ЈП Македонија пат – Kurir.mk

СНЕГОТ ПРАВИ ХАОС НИЗ ПАТИШТАТА – ЈП Македонија пат ја прогласи недела за „НЕРАБОТНА“, граѓаните се снаоѓаат како знаат (ФОТО)

Дарко Андоновски — Sun, 27 Feb 2022 15:31:29 +0000

Снегот денеска повторно ги изненади „Македонија пат“ иако метеоролозите го најавуваа веќе со денови наназад. Во овие моменти патиштата кои спојуваат неколку градови меѓусебно се под снег или народски кажано се вистинска „писта“ поради тоа што не се исчистени во текот на целиот ден. Недела неработен ден, очигледно најмногу важи за надлежните во ова јавно претпријатие, додека граѓаните заглавени во своите автомобили чекаат помош со часови.

Македонија пат изненадени од снегот низ целата земја pic.twitter.com/qC5zhx2gEh
— Курир (@KurirMK) February 27, 2022

Инаку до нашата редакција пристигнаа фотографии од состојбата на Стража која е повеќе од загрижувачка, слична ситуација имаме и на патите правци Струмица – Берово и Охрид – Кичево.

СНЕГОТ ПОВТОРНО ГИ ИЗНЕНАДИ – Ни трага ни глас од Македонија пат, од Скопје до Стража цел автопат со снег (ФОТО)

Дарко Андоновски — Sat, 11 Dec 2021 08:26:59 +0000

Иако метеоролозите најавуваа снег токму за денеска, институциите повторно потфрлија пред снегот. Утрово автопатот Скопје- Тетово – Гостивар речиси е целосно под снег, особено снег има на превојот Стража каде автомобилите едвај се искачуваат. Јавното претпријатие Македонија пат кое е надлежно за чистење и одржување на патиштата низ земјава очигледно и денеска беше изненадено од снегот, а особено од тоа што е викенд и неработен ден. Додека снегот сам не се стопи, возачите единствено е да се молат на Бога кога тргнуваат на пат... Од претпријатието инаку утрово објавија дека „дежурните екипи на ЈП МАКЕДОНИЈАПАТ се постојано на терен и ги одржуваат сите патни правци проодни“, додека сликата на терен е сосема поразлична.

Возете внимателно: Еве каде вее снег во мометов

Катерина Бојаџиева — Tue, 09 Mar 2021 17:22:20 +0000

Сообраќајот на патиштата се одвива непречено по наместа влажни коловози. Врнежи од слаб снег има на Попова Шапка, но во моментов тие не претставуваат пречка за одвивање на сообраќајот. На одредени патни правци кои поминуваат низ клисури и усеци можна е појава на поситни одрони, соопшти ЈП Македонија пат. Од претпријатието апелираат на внимателно возење и прилагодување на брзината кон условите на патот. Дежурните екипи на ЈП Македонија пат, како што се посочува, се постојано на терен и ги одржуваат сите патни правци проодни.

ЈП „Македонија пат“ воведе забрана за движење на тешки моторни возила на Стража

Магдалена Андонова — Tue, 26 Jan 2021 14:29:36 +0000

Поради интензивни врнежи од снег воведена е забрана за движење на тешки моторни возила на планинскиот премин Стража, информира ЈП „Македонија пат“. „Македонија пат“ апелира да се употребува задолжителна зимска опрема за лесни моторни возила и автобуси на овој патен правец. (МИА)

ВЕЧЕРВА ВНИМАВАЈТЕ ОСОБЕНО НА ОВИЕ МЕСТА- „Македонија пат“ со апел за претпазливо возење

Дарко Андоновски — Sat, 22 Feb 2020 18:05:51 +0000

Сообраќајот на државните патишта се одвива тековно по наместа влажни коловози. На одредени патни правци кои поминуваат низ клисури и усеци можна е појава на поситни одрони. ЈП Македонијапат апелира на внимателно возење и прилагодување на брзината спрема условите на патот. Дежурните екипи на ЈП МАКЕДОНИЈАПАТ се постојано на терен и ги одржуваат сите патни правци проодни. За сите подетални информации јавете се на нашиот дежурен телефон 02/ 25 61 502 или посетете ја нашата веб страница www.makedonijapat.com.mk

Возете внимателно- еве каде вее снег во моментов

Катерина Бојаџиева — Tue, 24 Dec 2019 11:49:17 +0000

Сообраќајот на државните патишта се одвива тековно по влажни коловози на повисоките места и наместа влажни коловози на пониските места. Врнежи од снег со променлив интензитет има на Попова Шапка каде наместа има остатоци од кашест снег на коловозот. Во Крушево се бележат повремени слаби врнежи од снег кој не се задржува на коловозот, соопштија од ЈП Македонија пат. Од АМСМ информираат дека интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. -Патниот правец Р2332 Охрид – Ресен, преку националниот парк Галичица од 15 ноември 2019 до 1 април 2020 е затворен за сообраќај за сите видови возила, соопштија од АМСМ. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Укината забраната за камиони на патниот правец Дебар- Струга

Катерина Бојаџиева — Mon, 14 Jan 2019 15:43:41 +0000

Забраната за сообраќај за тешки товарни возила на патниот правец Дебар – Струга е укината во 16:15 часот, информираат од ЈП Македонија пат.

Укината забраната за камиони на превојот Ѓавато

Катерина Бојаџиева — Tue, 27 Feb 2018 08:37:55 +0000

Укината е забраната за сообраќај на тешки товарни возила на патниот правец Битола – Ресен преку планинскиот превој Ѓавато, информира ЈП Македонија пат. Забраната е укината во 9:15 часот.