Јово Вангеловски – Kurir.mk

ОСУДЕН Е ЈОВО ВАНГЕЛОВСКИ: Казната затвор е заменета со условна

Ивана Ефремовски — Sat, 04 Jun 2022 08:22:52 +0000

Судечки совет на скопскиот кривичен суд, во четвртокот, донесе пресуда со која за сторена злоупотреба на службената положба и овластување го осуди поранешниот претседател на Врховиот суд, Јово Вангеловски, пренесе Правосудство. На Вангеловски изречена му е казна затвор во траење од една ипол година, но истата му е заменета за условна, доколку во наредните четири години не стори ново кривично дело.

Вангеловски поднел две жалби на одлуката на Судскиот совет за неговото разрешување

Предраг Кукиќ — Sat, 05 Oct 2019 07:36:43 +0000

Поранешниот претседател на Врховниот суд Јово Вангеловски кој беше суспендиран и разрешен од Судскиот совет, пред истекот на законскиот рок поднел две жалби – потврдиле за порталот НОВА извори од Советот. Тој барал да се преиспита и одлуката за суспендирање. Со оваа одлука, Вангеловски беше времено оддалечен од вршење на судиската функција и од функцијата претседател на суд, со што практично му беше забрането и да влезе во зградата на Судот. За жалбата која ја поднел во однос на одлуката за разрешување, таа ќе биде доставена до Врховниот суд кој треба да формира комисија составена од тројца судии од Врховен, по еден од четирите апелациски подрачја и двајца судии од матичниот суд на разрешениот судија. Доколку се прифати жалбата на Вангеловски, случајот повторно ќе се врати во Судскиот совет, кој одново ќе одлучува за негово разрешување.

Заев побара, Заев доби разрешување на Вангеловски: Кој ги пренесе денес неговите пораки до „независното“ судство ?

Ивана Ефремовски — Tue, 10 Sep 2019 14:04:11 +0000

Се остварува наредбата на Зоран Заев за paзрешување на претседателот на Врховниот суд, Јово Вангеловски. Денеска Судскиот совет одржа нова седница на која беше разрешен Вангеловски. Имено на денешната седница се расправаше за разрешувањето на Вангеловски од досегашната позиција. Неговото разрешување го пропратија низа на скандали, пред се поради изјавата градоначалникот на Сарај, Блерим Беџети. Пред точно еден месец тој јавно кажа дека врз него се вршени притисоци, лично од Зоран Заев во насока на разрешување на Вангеловски од позицијата претседател на Врховниот суд. Беџети тврди дека премиерот Заев му се јавил на 17-ти јули и побарал помош за смена на претседател на суд, работа која требало да биде завршена до септември. Дојде и септември и токму сега на дневен ред се најде разрешувањето на Вангеловски. -Јас ова барање на премиерот Заев го одбив. Две недели потоа се јави Државната комисија за спречување на корупцијата со пријава против мене. Ова е корумпирана комисија. Сигурен сум дека ваквите дејства се последица на тоа што го одбив премиерот да им кажувам на одредени членови како да гласаат, рече Беџети. Зоран Заев не демантираше дека разговарал со Беџети за разрешувањето на претседателот на Врховниот суд. По изјавата на градоначалникот на општина Сарај, лерим Беџети, дека Заев му се јавил и побарал од него да влијае врз членовите на Судскиот совет за менување судија, премиерот на својот Фејсбук напиша дека разговарал со Беџети за многу работи, меѓу кои и за шпекулациите во јавноста дека некој го штити Јово Вангеловски во Судскиот совет. Денешната седница на судскиот совет е само уште една потврда за целосната контрола на правосудството од страна на власта на чело со Зоран Заев.

Разрешен Јово Вангеловски, за в.д. претседател на Врховиот суд избран Фаик Арслани

Ивана Ефремовски — Tue, 10 Sep 2019 12:31:51 +0000

Судскиот совет на денешната седница го разреши Јово Вангеловски од функцијата претседател на Врховниот суд. Одлуката за разрешување од позицијата во највисокиот суд и судија во Врховниот суд е поради нестручно и несовесно постапување. За в.д. претседател на Врховниот суд е избран врховниот судија Фаик Арслани. Точката за разрешување на Вангеловски Судскиот ја разгледа зад затворени врати. Освен Вангеловски разрешени се уште двајца други судии. На одлуката на Судскиот совет, разрешените судии заедно со Вангеловски имаат право да поднесат жалба до Врховниот суд. За в.д. претседател на Врховниот суд е избран Фаик Арслани. (МИА)

Вангеловски: „Рекет“ отвора сомнеж дека случаите по 30 јуни 2017 се започнати со цел да се злоупотреби СЈО

Дарко Андоновски — Sat, 10 Aug 2019 18:46:34 +0000

Aферата „Рекет“ можеби докажува зошто Специјалното јавно обвинителство не го почитуваше начелното правно мислење на Врховниот суд дека СЈО не е овластен тужител по истекот на мандатот од 18 месеци од формирањето на институцијата, вели за ТВ 21 претседателот на Врховниот суд Јово Вангеловски. -Непочитувањето на ова мислење отвора сомнежи дека отворените случаи по 30 јуни 2017 се започнати со цел да се злоупотреби СЈО. Така личи од сегашна перспектива. Но, тоа е само логична претпоставка – вели Вангеловски. На 4 мај годинава, Врховен суд ги укина мерките куќен притвор за тројцата обвинети во случајот „Империја“ – Орце Камчев, Цветан Панделевски и Ненад Јосифовиќ, кои претходно поднесоа жалба до Апелација.

СВЕДОК: Судски денеска ќе го разреши Вангеловски за да ја заборавиме Катица Јанева

Предраг Кукиќ — Wed, 17 Jul 2019 08:59:01 +0000

Власта му наложила на Судскиот совет денеска да го разреши претседателот на Врховниот суд Јово Вангеловски, за да го сврти на друга страна скандалот со Катица Јанева и рекетот што го зел во нејзино име нивниот пулен Боки 13, кој од вчера е во притвор, пишува сведок.орг.мк. Владејачките партии пресметале дека со новиот член на Судски, кадар на ДУИ а со потпис на Стево Пендаровски, може да се разреши Вангеловски. Точката е ставена на дневен ред, па прво Лидија Каначковиќ ќе го презентира извештајот за одговорноста на Јово Вангеловски, по што ќе се гласа за негово разрешување. Целата вест на Сведок ТУКА.

Вангеловски: Судиите треба сами да си ја штитат независноста и непристрасноста

Ивона Петрова — Fri, 30 Mar 2018 12:49:10 +0000

Македонското судство е поефикасно од порано, но треба да се посветиме на квалитетот на судството, без оглед на статистичките податоци, и тоа да ни биде стратешка цел, истакна денеска претседателот на Врховниот суд Јово Вангеловски на одбележувањето на 31 Март Денот на правосудството. Вангеловски зборуваше за потребните реформи во судството, за предизвиците да се постигне независно и непристрасно судство, за проблемите со кои се соочуваат судовите и вработените во судската администрација, за потребите од повеќе пари и вработувања... Влијанијата врз судии се можни, рече тој во својот говор, но ако судијата се држи до законот, фактите и етиката, тогаш никој не може да влијае врз неговата работа. Интегритетот на судијата е најважен и судијата, додаде, треба самиот да ја штити личната незвисност и непристрасност. - Во таа консталација на меѓусебна контрола и соработка, извршната и законодавната власт треба да гарантираат дека судовите се независни и дека не се прифатливи мерки кои можат да ја доведат до опасност нивната независност. Треба да го обезбедат и почитуваат авторитетот на судската власт, а судската власт е таа која е стабилна и трајна и која треба да суди објективно, чесно врз основа на Уставот, законите и меѓународните договори, рече претседателот на Врховниот суд. Законодавната и извршната власт, смета Вангеловски, треба да го обезбедуваат и почитуваат авторитетот на судската власт, да ги почитуваат одлуките на судиите, бидејќи политиката е надмоќна во дефинирање на правото, но судството е надмоќно во неговата примена. - Судството не смее да биде предмет на политички маркетинг, судиите треба слободно и независно да ја вршат својата функција, никој не смее да влијае врз судијата при донесувањето на одлуките, да му се заканува со разрешување, реизбор, да го повикува на одговорност за донесената одлука, посочи Вангеловски. Македоните закони поврзани со непристрасноста и независноста на судството се речиси целосно усогласени со меѓународната легислатива, но според претседателот на Врховниот суд, се поставува прашање за нивна примена и дали тие се соодветно избалансирани без да се остава простор за злоупотреба, како и за изнаоѓање на вистинската рамнотежа меѓу независноста и одговорноста на судиите. Основано се смета, посочи тој, дека од унапредувањето на професионализмот, одговорноста, како и ефикасноста во работењето на судиите главно ќе зависи и успешното функционирање на судскиот систем. Осврнувајќи се на извештајот на експертската група на Прибе, Вангеловски кажа дека наводите од него ги смета како сериозен показател дека треба, како што посочи, „да ги активираме сите механизми за спречување на влијанијата врз судството и унапредувањето на независноста, како на институционално така и на поединечно судиско ниво“. За реформските закони, кажа дека ги праќаат до Врховниот суд, но дека има чувство дека не го чекаат мислењето на Судот. Потпретседателот на Собранието Горан Мисовски во своето обраќање истакна одредени појави кои во последниве неколку години излегоа на виделина, покажуваат одредена преплетеност, односно мешање на извршната власт во функционирањето на судската, а ова е нотирано и во извештаите на Европската комисија, но и на други релеватни меѓународни субјекти. Ако како држава и како општество сме се определиле за евроатлански интеграции, тогаш наша задача е да си ја завршиме својата домашна разбота на сите полиња. Притоа, главниот мотив за неопходните и промптни реформи во правосудството, треба да ни биде граѓанинот, неговите слободи и права. Во таа насока, се надевам дека релативно брзо и квалитетно ќе бидат направени потребните реформи преку целосна имплементација на владиниот план 3-6-9. Собранието, кажа Мисовски, останува отворено за сеопфатна и транспаретна соработка, заради нашата заедничка цел - Република Македонија да биде држава во која секој граѓанин ќе се чувствува еднаков пред законот и ќе се почитуваат неговите слободи и права. - Затоа на Република Македонија и е неопходна независна и самостојна судска власт, рече Мисовски. На свеченоста присуствуваа највисоките претставници на судската власт во Македонија, како и гости од Косово, Албанија, Словенија, Турција и од други земји. На денешен ден во 1945 година, Президумот на АСНОМ донесе Повелба за устројство на народните судови во федерална Македонија, поставувајќи темелите на судската власт. МИА

Вангеловски: Денеска ќе биде објавена одлуката за притворите на пратениците и други осомничени за настаните во Собрание

Катерина Бојаџиева — Mon, 26 Mar 2018 08:31:34 +0000

Претседателот на Врховниот суд на РМ Јово Вангеловски денеска за МИА изјави дека очекува во текот на денов да биде објавена одлуката по жалбите за притворите на пратениците и другите осомничени за настаните во Собранието од 27 април минатата година. - Врховниот суд ќе ја објави одлуката веднаш штом ќе биде донесена, потврди Вангеловски. Претседателот на Врховниот суд претпладнево учествува на настан во Академијата за судии и јавни обвинители на тема „Независно судство, јакнење на капацитетите за отпор кон влијанието“.

Врховен треба да ја соопшти одлуката за притворените од 27 април

Ивона Петрова — Mon, 26 Mar 2018 06:31:22 +0000

Врховниот суд на Република Македонија денеска треба да ја донесе одлуката по жалбите за притворите на пратениците и другите осомничени за настаните во Собранието на РМ од 27 април минатата година. Според претседателот на Врховниот суд, Јово Вангеловски, судот не доцни со решение, туку се работи за сложен предмет за кој не може да се очекува да има брза одлука. Тој во вчерашната изјава посочи дека предметот е во судот помалку време отколку што беше во Обвинителството и дека одлука најверојатно ќе има денеска. Рокот од 48 часа за донесување на решението по однос на жалбите на притворените истече во четвртокот. Осомничени за настаните од 27 април се 35 лица, меѓу кои пратеници, организатори на протестот и вработени во МВР. Тие според обвинението се осомничени за терористичко загрозување на уставниот поредок и безбедноста на државата. МИА