Ју-ес опен – Kurir.mk

Ѓоковиќ не може да настапи на Ју-Ес Опен

Ивона Петрова — Thu, 21 Jul 2022 09:17:40 +0000

Освојувачот на годинешниот Вимблдон, Новак Ѓоковиќ, нема да може да настапи на последниот грен-слем турнир сезонава Ју-Ес Опен, соопштија денеска организаторите. Ѓоковиќ се најде на листата учесници на грен – слемот во Њујорк, но организаторите најавија дека ќе ја почитуваат одлуката на американските власти, со која на невакцинирани странски државјани им е забранет влез во земјата. – Ју-Ес Опен не воведе задолжителна обврска за вакцинација за своите учесници, но ќе ја почитува одлуката на Владата на САД, која се однесува на влез во земјата за невакцинирани неамерикански државјани, соопштија организаторите. Српскиот тенисер Новак Ѓоковиќ повеќе пати повтори во минатото дека нема да се вакцинира против коронавирусот.

Лејвер: Федерер не е фаворит за титулата на Ју-Ес опен

Ристе Здравков — Wed, 22 Aug 2018 13:41:13 +0000

Легендарниот австралиски тенисер Род Лејвер смета дека Роже Федерер не е фаворит за титулата на Ју-Ес опен. Иако Лејвер е познат како голем поддржувач на швајцарскиот тенисер, сепак пред Гренд слем турнирот во Њујорк предност им даде на Рафаел Надал и на Новак Ѓоковиќ.

- Ју-Ес опен е напорен турнир, а Федерер сепак има 37 години. Тој е подготвен, но видовте што се случи во Синсинати. Поради временската состојба мораше да игра два натпревари еден по друг. Тогаш се виде дека Ѓоковиќ играше подобро, а Федерер не можеше да држи ритам, истакна 80-годишниот Лејвер.

Според австралискиот тенисер на турнирот може да изненади аргентинскиот тенисер Хуан Мартин дел Потро.

- Тој има свој стил и е неверојатно добар играч, потенцира Лејвер.

Ју-Ес опен почнува на 27 август, а трофејот го брани Надал.

Ѓоковиќ фаворит на Ју-Ес опен според коефициентот на „Вилијам Хил“

Даниел Василев — Mon, 30 Jul 2018 14:36:43 +0000

Српскиот тенисер Новак Ѓоковиќ е најголем фаворит за освојување на турнирот Ју-Ес опен според коефициентот на британската букмејкерска компанија „Вилијам Хил“. Коефициентот дека Ѓоковиќ третпат во кариерата ќе слави во Њујорк изнесува 3,75, а на второто место со коефициент 4,5 е швајцарскиот тенисер Роже Федерер, кој последен пат го има освоено овој турнир во 2008 година. На третата позиција е трикратниот освојувач и бранителот на титулата, шпанскиот тенисер Рафаел Надал, со коефициент 5,5. На четвртата позиција со коефициент 10 е германскиот тенисер Александар Зверев, кој иако нема освоено титула на гренд слем турнир според букмејкерите има шанси за добар резултат, а ист коефициент доби и британскиот тенисер Енди Мареј, кој се враќа на натпреварите по тешка повреда и операција на колкот. Отвореното тениско првенство на САД ќе почне на 27 август. МИА