ЈП Водовод и канализација Скопје – Kurir.mk

Шалтерите за наплата на ЈП „Водовод и канализација“- Скопје ќе работат само в петок

Катерина Бојаџиева — Wed, 12 Apr 2023 08:55:35 +0000

Шалтерите за наплата во Дирекцијата на ЈП „Водовод и канализација“ – Скопје, во пресрет на велигденските празници, ќе работат само в петок од 7:30 до 15:30 часот, додека пак в сабота и понеделник, нема да работат. Со редовни работни активности ќе се продолжи во вторник, известуваат од ЈП „Водовод и канализација“ – Скопје. - Ве повикуваме да ја искористите можноста дадена преку електронските сервиси на ЈП „Водовод и канализација“ – Скопје, со која нашите услуги се поблиску до вас. Посетете ја нашата веб страна www.vodovod-skopje.com.mk и информирајте се за сите настани поврзани со работата на претпријатието. Електронските сервиси на ЈП Водовод и канализација – Скопје се достапни на e.vodovod-skopje.com.mk, информираат од ЈП „Водовод и канализација“ – Скопје. Полесен и побрз пристап до услугите на ЈП „Водовод и канализација“ – Скопје е овозможен со мобилната апликација на претпријатието. - Информациите поврзани со фактурите и нивната наплата се достапни и преку апаратите за наплата распоредени на неколку локации во градот: Дирекција на ЈП Водовод и канализација – Скопје, Одделение за грижа на корисниците во ЈП Комунална Хигиена – Скопје, ГТЦ на приземје, Капитол Мол во Аеродром и Сити Мол во Карпош, соопштуваат од ова јавно претпријатие.

Без вода денеска дел од населба Лисиче

Катерина Бојаџиева — Tue, 21 Mar 2023 09:28:41 +0000

Поради изведување водоводен приклучок ф 80 мм на ул. „Блажо Орландиќ“ бр.40, денеска прекинато водоснабдување ќе имаат корисниците на дел од населба Лисиче. Како што информираат од ЈП „Водовод и канализација“ прекинот во снабдувањето со вода ќе биде од 10:00 часот до завршување на работните активности.

Акција на ЈП Водовод и канализација- Скопје за отплата на долгови без пресметка на камата до 31 Март 2023

Катерина Бојаџиева — Mon, 20 Mar 2023 10:01:52 +0000

ЈП Водовод и канализација – Скопје ја известува јавноста и граѓаните на град Скопје, дека акцијата за отплата на долговите без пресметка на камата за задоцнето плаќање е во тек. Акцијата за отплата на долговите на рати без камата за физички и правни лица е со определен временски рок, почнувајќи од 15.02.2023 заклучно до 31.03.2023. Ги повикуваме сите корисници кои имаат заостанат долг во овој период да аплицираат за склучување на договори за отплата на долговите на најмногу 48 рати за физички лица и 24 рати за правни лица, во зависност од висината на долгот, без пресметка на камата за задоцнето плаќање. Одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес. По истекот на овој период одлуката престанува да важи. За секоја дополнителна информација за услугите на ЈП Водовод и канализација – Скопје контактирајте на: 02 3073 010, Дежурно Информативен Центар; 02 3240 300, Дирекција; [email protected]; www.vodovod-skopje.com.mk; www.facebook.com/jpvodovod.skopje.

Зошто скопски „Водовод“ крие податоци за образованието на шефот на кабинет на поранешниот директор?

Дарко Андоновски — Mon, 06 Mar 2023 20:24:11 +0000

По допис на „Фокус“, Антикорупциската комисија ќе го проверува вработувањето на Јованче Мирчевски во ЈП „Водовод и канализација“ - Скопје, откако од јавното претпријатие одбија да ни достават податоци на кои работни позиции бил ангажиран и какво образование поседува Мирчевски, чиј работен однос, случајно или не, беше прекинат веднаш по доставувањето на нашето барање согласно Законот за слободен пристап до информации од јавен карактер. Политичките промени во Град Скопје по последните локални избори, како и судирот меѓу градоначалничката Данела Арсовска и партијата што ја поддржа нејзината независна кандидатура – ВМРО-ДПМНЕ, донесоа многу турбуленции во локалната самоуправа на главниот град, кои се рефлектираа и во јавните претпријатија под нејзина капа. Притоа, се чини дека најголеми превирања имаше во Јавното претпријатие „Водовод и канализација“ – Скопје, каде периодот се сменија неколку директори пред да биде назначен актуелниот директор Драган Илиевски. Но, исто така, се ротираа кадри на различни работни позиции, што, според надлежните инспекциски служби, се правело спротивно на законските акти. Во таа насока, Државниот инспекторат за труд веќе поништи задолженија на повеќе вработени во скопски „Водовод“, по пријава на Синдикатот на работниците за неправилности, кој смета дека овие задолженија се противзаконски и се косат со Колективниот договор за комунални дејности. Истовремено, и Државниот управен инспекторат реагирал и за други вработени кои имале незаконски задолженија. Од Инспекторатот за труд за „Фокус“ потврдија дека по нивниот контролен инспекциски надзор добиле докази од веќе поранешниот В.Д. директор Марјанчо Митовски дека ги поништил спорните задолженија на дел од вработените и му изрекол опомена на Јавното претпријатие. „Во рамки на овластувањата утвдрени со Закон за инспекција на труд и Закон за инспекциски надзор, Државниот инспекторат за труд изврши контролен инспекциски надзор над правниот субјект на инспекциски надзор Јавно претпријатие Водовод и канализација Скопје, а застапувано од одговорно лице В.Д Директор Марјанче Митовски, а по претходно доставено известување дека е постапено по решение врз основа на член 258 од Закон за работни односи со кое се изрекува инспекциска мерка опомена на работодавачот Јавното претпријатие“, се вели во дел од одговорот од Државниот инспекторат за труд. И од Управниот инспекторат за „Фокус“ потврдуваат дека е постапено по пријавата за утврдените неправилности. Целиот текст прочитајте го ТУКА.

Неделен лабораториски извештај: Каква вода пијат скопјани?

Катерина Бојаџиева — Tue, 28 Feb 2023 08:40:53 +0000

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, кој е всушност прва лабораторија во државата која го акредитира своето работење според стандардот ИСО17025:2018. Секторот за санитарна контрола во периодот од 20.02.2023 до 24.02.2023 зема 188 примероци за физичко-хемиска и 188 примероци за микробиолошка анализа на вода за пиење од 45 мерни места во град Скопје. Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Акција на „Водовод“ за отплата на долгови без пресметка на камата од утре до крајот на март

Катерина Бојаџиева — Tue, 14 Feb 2023 12:55:53 +0000

ЈП „Водовод и канализација“ – Скопје ги известува граѓаните на град Скопје, дека од утре почнува акција за отплата на долговите без пресметка на камата за задоцнето плаќање. Акцијата за отплата на долговите на рати без камата за физички и правни лица, ќе почне од 15 февруари, а ќе трае заклучно до 31 март 2023 година. -Ги повикуваме сите корисници кои имаат заостанат долг во овој период да аплицираат за склучување на договори за отплата на долговите на најмногу 48 рати за физички лица и 24 рати за правни лица, во зависност од висината на долгот, без пресметка на камата за задоцнето плаќање, соопштуваат од ЈП „Водовод и канализација“ – Скопје. Од јавното претпријатие потенцираат дека одлуката не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес. По истекот на овој период одлуката престанува да важи.

Без вода дел од Старата скопска чаршија

Катерина Бојаџиева — Wed, 08 Feb 2023 13:10:10 +0000

Поради уличен дефект ф-100 мм на ул. Укшин Хоти 39, без вода попладнево од 14 часот се корисниците во дел од Старата скопска чаршија. Водоснабдувањето ќе биде прекинато до санација на дефектот, информира ЈП Водовод и канализација - Скопје.

Поради дефект на затворач утре без вода реонот околку Млечен ресторан

Катерина Бојаџиева — Tue, 07 Feb 2023 13:44:24 +0000

Поради дефект на затворач ф-80 милиметри на улица „Дрезденска“ број 8, утре прекинато водоснабдување ќе имаат корисниците од оваа и од улиците „Алжирска“, „Каирска“, „Борка Талевски“, „Римска“, „Бахар Моис“, „Панче Пешев“ и „Наум Евро“ и дел од „Њуделхиска“, „Анкарска“ и „Атинска“ во реонот околу Млечен реторан во Општина Карпош. Како што информираат од ЈП „Водовод и канализација“ - Скопје, водоснабдувањето ќе биде прекинато од 9:00 часот, па до завршување со санација на дефектот.

Вечерва без вода ќе останат овие скопски улици

Катерина Бојаџиева — Mon, 30 Jan 2023 18:50:08 +0000

Поради дефект на водоводна мрежа Ф 150мм. на ул.Скоевска 18 (1 влез 1 раскрсница), вечерва со прекинато водоснабдување ќе бидат корисниците на улицата Скоевска и зградите од улица Радишанска. Водоснабдувањето ќе биде прекинато од 20:30 часот до завршување на дефектот, информираат од ЈП Водовод и канализација – Скопје.

Како ќе работи ЈП Водовод и канализација- Скопје за Водици?

Катерина Бојаџиева — Tue, 17 Jan 2023 13:32:53 +0000

ЈП Водовод и канализација – Скопје, во пресрет на христијанскиот празник, Богојавление (Водици), ги известува корисниците дека на ден 19.01.2023 (четврток), шалтерите за наплата во Дирекцијата на претпријатието и наплатниот пункт во Сарај, ќе работат со редовно работно време: - Дирекција од 07:30 до 19 часот, - Сарај од 08:00 до 14:30 часот. Со редовни работни активности се продолжува во петок, 20.01.2023. ЈП Водовод и канализација - Скопје продолжува да работи во служба на граѓаните на град Скопје. Согласно вашите потреби контактирајте не на: 02/3073 010, [email protected], https://www.facebook.com/jpvodovod.skopje/. Информирајте се на www.vodovod-skopje.com.mk и пристапете до сите електронски сервиси преку e.vodovod-skopje.com.mk или мобилната апликација достапна за Android и iOS. Искористете ја можноста за брзо и едноставно плаќање преку апаратите за наплата на следните локации: Дирекција на ЈП Водовод и канализација – Скопје, ГТЦ на приземје, Капитол мол и корисничкиот центар на ЈП Комунална хигиена - Скопје, велат од претпријатието.