Јовица Страшевски – Kurir.mk

Адвокатот Страшевски апелира на разум: Се работи за здравјето на сите нас, одложете ги судењата

Ивона Петрова — Fri, 27 Mar 2020 10:01:43 +0000

Адвокатот Јовица Страшевски упати јавен апел до членовите на Судскиот совет во кој посочува дека неговот здравје, здравјето на неговите колеги и сите кои го посетуваат Судот е поважно од тоа еден месец да нема судења во Кривичниот суд. -Во услови на пандемија во цел свет, во услови на зголемување на заштитните мерки од страна на Владата на Македонија, во услови на полициски час, и на најава на заострување на мерките и зголемување на траење на полицискиот час, но и што е најважно во услови на зголемен број на заболени – инфицирани од корона вирусот единствена институција која работи целодневно со цел капацитет е Кривичниот суд во Скопје како да е најважна работа без која не може да опстане државата. Апелирам на разум и разбирање, несакајќи овој мој апел да биде сфатен и презентиран на друг начин , овој мој апел е замолница да надвладее разумот бидејќи се работи за ЗДРАВЈЕТО ЗА СИТЕ НАС, и не би сакал да биде сфатен на никаков друг начин а најмалку како начин за мешање на работата на Судовите. Додека Вие за Вас си донесовте одлука да доаѓате на работа на смени т.е максимум двајца членови на Судски совет да доаѓаат на работа и секојдневно да ротирате и додека пола од администрацијата воопшто не доаѓа на работа како зашита од коронавирусот ние адвокатите заедно со судиите, обвинителите, обвинетите но и вработените во судот, медиумите,невладиниот сектор,затворската полиција, судската полиција сме постојано изложени на ризик во судници каде некогаш се наоѓаме и по 30 но и повеќе луѓе, пишува Страшевски во апелот. Адвокатот истакнува дека да се обиде да го разберам молчењето што тоа го направиле и со поротничката во случајот ТНТ, но сега случајот е многу посериозен бидејќи, вели тој, со Вашето молчење може да предизвикате несакани последици т.е заразување на многу лица со корона вирус што на крај на ден може да предизвика и загуба на човекови животи. -Кога во регионот ниту еден суд не работи а тоа е направено со одлуки на Судскиот совет или Врховниот суд во зависност од поставеноста на судската влада во таа држава Вие чекате некој друг да одлучи за Вас бидејќи така сметате дека така е полесно понеодговорно,но за жал овој пат не е така бидејќи се работи за ЗДРАВЈЕТО НА СИТЕ НАС. Донесувањето на општи одлуки каде ја префрлувате топката на претседателите на судовите не е воопшто одлука па затоа апелирам до Вас да донесите јасна одлука притоа земајќи ги во предвид мерките на Владата, за што и 75 високо квалификувани адвокати Ви дадоа предлог кој Вие до денес не успеавте ниту да го прокоментирате ниту анализирате . Апелирам барем еднаш во вашиот мандат да донесете одлука а притоа да не чекате став од Министерството за правда како тоа што го направивте во почетокот на март каде направивте само copy/paste на предлогот на министерстово. На крај да Ве потсетам што предложија 75 адвокати меѓу кои бев и јас поаѓајќи од фактот дека во овие моменти здравјето треба да биде највисок приоритет, вели Страшевски. 1. Сите постапки во судовите привремено да се прекинат, а единствено да се држат рочишта каде по барање на надлежен обвинител треба да се одлучи за определување на мерка притвор, како и за оние случаи каде е утврдена кривична одговорност поради повреда на мерките за спречување на ширењето на коронавирусот; 2. По завршување на секое рочиште да се врши соодветна дезинфекција на салите каде ќе се одвива судско рочиште, да се дезинфицираат лифтовите и сите простории во кои ќе се движат странки, вклучително рачките на вратите и други површини кои често се изложени на допир на повеќе лица, како и да се мери температура на сите лица кои влегуваат во судот од службениот и сите неслужбени влезови; 3. Министерството за правда или судовите за секое лице кое ќе влези во судот да обезбедат заштитна маска и нараквици; Со неносењето на ваков тип на мерки во услови кога СЗО прогласи пандемија а Претседателот Пендаровски вондредна состојба поради корона вирусот,се прогласи и полициски час кој е и зголемен во времетраењето, се најавуваат и други поригорозни мерки, се врши повреда на правото на животот заштитен со член 2 од Европската конвенција за човековите права на нас адвокатите, но и на сите присутни во Кривичниот суд и директно се прекршува Кривичниот законик.

Јовица Страшевски: Дали важи законот и препораките на Владата за претседателот на Кривичен суд Иван Џолев?

Тале Кристо — Wed, 25 Mar 2020 17:06:42 +0000

Адвокатот Јовица Страшевски упати отворено писмо кое го пренесуваме во целост. Почитувани преставници на Судски совет, Министерство за правда, Министерство за внатрешни работи, Министерството за здравство, Обвинителство. Имам едно прашање до Вас: ДАЛИ ВАЖИ ЗАКОНОТ И ПРЕПОРАКИТЕ НА ВЛАДАТА ЗА ПРЕТСЕДАТЕЛОТ НА КРИВИЧЕН СУД ИВАН ЏОЛЕВ? Колега Џолев неколку збора и до тебе. Со твоето последно соопштение испратено во името на Кривичниот суд (твое бидејќи не сите судии се согласуваат со твојот став и јавно ги охрабрувам како тоа што го направи еден многу почитуван судија да кажат што мислат) , да се осврнам на денешното твое соопштение до јавноста (твое бидејќи секогаш се задскриваш зад соопштение од Кривичниот суд) и низ бројки да го разјасниме пред јавноста она сто повторно го кажуваш, а кое нешто е невистина. 1. Викаш дека има минимум 10 судења во текот на еден ден. Ајде да пресметаме. Ако има 308 приоритетни судења (како ги утврди и на кој начин тоа е друго прашање) секое е закажано минимум еднаш, а во најголем број по 2 или 3 пати. Во изминативе 30 дена од како е прогласена вондредна состојба, има 21 работен ден и ако се подели 308 со 21 нели е тоа поголемо од 10. А што се случува со барањата за притвор? Слабо математикава или некој манипулира? 2. Како може во една сала во судот каде најголемата е 150м2 да се обезбедат услови за 40 лица и притоа меѓу секој од нив да има разлика од 2м? Односно да се подели на 2 е 75м2 каде треба да се сместат 40 луге, па собери, помножи, подели, одземи, не излегува ништо по препораките на владата. Математика е егзатна наука и нема тука манипулации како што милуваш да кажеш 3. Те повикувам да присуствуваш на на сите наредни рочишта заедно со нас адвокатите, обвинетите, вработените во судот, судиите ,обвинителите, јавноста, преставниците на невладиниот сектор или ако неможеш на сите барем на поголемите рочишта по твој избор да се увериш дали помеѓу судиите и поротниците и другите учесници има 2 метри растојание и тоа да го пренесат медиумите. 4. Молам сите медиуми што беа присутни на денешните рочишта да објават слики или видеа или да потврдат или демантираат ова што го зборува Претседателот на Кривичен суд? 5. Медиумите, а најдобро Џолев да одговори на следниве прашања поврзани со денешните рочишта: • Дали сите судии носеа маска и ракавици? • Дали поротниците носеа маска и ракавици? • Дали растојанието помеѓу судиите и поротниците беше 2м? • Дали растојанието помеѓу обвинетите беше 2м? • Дали растојанието помеѓу адвокатите беше 2м? • И дали обвинетите кои се носат од притвор имаа заштитни мерки? Еве еден пример за илустрација јас денес имав притворски предмет во основниот кривичен суд Скопје. Обвинетиот, мој клиент беше донесен без заштитна маска и ракавици, а и сами знаете во какви услови се во притворското оделение во Шутка. Ова лесно можат да го проверат и медиумите, но и јавно ги повикувам и МВР, Обвинителството и Судскиот совет да проверат на камерите во кривичниот суд дека ова што го пишувам е чиста вистина, секоја ваква грешка може скапо да чини човечки животи, загрозување на сите во судот, загрозување на цели семејства. Денес поднесов и поднесок во архивата и таму вработените во судот, иако преку шалтер го земаа поднесокот, немаа заштитни ракавици и маски и тоа може да се провери на камерите во судот, а се само да се задоволи желбата на еден човек претседателот на основниот кривичен суд Иван Џолев за кој поважно е да суди во епидемија на вирус прогласена во цел свет од здравјето на луѓето само за задоволување на сопствените хирови. За илустрација сите соседни држави ги затворија судовите, Грција ги затвори сите судови, во Бугарија со одлука на Врховниот суд се одложија сите рочишта за минимум еден месец, Србија судовите судат само итни притворски предмети и прекршителина мерките од корона вирусот, САМО КРИВИЧНИОТ СУД ВО СКОПЈЕ И ИВАН ЏОЛЕВ ДРЖАТ СУДЕЊА. Владата превзема мерки кои јавно ги презентира, но тие не важат само за претседателот на кривичен суд Иван Џолев, Г-дин Џолев во која судница има растојание од 2м помеѓу судии, поротници, обвинители, обвинети, адвокати, медиуми, судски полицајци, затворска полиција, преставниците на невладиниот сектор??? Почитувани преставници на Судски совет, Министерство за правда, Министерство за внатрешни работи, Обвинителство, Ве молам стопирајте го самоволието на Претседателот на Кривичниот суд Иван Џолев. Не дозволувајте судот да биде жариште на Корона вирусот. Апелот на 75 адвокати кои Џолев ги навреди не го фрлајте во корпа, Ве молам добро анализирајте го и прифатете го. ЗДРАВЈЕТО МОЕ НА МОИТЕ КОЛЕГИ, НА СУДСКАТА АДМИНИСТРАЦИЈА, ОБВИНЕТИТЕ, ОБВИНИТЕЛИТЕ, ПРЕСТАВНИЦИТЕ НА МЕДИУМИТЕ И НЕВЛАДИНИОТ СЕКТОР, СУДСКАТА ПОЛИЦИЈА, ЗАТВОРСКАТА ПОЛИЦИЈА Е ПОВАЖНО ОД ЕДЕН МЕСЕЦ ДА НЕМА СУДЕЊА ВО КРИВИЧНИОТ СУД. На крај на ова мое соопштение г-дин Џолев Јавно те повикувам да се извиниш на 75 адвокати меѓу кои сум и јас, кои едногласно се согласија и потврдија дека Кривичниот суд, каде си ти најодговорен, не ги почитува мерките на Владата. Никој од тие мои колеги никого не манипулира, туку сме само сериозно загрижени за нашето здравје, здравјето на нашите семејства, но и за сите присутвни во судниците Меѓу тие 75 адвокати има повозрасни луѓе од Вас, кои можат по годините да бидат и ваши родители, кои не можете како ваши колеги да ги навредувате. Има поранешни претседатели на основниот суд, државни јавни обвинители, адвокати почиувани во фелата и пошироко за да вие едноставно криејќи се зад соопштение од основниот кривичен суд ги навредите дека се МАНИПУЛАТОРИ. Но, тоа е друго прашање на совест, почит и воспитување. Барам и повикувам најитно оваа навреда на 75 адвокати јавно да ја осуди и Адвокатската комора на Македонија. Со почит, Адвокат Јовица Страшевски

Страшевски: Следниов месец ќе има 308 судења, Џолев прави кривични дела против здравјето на луѓето!

Ивана Ефремовски — Fri, 20 Mar 2020 16:40:47 +0000

Со денешното објавување на распоредот на предмети кои во наредните 30 дена ќе се судат во Основниот кривичен суд (вкупно 308) претседателот на Кривичниот суд Иван Џолев прави кривични дела против здравјето на луѓето, пренесување на заразни болести или непостапување според здраствените прописи за време на епидемија т.е прогласена вондредна состојба на територија на нашата држава, обвинува адвокатот Јовица Страшевски. Имено во „приоритетите“ на Кривичниот суд ставени се и прекршочни предмети но и предмети каде има и по 10, 15, 20 обвинети што автоматски значи и до 50 присутни во салата со што повеќе е од јасно дека е невозможно да се исполнат препораките на Владата. Во продолжение го пренесуваме соопштението од адвокатот: Со ваков распоред на судења повеќе од јасно е дека во текот на еден ден ќе има повеќе судења т.е во исто време во судот секогаш ќе има над 100 лица земајќи во предвид дека надвор од овие 308 предмети ќе се судат и предмети за определување на притвор но и оние за кои е утврдена кривична одговорност за непочитување на мерките од Владата во врска со корона вирусот. Недозволиво е во судот да има присуство на стотици лица, а во исто време Владата на отворен простор да не дозволува присуство на повеќе од 5 лица. Со ваков распоред Претседателот на судот во опасност доведува стотици граѓани не само од можност да бидат заразени со корона вирус туку и од најтешката последица т.е смрт која би настанала како последица од вирусот. Во оваа прилика апелирам до Министерот за здраство, Министерот за правда и до Судскиот совет да реагираат на ваквиот распоред бидејќи доколку не превземат никакви мерки ќе бидат соочесници во кривичните дела кои ги прави претседателот на Кривичниот суд. Апелирам до моите колеги, но и до Адвокатската комора да го крене својот глас и да не го дозволи ова самоволие. Адвокатската комора мора да се грижи за правата на адвокатите. Апелирам и до здружението на судии да го направи истото бидејќи и судиите во Кривичниот суд се изложени на ризик од корона вирусот. Апелирам до синдикатот да го крене својот глас и да се грижи за вработените во Основниот кривичен суд. Исто така повикувам сите мои колеги на кои со ваков распоред директно му се загрозуваат основните човекови права и директно се изложуваат на огромен ризик да бидат заболени од корона вирусот, да доставуват и тие кривични пријави против сите кои директно или индиректно ќе ги изложат на ризик и не ги почитуваат мерките на Владата исто како тоа што јас ќе го направам во текот на наредната недела против претседателот на Кривичниот суд и останатите доколку не биде повлечен распоредот објавен на веб страницата на Кривичниот суд. Основниот грагански суд во Скоје и останатите судови во внатрешноста (Тетово, Гостивар Кичево, Битола, Штип) не работат, а само единствено препораките од владата не важат за Основн суд Скопје 1 и претседателот на Кривичнио суд Иван Џолев. Кој ќе биде одговорен доколку се случи да некој од обвинетите, судскиот персонал, адвокатите заболе од корона вирусот кој е смртоносен и кој ќе гарантира дека на вакви закажани судења сите присутни не се носители на вирусот. Доколу се случи некој немил настан и биде загрозен нечиј живот одговорноста треба да ја преземе претседателот на Кривичниот суд Иван Џолев бидејќи за него поважно е да ги заврши судските процеси отколку здравјето на луѓето. И доколку е толку храбар го повикувам да присуствува на сите закажани судски рочиста заедно со судскиот персонал, адвокатите и обвинетите. На крај уште еднаш сакам да повикам Судскиот совет, Министерката за правда и Министерот за правда да ги рагледаат мерките кои вчера ги предложив

Сите постапки во судовите да се прекинат, освен за предметите каде е определен мерка ефективен притвор.
За предметите за кои ќе настане прекин во судењето да се донесе уредба со законска сила која ќе го прекине течењето на роковите со тоа што нема да може да настане застареност на предметите или други негативни реперкусии
Под итно да се судат и предметите за сите лица за кои ќе се утврди кривична одговорност за прекршување на одлуките на Владата а поврзани со корона вирусот.
Судењата да се одвиваат во двете големи сали во старата и новата зграда на Кривичниот суд со запазување на сите мерки донесени од Владата бидејќи во другите сали многу тешко т.е невозможно е да се исполнат истите.
По завршување на секое рочиште да се врши дезинфекција на салите каде ќе се одвива судско рочиште
Секој суд на својата web страница јавно да објави кои предмети ќе продолжат со судење со наведување на точниот термин и сала а не истото да се прави на шалтерите на судовите
Министерството за правда или судовите за секое лице кое ќе влези во судот да обезбедат заштитна маска и нараквици
Секое лице кое ќе влезе во судот да потпише изјава под морална и кривична одговорт дека не патувал надвор од земјата во последните 14 дена но и дека не е во самоизолација

Адвокатот Страшевски со апел до Судскиот совет и до министерката Дескоска: Ова се неговите предлог мерки

Ивана Ефремовски — Thu, 19 Mar 2020 15:48:48 +0000

Со цел да придонесам кон справување со коронавирусост бидејќи јавното здравје е заедничка одговорот и од нас зависи како ќе се справиме со овој вирус предлагам неколку предлог мерки, објавува адвокатот Јовица Страшевски. Неговото соопштение го пренесуваме во продолжение:

Сите постапки во судовите да се прекинат, освен за предметите каде е определен мерка ефективен притвор.
За предметите за кои ќе настане прекин во судењето да се донесе уредба со законска сила која ќе го прекине течењето на роковите со тоа што нема да може да настане застареност на предметите или други негативни реперкусии
Под итно да се судат и предметите за сите лица за кои ќе се утврди кривична одговорност за прекршување на одлуките на Владата а поврзани со корона вирусот.
Судењата да се одвиваат во двете големи сали во старата и новата зграда на Кривичниот суд со запазување на сите мерки донесени од Владата бидејќи во другите сали многу тешко т.е невозможно е да се исполнат истите.
По завршување на секое рочиште да се врши дезинфекција на салите каде ќе се одвива судско рочиште
Секој суд на својата web страница јавно да објави кои предмети ќе продолжат со судење со наведување на точниот термин и сала а не истото да се прави на шалтерите на судовите
Министерството за правда или судовите за секое лице кое ќе влези во судот да обезбедат заштитна маска и нараквици
Секое лице кое ќе влези во судот да потпише изјава под морална и кривична одговорт дека не патувал надвор од земјата во последните 14 дена но и дека не е во самоизолација

Апелирам овие мерки да ги донесете во текот на утрешниот ден бидејќи секоја задоцнета мерка може да предизвика нови заболени лица со корона вирус. Не дозволувајте она што се случи во Врховниот суд да биде случај и во другите судови на територија на нашата држава. Со неносењето на ваков тип на мерки во услови кога СЗО прогласи пандемија а Претседателот Пендаровски вондредна состојба поради корона вирусот, судот како државен орган врши повреда на правото на животот заштитен со член 2 од Европската конвенција за човековите права на мене како адвокат како и на сите присутни во салата.

Адвокатот Страшевски до министерката Дескоска: Јавното здравје е заедничка одговорност!

Љупчо Цветаноски — Wed, 18 Mar 2020 16:13:48 +0000

Адвокатот Јовица Страшевски напиша писмо до министерката за правда Рената Дескоска, во кое јавно ја прашува зошто се уште судовите се полни и редовно се оддржуваат судења. Во писмото Страшевски бара одговор на повеќе прашања: „Согласно последното соопштение на Судскиот совет од 17.03.2020 година кое е идентично со ставот на Министерството за правда се констатира фактот дека над 90 проценти од предметите (не постои предмет освен ретки исклучоци каде не е определена мерка на претпазливост) кои се во надлежност на Основно јавно обвинителство за гонење на организиран криминал и корупција судот ќе продолжи да ги суди и во вакви услови кога за сите нас најважно е здравјето на граѓаните. Ваквиот став значи секојдневно стотици и стотици лица да бидат присутни во судот што дава можност за ширење на вирусот. Се надевам дека адвокатите, обвинетите, судиите, поротниците, вештаци, сведоци, припадниците на МВР и судската полиција, новинарите, преставниците на невладиниот сектор и вработените во судот треба да имаме ист третман како и секој граѓанин во нашата држава. Ве молам со цел да се разјасни на нас адвокатите но и на сите кои директно или индиректно учествуваат во постапките пред судовите да одговорите на следниве прашања: Дали во судницата треба да се задржи минимум неопходно растојание од најмалку еден метар и половина до два метри помеѓу луѓето кои престојуваат во судницата? Дали доколку не се обезбеди вака просторни услови треба да се одржуваат судења? Дали под масовни собири се подразбира и присуство на 20 или повеќе лица во простории од 40 до 150 м2? Дали за учесниците во постапката важат мерките за самоизолација? Кој контролира дали некој учесник во постапка пред судот, изминатиов период бил во земји кои се од висок и среден ризик на зараза имајќи во предвид дека изминативе денови во судот имаше сведок кој беше од Дебар или адвокат кој бил во вакво подрачје а слободно се движеа во судот? Кои се санкциите за ваквите дејствија? Кој е надлежен за дезинфекција на судниците, шалтерите, ходниците, лифтовите, тоалетите и другите простории во судот? Дали е доволно само двапати во една недела да се дезинфицира судница каде секој ден има и по неколку судења? Кој контролира дали судниците и другите простории се дезинфицирани и каде да пријавиме доколку не се? Врз база на која методологија правници т.е претседателите на судовите и судиите ќе определуваат кои предмети не се со висок ризик по здравјето на учесниците во постапката нешто што е наведено во ставот на Судскиот совет? Кој треба за сите присутни во судницата да обезбеди заштитни маски и нараквици? Дали за учесниците во постапката кои во исто време се и родители со деца до 10 години кои се во градинка или училиште треба да се појавуваат на рочишта? Дали учесници во постапката кои спаѓаат во група на хронично болни од некоја болест согласно листата објавена од Владата треба да се појавуваат на рочишта? Земајќи во предвидека во Основниот кривичен суд каде се судат овие предмети но и во останатите судови не се овозможува употреба на информатичка технологија за да има видео стриминзи и слично дали треба да се одржуваат судења земајќи во предвид дека неопходно е јавност при судењето? На крај сакам да Ве замолам уште еднаш заедно со стручните лица да го разгледате ставот на Министерството за правда кое е идентичен со оној на Судскиот совет, бидејќи јавното здравје е заедничка одговорот и од нас зависи како ќе се справиме со корона вирусот.

Адвокат Страшевски упати јавен апел до Филипче

Ивана Ефремовски — Thu, 12 Mar 2020 14:20:54 +0000

Адвокатот Јовица Страшевски упати јавен апел до министерот за здравство Венко Филипче. Неговото барање го пренесуваме во продолжение: „Во мое лично име, но и во името на моите колеги кои овие два дена се вознемирени и гласно ја коментираат состојбата со Корона вирусот во Република Македонија, јавно Ви се обраќам со цел да апелирам да донесете разумна одлука бидејќи здравјето е најважно пред било каква одлука од страна на Министерот за правда која нема ниту знаење ниту допирни точки со ова прашање. Апелирам да донесете одлука без консултации како тоа што го направивте без претходни консултации со други министри, комори т.е засегнати страни бидејќи се согласувам со Вас дека здравјето е побитно од се. Кој ќе сноси одговорност ако судот постане извор број 1 на Корона вирус во нашата држава. Кога во нашата држава се забрануваат јавни собири, се затвораат игротеки, градинки, школи итн нема никаква логика да судот работи под полна пареа каде дневно циркулираат илјадници лица кои не се имуни на Корона вирусот. Притоа сакам да Ве информирам дека во Кривичниот суд ниту се спроведуваат некои мерки, ниту се дезинфицираат судниците, ниту се прави некаква контрола на лицата што влегуваат во суд под полна пареа се одржуваат десетици судења. Нема евиденција кој судија или обвинител бил на некое патување или имал контакти со лица кои се во ризична категорија. Во текот на вчерашниот ден еден адвокат кој бил на службено патување во ризичен регион присуствуваше на судење, а денес една од обвинетите не дојде на судење поради тоа што нејзиниот сопруг бил во каранти. Апелирам до Вас итно да дадете препорака до судовите во нашата држава да држат само судења кои се од итен и неодложен карактер но исто така да се врши дезинфекција на судниците но и да има контрола на лицата кои влегуваат во судовите. Имам четири деца и немам намера јас лично наредниов период да се појавувам на закажаните рочишта бидејќи нивното здравје ми е поважно од се. Ве молам да ги имате во предвид дека судот казнува адвокати кои ги почитуваат вашите досегашни мерки т.е отсуство поради родителска грижа на своите деца. Се надевам дека овој Апел добронамерно ќе го сватите бидејќи здравјето на граѓаните треба да биде пред се“-пишува адвокатот.

ФОТО: Доказ дека Тони Трајковски немал уредна достава на покана од судот, се огласи неговиот адвокат

Ивана Ефремовски — Tue, 14 Jan 2020 17:14:39 +0000

Сите конструирани сценарија на Основниот кривичен суд излегуваат на виделина, а правдата секогаш и вистината излегуваат на површина. Ова денеска го вели преку соопштение до јавноста адвокатот Јовица Страшевски. Неговото соопштение го пренесуваме во продолжение „Денес 04.01.2020 година беше закажано рочиште за случајот ТНТ, истото не се одржа бидејќи немаше уредна достава од судот до обвинетиот Тони Трајковски, јас како негов бранител запрашан од страна на судијата одговорив, а и пред медиумите дадов изјава дека Тони Трајковски нема уредна достава на покана за закажано ново рочиште, тоа не беше прифатено од страна на судијата и беше даден налог за стражарно приведување на Тони за утрешното судење 15.01.2020. Дека на Тони Трајковски како обвинет не му е доставена уредна достава покажува и следниот доказ. Имено денес 14.01.2020 Тони Трајковски при редовното пријавување во судот побарал да му се достави покана за ново рочиште и истата не му била доставена од страна на судот, за што обвинетиот Тони Трајковски испратил и писмено известување до судот кое во целост во прилог ви го доставувам кое ве замолувам да го објавите во целост , со напомена да се заштитат личните адресни податоци на Тони Трајковски Уште еден доказ дека одбраната не прави опструкции во предметот ТНТ како што тоа го прикажуваат од Кривичниот суд со штури соопштенија до јавноста, и доказ дека одбраната и обвинетите се за праведно ефикасно,ефективно и пред се законито судење без пропусти во постапката“-стои во дописот од адвокатот.

Страшевски преку отворено писмо до Џолев: Секој ден се повеќе и повеќе се заглавувате во вашите незаконски постапки

Дарко Андоновски — Sat, 11 Jan 2020 13:16:12 +0000

Адвокатот Јовица Страшевски преку отворено писмо до јавноста му се обрати до колегата Иван Џолев кој е претседател на Основниот Кривичен суд. Писмото на Страшевски ви го пренесуваме во целост: Почитуван колега Џолев, Водите и сте на чело на важна институција а секој ден наместо Вие да бидете први кои треба да го почитувате законот вие секојдневно во брзање ги прекршувате законите. Секој ден се повеќе и повеќе се заглавувате во вашите незаконски постапки. Ве почитувам како колега и топло Ви препорачувам да постапувате согласно закон така ќе биде најдобро за сите нас. По неколкуте добронамерни укажувања со отворени писма преку медиумите, за жал сите ваши незаконски постапки ме натераа да повторно јавно ви се обратам. Оваа прилика ја користам да укажам на уште една незаконска постапка која Вие ја направивте во текот на вчерашниот ден. Имено и покрај тоа што немам сеуште добиено покана која се знае како според член 127 од ЗКП се доставува на бранител за закажано ново рочиште, во кој се опишани начините на достава,а и Тони Трајковски не ми го откажал полномошното како негов бранител Вие по незнам кој пат го кршите законот и сте назначиле незнам по кој закон и член друг бранител во постапката по службена должност.Ова е ПРЕСЕДАН во СУДСТВОТО. За ова прекршување на Законот покрај тоа што ја информирам целокупната македонска јавност ќе ја информирам исто така и меѓународната заедница, адвокатската комора која ја повикувам да изврши мониторинг над се што се случува со адвокатите во Крив.суд бидејќи вакво самоволие не е видено во македонското судство досега. Адвокатската комора мора и јавно ја повикувам да се изјасни , не може за секое барање на адвокатите Кривичен суд да поднесува барања за поведување на дисциплинска постапка против адвокатите , кое нешто е и јавна закана и заплашување врз нас,Адвокатската комора мора и треба да застане во одбрана на адвокатите. Се поставува прашањето зошто молчи и Судскиот совет, зошто молчи МВР и Јавното обвинителство до кога ќе дозволуваат да продолжи самоволието и кршењето на законите. Вие може да назначите бранител по службена должност само ако ме имате уредно покането и јас не сум се јавил на судење,или мојот клиент ми го откаже полномошното, нити едното ниту другото е направено бидејќи судењето е на 13.01.2020 а вие предвреме незаконски избрзавте и назначивте бранител по службена должност Да ве потсетам задолжителна одбрана е предвидена согласно член 74 од ЗКП и препорачувам да го прочитате членот.

Ако обвинетиот е нем, глув или неспособен самиот успешно да се брани или ако против него се води кривична постапка за кривично дело за кое во законот е пропишана казна доживотен затвор, мора да има бранител уште при првото испитување;
Обвинетиот мора да има бранител ако против него е определен притвор за времето додека трае притворот;
По поднесениот обвинителен акт поради кривично дело со закон е пропишана казна затвор од десет години или потешка казна затвор, обвинетиот мора да има бранител во времето на доставување на обвинителниот акт;
Во текот на постапката за преговарање и спогодување со обвинителот за признавање на вината, обвинетиот мора да има бранител;
Обвинетиот на кој му се суди во отсуство мора да има бранител веднаш по донесеното решение за судење во отсуство.

Ниту еден од наведените услови не е исполнет. Оттука легитимно се поставува прашањето врз основа на кој член од ЗКП или било кој друг член од било кој законски пропис во РСМ е назначен адвокат по службена должност на мојот клиент? Дали на овој начин умислено се продолжува со дејствија на повреда на правата на обвинето лице. Дали имате желба јас да не учествувам во постапката па од брзање за тоа правите грешки, јас почитуван колега Џолев нема да се откажам од оваа и од ниедна друга постапка и ќе ме има во основниот кривичен суд во одбрана на правото секогаш. Не се плашам од вашите директни закани и поднесени пријави имам чиста совест и законот е пред сите и над сите нас. Во случајот Ласкарци трагично загинаа 16 луѓе, 16 млади животи мои пријатели гостиварчани, ве прашувам што е поважен ТНТ од овој случај и од другите случаеви кои ги одлагате ,за што толку брзате и ги прекршувате законите само за ТНТ??? Сакам да Ве запрашам која е разликата и зошто различно постапувате со поротничките во предметот ,, Ласкарци,, и предметот ,,ТНТ,,. ?а Дали и за ова адвокат ЈС ви вршеше притисок и констатиравте престанок на мандат на поротник во Ласкарци? Законот е јасен судија поротник може да биде избран до 60 годишна возраст, по кој член и по кој закон вие побаравте од РСС продолжување на мандат, и како тоа РСС ќе продолжи мандат на поротник кој има истечен мандат и наполнето 60 години. Ја лажете јавноста купувате време и Вие и претседателот на РСС. Вашето барање до РСС е само купување на време и замајување на очите на јавноста, и како што вие поднесувате неаргументирани барања за поведување на дисциплинска постапка против мене и моите колеги, така и јас ви ветувам дека ќе понесам до РСС барање за поведување на постапка против вас за незаконито постапување и лажно поднесено незаконско барање за продолжување на мандат на судија поротник кое е спротивно на сите закони. На крај, уште еднаш Ве повикувам на ТВ дуел да ги дискутираме овие теми или доколку не сте спремен за дуел Ве повикувам да се охрабрите да не се криете зад штурите соопштенија од Кривичниот суд и да излезете на прес конференција пред целокупната македонска јавност и дадете одговор на моите прашања почнувајќи од тоа за 50-те милиони причини зошто ТНТ има посебен третман споредбено со останатите предмети кои се водат во Кривичниот совет. Ви посакувам пријатен викенд и доколку сакате да ми врачите покана како што кажав и претходно јас не се кријам туку сум со мојата фамилија во Маврово која за мене е свето нешто,а како се доставува покана на бранител ви препорачувам прочитајте во член 127 од ЗКП. ВРЕМЕТО Е ПОМОЌНО ОД СИТЕ НАС!!! Со почит, Адвокат Јовица Страшевски, стои во неговото отворено писмо до јавноста.

Кога ти гори под нозе: Поротничката се повлече поради истечен мандат, но брзајќи да се осудат Јанакиески и Трајковски, Судот не ја констатира оставката

Ивана Ефремовски — Fri, 10 Jan 2020 11:57:47 +0000

Судскиот совет веднаш да го констатира престанокот на функцијата на поротничката Лилјана Ивановска-Кочковска, бараат поголем број на правници. Поротничката чиј мандат е истечен, не смее да остане на тоа работно место бидејќи со тоа се прави незаконско дело. Познавачите на состојбите велат дека ако со судија-поротник со истечен мандат Кривичен би донел пресуда, истата ќе падне на Апелација. Адвокатот Јовица Страшевски во соопштението за медиуми посочува дека Ивановска-Кочковска поднела неотповиклива оставка од позицијата судија-поротник поради истек на мандат. -Во оставката го информирала Претседателот на Основниот Кривичен суд дека повеќе не сака да присуствува на било кое рочиште. Според информациите и покрај тоа што поранешната судија-поротник Лилјана Ивановска Кочковска оставката и официјално ја доставила во архивата на Основниот кривичен суд Скопје, по налог на Претседателот на судот истата не била прифатена и била итно повикана кај него со цел да се изврши притисок да мора да присуствува на рочиштата кои се закажани особено за предметот ТНТ. Итно го повикувам Министерството за внатрешни работи и Јавното обвинителство да постапат по оваа информација и на целокупната македонска јавност и ја соопштат вистината околу случувањата во Основниот Кривичен суд поврзани со овој настан, вели адвокатот Страшевски. Адвокатот Мерџан Даути исто така бара да се прифати оваа оставка. -Апелирам до Вас и сите меѓународни иституции, за Ваше добро и за доброто на државата, дека владење на правото и почитување на законите е услов нашата земја побрзо да влезе во НАТО и ЕУ, затоа прифаќате оставка на судија – поротник Лилјана Ивановска Кочковска, па и кривичниот предмет нека продолжи без влијание на Претседателот на судот, и судењето нека се води судечкиот совет. Не се плашете Претседателе, овој предмет застарува во 2031 година, и не разбирам на Вашето инсистирање спротивно на сите позитивни закони, да предметот познат за јавноста „ТНТ“ да заврши пред изборите или во најкусен можен рок, те. текот на овој месец. Со непочитување на законските одредби и недозволување на употреба на албанскиот јазик се праваат суштествени повреди на ЗКП, што значи повисоките судови, те. Апелационен или Врховен суд, овие факти немаат да ги премолчат и предметот наместо да започне да се суди од ново во јануари, ќе почне да се суди јуни или јули 2020 година, кога ќе биде вратен од повисоките судови, вели тој. Со одлука која влегува во сила на 24.12.2015-та година, а објавена е во Службен весник, Лилјана Ивановска-Кочковска и Славица Шандовска, меѓу другите, стануваат судии поротници на Основен суд Скопје 1. Нивниот мандат, законски трае четири години. Согласно Законот за судови, мандатот на Ивановска-Кочковска официјално завршил. Судскиот совет нема обврска да констатира престанок на мандат поради истек на мандатот, туку јасно е назначено дека истиот истекува по 4 години. Рочиштата за случајот „ТНТ“ ќе почнат на 13-ти јануари и до 27-ми јануари, следните две недели, ќе се одржуваат секој ден. Ако се појави на рочиштето на 13-ти јануари, поротничката Лилјана Кочкова-Ивановска ќе направи кривично дело за лажно претставување, за што казната е затвор од минимум 5 години. Иако правниците ова го знаат, велат дека е очигледно зошто не се прифаќа нејзината оставка. Единствена цел е до пресуда да дојде побрзо, макар и по незаконски пат. Одбраната испрати писмо до претседателот на државата, Врховниот суд и амбасадорите на ЕУ, САД, Франција, Германија, со кое ги информираа за начинот на водење на предметот. Во него адвокатите пишуваат дека ефикасноста на постапката подразбира носење одлука на судечкиот совет кој е правилно составен и има мандат за донесување одлуки.

Страшевски: Судот ја замајува јавноста, во моите писма нема никакви закани и притисоци

Ивана Ефремовски — Thu, 09 Jan 2020 13:20:27 +0000

Последните соопштенија од Основниот кривичен суд се со една единствена цел искривување на вистината, лажно прикажување фактите и работите се со една цел да се замајуваат очите на јавноста за пропустите кои се прават од страна на судот, како и да се префрлат обвинувањата на одбраната односно со директен атак врз мене, со соопштенија се обидуваат да се закануваат со повици и пријави до МВР,Адвокатска Комора, Обвинителство,а се со цел да се обидат да извршат приотисок да се откажам од доследно применување на правото и законите во Македонија. Ова го истакнува адвокатот Јовица Страшевски во својот допис испратен до медиумите. Истиот ви го пренесуваме во целост: Писмата кои ги испратив до Претседателот на судскиот совет, до поранешната судија поротник Лидија Ивановска Кочковска, до Претседателот на Основниот кривичен суд се само мои укажувања на одредби од закони (ЗКП, Закон за судски совет , Закон за судовите) и законски прописи кои се важечки во Македонија, во истите да напоменам дека не давам толкување туку само ги цитирам одредени членови на закони и поставувам прашања по истите. Напоменувам никаде во моите отворени писма кои ги испратив деновиве до јавноста нема никакви уцени, закани, притисоци, има само ќе повторам цитирање на одредени членови од закони и поставени прашања по истите. Јавно повикувам да ако некој има закани јавувања или притисоци од мене да тоа го пријави до надлежните органи. Моите укажувања се да не се направат прекршувања на споменатите членови кои се цитирани за што би се направиле одредени пропусти во постапката и прекршувања на законите и тоа е ЕДИНСТВЕНАТА ЦЕЛ. Најодговорно тврдам под целосна матерјална и кривична одговорност дека со сите погоре наведени лица, сум немал, немам, нити некогаш сум остварил било каков контакт со истите освен отворените писма кои ги имате сите медиуми каде ќе повтотам има само цитирање на одредени закони и члениови од истите и поставени прашања по истите. Ова соопштение го објавувам не под страв на заканите,притисоците и заплашувањата кои ги прави Основниот кривичен суд преку своите соопштенија со повикување на МВР, Адвокатска комора, Обвинителство, туку да јавноста се запознае со вистината. По однос на објавениот мој допис доставен до Основниот кривичен суд дека сум на годишен одмор од 08.01.2020 до 17.01.2020 сакам да потенцирам дека на последното рочиште на 24.12.2019 во присуство на јавноста судијата г-дин Огнен Ставрев судењето го закажа официјално на 17.01.2020 година , на што јас замолив заради верските празници Водици и школскиот распуст да истиот термин биде одложен за ден два што не беше прифатено. Во моментов користам годишен одмор со сопругата и моите 4-ри деца, ек е на школски распуст и верски празници и тоа е моја приватна лична работа неповрзана со судските постапки.Тоа што Основниот кривичен суд ги менува датумите на судењата презакажува рочишта,одредува почеток и крај на судење што е правен преседан во светското правосудство, најмалку е мија вина.НАЈОДГОВОРНО ТВРДАМ ДЕКА ДО ДЕН ДЕНЕС 09.01.2020 ГОДИНА ЈАС КАКО АДВОКАТ ВО СЛУЧАЈОТ ТНТ НЕМАМ ДОБИЕНО ОФИЦИЈАЛНА ПОКАНА СПОРЕД ЗКП ЗА ПРЕЗАКАЖАНО РОЧИШТЕ ОД СТРАНА НА ОСНОВНИОТ КРИВИЧЕН СУД А ПОСТАПКАТА ЗА ДОСТАВА НА ПОКАНА ЗА РОЧИШТЕ според ЗКП се знае како законски се доставува .Членот 127 Од ЗКП е јасен и во него е опишан начинот на достава. Самото соопштение на Основниот кривичен суд не е законска постапка за закажување на рочишта ниту произведува правно дејство. Соопштението упатено од моја страна до Основниот кривичен суд не е само за случајот ТНТ, тоа е и за сите други предмети каде што сум бранител во постапката, за да судот биде информиран дека користам годишен одмор и од кој период што впрочем го прават сите адвокати ,мои колеги кога користат годишен одмор. СООПШТЕНИЕТО НЕ ЗНАЧИ И МОЕ НЕПОЈАВУВАЊЕ ИЛИ НЕПРИСУСТВО ВО ПОСТАПКАТА ВО ТНТ ИЛИ БИЛО КОЈА ДРУГА ПОСТАПКА како што сакаат да ја МАНИПУЛИРААТ јавноста од Основниот кривичен суд со нивните соопштенија со злоупотреба на моето известување, СЕ РАЗБИРА АКО БИДАМ УРЕДНО СООДВЕТНО И СОГЛАСНО ЗАКОН ПОКАНЕТ СО УРЕДНА ДОСТАВА. Искривувањето на вистината со соопштенијата на Основниот кривичен суд се само прикривање на нивните слабости и пропусти и замајување на очите на јавноста, и префрлање на вина на друг. Најодговорно тврдам дека нити имам намера нити имам зошто да ја одолговлекувам постапката и да правам прекршување на законите,Јас и мојот клиент според можностите кои ни беа дадени во постапката(за 21.000 страни ни беше даден увид во предмет само два часа спротивно на сите законски норми и прописи) но и покрај се сме спремни да во истата учествуваме и квалитетно во рамките на дадената можност ја дадеме одбраната. Веќе информирав дека во постапката над 20 рочишта до сега се одложени не поради одбраната туку поради приватни работи на судиите,поротниците,и проблемите во СЈО.Јас во ова постапка сум само 3-4 рочишта со полномошно од 20.12.2019 , со што јас имам вина што советот и основниот кривичен суд 2 години не успеале да го решат овој случај и сега вината ја префрлатт врз мене сум правел опструкции за одолговлекување на постапката. Мојата цел не е да се надмудрувам со Основниот кривичен суд,Судскиот совет или судиите поротници како што преку соопштенија тоа сакаат да го прикажат на јавноста,нити да сугерирам како да се водат постапките нити какви пресуди да се донесат, нити со нив нити со било кој друг немам намера да дебатирам по истото, основна цел ми е примана и доследно почитување и владеење на правото и законите, и доколку истите бидат прекршени или има индиции да се прекршат законите навремено да се укаже на тоа. НАМЕСТО КАКО ОДГОВОРНИ ЛУЃЕ КОИ РАКОВОДАТ СО ВРВНИ ИНСТИТУЦИИ ДА НЕ ПОВИКААТ ОТВОРЕНО ДА ПОРАЗГОВАРАМЕ ЗА ПРОБЛЕМОТ И ИСТИОТ СЕ НАДМИНЕ ТИЕ СО НАРАЧАНИ СООПШТЕНИЈА И ИСКРИВУВАЊЕ НА ВИСТИНАТА СЕ ПОВЕЌЕ СЕ ВТУРНУВААТ ВО НЕГО. Сценаријата на Основниот кривичен суд се јасни и видливи, Јас како професионалец во мојата струка Адвокат нема да отстапам од доследно применување на правото и законите во Македонија,секогаш ќе укажувам благовремено на сите законски пропусти не само во случајот ТНТ туку и во сите случаеви каде ќе се појавувам како полномошник или бранител, нема да потклекнам под никакви закани,притисоци, заплашувања или уцени од страна на никој и гордо со силата на законот за што и сум положил и заклетва ќе се борам за примена и владеење на правото во Македонија.ски