јовица илиевски – Kurir.mk

Илиевски: Во Брвеница инвестирани над 100 милиони денари, исполнив 80% од ветеното, а не сум ни на половина од мандатот

Ивана Ефремовски — Sat, 23 Sep 2023 11:33:55 +0000

Со голема радост обзнанувам три големи проекти, реконструкција на улица од 1.223 метри, улица во вредност од 7 милиони денари во село Брвеница, реконструкција на улица од 1.252 метри Поречко мало во село Радионце во вредност од 11 милиони денари и реконструкција на улица 820 метри во село Челопек во вредност од 6 милиони и 200 илјади денари. Дополнително во изминатиот период во цела општона Брвеница имаме реконструирано скоро 10 километри улици со околу 25 милиони денари, вели Јовица Илиевски, градоначалник на општина Брвеница. -Посветено работиме и во останатите области ќе набројам неколку. Водоводната мрежа ја проширивме за 4 илјади метри, додека канализационата мрежа 3465 метри инвестиравме повеќе од 3 милиони денари. Го уредивме центарот во село Брвеница во вредност од 10 милиони денари, изградивме паркови, игротеки, оплеменивме многу простор за одмор и рекреација, организиравме спортски и културни настани, реновирање на цело основно училиште училници, училишни дворови, спортски терени, помагаме на ранливи категории на граѓани, се грижиме за безбедност во сообраќајот и заштита на животната средина, возниот парк го збогативме со автобус, нов багер, нов камион за отпад и нови камионети. Не прогласија за најтранспарентна општина во Полог. За мене е најважно рамномерен развој на сите населени места и унапредување на квалитетот на животот, а притоа се зачувува позитивниот биланс на општинската сметка и на правните субјекти основани од општината. Вкупно инвестирани средства во општина Брвеница по сите основи се над 100 милиони денари или над милион и 600 илјади евра, истакна тој. Градоначалникот посочи дека ветеното во програмата го исполни повеќе од 80 проценти, а не е ни на половина од мандатот. -Довербата од претседателот Мицкоски и моите сограѓани ја оправдувам со дела кои имаат трајна вредност за општината, порача тој.

Илиевски: Го реконструиравме стадионот и ја вративме во функција спортската сала во Брвеница кои 5 години беа надвор од функција

Тале Кристо — Tue, 09 May 2023 16:46:35 +0000

На денешната трибина на тема „Социјални политики против иселувањето“ свое обраќање имаше и градоначалникот на општина Брвеница Јовица Илиевски, кој истакна дека за ова оваа година и пол откако ја презеде општината, расчистен е долгот на истата и сите инфраструктурни проекти, кои се многу на број, се реализирани од средства на општината. „Општината беше со долг од милион и 400, а сега долгот е сведен на нула и не должиме ништо. Проектите кои ги изработивме во текот на оваа година ипол, сѐ е расчистено, платено. Во оваа година имаме повеќе инфраструктурни објекти направено. Изградивме летна сцена и партерно уредување во црквата во село Брвеница, реконструиран е стадионот во село Брвеница, спортската сала е вратена во функција после 5 години и дадена е на користење за првпат на училиштето. Пет години не функционирала ни спортската сала ни стадионот. Работиме континуирано на подобрување на уличното осветлување, во општината финансираме 4 фудбалски клуба кои се финансирани од буџетот на општина Брвеница, редовно вршиме дезинсекција и дератизација на општината, изработивме нова веб страна на нашата општина, завршена ни е изградба реконструкција и нови патишта во должина од 5 илјади метри, завршена ни е канализацијата во сите населени места во должина од околу 4 илјади метри“, истакна Илиевски и додаде: „Набавен е нов школски автобус, 2 камионети и камион за отпад. Во училиштата, сите училишта кои имаа печки на дрва ги заменивме со печки на пелети. Направивме реконструкција на училиштето во село Радиовце, извршивме реконструкција на патот, на мостот во село Милетино. Најголемиот проблем е со канализација и водовод, но продолжуваме со сопствени средства и од наш буџет, од јавното претпријатие ги финансираме овие проекти. Илиевски исто така истакна дека за разлика од другите кај што има иселувања во општина Брвеница има зголемен број на доселувања, па за ова општината прави и план за државното земјиште да се дава по евро за метар квадратен на млади брачни парови кои сакаат да живеат во Брвеница.

Илиевски: Во изминатите 10-тина дена во Брвеница чистевме депонии, канали, тампониравме земјен пат и правевме редовно одржување на патиштата

Дарко Андоновски — Fri, 10 Dec 2021 19:52:31 +0000

Градоначалникот на Брвеница, Јовица Илиевски преку статус на Фејсбук пишува дека во изминативе десетина дена работеле на неколку работи во општината кои се од големо значење за жителите на ова место. -Во изминативе 10 работни дена, освен секојдневните тековни работи и средби со жителите на општина Брвеница, успешно работевме на: ЧИСТЕЊЕ НА ДЕПОНИИ ВО МИЛЕТИНО И ТЕНОВО, ЧИСТЕЊЕ НА КАНАЛОТ ВО БРВЕНИЦА, РЕДОВНО ОДРЖУВАЊЕ НА ПАТОТ ЗА ГУРГУРНИЦА, ТАМПОНИРАЊЕ НА ЗЕМЈЕН ПАТ ВО Г. ЧЕЛОПЕК И УСПЕШНО ЗАПОЧНУВАЊЕ СО РАБОТА НА НОВИОТ КОНЦЕСИОНЕР ЗА СОБИРАЊЕ НА ОТПАД НА ЦЕЛА ТЕРИТОРИЈА НА ОПШТИНА БРВЕНИЦА. #ПромениПроектиПобеди, стои во неговиот пост на Фејсбук.

Новиот градоначлник на Брвеница се обрати и на албански јазик до граѓаните и порача дека повеќе нема делби

Магдалена Андонова — Tue, 02 Nov 2021 13:59:13 +0000

Јовица Илиевски во вториот круг од локалните избори ја понесе убедливата победа во општина Брвеница. Новиот градоначалник преку својата официјална страница на Фејсбук и на албански јазик им се обрати на граѓаните, порачувајќи дека нема да има делби и дека ќе работи за сите граѓани независно од нивната етничка припадност. Илиевски со овој потег започна да ја оправдува довербата на сите граѓани кои го дадоа гласот за него и ја заслужува сечија почит.

Брвеница доби нов градоначалник – Јовица Илиевски од ВМРО-ДПМНЕ

Ивана Ефремовски — Sun, 31 Oct 2021 19:13:03 +0000

Јовица Илиевски од ВМРО-ДПМНЕ е новиот градоначалник на Брвеница. Тој освои најмногу гласови од своите сограѓани на денешните локални избори. Негов противкандидат беше независниот кандидат Енвер Пајазити.

Илиевски: Подобрување на локалните услови за водење бизнис, време е Брвеница да стане подобро место за живеење

Магдалена Андонова — Sat, 02 Oct 2021 17:40:49 +0000

Да се биде кандидат за градоначалник од тимот на идниот премиер проф. д-р Христијан Мицкоски ми претставува чест и задоволство, но пред се обврска, должност и голема одговорност во борбата која ни претстои: Борба за достоинствена, напредна и просперитетна Брвеница, истакна Јовица Илиевски, кандидат за градоначалник на општина Брвеница на митингот. Илиевски запраша дали е потребно да се прифати бедотијата на денешницата и да се живее на дното, во лаги, измами, криминал, корупција и безнадежност или да се исправиме и да се спротивставиме на неработниците и корумпираните политичари. - Јас сум исправен пред Вас и барам да ми се придружите и да ми ја дадете вашата поддршка заеднички да ја направиме Брвеница достојна за живеење, онака како што и доликува на ова општина, рече Илиевски. Илиевски посочи дека со сиот свој капацитет, знаење и домаќинско менаџирање ќе ја постигне целта и ќе ја направи Брвеница достоен конкурент на една развиена општина во секој сегмент и посакувано место за живеење. - Јас ќе се борам и нема да се смирам додека не ја исполнам мојата цел и затоа ве повикувам и барам од Вас, Македонци, Албанци, Срби и останати, да ми се приклучите, затоа што знам дека мојата цел е и ваша цел и заеднички со вашата поддршка ќе ја направиме Брвеница подобро место за живеење, нагласи Илиевски. Илиевски вечерва пред граѓаните вети дека ако стане градоначалник ќе ја подобри спортската инфраструктура и услови за спортување на младите, регионална инфраструктурна поврзаност, воведување на концепт на зелена и чиста општина, модерен и атрактивен локален туризам, дигитална инфраструктура, подобрување на локалните услови за водење бизнис, воспоствување на европски практики и имплементирање на европски вредности и функционален систем за социјална заштита. - Во мојата програма се содржани детални проекти, поделени како итни и приоритетни и проекти со подолг рок кои се стратешки, поголеми и поскапи. Брвеница за многу луѓе е мала општина, но за нас кои сме се родиле, растеле и живееме тука е најважната општина, порача Илиевски. Илиевски ги повика граѓаните на 17-ти октомври да излезат и да гласаат за промени, проекти, време е да се создаде нова иднина.