ЈП Градски паркинг – Kurir.mk

Бесплатен паркинг денес во Скопје, но не секаде

Ивана Ефремовски — Mon, 23 Oct 2023 08:01:02 +0000

ЈП „Градски паркинг“ - Скопје информира дека денеска на Денот на македонската револуционерна борба - 23 Октомври, на јавните површини наменети за паркирање (зонско), т.е. на зоните А, Б, Ц и Д, нема да се врши наплата. Редовна наплата ќе се врши на Зона А0 - Водно, Катни гаражи: „Беко“ и „26ти Јули“, како и на јавните паркиралишта: Кочо Рацин, Треска, Градска Болница, Нова Македонија, АМСМ, Народен фронт и клинички центар Мајка Тереза. ЈП „Градски паркинг“ - Скопје на сите граѓани им го честита Денот македонската револуционерна борба 23 Октомври.

Бесплатен паркинг во понеделник на паркинзите на ЈП „Градски паркинг“

Ивона Петрова — Fri, 20 Oct 2023 07:39:16 +0000

ЈП „Градски паркинг“ - Скопје информира дека во понеделник, на Денот на македонската револуционерна борба, 23 Октомври, на јавните површини наменети за паркирање (зонско), т.е. на зоните А, Б, Ц и Д, нема да се врши наплата. Редовна наплата ќе се врши на Зона А0 - Водно, Катни гаражи: „Беко“ и „26ти Јули“, како и на јавните паркиралишта: Кочо Рацин, Треска, Градска Болница, Нова Македонија, АМСМ, Народен фронт и клинички центар Мајка Тереза. ЈП „Градски паркинг“ - Скопје на сите граѓани им го честита Денот македонската револуционерна борба 23 Октомври.

Од утре летното работно време на паркинзите на ЈП „Градски паркинг“- Скопје

Катерина Бојаџиева — Wed, 31 May 2023 11:10:39 +0000

Од утре почнува летното работно време на јавните површини наменети за паркирање - зонско, со кои стопанисува ЈП „Градски паркинг“ – Скопје. Работното време во зоните А, Б, Ц и Д од понеделник до сабота ќе биде од 7:00 до 23:00 часот. Од ЈП „Градски паркинг“ – Скопје, апелираат корисниците на услугите на јавните површини наменети за паркирање - зонско да ги запазат промените, односно наплатата за паркинг услугата да ја извршуваат во наведеното работно време за да не се соочат со санкција.

ФОТО: „Новиот капитален проект на СДС, Левица и Арсовска е настрешница над куќичка за наплата на паркинг“

Катерина Бојаџиева — Thu, 16 Mar 2023 19:20:23 +0000

Денес Данела Арсовска, поддржана од СДС и Левица заврши капитален проект, настрешница на куќичка за наплата на билети на Градски Паркинг, велат од ВМРО-ДПМНЕ. -Не пропуштија да се пофалат со оваа добрина за скопјани. Прашуваме како ли ќе изгледа да изградат булевар, спортски објект или да донесат инвестиција? Нормално до тогаш ќе останеме задоволни со тековната настрешница и со сонот дека може ќе им текне да почнат да работат, подвлекуваат од партијата.

Вработените во ЈП „Градски паркинг“ добија К-15

Ивона Петрова — Fri, 23 Dec 2022 15:09:37 +0000

Од ЈП „Градски паркинг“ информираат дека по направената анализа на финансиските резултати постигнати во последните два месеци се покрена иницијатива за исплата на регрес за годишен одмор на вработените. -Пред се’ позитивниот и значително зголемен раст на финансиските приходи во сите сектори на претпријатието, се должи на исклучителниот и максимален вложен труд на сите вработени. По презентирањето на овој финансискиот раст пред Синдикатот, Надзорниот одбор и Управниот одбор, усогласено беше донесена одлука за исплата на регрес за годишен одмор за 2022 година во износ од по 12.000 денари, се наведува во соопштението. Исплатата на регресот за годишен одмор е значајна поддршка во време на економска криза, со што ќе им олесни на вработените во справувањето со зголемувањето на цените за живот, велат од градското претпријатие.

Христовски: ПРВПАТ по 14 години, сите вработени во ЈП Градски Паркинг ќе добијат К-15

Ивана Ефремовски — Thu, 22 Dec 2022 16:27:24 +0000

По 12000 денари К-15 ќе добијат сите вработени во ЈП Градски Паркинг. -На иницијатива на Управниот одбор на ЈП Градски Паркинг - Скопје, поддржано од Надзорниот одбор на претпријатието, денес Управниот одбор донесе одлука за исплата на К-15 на сите вработени. По спроведување на одлуката од страна на претпријатието, вработените, за прв пат после 14 години ќе го добијат своето право за регрес за годишен одмор, односно ќе им бидат исплатени по 12000 денари на нивните сметки. Честитки за одлуката, истакна поранешниот в.д. директор на Градски паркинг, Бојан Христовски.

Од утре зимско работно време на градските паркинзи во Скопје

Ивона Петрова — Fri, 30 Sep 2022 11:00:07 +0000

Јавното претпријатие „Градски паркинг“- Скопје известува дека од 01.10.2022 год. (сабота) започнува зимско сметање на работното време на јавните површини наменети за паркирање (зонско) со кои стопанисува Ј.П „Градски паркинг“ – Скопје. Работното време во зоните А, Б и Ц ќе биде: - Од понеделник до петок: од 07:00- 21:00 часот; - Во сабота: од 07:00- 14:00 часот. На јавната површина наменета за паркирање зона Д, работното време останува исто, односно: - Од понеделник до сабота: 07:00- 23:00 часот.

ЈП „Градски паркинг“ – Скопје ги стави во функција новите смарт апарати за контрола на паркирање

Ивана Ефремовски — Wed, 17 Aug 2022 10:22:58 +0000

ЈП „Градски паркинг“ – Скопје набави нови 70 апарати (смарт телефони), кои ќе се користат за контрола на паркирањето, односно наплатата на паркирање, како и проверка на правилно, или неправилно паркирање. Денес овие апарати им беа презентирани на вработените контролори кои ќе раководат со нив и истите се пуштени во функција. За разлика од старите апарати кои беа досега во функција, новите смарт телефони се со побрз андроид оперативен систем и со повеќе перформанси и истите се прилагодливи на нови технологии, односно надградба на целосниот систем. Преку нив може да се врши контрола за тоа дали возилото е соодветно паркирано, дали се почитуваат местата обележани за лица со попреченост, или станбени сопственици кои имаат обезбедено паркинг простор.

ЈП „Градски паркинг“ Скопје: Наплатата на паркинг преку смс порака е повторно во функција во целост

Магдалена Андонова — Wed, 10 Aug 2022 13:35:41 +0000

ЈП „Градски паркинг“ – Скопје ја известува јавноста дека успешно заврши процесот со надградба на системот за зонско паркирање, со цел подобра и поефикасна услуга. Проблемот со наплаќање преку смс пораки е решен. Економскиот оператор задолжен за надградба на овој систем, во соработка со мобилните оператори деновиве работеше на надминување на проблемите при наплата на паркинг преку смс. - До корисниците на нашите паркинг услуги упатуваме извинување, воедно оштетените корисници ги повикуваме да поднесат барање за обештетување. Барањето можат да го поднесат писмено преку е-пошта на [email protected], кадешто ќе ги остават своите податоци – име и презиме, број на регистерска таблица, дата и време на паркирање, телефонски број од кој е извршена наплатата, како и зона кадешто било паркирано возилото. Проблемот со наплатата преку смс порака, кој воглавно се должеше на нефункционалност кај претплатниците на мобилниот оператор „А1 Македонија“, е надминат уште во понеделникот, меѓутоа оставивме тест период од три дена, за со сигурност да ги информираме корисниците на паркинг услугите дека системот е надграден и е во целосна функција, информираат од јавното претпријатие.

Продолжуваат редовните акции на чистење и уредување на паркинзи

Ивона Петрова — Fri, 05 Aug 2022 08:09:46 +0000

ЈП „Градски паркинг“ - Скопје во соработка со ЈП „Паркови и зеленило“ излегоа на терен во затворениот паркинг Нова Македонија. Искастрени се суви гранки и искроени се дрвјата, со цел поголема безбедност за паркираните возила. -Нашите вработени се вклучија во оваа акција за чистење на паркинг просторот. Продолжуваме со редовни акции за побезбеден и чист паркинг простор, велат од претпријатието.