јован вукотиќ – Kurir.mk

„Убиениот нарко бос Вукотиќ кој од Спасовски доби македонски пасош правел криминал низ светот со помош на истиот“

Магдалена Андонова — Fri, 09 Sep 2022 07:20:17 +0000

Антимакедонската СДС работи за криминалците. Мафијашите кои добија македонски пасоши од Спасовски се пресметуваат низ светот. Нарко босот Јован Вукотиќ кој од МВР на Спасовски доби македонски пасош во Драчево на име Ѓеорѓи Андонов вчера во мафијашка пресметка е убиен во Турција. Вукотиќ имаше македонски пасош со кој слободно се движел и ги користел придобивките на истиот, стои во соопштението на ВМРО-ДПМНЕ. Од партијата велат дека Вукотиќ слободно се движел со помош на македонската патна исправа и неодговорено ќе остане колку кривични дела направил со помош на истата. - Вукотиќ како познат мафијаш кој извршувал голем број на кривични дела тоа го правел и со помош на пасошот кој му е издаден од МВР на Спасовски. Криминалците на кои антимакедонската СДС им издаде македонски патни исправи се шетаат низ светот со нив правејќи огромен криминал. Спасовски за оваа афера не одговараше и одговорноста се сведе на неколку полициски службеници. Спасовски го наруши кредибилитетот на државата и МВР како институција. Спасовски треба да понесе одговорност за злоупотребата на функцијата и институциката со која раководи, се додава во партиското соопштение.

Нарко-босот Вукотиќ, кој од МВР на Спасовски доби македонски пасош во Драчево (на име Георги Андонов), денес е убиен во Истанбул

Дарко Андоновски — Thu, 08 Sep 2022 19:34:15 +0000

Во Истанбул е убиен водачот на кланот Скалјар, Јован Вукотиќ, дознава „Вијести“ од повеќе извори. Вукотиќ во досиејата на тајната полиција бил означен како апсолутен водач на криминалниот клан Скалјар. Вукотиќ беше во бегство, а црногорските правосудни органи по него распишаа потерница пред една година. Вукотиќ беше уапсен и во Турција во септември 2018 година, кога беше екстрадиран во Србија. Тој беше осуден од Вишиот суд во Белград на 15 месеци затвор за користење фалсификуван македонски пасош со негова слика. Специјалното државно обвинителство (СТП) го обвини дека во ноември и декември 2020 година формирал криминална организација за ликвидација на водачите на кавачкиот клан, Слободан Кашчелан и Радој Звицер. Тие ликвидации наводно ги „нарачал“ преку шифрираната Sky ECC апликација. Војната меѓу измамниците и измамниците започна на крајот на 2014 година кога исчезнаа 300 килограми кокаин во шпанското пристаниште Валенсија. Прва жртва во војната бил Горан Радоман, близок на Скалјарите, по чија смрт имало низа убиства од двете страни. Во судирот на кланови загинаа најмалку четири случајни жртви. Минатата година од ВМРО-ДПМНЕ брифираа дека полициската апаратура издала патни исправи со лажен идентитет за водачот на озлогласениот Шкаљарски клан за трговија со дрога, Јован Вукотиќ и водачот на турската мафија Седат Пекер. Вукотиќ поседувал македонски пасош, со негова слика, но на име Ѓорги Андонов, издаден во полициската станица во Драчево. Новиот идентитет на Вуковиќ бил земен од Македонец од Пиринска Македонија, а уште еден припадник од истиот клан добил идентитет од Македонец од Корча. Пекер со украдениот или измислениот идентитет се вика Џадин Амедовски. На двете лица патните исправи под лажен идентитет им биле изработени во полициската станиоца Драчево.

Афера „Мафија“: МВР издала пасоши на големи балкански нарко босови, едниот шеф на Шкаљарскиот клан

Ивона Петрова — Mon, 05 Apr 2021 10:37:39 +0000

Јован Вукотиќ шеф на познатиот Шкаљарски клан е едниот од двајцата големи балкански нарко босови кои добиле македонски пасоши од МВР, брифира ВМРО-ДПМНЕ. Вистинските македонски документи Вукотиќ ги добил на име Георги Андонов. Второто лице е Седат Пекер турски државјанин кој неодамна беше протеран од Македонија, а претходно се сликал со високи државни функционери. Пекер кого го гони и Турција, во Македонија бил Џадин Амедовски. Денеска ВМРО-ДПМНЕ објави афера Мафија според која МВР со знаење на премиерот издавала пасоши на сомнителни ликови од балканското подземје.

Му платиле половина милион евра за убиство на водачот на шкаљарскиот клан кој од безбедносни причини користел македонски пасош

Магдалена Андонова — Sat, 24 Oct 2020 09:23:13 +0000

Платениот убиец од Никшиќ Петар Мујовиќ 19), кој беше уапсен пред три дена, на полициското рочиште призна дека му биле исплатени половина милион евра за убиството на водачот на шкаљарскиот клан, Јован Вукотиќ. Како што се наведува, осомничениот признал дека се согласил да го убие Вукотиќ и дека го следел десет дена. Тој и објасни на полицијата како го следел Вукотиќ и го чекал вистинскиот момент да го убие. За истражителите, оперативно, нема сомнение дека Вукотиќ требаше да биде нова жртва на војната на кавачкиот и шкаљарскиот клан, пишуваат медиумите во Подгорица. Планот на Петар Мујовиќ бил спречен од телохранителот на Вукотиќ, кој забележал возило што ги следи до полициската станица во Котор, каде што Вукотиќ бил повикан да сведочи. Според црногорските медиуми, додека Вукотиќ бил во полициската станица Мујовиќ бил разоружан пред зградата на полицијата. Кај него е пронајден пиштол со избришан фабрички број, 14 парчиња муниција и еден куршум во цевката, што значи дека тој бил подготвен да пука. Според нив, кај него бил пронајден криптиран телефон. Јован Вукотиќ беше уапсен во 2018 година во Турција, а потоа беше депортиран во Србија, каде беше осуден на 15 месеци затвор за употреба на македонски пасош на туѓо име. За време на судењето во Белград, тој призна дека го користел тој пасош од безбедносни причини. За време на неговиот престој во екстрадициониот притвор, беше уапсена група која подготвуваше негова ликвидација додека е во затвор со труење со цијанид. -Повеќе нема да го оставам животот во ничии раце. Ако нешто ми се случи, моето семејство и пријателите ќе ја сметаат полицијата за директно одговорна, рече Вукотиќ по апсењето на Петар Мујовиќ во Котор. Во прилог на информацијата дека Мујовиќ го следел Вукотиќ со куршум во цевката со цел да го убие, како што велат, е и фактот дека тој е брат на висок позициониран член на кавачкиот клан.