоа е она популистичко лицемерие кое што Владата предводена од Зоран Заев само ветува и едно големо ЌЕ а од реалноста нема ништо. - Ние денеска се наоѓаме во Ресен и во разговор со земјоделците им ветуваме дека со Јован Тозиевски како нов градоначалник во општина Ресен, заокружувајќи го бројот 7 и ВМРО-ДПМНЕ кој што ќе ја формира идната Влада во Република Македонија, заедно ветуваме дека ќе имаме сигурен пласман и ценење на преспанското јаболко, земјоделците тоа го заслужуваат, земјоделците тоа треба да го очекуваат, ние ветуваме дека ќе ја исполниме таа обврска затоа што за нас како ВМРО-ДПМНЕ земјоделството било и ќе остане приоритет во наредното четиригодишно владеење, заврши Трипуновски

Тозиевски: Најголема заложба на идната локална власт ќе биде решавање на проблемот со јаболкото

Ивона Петрова — Sun, 24 Oct 2021 09:49:23 +0000

Како идна власт на локално ниво, а за краток период и на централно ниво, најголема заложба ќе биде, јаболкото да биде стратешки производ, никогаш повеќе да ги немаме овие маки со јаболкото, со пласманот на јаболкото, истакна Јован Тозиевски, кандидат за градоначалник на општина Ресен од ВМРО-ДПМНЕ. Посочува дека го произведуваме најубавото јаболко на светот, а го фрламе по реките ендеците и езерата. Најголемата заложба и најголемиот фокус на идната локална самоуправа ќе биде решавање на проблемот со јаболкото.

Тозиевски за денот на јаболкото од Ресен: Поддршка за секој кој сака да инвестира во откупни центри за јаболка, јаболкото ќе го вратиме на пиедесталот

Магдалена Андонова — Wed, 20 Oct 2021 10:57:00 +0000

Традиционално, октомври е месец на берба на јаболката. А, Преспа е баш позната по тоа – Преспанското јаболко, бренд кој што заслужува да си го добие заслуженото место, а земјоделците од Преспа да бидат ценети за она за кое секојдневно, во текот на целата година се вложуваат и напорно работат, изјави денеска за медиумите, Јован Тозиевски, кандидат за градоначалник на општина Ресен. Тој истакна дека јаболкото во Македонија зазема 60% од целокупното производство на овошје, а Преспа учествува со околу 90% од тоа производство, но за жал тоа е „потценето“, „најпониженото“ овошје во државата. - Во моментов, јаболкото е најзапоставеното овошје, од страна на власта. Последните години, земјоделците од Преспа се повеќе се разочарани од пласманот, ниската откупна цена на конзумното и индустриското јаболко. Но, преспани се вреден народ, не се откажуваат. И денес, со сите свои сили се насочени кон берба на родот. Денес е меѓународниот ден на јаболкото. Во следните години, да направиме да се слави, за успешно завршена берба, за успешен пласман, посочи Тозиевски. Тој рече дека се поинакви, зошто знаат да ценат колку многу труд се вложува за да се стигне до конечниот производ и да се обезбеди добар пласман. - Ветувам дека ќе го подржуваме секој кој сака да инвестира во откуп на јаболкото. Во следните четири години, јас и мојот тим ќе се вложиме целосно, за јаболкото да биде на пиедесталот – онаму каде што и заслужува да биде, додаде Тозиевски.

„Коалиција на Екипкани“ ги повикува Египкани во вториот круг да ги подржат Пецаков за Охрид и Тозиески за Ресен

Магдалена Андонова — Tue, 19 Oct 2021 10:37:37 +0000

Претставниците на Неформалната граѓанска иницијатива ,,Коалиција на Египќаните,, потпишаа Меморандум за соработка со претседателот на ВМРО-ДПМНЕ, Христијан Мицкоски. Демир Далип, претседателот на НГИ Коалиција на Египќаните вели дека врз основа на горенаведениот Меморандум за соработка се дел коалицијата „Обнова на Македонија“ и самиот факт дека Египканите во Охрид и Ресен, како втори по бројност, играат клучна улога кој ке биде идниот Градоначалник во Охрид и Ресен. Имајки ги во предвид сите околности, долгогодишната соработка со ВМРО ДПМНЕ,пријателскиот и крајно корекниот однос на кандидатите за Градоначалници за Охрид и Ресен од редовите на ВМРО ДПМНЕ, како и безусловната подршка која ја дава лидерот на ВМРО ДПМНЕ, Проф.Д-р Христијан Мицкоски за етничката заедница на Египканите во Македонија, но и Д-р Кирил Пецаков и Јован Тозиески, НГИ,,КОАЛИЦИЈА НА ЕГИПКАНИ,, ги повикува сите Египкани од Охрид и Струга, кои имаат право да гласаат, масовно да излезат на 31 Октомври, и да ги подржат, се вели во Дописот .

Тозиевски: Создаваме нова иднина за Ресен- Пронаоѓање на нови пазари за јаболкото и спас за Преспанското Езеро

Катерина Бојаџиева — Tue, 12 Oct 2021 12:19:26 +0000

Во нашата програма предвидовме многу проекти, кои ќе ја подобрат оваа лоша слика, што ја гледаме во моментов во Преспа, ги вметнавме во топ десет проекти, јаболкото да влезе во системот на циркуларната економија на Република Македонија, да им овозможиме на сите што сакаат да изградат капацитети, за откуп и преработка на јаболко, на сите што сакаат да тргуваат со најубавото јаболко, да го направат тоа во Преспа, да ги мотивираме да излеземе и да побараме и нови партнери, истакна Јован Тозиевски, кандидат за градоначалник на општина Ресен. -Да ги заборавиме овие грди слики, кои ги гледаме на преспанското крајбрежје и празното езеро, затоа сме покажале во минатото дека можеме да го изградиме, а сега за жал мораме да го оправаме, некој не се ни способни да го одржуваат тоа што е изградено.

Тозиевски: Јаболкопроизводителите ќе си го добијат заслуженото, а локалната самоуправа ќе биде нивни партнер

Дарко Андоновски — Tue, 28 Sep 2021 19:46:48 +0000

Кандидатот за градоначалник на Општина Ресен од редовите на ВМРО-ДПМНЕ, Јован Тозиевски за време на неговиот говор на денешниот митинг рече дека до поуспешна и попросперитетна општина се стигнува само со труд, љубов и желби, но и со луѓе кои ги застапуваат вистинските вредности и ја сакаат Преспа. „Да се биде кандидат за градоначалник на Општина Ресен од редовите на ВМРО-ДПМНЕ е привилегија но и голема одговорност. Во периодот што измина јас заедно со кандидатите за советници од редовите на ВМРО-ДПМНЕ и коалицијата посетивме повеќе делови на Преспа. Се соочивме со реалните проблеми на граѓаните на Преспа. Разговаравме со чесни и искрени луѓе кои навистина сакаат една понапредна и поуспешна и попросперитетна општина. Верувам дека тоа се постигнува со труд работа љубов и желба. Ресен и Преспа да чекорат само напред. Верувам дека јас и мојот тим сме луѓе кои застапуваат вистински вредности и сакаат перспективна и развиена општина. Општина која ќе се развива во сите сфери“, истакна Тозиевски. Тој откри и дел од неговата програма и проектите кои планира да ги спроведе како градоначалник со ставање на главен акцент на она што е бренд за Преспа, а тоа е преспанското јаболко со чие производство се занимаваат голем број на земјоделци од оваа општина. Тозиевски истакна дека јаболкопроизводителите треба да си го добијат заслуженото и дека тоа ќе се постигне само доколку локалната самоуправа биде нивни партнер преку привлекување на инвеститори и отворање на нови центри за откуп и преработка на јаболкото. „Јаболкопроизводителите треба да си го добијат заслуженото, локалната самоуправа да биде нивни партнер. Да се работи на привлекување на инвеститори, нови центри за откуп како и преработка на јаболкото. Програмата што ја нудиме за следните четири години нуди проекти кои се од приоритетно значење за Ресен и Преспа. Подобрување на локалните услови за водење на бизнис и претприемништво, како и потпомагање на малите и средни претпријатија. Ставање на располагање на градежното земјиште во сопственост на Република Македонија, промоција и осовременување на индустриските развојни зони „Преспатекс“ и „Макази“, Промоција на туристичките развојни зони Стење и Сирхан, финансирање на локални микро проекти, привлекување на странски инвестиции. Да го направиме Ресен „Smart City“ преку воведување на повеќе дигитални услуги. Ќе ја направиме нашата општина модерна и инфраструктурно поврзана преку решавање на проблемот со недостаток на паркинг места, асфалтирање на повеќе градски и селски улици, реконструкција на водоводната мрежа, решавање на недостатокот на вода за пиење“, рече Тозиевски.