јп паркинзи – Kurir.mk

„Паниката од новиот директор на паркинзи е паника за одговорноста која следи за криминалното работење на СДСМ“

Дарко Андоновски — Fri, 14 Jan 2022 12:18:16 +0000

Бојан Христовски е кадарот кој ќе внесе ред и закон во децениското безредие и беззаконие во ЈП „Градски паркинг“. Токму поради тоа е стравот на СДСМ, затоа што нивните криминогени кадри ќе се соочат со законот и одговорност, ова денеска преку соопштение до јавноста го истакнаа од ВМРО-ДПМНЕ. Од таму додаваат дека токму нивната власт и лакомоста на Шилегов од претпријатие во добивка го претворија во претпријатие загубар. -Затоа што популарна е практиката на врски и протекции во паркирањето, како и сомнежите за издавање на фиктивни фискални сметки кои наместо во касата на паркинзи завршувале во приватни џебови. И токму затоа паниката од новиот директор на паркинзи е паника за одговорноста која следи за криминалното работење на СДСМ, велат од партијата.

Санкционираа 195 непрописно паркирани возила во Центар, еве колку завршија на „Пајак“ и со блокатор

Ивана Ефремовски — Tue, 15 Jun 2021 08:57:40 +0000

ЈП Паркинзи на Општина Центар и Општина Центар во соработка со Сообраќајната полиција-Скопје во текот на една недела санкционираа 195 непрописно паркирани возила кои го попречувале нормалното и безбедно одвивање на сообраќајот. Во периодот од 07.06. до 13.06.2021 година, со помош на специјалните возила „Пајак“ на ЈП ПОЦ отстранети се 112 непрописно паркирани возила, а со поставување на механичко средство „Блокатор“ санкционирани се 83 возила кои биле затекнати во резидентни зони, а не биле корисници-резиденти на секторот во којшто биле паркирани. ЈП ПОЦ и Општина Центар апелираат до граѓаните да се придржуваат до пропишаните правила и прописи за безбедно однесување во сообраќајот со цел да се зачува безбедноста на останатите учесници во сообраќајот и реши проблемот со непрописното паркирање на комерцијалните и резидентните паркиралишта и улици на територија на Општина Центар.

Во Центар за седум дена санкционирани 174 непрописно паркирани возила

Магдалена Андонова — Tue, 02 Mar 2021 08:38:12 +0000

ЈП Паркинзи на Општина Центар и Општина Центар во соработка со Сообраќајната полиција-Скопје за седум дена санкционирала 174 непрописно паркирани возила кои го попречувале нормалното и безбедно одвивање на сообраќајот. -Во периодот од 22.02. до 28.02.2021 година, со помош на специјалните возила „Пајак“ на ЈП ПОЦ отстранети се 90 непрописно паркирани возила, а со поставување на механичко средство „Блокатор“ санкционирани се 84 возила кои биле затекнати во резидентни зони, а не биле корисници-резиденти на секторот во којшто биле паркирани, стои во соопштението од јавното претпријатие. Испраќаат апел до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците.