јсп автобуси – Kurir.mk

Автобусите ќе возат по неделен возен ред, еве како ќе работи Жичарницата за време на велигденските празници

Дарко Андоновски — Thu, 13 Apr 2023 08:24:47 +0000

Ве информираме дека во пресрет на претстојните велигденски празници, возилата од јавниот превоз утре, петок (14.04.2023 год) ќе сообраќаат по неделен возен ред, со исклучок на автобусите на линиите 18А, 32, 47А, 51, 55, 55В, 56, 56А, 70, 74, 81, 118, 160, 164 кои ќе сообраќаат по саботен возен ред. Во сабота (15.04.2023 год), недела (16.04.2023 год) и понеделник (17.04.2023 год) автобусите на сите линии ќе сообраќаат по неделен возен ред. РАБОТНО ВРЕМЕ БИЛЕТАРНИЦИ Билетарниците и центрите за персонализација ќе работат единствено во сабота (15.04.2023 год), а другите денови (петок, недела и понеделник) ќе бидат неработни за сите продажни места. РАБОТНО ВРЕМЕ ЖИЧАРНИЦА Жичарницата претстојниве празнични денови (од утре до понеделник) ќе работи вообичаено, од 10 до 18 часот. Нема да работи во вторник (18.04.2023 год). РЕЖИМ НА СООБРАЌАЊЕ НА ЛИНИИТЕ ДО СРЕДНО ВОДНО Линиите 25 (Транспортен центар-Средно Водно), 25А (Автомакедонија-Средно Водно) и 25Б (Дом на печат-Средно Водно) ќе сообраќаат по неделен возен ред.

Во продажба е дневен билет од 120 ден за неограничен број користења во текот на еден ден

Дарко Андоновски — Mon, 11 Apr 2022 08:47:43 +0000

Од денеска, понеделник (11.04.2022 година) во билетарниците и центрите за персонализација на ЈСП Скопје пуштен е во продажба дневен билет кој чини 120 ден и важи за повеќекратно користење на сите линии во текот на еден ден. Новиот тип на билет важи од 05 до 24 часот, со можност за неограничен број возења, односно преседнувања на сите линии (градски и приградски). Патникот има обврска да го валидира билетот на постоечките валидатори во секое возило во кое ќе преседнува. Билетот се воведува со цел да се овозможи подостапно и полесно користењето на јавниот превоз на оние патници кои имаат потреба од повеќекратно користење на јавен превоз во текот на еден ден, а не поседуваат електронска картичка „Скопска“ (туристи, граѓани од внатрешноста, граѓани кои инцидентно имаат потреба од јавен превоз и слично). Новата услуга, новиот билет е согласно Одлуката на Совет на Град Скопје за изменување и дополнување на Одлуката за Интегриран тарифен систем во линискиот превоз во градот Скопје со цел унапредување и олеснување на услугите на корисниците на јавниот градски и приградски превоз. Цената на сите останати билети останува иста.

Се зголемува дозволениот број на патници во јавниот превоз

Дарко Андоновски — Tue, 23 Feb 2021 15:08:46 +0000

Владата ја прифати согласноста на Комисијата за заразни болести по барањето на група општински и меѓуопштински превозници да се зголеми дозволениот број патници од 50 на 75 отсто во превозните средства. Оваа одлука е донесена на денешната редовна 47. седница. Ограничувањето на бројот на патници е воведено поради ковид пандемијата.

Нелоски: Мерката за намалување на бројот на ЈСП автобуси е конфузна, власта треба да одговори како ќе се воведе ред во тие 50%, дали ќе има редари

Тале Кристо — Fri, 16 Oct 2020 16:32:03 +0000

Денес за вестите на Алфа телевизија изјава даде и претседателот на градскиот комитет при ВМРО-ДПМНЕ, Владимир Нелоски. Тој посочи дека мерките власта што ги предлага со цел да се заштити здравјето на граѓаните се делумни и нејасни. Со предложените мерки на власта тешко дека ќе ги заштитат граѓаните од пандемијата. Предложената мерка за намалување на бројот на ЈСП автобуси е конфузна, власта е должна да објасни на граѓаните како ќе ја реализира таа мерка. „Јас искрено посакувам да придонесат новите мерки, но се сомневам дека придонесат. Зошто го говорам ова, една од приложените, поригорозни мерки кои што се говорат дека ќе бидат како втор пакет донесени во наредната недела е дека кафетериите, сите ресторани, сите економски објекти ќе бидат затворени во 23 часот. Тоа нема да придонесе ништо, тоа е еден саат што ќе го изгубат граѓаните, дополнително се спомнува дека ќе се намали бројот на ЈСП автобуси, но како ќе се воведе ред во тие 50%, дали ќе има редари, ЈСП исто така има проблем со исплата на плати, едноставно многу е конфузно, оскудно тоа што се кажува. Граѓаните се во заблуда сега“, истакна Нелоски. Нелоски додаде дека власта и институциите се должни да обезбедат услови во време на пандемија кога граѓаните ќе се заштитени, но и нема да се ограничуваат со мерки, како што е јавниот превоз.

Граѓаните гневни за новите мерки: „Изгледа Филипче воопшто не се качил во автобус“ (ФОТО)

Дарко Андоновски — Sat, 10 Oct 2020 08:56:21 +0000

Граѓаните лути и гневни по најавите за новите рестриктивни мерки кои што завчера ги соопшти министерот за здравство, Венко Филипче. На социјалните мрежи тие најмногу му забележуваат на мерка за ограничување на примање гости во домовите, кога од друга страна градските автобуси во Скопје се преполни со патници. „Едно знам, Филипче одамна или воопшто не се качил во автобуси“, пишува револтиран граѓанин на социјалната мрежа Фејзбук. Реакциите на граѓаните се оправдани, имајќи ја во предвид состојбата со автобусите во СЈП. Имено, во многу автобуси од јавниот превоз во главниот град се надминува дозволениот број патници во време на пандемија. Ова може да се види и на овие фотографии кои се споделуваат на социјалните мрежи од револтирани граѓани, но и од сликите кои што ние ги направивме на лице место во еден од скопските автобуси. На нив јасно се гледа автобусот е пренатрупан со патници, без никаква можност за одржување социјална дистанца. Протоколот за заштита од корона вирусот предвидува во ниту еден автобус да не смее да се надминуваат 75% од капацитетот. Но, на сликите можат да се видат многу постари лица, кои се и од најризична група и кои можеби немаат други можности и алтернативи за да се префрлат до саканата дестинација, влегуваат и ги користат јавните автобуси. Од слликите можеме да видиме дека постарите лица, односно пензионерите автобусите на ЈСП ги користат за одење до пазар и назад. Од ЈСП пак, за телевизија Алсат истакнале дека гужвите во текот на денот се прават и поради доцнењето на автобусите поради гужвите во сообраќајот или градежните работите кои актуелно се одвиваат во одредени делови на Скопје.