јсп скопје – Kurir.mk

Јавниот превоз во Скопје во понеделник ќе сообраќа по неделен возен ред

Катерина Бојаџиева — Fri, 20 Oct 2023 11:01:31 +0000

Поради државниот празник 23 Октомври - Ден на македонската револуционерна борба, во понеделник, јавниот превоз ќе сообраќа по неделен возен ред, ќе работат две билетарници, а Жичарницата ќе функционира вообичаено, соопштија попладнево од ЈСП Скопје. - Дежурни од осум до 14:00 часот ќе бидат билетарниците на Транспортен центар - на излез и билетарницата во Ѓорче Петров. Жичарницата ќе работи од 10:00 до 18:00 часот, притоа 17:00 - 17:30 часот ќе биде последно возење од долу нагоре, односно во 17:45 часот е последно возење од горе надолу, се појаснува во соопштението.

Автобусите на ЈСП денеска ќе сообраќаат по неделен возен ред

Катерина Бојаџиева — Wed, 11 Oct 2023 06:57:51 +0000

По повод денешниот државен празник 11 Октомври, Ден на народното востание, автобусите од јавниот превоз ќе сообраќаат по неделен возен ред, информираа од ЈСП - Скопје. Ќе има две дежурни билетарници, кои ќе работат од 8 до 14 часот, таа во Транспортен центар (на излез) и билетарницата во Ѓорче Петров. Од ЈСП потсетуваат дека жичарницата ќе работи вообичаено од 10 до 18 часот, а од 17-17.30 часот ќе биде последно возење од долу нагоре, односно, 17:45 часот последно возење од горе надолу.

Автобусите утре ќе сообраќаат по неделен возен ред

Ивона Петрова — Tue, 10 Oct 2023 09:28:06 +0000

По повод утрешниот државен празник 11 Октомври - Ден на народното востание, автобусите од јавниот превоз ќе сообраќаат по неделен возен ред, информира ЈСП - Скопје. Ќе има две дежурни билетарници, кои ќе работат од 8 до 14 часот, таа во Транспортен центар (на излез) и билетарницата во Ѓорче Петров. Од ЈСП потсетуваат дека жичарницата ќе работи вообичаено од 10 до 18 часот, а од 17-17.30 часот ќе биде последно возење од долу нагоре, односно, 17:45 часот последно возење од горе надолу.

Бруцошите имаат право на бесплатен превоз

Дарко Андоновски — Mon, 18 Sep 2023 11:23:50 +0000

Во пресрет на почеток на академската 2023/2024 година, потсетуваме дека право на студентски годишен билет за бесплатно користење на јавен превоз имаат сите редовни студенти на некој од државните факултети во Скопје на додипломски студии (Прв циклус), без ограничување на возраста. Процедурата за обезбедување на посочениот тип на билет се врши во некој од седумте центри за персонализација на ЈСП Скопје, со лично присуство на студентот. Потребни документи: • Потврда за редовен студент (не постара од еден месец) • Оригинал индекс и лична карта на увид • 200 ден (еднократен надомест) за изработка на електронска персонализирана картичка „Скопска“ На бруцошите билетот автоматски им важи до истекот на наредната календарска година (2024 год). Студентскиот годишен билет за бесплатен превоз важи за неограничен број возења за сите линии (градски и приградски), но не и за превоз во ноќна тарифа. За дополнителни информации, студентите можат да се обратат на 02-3171-881, во Одделение за продажба при ЈСП Скопје, како и на фејсбук страната на претпријатието facebook.com/jspskopjee. Потсетуваме дека единствено „Скопска“ со соодветниот билет е единствен валиден документ за бесплатно користење на јавен превоз од страна на студентите кои ги исполнуваат условите за студентски годишен билет. Не се признаваат индекс, потврда за редовен студент и слично.

Утре автобусите ќе возат по неделен возен ред, жичарницата ќе работи до 20 часот

Ивона Петрова — Thu, 07 Sep 2023 10:33:41 +0000

ЈСП Скопје информира дека утре, петок, поради државниот празник 8 Септември - Ден на независноста, јавниот превоз ќе сообраќа по неделен возен ред. Билетарниците и центрите за персонализација нема да работат. Жичарницата ќе работи вообичаено, од 10 до 20 часот, при што во период од 19-19.30 часот е последно возење од долу кон врвот, односно во 19.45 часот е последно возење од врвот надолу.

Средношколците ќе добијат времени билети за бесплатен превоз во училиште

Ивона Петрова — Tue, 29 Aug 2023 10:04:33 +0000

ЈСП Скопје ги информира учениците од прва година средно образование кои ги исполнуваат условите за бесплатен превоз (ученици во средни училишта чиј основач е Град Скопје) дека билетите ќе ги добијат во матичните училишта. Всушност, сега ќе им бидат дадени времени билети, кои во меѓувреме ќе бидат заменети со „Скопска“. Учениците од повисоките одделенија, во случај да имаат потреба од нова персонализирана електронска картичка „Скопска“ (поради изгубена картичка и слично), нова/дупликат можат да обезбедат во кој било центар за персонализација на ЈСП Скопје. Притоа, неопходно е да достават потврда од училиште и да платат еднократен надомест од 200 ден за изработка на картичката. -Потсетуваме дека средношколските билети за бесплатно користење на јавен превоз, важат за сите линии (градски и приградски) во период од 05 до 24 часот, односно, единствено не важат за користење на ноќни линии, информира ЈСП.

Нема да има протести на ЈСП- добиле плата, но не и средба со Арсовска

Катерина Бојаџиева — Thu, 17 Aug 2023 12:44:41 +0000

Вработените денеска ги добија платите на своите сметки, утре нема да има протести на вработените на Јавното сообраќајно претпријатие, изјави за МИА, Миќо Стојановски, претседател на еден од трите репрезентативни синдикати на ЈСП Скопје. Тие денеска пред влезот на просториите на Град Скопје бараа прием од страна на градоначалничката на Град Скопје, Данела Арсовска, за решавање проблемот со задоцнетите плати, но и покрај тоа што не успеале да добијат средба од неа, платите денеска биле пуштени на сметките на вработените. Стојановски го повтори барањето и од претходната изјава да не мораат со молби и со барања да добијат плата на време и да се наоѓа конкретно решение за да нема вакви проблеми во иднина.

Синдикатите на ЈСП чекаат средба со Арсовска, ако не добијат плата најавија протест

Катерина Бојаџиева — Thu, 17 Aug 2023 09:09:06 +0000

Сите термини за личниот доход се поминати, веќе пенали се плаќаат, ако денеска не помине платата во ЈСП, јас мислам дека утре гладните вработени пак ќе излезат на протест како што излегоа во октомври, изјави за МИА Миќо Стојановски, претседател на еден од трите репрезентативни синдикати на Јавното сообраќајно претпријатие Скопје. Тој потенцира дека на вработените не им е грижа за причините за доцнењето на платите затоа што тие во текот на месецот ги извршуваат своите работни обврски и покрај недостатокот на кадар. - Со години наназад истиот проблем се решава ад хок за да се смират тензиите и притисоците врз вработените. И буџетот што го донесе Советот на Град Скопје за 2023 година беше побогат за неколку милиони евра за субвенции на ЈСП Скопје. Владата исплаќа блок дотации што еве во моментов или доцнат или ги нема. Се надевам ќе дознаеме во што е проблемот и полека ќе почнеме да ги решаваме работите, изјави Стојановски. Тој информира дека денеска добиле порака од генералниот менаџер на ЈСП Крсте Петревски, оти средствата ќе легнат на сметка на претпријатието. Но, како што вели, истото им било кажано и во претходните два дена. - Нема зошто да не веруваме дека тоа ќе биде така. Меѓутоа, и да биде така и да добиеме плата денеска, мораме да најдеме решение затоа што веќе сме уморни од молби од барања за сѐ да биде исплатено на време. Ако ние ги завршуваме обврските, тогаш, редно е и Градот да се раздолжат кон претпријатието.

Стојановски за МИА: Ако не ни се исплати јулската плата, вработените од ЈСП в петок повторно на протести

Дарко Андоновски — Wed, 16 Aug 2023 16:03:13 +0000

Проблемот со редовна исплата на платите продолжува и станува болно и бенигно и за вработените во ЈСП и нивните семејства, а и за граѓаните во Градот Скопје. Утре во 8 часот раководството синдикатите ќе бидат пред Градот Скопје ќе побараат средба со градоначалничката и ќе побараат исплата на јулската плата. Ако тоа не се случи во утрешниот ден, веќе во петок гладните вработени повторно ќе излезат на протест, изјави за МИА Миќо Стојановски, претседател на еден од трите репрезентативни синдикати во ЈСП. Тој кажа дека сите работни задачи ги извршуваат согласно закон и акти на претпријатието и повеќе, вели, „не се издржува нередовната исплата на плати“. -Во фирмата останавме само 1.100 вработени, многу ја напуштија поради нередовните плати и нискиот личен доход, така што ќе мораме да го направиме ова што претходно ви го кажав. Тоа е единствениот начин да се избориме за своите права од работен однос и редовен личен доход. Два дена се влечеме во Градот Скопје да ни објаснат зошто нема плата, изјави Стојановски. Стојановски информира дека со буџетот 2023 било договорено дека ќе има доволно средства за плати, субвенции и други дотации, но, како што вели, останале излажани.

Автобуската линија 63А во следните девет месеци ќе сообраќа по изменета траса

Ивона Петрова — Mon, 14 Aug 2023 13:37:39 +0000

ЈСП Скопје информира дека линијата 63А (Транспортен центар – Ајватовци), во наредниот период од девет месеци ќе сообраќа по изменета траса од вообичаената, поради изградба на натпатник на патот Марино – Бунарџик. Траса на движење од Транспортен центар до Ајватовци: -Од Транспортен центар до кружен тек во населба Илинден ќе се движи по редовната траса, потоа ќе продолжува по траса на линија 63, по улица „9“, потоа ќе излегува на улица „8“ и ќе врти лево (по траса на линија 66 ), кај складот на „Макпетрол“ (Зегин) ќе врти десно на надвозникот, па ќе продолжува до с.Ајватовци и завршува во с.Бунарџик (сред село), каде ќе биде и последната постојка (свртувалиште) Траса на движење од Ајватовци до Транспортен центар: -Од с.Бунарџик (сред село) ќе се движи до Ајватовци, па ќе продолжува до надвозникот и кај складот на „Макпетрол“ (Зегин) ќе врти лево по улица „8“ (по траса на линија 66), кај раскрсницата Ким ќе врти лево по улица „9“ (по траса на линија 63) и од кружниот тек во населба Илинден ќе продолжува по својата вообичаена траса При посочениот изменет режим, автобусите ќе ги користат постојните автобуски стојалишта.