јп исар – Kurir.mk

Штипски „Исар“ ќе бара одговорност за подметнатиот пожар на депонијата „Трешена Скала“

Катерина Бојаџиева — Mon, 18 Jul 2022 14:55:46 +0000

Непознат сторител го подметнал пожарот на депонијата „Трешена Скала“ во близина на Штип. Истурено моторно масло доведе до горење на отпадот и црн чад. Директорот на ЈП „Исар“- Штип, Трајче Здравков кој беше на лице место истакна дека дополнително, искршен е и видео надзорот кој беше поставен на депонијата, па за сега сторителот е непознат. На лице место во гаснењето на пожарот беше екипа од ТППЕ Штип. -Пожарот беше лоциран од стручни служби и противпжарната служба дека има истурено масло и друг вид суровински материјал што е запалив. Контролите кои што се прават од наша страна на секој час според насоките од инспекциски надзори се уредни, депонијата е исчистена и изминатите денови немаше никакви проблеми со градската депонија. Во овој случај сторителот ќе биде пријавен до надлежните служби, бидејќи ова намерно потпалување на градската депонија, веќе се случува повеќе пати со што се додведува во опасност и функционирањето на претпријатието и здравјето на граѓаните. Ќе бидат поднесени соодветни пријави против за строителите засега непознати кои го имаат направено потпалувањето, рече Здравков. Командирот на ТППЕ-Штип, Дарко Коцев за МИА вели дека на терен се осумина пожарникари и три возила, само за два часа осумпати се враќале цистерните да се полнат со вода. Пожарот е се уште активен и пожарникарите се на депонијата. Тешко се гасни огност, бидејќи е запалено моторно масло и гуми. Минатиот месец на градската депонија во Штип се направи вонреден инспекциски надзор од страна на Државниот инспекторат за заштита на животната средина и беа дадени рокови да се отсранат недоследностите при депонирање на отпадот.

Штипски „Исар“ доби сметка за струја од 19 милиони денари

Ивона Петрова — Thu, 10 Feb 2022 11:33:31 +0000

Јануарската сметка за струја на штипското комунално претпријатие „Исар“ изнесува 19 милиони денари или за два милиони денари е повисока од месечните приходи на ова комунално претпријатие. Директорот на јП „Исар“-Штип, Трајче Здравков за МИА вели дека месечните приходи од 17 милиони денари им се за плати, тековно одржување на системот за водоснабдување, собирање на смет, чистење, како и исплатата на кредитот кон Министерството за финансии. – Со оваа сметка за струја ЈП „Исар“-Штип дополнително ќе се втурне во уште поголема криза. Ако земеме просечно дека ние ЈП „Исар“ има месечни просечни приходи од 17 милиони денари. Тоа значи дека сметката за струја е два милиони денари поголема од нашите приходи. Жално е што и ако досега апелиравме повеќе пати и се знаеше дека ова ќе се случи од страна на институциите немаше реакција, вели Здравков. Посочи дека не станува збор за капацитет или способност на претпријатијата и општините, туку дека ова е енергетска криза, со која тешко можат да се справат и дополнително ќе ги втурне во трупање на долгови, од кои тешко ќе може да се излезе. Здравков посочи дека очекуваат до 15 февруари да се приклучат на Хидросистемот „Злетовица“, со што би плаќале помала сметка за струја. Неговите прогнози се дека доколку од наредниот вторни почнат со диструбиција и преработка на водата од Злетовица наредната сметка би изнесувала 10 милиони денари.

Јорданов: Штипски „Исар“ задолжен со пет милиони евра

Ивона Петрова — Thu, 28 Oct 2021 11:19:23 +0000

Штипското комунално претпријатие „Исар“ има долг од над 300 милиони денари или пет милиони евра, објави на денешната прес-конференција градоначалникот на Општина Штип, Иван Јорданов. До локалната власт деновиве е пристигнато и барањето од Министерството за финансии да се плати ратата од долгот, кој Општината мора да ги подмири како гарант за плаќање на долговите на „Исар“ за реконструкција на старата водоводна мрежа од пред 15 години. Јорданов вели дека овој долг е 220 милиони денари, од кои 150 милиони денари се на име на камата, а остантите се основниот долг. Во најкраток временски период се бара од Општината да плати рата од 7.395.000 денари. – Доколку оваа обврска не ја исполниме во наредните неколку денови ќе има присилна наплата од страна на Министерството за финансии. Другото известување, коешто го добив во текот на овие неколку денови е од страна на добавувачот на електрична енергија на ЈП „Исар“, „Солар Про“, којшто ме информираше дека доколку во наредните неколку денови не биде подмирен долгот за доспеани, а неплатени месечни фактури за електрична енергија, за истото претпријатие ќе биде поднесено налог за исклучување на електричната енергија, вели Јорданов. Штипското комунално претпријатие на „Солар Про“ му должи 29 милиони денари, а според увидот во состојбата, претпријатието има обврка кон добавувачи и од дополнителни 60 милиони денари. Тоа се средства кои мора да се платат за набавка на цвеќиња, метларка и други материјали. – Крајно неодговоро и нечесно работење од страна на ЈП „Исар“. Но, она што уште повеќе загрижува е обврската што „Исар“ ја има кон Министерството за финансии за земен кредит од ЕБОР, а што во изминатите четири години не е платена ниту една рата, вели Јорданов. Градоначалникот на Општина Штип, Јорданов истакна дека „Исар“ гледано низ годините наназад е најзадолжено претпријатие. Тој најави дека ратата од над седум милиони денари кон Министерството за финансии ќе биде подмири, а од добавувачот на електрична енергија ќе се бара да се репрограмира долгот, односно да се плаќа на рати. Според планот освен редовните рати, „Исар“ ќе има и дополнителна исплата на долговите од над пет милиони денари, секој месец.

Ефтимов: ЈП Исар кое секој месец ги товари граѓаните со високи сметки е еден од најголемите должници

Магдалена Андонова — Wed, 30 Jun 2021 11:21:20 +0000

Популизмот, СДС го краси со цвеќиња, но го гнаси со огромни долгови кон приватни компании. Кога ќе ја плаќате наредната сметка, за услугите кои ЈП Исар ви ги дало за месецот кој изминал, или кога ќе добиете опомена за неплатена сметка, земете го во предвид следново... ЈП Исар, за потрошената електрична енергија, на компанија која ги снабдувала во изминатиов период, должи 20 милиони денари, изјави на денешната прес конференција, Игор Ефтимов од ВМРО-ДПМНЕ. Тој посочи дека истото јавно претпријатие, уште во минат мандат на СДС, се има задолжено во ЕБОР, со кредит во износ од 60 милиони денари и само во периодот кога тие се на власт, тој кредит не се плаќа. - Значи, јавното претпријатие кое секој месец ги товари граѓаните со високи сметки и ниско ниво на услуги, е еден од најголемите должници во градот. Но, истото претпријатие не пропуштило минатата година да потроши околу 6.000.000 денари за цвеќиња и садници. Така, сака да ги сокрие огромните долгови и работата во загуби, или да ја замајува јавноста со провиден популизам, за сметка на цинично трошење на народните пари, додаде Ефтимов.