Кекеновски поднесе Иницијатива за оценување на уставноста на Законот за јазици до Уставен суд

Ивона Петрова — Fri, 18 Jan 2019 11:32:03 +0000

Универзитетскиот професор Јове Кекеновски денеска до Уставниот суд поднесе Иницијатива за оценување на уставноста на Законот за јазиците кој беше објавен во Службен весник во понеделникот на 14 јануари 2019 година со потпис на собранискиот спикер Талат Џафери. -Една година откако е донесен Законот за јазици поттикнува лавина реакции и на опозицијата и на експертската јавност кои сметаат дека овој закон за двојазичност е противуставен и неприменлив и ќе создаде дополнителни поделби во македонското општество по сите основи, вели тој. Според него при носењето на законот, биле прекршени деловничките процедури и дека претседателот Ѓорге Иванов со право не го потпиша указот за стапување во сила на Законот за јазици во јануари лани кога беше донесен, а ниту во март кога повторно беше вратен и изгласан во Собранието. Со Законот за јазици покрај македонскиот јазик во институциите службен јазик станува и албанскиот јазик, а ќе се применува во сите постапки на граѓаните пред органите што ја сочинуваат државната власт. Судовите, јавните обвинителства и сите други органи, тела и институции ќе треба да обезбедат користење, употреба и примена на кој било од службените јазици и нивните писма во своите постапки. Потоа, сите закони и акти донесени од Собранието како и владините одлуки ќе бидат објавувани на македонски и на албански јазик.

Каракамишева до Владата: Ќе ви ја дадевме бесплатно книгата по Современи политички системи, не мораше да правите договор без оглас

Матеја Петровски — Mon, 10 Sep 2018 15:04:21 +0000

Професорската Тања Каракамишева на Фејсбук прашува зошто од Владата не било кажано дека им е потребна книга по Современи политички системи, за која не морало да се плаќа ништо, туку ќе им била бесплатно дадена. Таа и праша дали ова е начин да се задоволи профеосорот Јове Кекеновски пред референдумот? Фејсбук статус на Тања Каракамишева: Абе Влада на Северна, што не кажавте дека ви треба книга по Современи политички системи? БЕСПЛАТНО ЌЕ ВИ ЈА ДАДЕВМЕ, не мораше договор без оглас од 42.000 ден. да правите! Или сепак мораше да го задоволите Јове Кекеновски пред референдум, а? Тој истиот Јове Кекеновски што пред повеќе од 15 години од Наставно-научниот совет на тогаш приватниот факултет на Фиат и Бојо му беше наредено да ги повлече од печат материјалите затоа што му беа украдени од мене! Секако по моето дознавање дека се подготвува плагијат! Се сеќаваш Јове на таа епизода или ја заборави? И ти бе Рашко, не ли им кажа дека Конрад Аденауер обезбедува бесплатни книги за сите заинтересирани? Знам, не е до книгите, кој знае во кое ќоше ќе завршат, туку ДО ПАРИТЕ Е! Како да се дрпне повеќе!

јове кекеновски – Kurir.mk

Кекеновски поднесе Иницијатива за оценување на уставноста на Законот за јазици до Уставен суд

Каракамишева до Владата: Ќе ви ја дадевме бесплатно книгата по Современи политички системи, не мораше да правите договор без оглас