јулија тимошенко – Kurir.mk

Тимошенко: Надежите за мировен договор со Путин се обични илузии

Катерина Бојаџиева — Tue, 05 Jul 2022 08:17:26 +0000

Поранешната украинска премиерка Јулија Тимошенко во интервју за британски Телеграф предупреди дека надежите за мировен договор со Владимир Путин се „обични илузии“. Таа наведе дека секој договор со рускиот претседател за препуштање на дел од територијата на Украина, само ќе го поттикне Путин да продолжи да освојува и други земји. Според Тимошенко единствено решение е целосно да се уништи руската армија и покрај растечкиот број на загинати украински војници. – Изненадена сум што некои земји продолжуваат да се залагаат за политика на попуштање кон Путин. Ова е неприфатливо за цела Украина. Мировниот договор е илузија, единствениот излез е победа во борбата. Секој мировен договор ќе биде првиот чекор кон следната војна, наведе Тимошенко, која беше премиерка за време на првиот украински бунт против Кремљ. Таа додаде дека Путин сака да ја продолжи војната во надеж дека на крај ќе има поделба внатре во НАТО. Тимошенко исто така посочи дека Русија ќе се обиде да заземе и други соседни држави, пред се Молдавија, Белорусија, Грузија, Казахстан, како и скандинавските и балтичките земји. – Мојот совет до тие земји би бил да не губат време и да почнат да градат силни вооружени сили и да станат членки на НАТО, ако веќе не се, посочи Тимошенко. Таа додаде и дека Путин е подготвен да употреби нуклеарно оружје. – Подготвен е да ги премине сите линии и да игра против сите правила, тоа е изворот на неговата сила, истакна Тимошенко. Тимошенко во 2004 година учествуваше во Портокаловата револуција, што доведе до масовни улични протести кои ги поништија наместените избори во корист на прорускиот кандидат Виктор Јанукович. Сепак, Портокаловата револуција брзо се претвори во внатрешни судири, дозволувајќи му на Јанукович да ја преземе власта во 2010 година. Тогаш Тимошенко беше осудена на седум години затвор под обвинение за злоупотреба на службената положба. Таа тврдеше дека обвиненијата се политички мотивирани и е ослободена по вториот прозападен бунт во Украина во 2014 година, кога Јанукович побегна во Русија. Тимошенко загуби од Зеленски на изборите во 2019 година, но го поддржа по руската инвазија во февруари.

ПОДГОТВЕНА ЗА ВОЈНА: Поранешната украинска премиерка Јулија Тимошенко го зеде оружјето во раце (ФОТО)

Тале Кристо — Sat, 26 Feb 2022 15:57:36 +0000

Поранешната украинска премиерка, Јулија Тимошенко денеска на својот Инстаграм профил објави фотографија со автоматско оружје во рацете. На фотографијата Тимошенко позира со пет вооружени мажи. Пораката со фотографијата е исто така многу јасна: „Украина ќе пружи отпор. Руски воени бродови, е*ете се!“ Да потсетиме, Јулија Тимошенко од Судот во Киев беше осудена на седум годишна затворска казна Судот во Киев ја осуди Јулија Тимошенко на седум години затвор поради злоупотреба на службена должност, па во 2014-та година после соборувањето на Виктор Јануковиќ од власт, украинскиот Парламент ја одобри измената во Кривичниот кодекс, со што и беше овозможено ослободувањето на експремиерката Тимошенко, по повеќе од две години минати во затвор.

Јулија Тимошенко приклучена на респиратор

Дарко Андоновски — Tue, 25 Aug 2020 13:20:30 +0000

Поранешната украинска премиерка Јулија Тимошенко, која поради зараза со коронавирус е во сериозно лоша здравствена состојба и е приклучена на респиратор и сега нејзината состоја засега е стабилна. Здравствената состојба на Тимошенко беше критична,температурата не ѝ паѓаше под 39 степени, па лекарите одлучиле да ја приклучат на респиратор. Нејзината ќерка и зетот исто така се заразени со коронавирус, но тие имаат блага форма на инфекцијата. Тимошенко (59), која двапати беше премиерка пред поразот на претседателските избори во 2010 година, стана прва висока украинска политичарка која се заразила со ковид-19.

Јулија Тимошенко е позитивна на коронавирус

Магдалена Андонова — Sun, 23 Aug 2020 19:00:13 +0000

Поранешната украинска премиерка Јулија Тимошенко е позитивна на новиот коронавиурс и е во сериозна состојба, изјавила денес портпаролката на нејзината партија „Татковина“. Тимошенко (59), која два пати била премиерка пред поразот на претседателските избори во 2010 година е првата украинска висока политичарка која добила Ковид-19, пренесе „Ројтерс“. „Нејзината состојба се оценува како сериозна, и температурата и е 39 степени“ изјавила портпаролката на нејзината партија „Татковина“, но одбила да каже дали Тимошенко е хоспитализирана. Во Украина оваа недела се случи ненадеен пораст на бројот на инфекции, со нови 2.328 случаи пријавени во сабота. Вкупниот број на инфекции достигна 104.958, а бројот на починати од Ковид-19 во Украина е 2.271.

Јулија Тимошенко најави кандидатура за претседател на Украина

Катерина Бојаџиева — Tue, 22 Jan 2019 15:15:35 +0000

Поранешната украинска премиерка Јулија Тимошенко денеска најави дека ќе се кандидира за претседател на Украина на претстојните претседателски избори во земјата. Во обраќање на Конгресот на нејзината конзервативна партија Сеукрански сојуз „Татковина“ (Баткившчина) во Киев, Тимошенко вети дека ако биде избрана за украински претседател „ќе ја поврати контролата“ на Украина над Крим и сепаратистичките реони на истокот од земјата. Според анкетите на јавното мислење, 58-годишната Тимошенко би добила најмногу гласови во првиот круг од претседателските избори, предвиден за 31 март. Тимошенко, која беше украински премиер од 2007 до 2010 година, по смената од премиерската функција мина две и пол години во затвор под обвинение за склучување на штетен договор со Русија за изпорака на гас на Украина. Таа ги отфрла ваквите обвинувања и тврди дека затворската казна претставувала одмзада на нејизниот тогашен ривал, поранешниот украински претседател Виктор Јанукович. Тимошенко претрпе пораз на пратеседателските избори во 2010 година токму од Јанукович, а четири години подоцна, во 2014, беше поразена од актуелниот претседател на Украина, Петро Порошенко. Учество во мартовската трка за украински претседател досега најавија 15 кандидати, меѓу кои засега не е и актуелниот претседател Порошенко. Анкетите на јавното мислење покажуваат дека Тимошенко би освоила нешто над 20 проценти од гласовите и во вториот круг би се соочила со Володимир Зеленски од популистичката партија Слуги на народот (СН) или со Порошенко, кој најверојатно би бил кандидат на неговата десноцентристичка партија Солидарност.

Во Украина се испитува дали Гадафи ја финансирал кампањата на Тимошенко

Матеја Петровски — Thu, 05 Apr 2018 15:04:03 +0000

Украинските истражители ги испитуваат наводите дека поранешниот либиски лидер Моамер ел Гадафи донирал повеќе милиони евра за претседателската кампања на Јулија Тимошенко во 2010 година, изјави украинскиот пратеник Володимир Аријев. Тој додаде дека и други пратеници побарале од Националното биро за борба против корупцијата да се испитаат наводите објавени во февруари во арапскиот весник „Ашарк ел Аусет“. Според весникот, претставник на Гадафи со приватен авион пристигнал во Киев и испорачал торба со четири милиони евра, како финансиска помош за кампањата на Тимошенко. - Откако информацијата се појави во медиумите, тројца пратеници упатија барање до Бирото да се провери таквата информација, наведе Аријев, кој е член на владејачката партија Блок на Петро Порошенко „Солидарност“. Во согласност со украинскиот закон, државните институции мора да го испитаат секое тврдење, ако побараат членовите на Парламентот. Покрената е и кривична постапка. Од партија Татковина, на Тимошенко, соопштија дека информацијата не е точна и оти тоа е „глупост“. Тимошенко двапати беше избрана за премиерка на Украина, а според најновите анкети, ако денес би се одржале претседателски избори, таа би освоила 18,7 проценти од гласовите, додека Порошенко - 15,6 отсто. Следните претседателски избори во Украина ќе се одржат во март 2019 година. (Миа)