Вонреден инспекциски надзор откако двегодишно дете излегло само од градинката „Детска радост“

Дарко Андоновски — Fri, 23 Jun 2023 15:14:24 +0000

Министерството за труд и социјална политика во врска со настанот за наводно исчезнување на дете од градинката „Детска Радост“ во општина Гази Баба информира дека е контактирано со директорката на градинката и дека на негувателката и е издадена писмена опомена. -Министерството за труд и социјална политика во врска со настанот за кои пишуваат медиумите, за наводно исчезнување на дете од ЈОУДГ „Детска Радост“, Општина Гази Баба, а во насока на целосна и точна информација и расветлување за настанот, информира дека е запознаено со случајот и од комуникацијата со директорката на предучилишната установа, информираме дека истата изјави дека веднаш по дознавањето на настанот ги повикала одговорните вработени и раководителката на објектот „Темјанушка“ при што било изјавено дека детето било излезено во дворот на градинката и вратено веднаш од родител во згрижувачката група, наведува МТСП во денешното соопштение. Согласно ингеренциите на директорката на градинката, како што е посочено во соопштението, веднаш бил повикан стручниот тим, инволвираните вработени и раководителката на објектот. -Следствено на извршениот разговор веднаш на вработената негователка од групата каде престојувало детето и е издадена писмена опомена, а веќе е формирана и Комисија за утврдување на дисциплинска одговорност за инволвираните вработени и одговорни за згрижување на детето, велат од МТСП. Оттаму посочуваат дека инспекциските служби на МТСП ќе извршат вонреден инспекциски надзор согласно нивните ингеренции, за утврдување на фактичката состојба за настанот.

Писмо до Стефковски: СОНК Гази Баба го поддржува разрешувањето на директорката на ЈУДГ „Детска радост“

Ивана Ефремовски — Thu, 27 Apr 2023 08:09:37 +0000

СОНК Гази Баба со поддршка на разрешувањето на директорката на ЈУДГ „Детска радост“. Општина Гази Баба ја информира јавноста дека во текот на вчерашниот ден до градоначалникот Бобан Стефковски е доставено писмо - Поддршка на Одлуката за разрешување на директорката на ЈУДГ Детска радост од страна на Синдикатот СОНК Гази Баба. Во писмото се вели: Почитуван градоначалник, По повод прес конференцијата на која објавивте разрешување на директорката на детската градинка Детска радост, заради низа на нерегуларности кои таа ги направила во текот на своето работење, како Синдикат за образование, наука и култура - СОНК Гази Баба, Ве поздравуваме и Ви ја даваме целосната поддршка. - се вели првиот дел од писмото на СОНК Гази Баба упатено до градоначалникот Стефковски. Во вториот дел од писмото, синдикатот нотира и други нерегуларности поврзани со работењето на директорката од самиот почеток на нејзиниот мандат. Синдикатот сведочи за притисок врз вработените за потпишување на изјави и непрофесионално однесување кон вработените од страна на директорката.

ЈУДГ „Детска радост“ – Kurir.mk

Вонреден инспекциски надзор откако двегодишно дете излегло само од градинката „Детска радост“

Писмо до Стефковски: СОНК Гази Баба го поддржува разрешувањето на директорката на ЈУДГ „Детска радост“