јп водовод и канализација – Kurir.mk

Водовод со апел до скопјани: Рационално користете ја водата, избегнувајте полевање на зеленило

Ивона Петрова — Tue, 18 Jul 2023 11:03:04 +0000

Врз основа на податоците на Управата за хидрометеоролошки работи од каде се најавуваат високи температури кои деновиве достигнуваат и над 40 °C, како и податоците на ЈП Водовод и канализација – Скопје за зголемена потрошувачка на водата, апелираме до граѓаните на градот Скопје за рационално користење и употреба на водата. Од Водовод апелираат да се избегнува непотребно трошење на водата за полевање на зеленило, бавчи и ниви, за перење автомобили, за полнење на базени, но и спречување на злоупотребата преку дивите приклучоци. Со дивите приклучоци се нанесува директна штета на системот за водоснабдување и на квалитетот на водоснадбувањето до сите корисници во град Скопје. -Апелираме до граѓаните на град Скопје, доколку забележат див приклучок, истиот да го пријават на 023073 010, [email protected], www.vodovod-skopje.com.mk или преку мобилната апликација достапна за Android и iOS, и потсетуваме дека дивите приклучоци се забранети со Закон (Закон за вода за пиење и одведување урбани отпадни води, член 23) и истите се утврдуваат од страна на овластен комунален инспектор на општината и на Градот (Закон за вода за пиење и одведување урбани отпадни води, член 37), врз основа на што за сите утврдени иматели на див приклучок ќе биде поткрена прекршочна постапка за сторено кривично дело, информираат од претпријатието.

Без вода дел од Љубанци

Ивана Ефремовски — Wed, 17 May 2023 07:10:52 +0000

Поради технички зафат во резервоарот, прекинато водоснабдување ќе имаат корисниците на дел од Љубанци, соопшти ЈП Водовод и канализација - Скопје. Водоснабдувањето ќе биде прекинато од 10:00 часот до завршување со работните активности.

Повеќе улици во Карпош утре ќе останат без вода

Ивана Ефремовски — Thu, 06 Apr 2023 10:19:26 +0000

Од ЈП Водовод и Канализација известуваат дека на ден 07.04.2023 година (петок) поради уличен дефект ф 6/4“ мм на ул.„Хашка“ 19, прекинато водоснабдување ќе имаат корисниците од ул.„Хашка“, „Бањалучка“, „Будимпештанска“, „Урош Џудовиќ“ и дел од „Женевска“. Прекинот ќе трае од 09:30 часот до завршување со санирање на дефектот. Улиците се наоѓаат во општина Карпош.

Неделен лабораториски извештај: Каков е квалитетот на водата за пиење во Скопје?

Ивана Ефремовски — Mon, 13 Feb 2023 08:26:16 +0000

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, кој е всушност прва лабораторија во државата која го акредитира своето работење според стандардот ИСО17025:2018. Секторот за санитарна контрола во периодот од 06.02.2023 до 10.02.2023 зема 193 примероци за физичко-хемиска и 193 примероци за микробиолошка анализа на вода за пиење од 49 мерни места во Градот Скопје. Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Неделен лабораториски извештај: Дали е квалитетна и безбедна водата за пиење во Скопје?

Ивана Ефремовски — Mon, 19 Sep 2022 10:25:37 +0000

ЈП Водовод и канализација - Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, кој е всушност прва лабораторија во државата која го акредитира своето работење според стандардот ИСО17025:2018. Секторот за санитарна контрола во периодот од 12.09.2022 до 16.09.2022 зема 197 примероци за физичко-хемиска и 197 примероци за микробиолошка анализа на вода за пиење од 41 мерни места во град Скопје. Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РСМ, бр.183/18).

Делови од Скопје утре ќе останат без струја и вода

Ивана Ефремовски — Mon, 19 Sep 2022 09:26:12 +0000

Регионалниот центар за управување со кризи на Скопје, по добиеното известување од ЕВН и ЈП Водовод и канализација, ги известува граѓаните дека: Поради технички зафати во дистрибутивната електро мрежа, на ден 20.09.2022 година (вторник), без електрична енергија ќе останат следните корисници: Од 08:30 до 13:00 часот, улица „Ѓорги Динката“ во општина Кисела Вода. Од 08:30 до 15:00 часот, улица „Михаил и Ефтихиј“ во општина Кисела Вода. Поради технички зафати во вододводната инсталација на ден 20.09.2022 година (вторник), прекинато водоснабдување ќе имаат корисниците на ул.„Бутелска“ раскрсница со ул. „Рудо“, „Марко Крале“, „Приштинска“, „Зуфер Мусиќ“, „Андре Мазон“, „Коле Канински“, „Мрежичка“ и „Мостарска“ од 09:00 часот до отстранување на техничкиот проблем.

Новиот директор на „Водовод“ контра Арсовска: Комисијата за пречистителната станица не се менува- нејасно е зошто Перински беше разрешен на кого градоначалничката му наложи промени во комисијата

Катерина Бојаџиева — Fri, 16 Sep 2022 11:47:57 +0000

Обвинители и припадници на Финансиската полиција од вчера се влезени во Јавното претпријатие „Водовод и канализација“, потврди за Плусинфо новоименуваниот директор на претпријатието Марјанчо Митовски. – Да, обвинителите беа тука, имавме состанок, тоа беше првично, но ништо конкретно не е преземено. Овие што беа од финансиска полиција и од МВР, најверојано по допрен глас, зашто во медиумите тоа се објавуваше, беа тука во врска со тендерот за дизајн и изработка на Пречистителната станица за отпадни води во Град Скопје. Немаа други цели, само за тој тендер се интересираа – вели директорот Митовски. За тој тендер, кој беше во фокусот на конфликтот со неговиот претходник, новиот директор Митовски вели дека непречено си тече. На прашање дали ќе се менува составот на Комитетот за евалуација на понудите на тендерот, Митовски вели „досега нема измени, а не сме размислувале за такво нешто“. – Тендерот си тече и не е ни спречен. Во тек е евалуација и тука не се мешаме. Јас како директор не влијаам дали тендерот ќе продолжи да се евалуира, а сега се евалуира, не е прекината постапката. Само беа луѓето од Министерство за внатрешни работи за да добијат информации, постапката не е прекината, а тие понатаму ќе прават анализи и стратегија, како и што ќе се постапува, и не е ништо прекинато – рече Митовски. Данела Арсовска, градоначалничката на Скопје, за емисијата „Студио 10“ на ТВ 24 рече дека од вчера во јавното претпријатие ЈП Водовод и канализација – Скопје се врши проверка на работата од страна на Управата за финансика полиција и Основното јавно обвинителство за организиран криминал и корупција. Градоначалничката порача дека со меѓународните тендери треба да се работи внимателно, бидејќи и „порано се работело со странски пари, па сега одат луѓе по судови заради провизии“.

СУТКОЗ: Се врши притисок и тортура врз вработените во „Водовод и канализација“, Арсовска да ја преиспита одлуката на новиот в.д. директор

Катерина Бојаџиева — Fri, 16 Sep 2022 09:00:33 +0000

Синдикатот на работниците од угостителството, туризмот, комунално- станбеното стопанство, занаетчиството и заштитните друштва (СУТКОЗ) при ССМ обвинува дека се врши притисок и тортура врз вработените во „Водовод и канализација“ од страна на новоназначениот в.д. директор. – Вработените во ЈП Водовод и канализација Скопје, од 07 часот утринава се соочуваат со тортура од страна на новото раководство на јавното претпријатие. Повеќе од 1/3 од вкупниот број на вработени во претпријатието се засегнати со губење на работните места и незаконски распоредувани на други работни места со Задолженија без право на приговор и без право на жалба што е спротивно и на Закон и на колективен договор и на Уставот на државата, се вели во соопштението од СУТКОЗ. Ваквите постапки, според синдикатот, се грубо кршење на работничките права за разлика од, како што наведуваат, периодот кога директори биле Душко Весковски и Златко Перински кога се почитувал колективниот договор. – Ваквиот однос на новиот в.д директор може да доведе до колапс на водоснабдителниот и канализацискиот систем во Скопје, поради тоа што квалификуваните работници се упатуваат да извршуваат други работни задачи, а дел од нив ги губат и своите работни места, велат од СУТКОЗ. Синдикатот вчера побара од градоначалничката на Град Скопје да ја преиспита одлуката на новиот в.д. директор на „Водовод и канализација“ за прекин на договорите за вработување на повеќе од 100 вработени и за прераспредување на дел од вработените.

Од утре до понеделник Љубанци без вода од 9 до 15:30 часот

Ивона Петрова — Wed, 10 Aug 2022 09:33:02 +0000

ЈП „Водовод и канализација“ известува дека од утре до понеделник без вода ќе бидат дел од корисниците на Љубанци. -На 11, 12, 13, 14 и 15 август поради реконструкција на водоводна мрежа и технички зафати во каптажата во Љубанци, прекинато водоснабдување ќе имаат корисниците на дел од с. Љубанци, информираат од претпријатието. Водоснабдувањето во наведените денови ќе биде прекинато од 09:00 до 15:30 часот.

Вечерва можен прекин на водоснабдувањето во Бутел и Радишани

Ивона Петрова — Sun, 24 Jul 2022 18:10:15 +0000

ЈП „Водовод и канализација“ известуваат дека денеска поради дефект од страна на ЕВН од 19:15 часот нема струја во П.С.Бутел и П.С Радишани. -Доколку дефектот од страна на ЕВН трае подолго време и дојде до празнење на резервоарите може да има прекин на водоснабдување во населбите Бутел и Радишани, велат од претпријатието.