југо – Kurir.mk

Дедо (75) со „Југо“ удрил во старец (93) во Центар

Ивана Ефремовски — Wed, 13 Sep 2023 11:23:12 +0000

На 12.09.2023 во 09.00 часот во СВР Скопје било пријавено дека на крстосницата од ул.„Франклин Рузвелт“ со сервисна улица, патничко возило „југо корал 45“, управувано од М.Р.(75) од Скопје, удрило во пешакот Р.М.(93) од Скопје. Во несреќата со тешки телесни повреди се здобил пешакот, констатирани во Комплексот клиники „Мајка Тереза“. Извршен бил увид од увидна екипа од СВР Скопје.

Преминал во спротивната лента и директно се судрил со „Југо“ – 26 и 61 годишен охриѓанец повредени во сообраќајна несреќа

Дарко Андоновски — Wed, 12 Oct 2022 13:04:34 +0000

На 11.10.2022 година во 22.55 часот, во близина на тунелот на регионалниот пат Охрид-„Св.Наум“, патничко возило „ланчија“ со охридски регистарски ознаки, управувано од Е.С.(26) од Охрид, излетало од патот и удрило во патничко возило „југо“ со охридски регистарски ознаки, управувано од Д.М.(61), кое се движело на спротивната коловозна лента. Двајцата возачи биле префрлени во болницата „Св.Еразмо“, каде им била укажана медицинска помош и им биле констатирани телесни повреди. Увид на местото на незгодата извршија полициски екипи.

ФОТО: Македонец со идеја за ново, електрично „Југо“

Тале Кристо — Mon, 27 Sep 2021 10:28:13 +0000

Со едноставноста што ја покажа откако 1980 година беше пуштено в продажба, „Југо“ имаше свој шарм и им понуди евтин автомобил на луѓето на СФР Југославија. Возилото во 1985 година „слета“ и на американска почва. И, иако работите не одеа најдобро во САД за фабриката со седиште во поранешна Југославија, автомобилот сепак успеа да добие статус на познат автомобил и „преку барата“. Македонскиот дизајнер Дејан Христов, инспириран од култниот статус на возилото, замисли нова верзија на овој едноставен градски автомобил со електричен погон. Со оглед на тоа што тој сѐ уште може да се види на патиштата, современата изведба треба да сподели и нешто повеќе од својот претходник. Дејан ги користи препознатливите стилски мотиви, како што се закривена хауба, хоризонтална линија на знаците и карактеристичната задна страна. Спортскиот изглед, пак, се постигнува со повеќе испакнати и продолжени браници, црни А-столбови и потенки ЛЕД-светла. Притоа, тој избрал и добро познати споменици низ поранешна Југославија, пред коишто виртуелно го поставил својот „автомобил на иднината“. Доколку оваа дигитална замисла стане реалност, конкуренцијата би била во „Пежо e-208“, „Опел корса“, „Рено 5“ и Хонда Е“, а цената би била блиску до онаа на „Дачија спринг“. „Југо“ се произведуваше меѓу 1980 и 2008 година во Крагуевац, Србија, и беа произведени вкупно 794.428 единици. Заснован е на „Фиат 128“, со погон на предните тркала и мотори со четири цилиндри. Во САД, претприемачот Малком Бриклин продаде вкупно 141.651 автомобил од 1985 до 1992 година, но и покрај одличниот почеток поради ниските цени, прашањата за квалитетот и сигурноста сериозно го нарушија угледот на југословенскиот автомобил. Во 1987 година беа продадени 48.812 возила, а веќе во 1992 година се продадени само 1.412 примероци. Дејан Христов замислува нова ера за „Југото“ и има намера да го испрати својот проект до српската Влада. Тој, исто така, посочува дека и хрватски „Римац автомобили“ би можеле да учествуваат во проектот, додека производството може да оди во фабриката на „Стелантис“ во Крагуевац, или некоја кинеска компанија. Притоа, литиумот за батерии од тукашни извори ќе ја намали и цената на батериите. Сепак, засега, сѐ останува на овие занимливи виртуелни скици.

Сопругата на Саша Поповиќ има милиони а бутка Југо – погледнете како изгледа зад воланот!

Магдалена Андонова — Thu, 11 Feb 2021 10:29:04 +0000

Пејачката Сузана Јовановиќ, сопруга на директорот на „Ѕвездите на Гранд“ Саша Поповиќ, реши да ја продолжи кариерата по пауза од неколку години. Иако има неоспорно огромна сума на пари на сметка, Сузана нема проблем да седи во стар автомобил. Имено, Сузана неодамна сними спот за нов албум што ќе го објави наскоро, а едно од нив го направи со нејзината колешка Вики Миjковиќ. И додека можеа да изберат некои од луксузните автомобили за ова видео, како што се оние што веќе ги имаат во гаражата, двете решија да седат на стариот југ заради снимање. Екипата на шоуто „Папарацо Хант“ ги снимаше Сузана и Вики за „обид да започнат автомобил“, а додека Вики е е во Југото, Сузана бутка за да се запали возилото.

Со „југо“ удрил во мотоцикл, со тешки повреди се здобил мотоциклистот

Тале Кристо — Sun, 24 Nov 2019 09:30:01 +0000

На 23.11.2019 во 16.00 часот на крстосницата од ул. Илинденска и ул.Кочо Рацин во с. Сопот,кавадаречко се случила сообраќајна незгода помеѓу патничко моторно возило,,југо” со кавадаречки регистарски ознаки, управувано од П.Н.(40) од Кавадарци, и мотоцикл,,скиго’’ без регистарски ознаки, управуван од И.С.(47) од с. Сопот. Во незгодата со тешки телесни повреди се здобил возачот на мотоциклот кој е пренесен во Општата болница во Кавадарци.Увид на местото на настанот извршила екипа од Полициска станица Кавадраци.

Со „Југо“ прегазил жена во Охрид

Дарко Андоновски — Sat, 07 Sep 2019 08:29:28 +0000

На 06.09.2019 во 20,20 часот било пријавено дека во Охрид на крстосницата од улицата „Сирма Војвода“ со улицата „Лазо Трпоски“ патничко моторно возило „југо корал“ со охридски регистарски ознаки, управувано од В.М.(30) од Охрид удрило во Ј.М.(55) од Охрид, која била пренесена во Општата болница Охрид за укажување на лекарска помош. Увид на местото на настанот извршила увидна екипа од СВР-Охрид, информираат од МВР.

75 годишен дедо со „Југо“ изгубил контрола и удрил во столб- починал на лице место

Дарко Андоновски — Tue, 09 Jul 2019 14:33:47 +0000

На 08.07.2019 околу 19.45 часот на ул.,,Вељко Влаховиќ“ во Берово Ѓ.Р.(75) од Берово, управувајќи патничко возило ,,Југо Корал 55“ со штипски регистарски ознаки, изгубил контрола над возилото и удрил во столб. Од ударот Ѓ.Р. починал на местото на настанот. Увид извршила екипа од Полициската станица Берово, а по наредба на Јавен обвинител телото на починатиот било предадено на семејството, информираат од МВР.

Американски новинари го тестираа Југото и открија дали е најлош автомобил во светот- нивниот заклучок ги изненади Југословените

Дарко Андоновски — Tue, 04 Dec 2018 15:40:30 +0000

Југото кое беше некогашна гордост на југословенската автомобилска индустрија на западот од секогаш важело за едно од петте најлоши автомобили на сите времиња, а често се наоѓаше и на првото место. Сепак новинарите на американскиот сајт за автомобили „Јалопник“ решија да проверат дали навистина е така. За да лично се уверат во карактеристиките на Југото, новинарите тестираа едно возило кое е старо повеќе од 30 години. Новинарите велат и дека поради ниската цена сопствениците често го запуштале овој вид на автомобил. Тие на крајот сепак заклучија дека Југото сепак не е кој знае каков автомобил, но сепак не е најлош во историјата.

Босанец продава југо за борба против вонземјани

Предраг Кукиќ — Wed, 12 Sep 2018 15:19:27 +0000

Државјанин на Босна и Херцеговина го привлече вниманието на јавноста, откако во оглас го понуди својот автомобил. Станува збор за заставиниот модел „југо 45“, кој е прекриер со алуминиумска фолија и на кровот има „сателит“, а според сопственикот поради необичниот дизајн автомобилот е невидлив за вонземјани. Во описот се наведува дека возилото е изработено во ограничена серија и е специјализирано за борба со непознати вселенски објекти. Воедно се наведува дека има 1.066 коњски сили, а дека максималната брзина не е позната. Од стандардна опрема се наведува дека поседува десен ретровизор, резервно тркало, амбиентално осветлување со 1.000 бои, ауспух, пакет опрема за полиција, светлечко радио и друго. - Освен тоа, возилото тешко се забележува на патиштата и може да се користи за други намени, најчесто прељуба, стои во огласот. Од дополнителната „опрема за вселената“ возилото поседува сателитски комуникатор за сите фрекфенции, локатор за различни оддалечености, вклучително во светлосни години, како и фолија која го прави невидлив за вонземските радари и е непробојна за нивните ласери. Со возилото следуваат и вселенски одела. Почетната цена е 999 конвертибилни марки (околу 510 евра), а возилото наводно се наоѓа во Бања Лука. (МИА)

Од 30 години старо Југо направиле ѕвер кој оди над 100 километри на час на лед (ВИДЕО)

Катерина Бојаџиева — Fri, 09 Mar 2018 17:08:28 +0000

Екипа на тркачи од Америка земале Југо од 1988 година и од него направиле буквално тркачка машина. Наместо стандардниот, во него ставиле 5.2 Л В8 мотор, гуми за возење по лед и се тоа довело овој мал автомобил да може да оди преку 100 килметри на час. Погледнете.