јованка радичевиќ – Kurir.mk

Јованка Радичевиќ останува уште една сезона во Крим

Бошко Тасиќ — Wed, 12 Jul 2023 04:46:10 +0000

Црногорската ракометарка Јованка Радичевиќ, нема да ја менува клупската средина. Тоа што беше најавено, сега е официјално – црногорската интернационалка ќе го носи дресот на Крим и следната сезона. Радичевиќ минатата сезона дојде во Љубљана од турскиот Кастамону, а по заминувањето од Скопје играше во ЧСМ Букурешт и Будуќност.

Јованка Радичевиќ останува во Крим

Бошко Тасиќ — Tue, 21 Feb 2023 06:04:31 +0000

Црногорската ракометарка Јованка Радичевиќ и во следната сезона ќе биде дел од словенечкиот шампион Крим Меркатор, кој минатиот викенд избори осминафинале во Лигата на шампионите. Искусната Радичевиќ во редовите на Крим пристигна на почетокот на оваа сезона од Кастамону. Црногорката по Европското првенство 2022 ја заврши репрезентативната кариера и одлучи да се посвети само на клупските настапи.

Јованка Радичевиќ стана најдобар стрелец во Лигата на шампионите

Бошко Тасиќ — Sun, 04 Dec 2022 21:16:41 +0000

Ракометарката на Крим Јованка Радичевиќ денеска стана најдобриот стрелец во женската Лига на шампиони во историјата. Поранешната Вардарка денеска дојде до бројката 1071 гол, и ја надмина легендата на Унгарија, Анита Горбиц која го држеше досегашниот рекорд. Радичевиќ својот рекорд го постигна во 37 минута од мечот, со тоа постигнувајќи го четвртиот погодок во мечот. Црногорката веќе 19 години игра во Лигата на шампионите.Токму Радичевиќ и Горбиц се единствените со над 1000 голови во Лигата на шампионите. Радичевиќ дел од овој рекорд го постигна играјќи и за Вардар во периодот од 2013 до 2018 година, кога двапати играше и во финалето на ЛШ. Таа има титула во ЛШ во 2013 година пред да дојде во дресот на „црвено-црните“.

Јованка Радичевиќ не можеше да ги задржи солзите, со бронза ја заврши репрезентативната кариера (ВИДЕО)

Ристе Здравков — Sun, 20 Nov 2022 20:02:34 +0000

Црногорската икона Јованка Радичевиќ се прости од дресот со националниот грб на Европското првенство што денеска го има последниот ден. Дуелот со Франција, кој го доби Црна Гора со 27-25 дури по продолженија и го освои третото место, беше многу емотивен за Радичевиќ. Таа не можеше да ги запре солзите во микс зоната во „Стожице Арена“ во Љубљана, ниту на пресот по натпреварот. Десното крило кое мина пет сезони во дресот на Вардар, со бронза стави крај на богатата репрезентативна кариера. Повеќе од 1.000 постигнати погодоци на околу 200 одиграни натпревари на ЕП, СП и ОИ, се само дел од достигннувањата на Радичевиќ. Во колекцијата медали, Радичевиќ има и сребро од ЕП 2012, како и злато од ОИ истата година.

Final buzzer in Ljubljana!! 🎉 @rukometnisavez get the 3rd place of the #ehfeuro2022🥉 #ehfeur2022 | #playwithheart pic.twitter.com/8pPnVAucTB
— EHF EURO (@EHFEURO) November 20, 2022

Емоции до небо во „Морача“: Поранешната вардарка со солзи на очите се прости од црногорските навивачи (ВИДЕО)

Ристе Здравков — Thu, 10 Nov 2022 08:49:51 +0000

Kaква ноќ во Морача, незаборавна. Ниту една црногорска спортистка немала вакво збогување од навивачите како што тоа го доживеа Јованка Радичевиќ. На последниот „танц“ пред домашните навивачи легендарната ракометарка одигра фантастично, а по крајот од мечот со Полска (26-23) емоциите целосно ја совладаа - солзи течеа додека полните трибини го скандираа нејзиното име. „Ова е премногу тежок ден за мене. Се обидов да ги потиснам емоциите пред натпреварот и за време на натпреварот, знаев колку ни значи. Сега, кога сè е готово, можам да се опуштам. Пред десет години бевме олимписки вицешампиони и европски шампиони, но можеби овие натпревари на наш терен ми беа уште поубави од тие денови. Не беше лесно да се донесе одлуката за крај на репрезентативната кариера. Најдобрите моменти во мојата кариера беа во овој дрес, но доаѓа време кога треба да размислувате за други работи и приоритети. За мене, ова е свет дрес. Ви благодарам на сите“, изјави Радичевиќ. Црна Гора во втората фаза патува со четири бода и пред дуелите со Франција, Холандија и Романија, сонува за полуфинале. Втората етапа е во Скопје, додека завршницата се игра во Љубљана. „Живеев и играв пет години во Скопје, а на девојките им кажав дека не сакам да ја завршам кариерата без да одам во Љубљана каде играм сега. Ќе видиме што ќе се случи, но ќе бидеме вистински „лавици“ и ќе дадеме сè од себе“, додаде поранешната ракометарка на Вардар. Искусното десно крило пред својата публика се прости со дванаесет гола во полската мрежа.

Радичевиќ во клубот „1000″

Бошко Тасиќ — Tue, 11 Oct 2022 07:05:40 +0000

Екс ракометарката на Вардар, Јованка Радичевиќ, која во годинешната сезона го носи дресот на Крим, на натпреварот меѓу словенечкиот шампион и Ференцварош запиша јубилеј дојде до границата од 1.000 погодоци во ЛШ. Репрезентативката на Црна Гора пред дуелот против унгарската екипа зад своето име имаше постигнато вкупно 996 гола, а со својот четврти гол против Ференцварош со златни букви го испиша своето име во најквалитетното европско натпреварување. До крајот на натпреварот искусната ракометарка имаше уште пет реализации, па така сега е втората ракометарка која има постигнато над 1.000 погодоци. Радичевиќ со новите девет гола сега има 1.005 гола во европската елита. На првата позиција пред Радичевиќ се наоѓа легендарната Анита Гербиц со 1.016 гола, но најверојатно ракометарката од Црна Гора ќе ја преземе лидерската позиција и ќе биде предводник на вечната листа, бидејќи Крим до регуларниот дел од сезоната во Лигата на шампионите треба да одигра уште десет натпревари.

Црна Гора ја изненади Норвешка, Русија подобра од Србија

Бошко Тасиќ — Sat, 20 Mar 2021 09:52:05 +0000

Ракометарките на Црна Гора се на чекот до пласман на ОИ во Токио откако во групата 3 која што се игра во Подгорица ја совладаа репрезентаицјата на Норвешка со 28:23. Ѓурѓина Јауковиќ со седум гола беше најефикасна, а Јованка Радичевиќ постигна шест гола. За Норвешка Малин Ларсен со четири гола беше најеифкасна. Русија оствари сигурна победа против репрезентацијата на Србија во рамки на квалификациската група 2 со 29:24. Вјахирева со седум гола и Мангарова со шест беа најефикасни во составот на Русија, додека во тимот на Србија се истакна Поп-Лазиќ со пет погодоци.

Радичевиќ посакува полна сала навивачи за последниот натпревар на „Вардарки“: Дојдете во сабота да не бодрите

Ивона Петрова — Thu, 12 Apr 2018 11:04:06 +0000

Тимот на Вардар в сабота за последен пат во овој состав ќе истрча во „Јане Сандански“ на реванш четвртфиналниот дуел од Лигата на шампионите за ракометарки против Митјиланд. На збогувањето полна сала посакува капитенот на вардарки Јованка Радичевиќ. - Дојдовме до самиот крај. Во „Јане Сандански“ го играме последниот натпревар заедно. Мислам дека заслужуваме полна сала и ги повикувам нашите навивачи да дојдат во што поголем број. Многу ни е тешко но ќе најдеме сили емоциите да ги надминеме. Победивме на првиот натпревар, но не покажавме тоа што можеме. Мораме да ги поправиме грешките од Данска. Верувам во тимот и верувам дека ќе се пласираме на Ф4 во Будимпешта, изјави Радичевиќ со солзи во очите на денешната прес-конференција. Тренерот Ирина Дибирова рече дека во никој случај не го потцениле противникот. - Правиме анализа по првиот меч. Ги увидовме грешките и се надевам дека на реваншот ќе ја покажеме нашата сили и ќе се претставиме како што очекувате. Здравствениот билтен е добар и се надевам на победа, нагласи Дибирова. Натпреварот Вардар – Митјиланд се игра в сабота со почеток во 17 часот. Вардар стартува со гол предност од првиот меч во Данска, па и нерешен резултат му е доволен за пласман на завршниот турнир. МИА

ФОТО: Ракометарката на Вардар и во декември се соблече во бикини

Курир — Sat, 30 Dec 2017 11:50:21 +0000

Вардар по првата групна фаза во Лигата на шампионите има максимални шест победи на шест натпревари, како што и се очекуваше од еден аспирант за титулата. Ракометарките по настапите за националните тимови и во Женската лига, се на заслужен одмор, се до 8 јануари и стартот на подготовките во ВРХЛ и во главната фаза од ЛШ. Една од најдобрите вардарки, Јованка Радичевиќ, го користи предновогодишниот период за полнење батерии во Дубаи и го замени ладниот Балкан со топлите Емирати.