ЈП Градски Паркинг -Скопје – Kurir.mk

Кралевски: По моја иницијатива вработените во ЈП Градски паркинг ќе добијат 10% зголемување на платите почнувајќи со септемвриската плата

Дарко Андоновски — Thu, 12 Oct 2023 10:41:01 +0000

Претседателот на Управниот одбор на ЈП Градски паркинг Скопје Игор Кралевски заедно со членовите на одборот донесоа одлука за пропорционално зголемувае на платите за 10%, и истата ќе започне да се применува со септемвриската плата. „На денешната седница на Управниот одбор на JП Градски Паркинг - Скопе, се донесе одлука за пропорционално зголемувае на платите за 10%, а одлуката ќе започне да се применува со септемвриската плата. Одлуката за покачувае е донесена по моа инициатива како Претседател на Управниот одбор на JП Гратски Паркинг - Скопе, заедно со членовите на управниот одбор. Во време на се поголемо зголемуване на секоздневните трошоци, оваа одлука е поддршка за сите наши 280 вработени. Голема благодарност за сета посветеност и лични вложуваньа на секо; вработен во ЈП Гратски Паркинг - Скопе, поединечно. Продолжуваме и понатаму со поголема сила, за уште поголеми успеси“, стои во неговиот пост на Фејсбук.

Бесплатен паркинг на зонските паркиралиралишта на ЈП „Градски паркинг“ за 11 Октомври, освен на Водно!

Дарко Андоновски — Tue, 10 Oct 2023 12:31:02 +0000

ЈП „Градски Паркинг“ - Скопје информира дека утре, по повод Денот на народното востание над фашизмот, јавните паркиралишта ЗОИЛ, Тутунски комбинат и 8-ми Септември, ќе бидат слободни за паркирање, односно нема да се врши наплата. -Јавните површини наменети за паркирање (зонските паркиралишта), исто така, ќе бидат слободни за паркирање, освен зона А0 (Водно), каде што продолжува со редовно работно време 09:00 - 16:00 часот, додека, пак, јавните паркиралишта: Дом на печат, Народен фронт, АМСМ, Кочо Рацин, Градска болница, Клинички центар „Мајка Тереза“, Треска, како и катните гаражи „Беко“ и „26 Јули“, ќе работат со редовно работно време од 00:00 до 24:00 часот, соопштуваат од ЈП Градски паркинг - Скопје. ЈП „Градски паркинг“ – Скопје, им го честита на граѓаните утрешниот празник - 11 Октомври!

Дел од јавните паркинзи во Скопје без наплата за божиќните празници

Ивона Петрова — Thu, 05 Jan 2023 10:10:15 +0000

За време на божиќните празници јавните паркиралишта Народен фронт, АМСМ, Дом на печат, ЗОИЛ, Тутунски комбинат и 8-ми Септември, ќе бидат слободни за паркирање на 6 и 7 јануари 2023 година, односно нема да се врши наплата на истите, информираат од ЈП Градски паркинг – Скопје. Јавните површини наменети за паркирање (зонските паркиралишта), исто така ќе бидат слободни за паркирање без вршење на наплата на 7 јануари 2023 година. Кочо Рацин, Градска болница, Клинички центар „Мајка Тереза“, Треска, како и катните гаражи „Беко“ и „26 Јули“, пак, ќе работат со редовно работно време 00:00 – 24:00 часот и со редовна наплата на истите, се наведува во соопштението на ЈП „Градски паркинг“ – Скопје.

Навршува рокот за обнова на договорите за станарите и правните субјекти за сите паркиралишта со кои стопанисува ЈП „Градски паркинг“- Скопје

Катерина Бојаџиева — Thu, 22 Dec 2022 10:55:44 +0000

ЈП „Градски паркинг“ – Скопје ја известува јавноста дека рокот на ревизијата на договорите за користење на паркинг услуги која ја спроведува претпријатието на сите паркиралишта со кои стопанисува завршува до крајот на тековната 2022 година. Поради ова, упатуваме потсетување до сите корисници на паркинг услугите по основ на категориите: станар, вработен во правен субјект, правно лице и физичко лице, да ги ажурираат своите податоци и воедно да ги обноват своите договори во рокот што преостанува. Доколку корисниците на електронските картици за затворении паркиралишта како и заведените лица за зонско паркирање во нашиот систем по горенаведените основи не ги ажурираат своите податоци и не ги обноват договорите додека трае ревизијата, како претпријатие ќе сметаме дека истите се откажуваат од користење на овие услуги за следната календарска 2023 година. Како што веќе во неколку наврати јавно објавивме, ажурирање на податоците и обнова на договор корисниците на градски паркинг може да извршат во канцелариите на ЈП „Градски паркинг“ – Скопје, кои се наоѓаат во Центар на ул. Ѓуро Стругар“ бр. 15А (до катната гаража „Беко“), или во Аеродром на бул. „Јане Сандански“ бр.113, во зависност во кој реон се користи паркингот.

Лицата со попреченост од утре може да поднесуваат барање за користење повластени паркинг услуги во 2023

Магдалена Андонова — Mon, 31 Oct 2022 11:44:05 +0000

Од утре до 1 декември 2022 ќе може да се поднесуваат барања од лица со попреченост за користење повластени паркинг услуги за календарската 2023 година. ЈП „Градски паркинг“ – Скопје ги повикува сите заинтересирани лица со попреченост, кои се жители на Град Скопје, во претстојниот период да достават уредно пополнето Барање или да го пополнат во канцелариите на претпријатието, на ул. „Ѓуро Стругар“ бр. 15 А, во зградата до катна гаража „Беко“. Заедно со Барањето, треба да достават и документи: Копија од важечка сообраќајна дозвола со која се утврдува дека возилото е регистрирано; Лична карта на увид од лицето со посебни потреби; Инвалидска книшка на увид; Потврда од матичен лекар со точно наведена дијагноза во оригинал, не постара од еден месец; Решение од ПИОМ за степен на телесно оштетување на увид и Лекарски наод од специјалист на увид. Доколку лицето заинтересирано за поднесување на барањето не е во можност лично да ги поднесе документите, тоа може да го стори негов роднина или близок, со потпис од корисникот на самото Барање и со комплетна документација која се бара. – Воедно ги информираме заинтересираните, дека согласно Програмата за повластено користење на паркинг услуга на јавните паркиралишта и површини наменети за паркирање со кои стопанисува ЈП „Градски паркинг“ – Скопје од страна на лица со попреченост за 2023 година, право за повластено користење имаат лицата со попреченост на кои им е дијагностицирано: дистрофија, мултиплекс склероза, церебрална парализа, параплегија, хемиплегија, квадриплегија, детска парализа, (полиомилитис), како и слепи лица со оштетување на видот над 90 отсто, лица на дијализа и лица со ампутација на рака, или нога со признато телесно оштетување од 80 отсто утврдено со акт на надлежната комисија во Фондот за пензиското и инвалидското осигурување на Македонија, соопшти ЈП „Градски паркинг“ – Скопје. (МИА)

Последната одлука на Христовски пред да ѝ даде оставка на Арсовска: ПОКАЧУВАЊЕ на платите на сите вработени

Ивана Ефремовски — Tue, 13 Sep 2022 16:41:28 +0000

На денешната седница, Управниот одбор на ЈП Градски Паркинг - Скопје, донесе одлука за линерано зголемување на платата во износ од 2.992 денари, а одлуката ќе почне да се применува започнувајќи од 01.10.2022 година. Оваа одлка е донесена по инцијатива на директорот Бојан Христовски и е усогласена со Синдикатот на претпријатието во текот на предходната седмица. -Од оваа одлука бенефит ќе имаат 280 вработени во претпријатието и е од значајна поддршка во време на досега најголемата економска криза и во услови на пораст на трошоците за живот. На овој начин вработените ќе можат полесно да се соочат со предизвиците пред претстојниот тежок период за сите граѓани. Пред се сакаме да искажеме голема благодарност за грижата за вработените во ЈП Градски Паркинг до директорот Бојан Христовски за неговото несебично залагање за правата на вработените и за неговата донесена одлука пред напуштањето на функцијата директор, велат од ЈП. Денеска навршуваат точно 8 месеци од моето именување за вд директор во ЈП Градски паркинг Скопје. На 13 јануари, оваа година беше мојот прв работен ден во ова претпријатие, а денес е мојот последен ден на оваа позиција, објави преку социјалната мрежа на Фејсбук директорот во „ЈП Градски паркинг Скопје“ Бојан Христовски. „Влегов со план и визија, со посветеност, професионализам и со континуирана работна динамика, и сето тоа со цел да им овозможам на сите граѓани подеднаков третман и подобри услови за услугите кои ги пружа ова претпријатие. Но сепак морам да истакнам дека градот Скопје е комплексен систем на институционално управување во кои се испреплетени повеќе фактори. Тимската работа на градоначалникот и јавните претпријатија е неопходна, токму затоа нарушената координација е сериозна опасност за непречено функционирање на скопската локална самоуправа, а тоа е секако на штета на граѓаните. Дополнително вчера бевме сведоци на политичко-медиумска конструкција против директорот на едно јавно претпријатие и секретарот на град Скопје, при што без никакви факти и аргументи истите беа експресно „елиминирани“. Значи тоа се случува кога мерило за успехот не се резултатите, туку игрите кои се рефлексија на други поинакви интереси од колективните. Сето ова покажува дека многу малку или воопшто не се посветува внимание на она што беше ветено пред граѓаните за модерно Скопје, и јас како поединец и покрај бројните резултати за кус период не сакам да бидам дел од систем каде приоритет не се нашите цели и проекти, и каде нема поддршка од Градот ниту пак има нормална комуникација со градоначалникот. Затоа поради незаинтересираноста на првиот човек на градот за потребите на скопјани и градски паркинзи, како и поради драстично намалената поддршка на проектите кои со сопствени средства ги реалираме денес, поднесувам неотповиклива оставка од позицијата вд директор на ЈП Градски паркинг – Скопје“ - истакна тој.

ЈП Градски паркинг со нови информации за плаќањето на паркингот

Ивона Петрова — Thu, 04 Aug 2022 12:14:58 +0000

ЈП Градски паркинг информира дека се’ уште е во тек работата за надградување на системот за зонско паркирање, со цел подобра и поефикасна услуга. -Генерално проблемот со наплаќање преку смс пораки е решен. Во однос на вчерашната информација за неможност за наплата на паркирање со смс порака преку мобилниот оператор „А1 Македонија“, ве информираме дека, економскиот оператор кој работи на поефикасен систем, заедно со операторот „А1 Македонија“ работат и за решавање на проблемот кој го имаат нивните корисници – односно повторно да можат наплатата да ја вршат преку смс порака, информираат од претпријатието. Апелираат корисниците на зонското паркирање да продолжат да си вршат наплата преку своите мобилни апарати, но, доколку не успеваат во тоа, наплатата за паркирање да ја вршат преку купување греб картички. -Се надеваме дека економскиот оператор со кој соработуваме во најкраток можен рок ќе ги изврши сите потребни работи за надградувањето на системот, со што наплатата преку смс порака ќе се врати во потполна функција, нагласуваат од ЈП Градски паркинг.

ЈП „Градски паркинг“: Плаќањето со СМС-порака не работи поради надградба на системот, да се плаќа со греб-картички

Ивона Петрова — Wed, 03 Aug 2022 11:17:36 +0000

ЈП „Градски паркинг“ – Скопје информира дека поради надградба на системот за зонско паркирање, денеска не е во функција наплаќањето преку СМС-порака. Тоа значи дека СМС-пораките за наплата на паркинг, од крајните корисници не можат да се процесираат до ЈП „Градски паркинг“ – Скопје. Поради ова, од ЈП „Градски паркинг“ – Скопје ги замолуваат корисниците на зонско паркирање да го користат алтернативниот начин за наплата – со купување греб-картички. Посочуваат дека се работи на што побрзо ставање во функција на надградениот систем и оти јавноста ќе биде навремено информирана штом оваа услуга стане повторно достапна за граѓаните.

ЈП „Градски паркинг – Скопје“: Активирана е СМС порака со цел потсетување за активна паркинг сесија на зонските паркиралишта

Магдалена Андонова — Wed, 20 Jul 2022 10:06:33 +0000

Ги известуваме корисниците на услугите на ЈП „Градски паркинг- Скопје“ дека е ставена во функција СМС порака со цел потсетување за активна паркинг сесија на зонските паркиралишта, стои во соопштението на ЈП „Градски паркинг - Скопје“. На почетокот на оваа седмица во системот на зонското паркирање на ЈП „Градски паркинг“- Скопје се активираше СМС порака- потсетник за активна паркинг сесија. Корисниците кои испратиле СМС порака за паркирање, по 4 часа и 5 мин. ќе добиваат „порака- потсетник“ со содржина: „Потсетување дека имате активно паркирање. За крај испратете порака до 144 144 со содржина S“. Како што велат од јавното претпријатие оваа порака е со цел да им се излезе во пресрет на корисниците кои паркираат на зони кои немаат ограничено и автоматско исклучување на паркинг сесијата, поточно зоните Ц и Д. - Корисниците често, од повеќе причини не успеале да испратат „S“ за крај на користењето на паркинг услугата и со тоа автоматски им се наплаќаше до крај на работното време на паркингот. Апелираме до корисниците навремено да испраќаат СМС пораки за започнување и за стопирање на паркирањето, со што не би се соочиле со непријатности т.е. поставување блокатор на тркало, се додава во нивното соопштение.

„Градски паркинг“ со санкции за 125 непрописно паркирани возила на јавни површини

Магдалена Андонова — Fri, 03 Jun 2022 10:24:39 +0000

Во текот на изминатата недела (26.05 - 01.06.2022 година) со специјалните возила пајак се отстранети вкупно 125 возила од јавните површини. Непрописно паркираните возила се отстранети по налог на сообраќајната полиција по основ на сторени прекршоци за паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице. Јавното претпријатие „Градски паркинг“ апелира до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта. Апелираме сите корисници на услугите за паркирање, навреме да го регулираат плаќањето за паркинг-услугата. Плаќањето за паркинг услугата може да се изврши преку СМС порака или со греб картичка.