јп поц – Kurir.mk

ВНИМАВАЈТЕ КАДЕ ПАРКИРАТЕ ВО ЦЕНТАР: Фрчат казни и „пајаци“

Катерина Бојаџиева — Mon, 16 Jan 2023 08:53:34 +0000

ЈП Паркинзи на Општина Центар и Општина Центар во соработка со Сообраќајната полиција-Скопје за седум дена санкционираа 195 непрописно паркирани возила кои го попречувале нормалното и безбедно одвивање на сообраќајот. Во периодот од 09.01. до 15.01.2023 година, со помош на специјалните возила „Пајак“ на ЈП ПОЦ отстранети се 97 непрописно паркирани возила, а со поставување на механичко средство „Блокатор“ санкционирани се 98 возила кои биле затекнати на резидентни паркиралишта, а не биле корисници-резиденти на секторот во којшто биле паркирани. ЈП ПОЦ и Општина Центар континуирано ќе ја спроведуваат оваа мерка и апелираат до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците.

Внимавајте каде паркирате во Центар: Изминатата седмица санкционирани 80 возила

Катерина Бојаџиева — Tue, 26 Oct 2021 08:30:38 +0000

ЈП Паркинзи на Општина Центар и Општина Центар во соработка со Сообраќајната полиција- Скопје изминатата седмица санкционираа 80 непрописно паркирани возила кои го попречувале нормалното и безбедно одвивање на сообраќајот. Во периодот од 18.10. до 24.10.2021 година, со помош на специјалните возила „Пајак“ на ЈП ПОЦ отстранети се 31 непрописно паркирани возила, а со поставување на механичко средство „Блокатор“ санкционирани се 49 возила кои биле затекнати во резидентни зони, а не биле корисници-резиденти на секторот во којшто биле паркирани. ЈП ПОЦ и Општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците.

Санкционирани 336 непрописно паркирани возила на територија на општина Центар за само една недела

Катерина Бојаџиева — Mon, 30 Sep 2019 09:05:49 +0000

ЈП Паркинзи на Општина Центар и Општина Центар во соработка со Сообраќајната полиција-Скопје за една недела санкционираа 336 непрописно паркирани возила кои го попречувале нормалното и безбедно одвивање на сообраќајот. Во периодот од 23.09. до 29.09.2019 година, со помош на специјалните возила „Пајак“ на ЈП ПОЦ отстранети се 174 непрописно паркирани возила, од кои три (3) несовесно паркирани возила на паркинг места наменети за лица со посебни потреби, а со поставување на механичко средство „Блокатор“ санкционирани се 162 возила кои биле затекнати во резидентни зони, а не биле корисници-резиденти на секторот во којшто биле паркирани.

„Пајаци“ и „блокатори“ на сите страни: 252 возачи платиле казна за паркинг во Центар за само една недела

Катерина Бојаџиева — Mon, 15 Jul 2019 09:05:11 +0000

Само минатата недела 252 возачи платиле казна за паркинг во Центар. ЈП Паркинзи на Општина Центар и Општина Центар, оваа акција ја спровеле во соработка со Сообраќајната полиција-Скопје. Според ПОЦ, тие биле непрописно паркирани и го попречувале нормалното и безбедно одвивање на сообраќајот. Во периодот од 08.07. до 15.07.2019 година, со помош на специјалните возила „Пајак“ на ЈП ПОЦ отстранети се 130 непрописно паркирани возила, а со поставување на механичко средство „Блокатор“ санкционирани се 122 возила кои биле затекнати во резидентни зони, а не биле корисници-резиденти на секторот во којшто биле паркирани. -ЈП ПОЦ и Општина Центар континуирано ќе ја спроведуваат оваа мерка со цел да се доведе во ред сообраќајниот хаос и проблемот со непрописното паркирање на комерцијалните и резидентните паркиралишта и улици на територија на Општина Центар, велат од Паркинзи на општина Центар.

Четири дена бесплатен паркинг на ПОЦ

Катерина Бојаџиева — Thu, 25 Apr 2019 09:22:17 +0000

По повод претстојните Велигденски празници од 26.04.(петок) до 29.04.2019 година (понеделник) паркиралиштата со кои стопанисува ЈП Паркинзи на Општина Центар ќе бидат бесплатни за сите граѓани на Р.М., стои во нивното соопштение. Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 30.04.2019 година (вторник) со вообичаено работно време.

ПОЦ со опомена: „Блокатор“ или „пајак“ доколку не се почитува оваа промена за резидентните паркиралишта

Катерина Бојаџиева — Tue, 19 Feb 2019 11:03:37 +0000

ЈП Паркинзи на Општина Центар-Скопје воведе промени во начинот на користење на резидентните паркиралишта со коишто стопанисува. Согласно член 1 од Правилникот за изменување и дополнување на Правилникот за користење на јавните паркиралишта од значење на Општина Центар-Скопје (“Службен гласник на Општина Центар-Скопје” број 18/18) во член 7 ставот (1) кој гласи: “Резидентни паркиралишта се јавни паркиралишта наменети единствено за станарите и жителите на Општина Центар коишто живеат во опфатот на јавното паркиралиште од значење за Општина Центар”, се менува и гласи: “Резидентни паркиралишта и резидентни улици се јавни паркиралишта кои се уредени на начин единствено со намена за станарите и жителите на Општина Центар коишто живеат во опфатот на паркинг секторот каде што се наоѓа односното јавно паркиралиште од значење за Oпштина Центар.” ЈП Паркинзи на Општина Центар ги воведе овие промени за да им овозможи на жителите на општина Центар непречено да ги користат резидентните зони исклучиво за сопствени потреби. Имено, со овие промени ќе се воведе ред во паркирањето на резидентните паркиралиштата со кои стопанисува претпријатието со цел ослободување на тротоарите, пешачките зони и јавните површини од непрописно паркирани возила. Во наредните два месеци контролорите на ЈП ПОЦ ќе ги опоменуваат сите возила коишто ќе бидат затекнати на резидентно паркиралиште или резидентна улица, а не се корисници-резиденти на секторот во коишто се паркирани. Од 10 април 2019 година (среда) корисниците коишто ќе постапуваат спротивно новите насоки ќе бидат санкционирани со поставување на механичко средство „Блокатор“ или отстранети со специјално возило „Пајак“.