ЈП “Улици и патишта” – Скопје – Kurir.mk

Ќамил Ковачи нов директор на ЈП Улици и патишта

Дарко Андоновски — Fri, 30 Jun 2023 11:49:51 +0000

Саит Саит денеска е разрешен од директорската функција на Јавното претпријатие Улици и патишта и за в.д директор е поставен Ќамил Ковачи, соопшти прес-службата на Град Скопје. -Ковачи на позицијата доаѓа од местото секретар на општина Сарај, а има искуство во раководење со јавни претпријатија како долгогодишен директор на Јавното комунално претпријатие Сарај, се наведува во соопштението.

ЈП Улици и патишта Скопје интензивно продолжува со активностите за уредување и санирање на кејот на реката Вардар

Дарко Андоновски — Wed, 07 Sep 2022 07:11:06 +0000

ЈП Улици и патишта Скопје интензивно продолжува со активностите за уредување и санирање на кејот на реката Вардар. Екипи на ЈП Улици и патишта, по налог на Град Скопје деновиве интензивно ги вршат активностите за санација на оштетените патеки на кејот, како и активностите со рачното и машинско чистење на косините на реката Вардар. Продолжуваат активностите за санирање на пешачките и велосипедски патеки на кејот, изминатиов период санирана е оштетената површина на пешачката патека на потегот од од мостот "Обединети Нации" во долниот дел кон мостот кај хотел "Александар Палас" на насипот на реката Вардар, каде што беа и санирани и оштетени заштитни столбчиња. Санирана е патеката кај МАНУ и велосипедската патека под мостот „8ми Септември“, како и голем дел од површината на велопатеката која е во насока од мостот Влајко во долниот дел од кејот кон амфитеатарот. Рачното и машинско чистење на нискостеблестата и погуста вегетација од косините и коритото на реката се одвиваше на потегот од мостот „8-ми Септември“ кон Центар од двете страни, потоа екипите продолжија од мостот кај МАНУ и рачно ја исчистија обраснатата трева од косините од десната страна, а екипи со машинското чистење го поминаа потегот од хотел „Александар Палас“ до делот под булеварот Никола Карев. Рачното чистење е со тримери и со нив се коси обраснатата трева, а со машинското се собираат гранките и се отстранува наталожена земја и погуста вегетација од коритото на реката. Исчистени се и скалилата на овој потег со обрасната трева, а моментално екипи ги чистат скалилата пред игралиштата за одбојка на кејот на река Вардар. Денеска екипите продолжуваат со санација на велопатеката која е во насока од мостот Влајко во долниот дел од кејот кон амфитеатарот, а екипите кои се задолжени за машинското и рачно чистење во наредните денови продолжуваат со активностите за чистење на потегот од ПИОМ кон мост „Близнак“.

Настов: ЈП Улици и патишта ќе асфалтираат над 16.000 квадратни метри површина на улиците во пет населени места во општина Ѓорче Петров

Дарко Андоновски — Tue, 14 Jun 2022 12:00:26 +0000

Денес на прес конференцијата во населеното место Кисела Јабука, Градоначалничката на Град Скопје, Данела Арсовска, градоначалникот на општина Ѓорче Петров, Александар Стојкоски и директорот на ЈП Улици и патишта Скопје, Борис Настов, го најавија започнувањето на градежната офанзива во Скопје, во која прва фаза е предвидена реконструкцијата на над 20 општински улици во општината Ѓорче Петров. Почнувајќи од денес во општината Ѓорче Петров започнува и скопската градежна офанзива со реконструирање на повеќе од 20 улици во оваа општина. Улици кои првпат се асфалтираат на барање на граѓаните да добијат улици и услови какви што заслужуваат. Град Скопје за изведба на овој проект одвојува 4 милиони денари, истакна Арсовска. Во оваа прва фаза ќе се пристапи кон реконструкција на улици во пет населени места во оваа општина, во село Волково, Кисела Јабука, Даме Груев, Ново Село и Стопански Двор, ќе се реконструира патна инфраструктура во должина од пет километри. Со оваа реконструкција ќе бидат опфатени улиците во село Волково и тоа улица 83, улица 100 десен крак, улица 3, 73, 74, 78, улица 80 Пржина, улица 81 крак 1, 2, 3 лево, улица 81 крак 4 десно. Во Кисела Јабука улиците 4, 6, краците на улицата 46 и 46а и улиците 68, 10 и 34. Улицата Антон Кецкаров во населено место Даме Груев, во Ново Село пред училиштето крак десно, крак лево и краците на улиците 4 и 2, како и улица 52 десен крак во населба Стопански Двор, истакна Арсовска. Градоначалникот на Општина Ѓорче Петров, Александар Стојкоски истакна дека оваа реконструкција е опфат на изградба на нова патна инфраструктура на општински улици во општината Ѓорче Петров, сето тоа во интерес на над 20 илјади жители кои живеат и гравитираат на овој дел од општината, каде повеќе од неколку децении не се реализирани барањата на граѓаните и изрази благодарност на Град Скопје за одвоените финансиски средства како и за добрата соработка со градоначалничката на Град Скопје. Директорот на ЈП Улици и Патишта, Борис Настов на увидот истакна дека со од вчера е започнато да се работи на подготовка на асфалтирање на улиците во населбата Кисела Јабука со ископ на гребен асфалт, потоа со поставување на тампон слој и уште денеска ќе се пристапи кон асфалтирање со нова асфалтна маса. Вкупната површина на улиците кои ќе бидат асфалтирани е над 16.000 квадратни метри, со променлива широчина на улиците од 3 до 5 метри, со што ќе се подобрат условите на живеење на граѓаните кои живеат тука, а воедно ќе се влијае и на подобрување на безбедноста во сообраќајот, истакна Настов.

Санација на оштетени заштитни столбови на улиците во Централно градско подрачје

Дарко Андоновски — Fri, 10 Jun 2022 11:46:36 +0000

Екипите на ЈП Улици и патишта Скопје кои што ја одржуваат сообраќајната опрема на градските улици и булевари во теков на изминативе денови санираа оштетени заштитни столбови на повеќе локации особено во Централното градско подрачје. Оштетени заштитни столбови беа лоцирани на улицата Димитрие Чуповски на влезот кон плоштад "Македонија", кај Триумфалната порта, на плоштадот "Филип Втори", на улицата Македонија, како и на голем дел градски сообраќајници.

Заштитните столбови редовно се санираат и се поставуваат нови по налог на Град Скопје поради зголемување на безбедноста на пешаците и велосипедистите, но и за спречување на непрописно паркирање на возилата.

Бидејќи истите многу често се уништуваат од несовесни граѓани, ЈП Улици и патишта апелира за поголема совесност и да се почитува сообраќајната опрема и сигнализација за да се одржи безбедноста за сите учесници во сообраќајот.

Настов: Работиме на изготвување на нов проект за санација и реконструкција на разрушениот потпорен ѕид во Пинтија

Ивана Ефремовски — Tue, 31 May 2022 13:49:41 +0000

Во денешното гостување на утринската емисија „Добро утро, Македонијо“ на МРТ 1 директорот на ЈП Улици и патишта Скопје, Борис Настов изјави дека се работи на изготвување на нов проект со кој ќе се реконструира оштетениот потпорен ѕид на булеварот Борис Трајковски во населбата Пинтија. „Веднаш после пријавите од нашите сограѓани излеговме на терен и заедно со екипите на јавните претпријатија на градот Скопје со цел заеднички да превенираме за да спречиме уште поголема катастрофа. Првично интервениравме со расчистување на градежниот и земјан материјал кој ја беше зафатил пешачката патека и дел од булеварот со цел да се олесни движењето на возилата, а потоа пристапивме кон санација на потпорниот ѕид“, истакна Настов. Директорот Борис Настов истакна дека паралелно со работата на овој потег на нашите екипи околу расчистувањето на теренот, се работи на увид во причините за пропаѓањето на ѕидот и утврдување на техничките причинители по што ќе се изготвува квалитетен проект за санација и реконструкција на потпорниот ѕид, поради функционална и безбедносна причина со кој би се олеснило движењето на граѓаните и возилата кои транзитираат на овој потег.

Во тек е асфалтирање на пешачка патека во Градски парк позади Луна паркот

Дарко Андоновски — Tue, 17 May 2022 13:26:06 +0000

Во тек е асфалтирање на пешачка патека во Градски парк позади Луна паркот Екипи на Јавното претпријатие Улици и патишта – Скопје денес асфалтираат пешачка патека во Градскиот парк на просторот позади Луна паркот на површина од 500метри квадратни. Патеката е со должина од 100метри и широчина од 5метри и денес ќе биде целосно асфалтирана. На санација и реконструкција на пешачките патеки во градскиот парк се работи интензивно изминативе месеци и екипите периодов ќе продолжат да ги рекоструираат и останатите патеки во просторот позади Луна паркот.

Монтирани звучни сигнали на семафорите и обележување на такси постојки на улиците во општина Центар

Магдалена Андонова — Tue, 10 May 2022 11:58:10 +0000

Екипите на ЈП Улици и патишта денес продолжија со извршување на работните активности предвидени за големата пролетна акција на подрачјето на општина Центар. Во текот на денот поставени се осум звучни сигнали за лица со нарушен вид на семафорите на крстосниците бул.Партизански Одреди пешачки премин „Сити Мол“, бул.Илинден кај Матична служба и на ул. Димитрие Чуповски пешачки премин „Рекорд“. Обележани се такси станиците на неколку улици и тоа Народен Фронт кај цветниот пазар, улица Аминта Трети, бул.Мајка Тереза, бул.Свети Кирил и Методи и пред поликлиника „Јане Сандански“ со вкупен капацитет на 31 возило. На улицата Димитрие Чуповски санирана е површина на оштетувања во асфалтот од 15 метри квадратни.

Саниран коловозот на булеварот ВМРО

Магдалена Андонова — Thu, 05 May 2022 14:12:22 +0000

Екипите на јавното претпријатие „Улици и патишта“ по налог на Град Скопје денеска го санираа оштетувањето на коловозот на булеварот ВМРО, каде што во текот на вчерашниот ден пропадна дел од асфалтот. Во текот на изминатата ноќ екипите на ЈП „Водовод и канализација“ утврдија дека станува збор за стара водоводна мрежа која се користела за наводнување на парковите и ја извршија потребна интервенција со отстранување на дефектот. Од ЈП „Улици и патишта“ санирањето на коловозот денеска го извршија со поставување тампонски слој и нов асфалт

Продолжуваат тековните активности на ЈП “Улици и патишта” – Скопје

Тале Кристо — Sat, 19 Mar 2022 09:20:16 +0000

Изминативе денови екипите на ЈП Улици и патишта Скопје работат на санирање на средишните жардињери на булеварот ВМРО и булеварот Партизански Одреди. Санирани се и оштетената пешачка патека на улицата Филип Втори и на улица Братфорска. Санацијата и реконструкцијата на пешачките патеки во градски парк продолжува, како и секојдневната санација на ударни дупки на градските сообраќајници. Санација и обнова имаше на оштетените заштитни столбчиња на улиците во Централно градско подрачје,како и на вертикалната сигнализација. Се обележуваат автобуските и такси постојките,а црлосно е обележана и улицата 808. Во тек се и подготовките за семафоризација на булеварот АСНОМ кај новиот мост, како и подготвување на инсталацијата на семафорите на крстосница бул.Босна и Херцеговина со улица Лазо Трповски. Екипите продолжуваат со извршување на тековните активности според предвидениот распоред и во наредните денови.