јп улица и патишта – Kurir.mk

Времен сообраќаен режим денес и утре на „Тодор Александров“

Катерина Бојаџиева — Wed, 07 Dec 2022 08:39:54 +0000

Денес и утре има промена во времетраењето на времениот режим кој ќе биде од 12:00ч. до 16:00часот. Во тој период екипи на ЈП Улици и патишта Скопје ќе ја асфалтираат улицата Тодор Александров и поради изведба на градежните активности ќе биде воведен времен сообраќаен режим на двете коловозни ленти и обележана со соодветна сигнализација, информираат од ЈП Улица и патишта. Во среда ќе бидат затворени коловозните ленти на потегот од ИЗИИС до Турската Амбасада, а во четврток на потегот од Турската Амбасада до кривината кај МВР. Апелираме до граѓаните за трпеливост во сообраќајот до завршување на градежните активности со цел побезбедно и непречено движење со новата асфалтирана површина на улицата, додаваат од претпријатието.

Асфалтиран крак 2 од улица 81 во Волково општина Ѓорче Петров

Магдалена Андонова — Fri, 02 Sep 2022 08:59:41 +0000

По налог на Град Скопје, екипи на ЈП "Улици и патишта"-Скопје во текот на вчерашниот ден ја асфалтираа улицата 81 крак 2 во населеното место Волково во вкупна површина од 500 квадратни метри. Улицата е до должина од 150 метри и широчина од 3,30 метри. Екипите денес продолжуваат со активностите за изградба на последниот крак 3 од улица 81 во Волково, подготовка на теренот за асфалтирање, а потоа и на изградба на наредните улици кои се предвидени со утврдената динамика.

Во тек се подготвителни работи за изградба на нов потпорен ѕид на булеварот „Борис Трајковски“

Магдалена Андонова — Fri, 26 Aug 2022 12:42:35 +0000

Екипите на ЈП Улици и патишта по налог на Град Скопје деновиве ги започнаа активностите за изведба на нов потпорен ѕид на булеварот „Борис Трајковски“ кај семафорите во населбата Пинтија. Целосно се отстранува стариот и оштетен бетонски потпорен ѕид кој беше паднат заради временските неприлики. По изработката на проектното решение ЈП Улици и патишта во координација со службите од Градот Скопје започна со подготвителни работи за изведба на потпорниот ѕид, првенствено со обележување и заградување на просторот на градилиштето, а по овие фази следува ископ на земја на потпорната конструкција. Потпорниот ѕид на бул. Борис Трајковски има променлива висина, а вкупната должина е 152.45 метри. Откако ќе бидат изведени армирачко бетонските работи на потпорниот ѕид ќе се постави дренажниот систем кој се состои од дренажна цевка, филтерски материјал и барбакани. ЈП Улици и патишта заедно со службите од Градот Скопје изведбата на потпорниот ѕид ќе ја вршат по сите стандарди за долгорочно решавање на проблемите со наносот на вода врз овој потег, а откако ќе бидат завршени сите потребни активности ќе биде вратена во првобитна состојба и пешачката патека по должината на булеварот.

ЈП „Улица и патишта“: Продолжуваат активностите за уредување на кејот на река Вардар

Магдалена Андонова — Sat, 13 Aug 2022 08:59:30 +0000

Екипите на ЈП Улици и патишта и екипите на ЈП Паркови и зеленило по налог на Градот Скопје продолжуваат со активностите за уредување на кејот на реката Вардар. Во текот на изминативе денови рачно се чисти нискостеблестата вегетација од косините на коритото на потегот од пешачки мост Злокуќани до мост 8-ми Септември каде десната страна од кејот е целосно завршена, а во наредниве деновите екипи продолжуваат машински да ја чистат левата страна од кејот во насока од мост 8-ми Септември кон Влада. Исто така други екипи паралелно го чистеа потегот до мостот кај Александар Палас каде со машини се коси погуста вегетација, се собира наталожениот мил од коритото, се отстрануваат гранки, корења и дрвја во внатрешноста на коритото и според работниот план овој потег до крајот на неделата ќе биде целосно завршен. Покрај чистењето на кејот минатиов период се изврши санација на велосипедската патека со фугирање на оштетувањата од мостот Влајко во долниот дел од кејот кон амфитеатарот, санација на оштетените бекатон плочи на пешачката патека на кејот во делот над Аква паркот, санација на неколку шахти на кејот на кои се поставени бетонски плочи за заштита во делот од пешачкиот мост 8-ми Септември и во делот пред мостот Обединети Нации. А беше и извршена санација на заштитна ограда на пристапната рампа кај хотелот Александар Палас. ЈП Улици и патишта ќе продолжи и во периодот кој следи со активности за интензивно уредување и санација на кејот на река Вардар за соодветна рекреација и спортување за сите посетители и граѓани.

Продолжуваат градежните активности на улиците во Волково

Катерина Бојаџиева — Fri, 05 Aug 2022 09:42:37 +0000

ЈП Улици и патишта продолжува со одвивање на градежните активности на улицата 73 во населеното место Волково, во општина Ѓорче Петров. Денеска се асфалтира улицата бр.73 на вкупна површина од 665 квадратни метри. Улицата е со должина од 190метри и широка 3,5метри. Екипите на ЈП Улици и патишта во координација со Градот Скопје ќе продолжат во наредниве денови и на останатите локални улици во населените места Волково следни се улица бр.21 и бр.23, а потоа и на улиците во населено место Даме Груев и Стопански Двор согласно предвидената динамика за изградба на улиците.

Започна реконструкцијата на пешачката и велопатеката по должина на булеварот Гоце Делчев

Магдалена Андонова — Thu, 14 Jul 2022 08:43:00 +0000

Екипите на ЈП „Улици и патишта“ по налог на Град Скопје започнаа со реконструкција на пешачката и велопатеката по должина на булеварот Гоце Делчев, од двете страни на потегот од Стоковна куќа Мост до триаголникот кај мостот Гоце Делчев. Пешачката и вело патека се реконструира на вкупна површина од околу 2.000 квадратни метри, односно 1.000 квадратни метри од левата страна и 1.000 квадратни метри од десната страна на наведениот потег. Според планот за реконструкција во моментот се работи на отстранувањето на бекатон плочки и отстранување на руиниран асфалт, со подготовка на подлогата со тампон, за на крај овој потег да биде воспоставена вело и пешачка патека по сите стандарди.

Започна да се реализира првата фаза од проектот за целосна реконструкција на левата страна на кејот на Вардар

Магдалена Андонова — Fri, 01 Jul 2022 11:50:43 +0000

Екипите на ЈП Улици и патишта, деновиве на терен интензивно работат на реализацијата на првата фаза од проектот за целосна реконструкција на левата страна на кејот на реката Вардар. Градежните активности се одвиваат на потегот од мостот Мајка Тереза до Железничкиот мост, каде што се врши на ископ на нефункционалната и запуштена патека, при што се отстрануваат старите и оштетени плочи. На овој потег, постоечките патеки се со должина од 750 метри и широчина од 3 метри, а досега е извршен ископ во должина од 550 метри. По завршувањето на овие градежни активности, екипите ќе реализираат активности за целосна обнова и продолжување на постоечките патеки. Истовремено, екипите на ЈП „Паркови и зеленило“ реализираат активности за хортикултурно уредување на овој потег. Реконструкција на левата страна на кејот на реката Вардар ќе се одвива во три фази со цел воспоставување на мултифункционален модерен јавен простор со ново зеленило, пешачки, вело патеки и нова урбана опрема во интерес на сите граѓани. Првата фаза, чија реализација е во тек, е на потегот од мостот „Мајка Тереза“ до ПИОМ, втората до паркот на езерата во Аеродром и третата, до мостот „Тодор Александров“ во општина Аеродром.

ЈП Улица и патишта: Санирани над 300 заштитни столобви на градските сообраќајници во изминатиот месец

Магдалена Андонова — Fri, 01 Jul 2022 11:06:41 +0000

ЈП Улици и патишта Скопје изминатиов месец активно работат на санација на оштетените заштитни столбови на градските улици и булевари и со последниот месечен извештај на одговорните лица утврдено е дека бројката изнесува околу 300 оштетени заштитни столобови. Како дел од тековните активности на претпријатието е и одржување на сообраќајната опрема која е оштетена некогаш од дотраеност и најчесто од несовесни граѓани. ЈП Улици и патишта Скопје, апелира за поголема внимателност во сообраќајот и почитување на сообраќајната опрема и сигнализација со цел зачувување на безбедноста во сообраќајот.

Реконструирани дел од пешачката и велопатека на улица „16 Македонска бригада“

Магдалена Андонова — Mon, 27 Jun 2022 15:02:20 +0000

ЈП Улици и патишта Скопје по налог на Град Скопје деновиве го реконструираа оштетениот дел на пешачката и на велопатеката на улицата 16 Македонска бригада, односно пред кружниот тек во населба Железара. При реконструкцијата извршен е ископ на оштетениот асфалт на дел од површината, отстранети се и оштетените бекатон плочи, а потоа се поставени рабниците, тампон слој и нова асфалтна маса на површина од 550 квадратни метри. За асфалтирање на овој дел од патеките употребени се 90 тони асфалтна маса. Во текот на реконструкцијата на оваа површина, екипите ги санираа и оштетувањата на пристапната патека кон Паркот на природата Гази Баба со површина од 250 квадратни метри. Со санирањето на оштетените површини се овозможува безбедно движење на пешаците и на велосипедистите во овој дел на градот.

Настов: ЈП Улици и патишта со итна интервенција веднаш го обезбеди критичното место на мостот кон Драчево, работиме на конретно решение

Магдалена Андонова — Fri, 10 Jun 2022 19:09:07 +0000

Директорот на ЈП Улици и патишта, Борис Настов во гостување на вестите во Телевизија 24 денеска истакна дека во координација со службите од Градот Скопје екипите уште во текот на минатата ноќ го обезбедиле критичното место на мостот кон Драчево, на улицата Јустинијан Први каде е настанато негово оштетување и во текот на следниот период ќе работат на изнаоѓање на конретни решенија за санација и негова реконструкција. -ЈП Улици и патишта го обезбеди критичното место, уште вчера во попладневите часови за да не транзитираат возилата во тој дел и граѓаните да внимаваат кога транзитираат на овој потег, во текот на денешниот ден се изврши поставување на челична плотна со соодветна дебелина за да се овозможи безбедно одвивање на сообраќајот на овој потег, истакна Настов. Тој појасни дека службите од Град Скопје уште во 2018 година утврдиле потреба од итно интервенирање на овој мост кој е стар повеќе од 50 години, како и дека станува збор за дел од регионален пат кој има поделени надлежности за кои и Јавното претпријатие за одржување на магистрални и регионални патишта има обрска за постапување. Настов истакна дека во насока на брза интервенција и обезбедување на несакани последици од несоодветно одржување со години наназад, службите од Градот и ЈП Улици и патишта ќе пристапат кон соодветно решавање, санација или целосна реконструкција на ваквите критични места. - Апелираме до надлежните институции со цел да се избегнат дополнителни оштетувања и загрозување на безбедноста се до целосна реализација на санацијата да не се дозволи транзит на тешки товарни возила на тој потег, додаде тој.