јулија портјанко – Kurir.mk

Починала на бензинска пумпа на автопатот кај Велес: Докторката која прва пристигнала раскажа за тешката загуба на репрезентативката

Дарко Андоновски — Wed, 13 Oct 2021 18:38:43 +0000

Јулија Партенко почина на 38-годишна возраст, а како што наведува велешкиот портал „ТиРековМиРече“, несреќниот настан се случил во близина на бензинска пумпа кај Градско, на патот кон Велес. Партенко се враќала од Грција кога почувствувала отежнато дишење, по што била повикана итна помош од Велес. „Била побарана помош, лицето имал отежнато дишење. Испратена е лекарска екипа со доктор Јадранка Мишкова, која била на лице место“, кажа за ТиРековМиРече д-р Василка Пановска, началник на Итната помош. „Веднаш по повикот се упативме на местото на настанот. Пациентката беше без знаци на живот, без пулс, со агонално дишење. Минуваше екипа од приватна болница Филип Втори, кои сами пријдоа, имаше кардиолог во возилото, кој застана и со неговата екипа ја реанимиравме. Побаравме помош и од уште едно возило на велешка итна помош. Реанимацијата траеше 60 минути, беа пуштени повеќе инјекции со адреналин, но беше без успех“, изјавила д-р Јадранка Мишкова.

ПОСЛЕДЕН ПОЗДРАВ: Познато кога ќе биде погребана Јулија Портјанко

Ивона Петрова — Wed, 13 Oct 2021 08:16:52 +0000

Македонија од вчера е во шок по веста за смртта за екс ракометната репрезентативка Јулија Николиќ (Портјанко). Дел од медиумите објавуваат дека последниот поздрав е закажан за утре. Погребот ќе биде на градските гробишта „Бутел“ во 11 часот, а од 10 часот е предвидена комеморација во капелата во „Бутел“. Николиќ (38) почина пред два дена, вечерта околу 22 часот и немала претходни здравствени проблеми. Според првичните информации срцев удар е причина за смртта. Во кариерата дресот на македонската репрезентација го носеше на скоро 190 натпревари.

Ова е причината за трагичната смрт на македонската ракометарка – блиските во шок и неверување: Со години се обидуваше да стане мајка

Дарко Андоновски — Tue, 12 Oct 2021 11:12:35 +0000

Веста за ненадејната смрт на поранешната македонска репрезентативка Јулија Портјанко Николиќ, денес ја потресе јавноста. Младата жена ја изгуби битката на свои 38 години, а нејзини блиски за ,,Фокус” велат дека причината, според првичните информации е срцев удар. -Доцна синоќа се случило, сите сме вознемирени, таа беше прекрасен човек. Нејзиниот борбен дух не го издржа овој животен предизвик. Со години се бореше да стане мајка, не го дочека тоа за жал. Претешки се овие моменти за сите нас, кои ја знаевме нејзе и нејзината големина – ни раскажаа нејзини поранешни соиграчи од Кометал. Јулија по потекло беше од Украина, а во Македонија дојде во 2003 година. Таа доби македонско државјанство, и играше за репрезентацијата на Светското женско ракометно првенство во 2009 година. Во 2015 година стави крај на ракометната кариера, а пред последниот меч со Вардар изјави дека ќе и недостига атмосферата со која го поминала поголемиот дел од животот. -Многу добро се чувствувам во моментов, иако многу ќе ми недостига оваа атмосфера. Сепак после толку години поминати во ракометот сметам дека е време да ја завршам кариерата. Сакам да го проширам семејството и затоа заминувам среќна. Имам големи спомени од ракометот и добро е што заминувам здрава и без никакви повреди. Сега сакам убаво да се одморам, а дури потоа ќе размислувам што ќе правам понатаму- беше нејзината изјава со која се збогуваше со ракометот, пред шест години.

ТРАГЕДИЈА: Почина поранешната ракометна репрезентативка Јулија Портјанко

Ивона Петрова — Tue, 12 Oct 2021 09:01:05 +0000

Ракометна Македонија е во шок и неверување по веста дека утринава, од засега непознати причини, почина поранешната репрезентативка и ракометарка на Кометал ЃП, Јулија Николиќ (Портјанко) на 38 годишна возраст. Во редовите на европскиот првак Кометал Ѓорче Петров, Николиќ настапуваше од 2003 до 2009 година, а во меѓувреме заигра и за сениорската селекција на Македонија. Откако доби македонско државјанство, ракометарката беше еден од најдобрите играчи во својата генерација, препознатлива по својата борбеност. Од Кометал Ѓорче Петров во 2009 година, таа се пресели во Беледијеспор во Турција. Потоа играше и во Франција каде што беше прогласена за најдобар странски играч, а по враќањето во Македонија настапуваше и за екипата на ЖРК Вардар.