Јулијан Нагелсман – Kurir.mk

Нагелсман нема да му ја врати капитенската лента на Ноер

Ивона Петрова — Wed, 18 Oct 2023 11:10:03 +0000

Селекторот на Германија, Јулијан Нагелсман изјави дека играчот од средниот ред Илкај Гундоган ќе остане капитен на националниот тим, без оглед на евентуалното враќање на Мануел Ноер. - Илкај ќе остане капитен. Важно е да имаме континуитет, го цитира „Билд“ Нагелсман. Од 2016 година капитен на репрезентацијата беше голманот на Баерн, Мануел Ноер. Триесет и седумгодишниот голман поради повреда нема играно од минатата година. Гундоган ја доби капитенската лента во репрезентацијата во септември годинава. Германците кои се наоѓаат на турнеја во САД, ноќеска во Филаделфија одиграа 2:2 во контролен натпревар со Мексико.

Нагелсман го врати Хумелс и повика тројца дебитанти за селекторското деби

Дарко Андоновски — Fri, 06 Oct 2023 14:25:05 +0000

Новиот селектор на германската фудбалска репрезентација Јулијан Нагелсман го објави денеска списокот со 26 фудбалери за пријателските натпревари против САД и Мексико закажани за средината на овој месец. Нагелсман го врати во репрезентацијата искусниот Матс Хумелс, кој последен пат го облече националниот дрес во мај 2021 година, а избра и тројца дебитанти во Роберт Андрич од Баер Леверкузен, Кевин Беренс од Унион Берлин и Крис Фухрих од Штутгарт. „Ние сме нова тренерска екипа и сакаме да видиме што повеќе играчи во кругот на репрезентацијата. Целта ни е што поскоро да се навикнеме едни на други за краткиот период кој го имаме и да се обидеме во неколку тренинзи за имплементација на содржина“, рече Нагелсман, кој на 22 минатиот месец беше назначен на селекторската клупа на местото на Ханси Флик. Германија имаше разочарувачки настап на Светското првенство во Катар на кое доживеа елиминација во групната фаза, а ќе биде домаќин на Европското првенство закажано за идното лето.

Нагелсман потпиша – селектор на Германија само до ЕП 2024

Ристе Здравков — Fri, 22 Sep 2023 09:58:02 +0000

Јулијан Нагелсман и офицјиално го потпиша договорот со кој овој стручњак ќе биде нов селектор на Германија и ќе ја предводи оваа селекција на претстојниот европски шампионат. Она што е мало изненадување, Нагелсман не потпиша долгорочен договор, туку соработката се однесува само за наредните девет месеци. Продолжување на договорот ќе се дискутира дури по завршувањето на ЕВРО 2024, во зависност од резултатот на домашната селекција на овој европски шампионат. Нагелсман ги избрал и своите помошници во националниот тим, Сандро Вагнер и Бенџамин Глик, кои му беа соработници во Баерн, ќе бидат крај него и при работата со германската репрезентација. „Имаме Европско првенство што се одржува во нашата земја, тоа е нешто многу специјално, нешто што се случува на неколку децении. Ќе сторам се што можам за да имаме одличен трнир и да донесеме голема радост, максимално сум мотивиран за овој огромен предизвик“, изјави Нагелсман. Баерн Минхен не само што даде зелено светло за Нагелсман да може да замине на кормилото на националниот тим, баварскиот гигант дури се согласи да покрие над еден милион евра од неговата селекторска плата до крајот на годинава, за возврат Нагелсман потпиша раскин со кој ништо не му следува за преостанатите две години од договорот што го имаше со баварскиот гигант.

Нагелсман ќе биде нов селектор на Германија

Ристе Здравков — Tue, 19 Sep 2023 11:49:56 +0000

Германскиот весник „Билд“ тврди дека Јулијан Нагелсман наскоро и официјално ќе биде потврден за нов селектор на Германија. Германската фудбалска федерација и Нагелсман постигнале начелен договор за селекторското столче. Остануваат уште некои ситни детали да се договорат па соработката и официјално да биде потпишана. Неговиот договор ќе биде со важност до крајот на Европското првенство 2024 година.

Јулијан Нагелсман ќе биде новиот тренер на ПСЖ

Бошко Тасиќ — Mon, 05 Jun 2023 05:10:49 +0000

Според информации на француските медиуми, Јулијан Нагелсман и ПСЖ се веќе во напредни преговори и наскоро се очекува да постигнат комплетен договор, со што Германецот ќе седне на клупата и почне да го гради тимот, кој ќе претрпи сериозна реконструкција зашто веќе е сигурно заминувањето на Лионел Меси и на Серхио Рамос, а во најава е заминување и на Нејмар. ПСЖ веќе го договори Марко Асенсио, словачкиот стопер од Интер, Милан Шкринијар, двајцата кои доаѓаат бесплатно, а пред доаѓање е и фанцускиот лев репрезентативен бек Лукас Ернандез од Баерн Минхен. Со Нагелсман доаѓа и Анри, кој беше двапати помошник во репрезентацијата на Белгија на поранешниот селектор Роберто Мартинез, а еднаш имаше неуспешна и краткотрајна самостојна тренерска кариера како тренер на Монако.

Јулијан Нагелсман е се поблиску до новиот клуб

Бошко Тасиќ — Sat, 06 May 2023 15:27:14 +0000

Јулијан Нагелсман е се поблиску до преземање на Тотенхем, пишува Скај. Првиот човек на Тотенхем, Даниел Леви е дециден за Германецот и наскоро треба да се водат конечни преговори. Германскиот новинар Флоријан Плетенберг тврди дека Нагелсман го сака Тотенхем и го смета за голем клуб со голем потенцијал. Единствено што го загрижува е колку ќе учествува во трансферите и кроењето на клупската политика. Германскиот гигант Баерн Минхен прилично ја изненади фудбалската јавност кога на крајот на март му врачи отказ на Јулијан Нагелсман (35) и на негово место го стави Томас Тухел. Тотенхем во моментов е без менаџер по отказот на Антонио Конте.

Јулијан Нагелсман кариерата ја продолжува во Тотенхем

Бошко Тасиќ — Sat, 22 Apr 2023 17:14:43 +0000

Јулијан Нагелсман одби да го преземе Челси, но сепак кариерата ќе ја продолжи во Лондон. „Билд“ тврди дека Нагелсман од наредната сезона ќе го предводи Тотенхем. Антонио Конте неодамна стана четвртиот менаџер отпуштен од Тотенхем во последните две години, а Нагелсман е првиот кандидат за нов менаџер. Наводно, токму Тухел го одбил Тотенхем пред заминувањето во Баерн, а сега неговиот помлад колега и сонародник би можел да го преземе клубот и да се обиде да му го донесе првиот трофеј по 15 години.

Нагелсман е во потесниот круг на Реал, Анчелоти ќе го задржи местото само ако ја освои ЛШ

Ристе Здравков — Tue, 18 Apr 2023 10:10:09 +0000

Реал Мадрид може да го покани Јулијан Нагелсман на тренерската функција за следната сезона. Според „Sky Sport“, мадридскиот клуб е заинтересиран за услугите на поранешниот тренер на Баерн. Германецот е на потесниот круг на стручњаци чие назначување Реал може да го разгледа во скоро време. Забележано е дека Карло Анчелоти ќе си го задржи тренерското место во Реал Мадрид само доколку тимот ја освои Лигата на шампионите оваа сезона. За ангажман на Нагелсман се заинтересирани и премиерлигашите Челзи и Тотенхем.

Нагелсман прв фаворит за испразнетото тренерско место во Тотенхем

Тале Кристо — Mon, 27 Mar 2023 07:32:44 +0000

Поранешниот тренер на Баерн Минхен, Јулијан Нагелсман би можел да го преземе Тотенхем на крајот од сезоната. Триесет и петгодишниот Германец е фаворит за тренерската позиција на Спарс, која до крајот на мај ќе ја заземе Кристијан Стелини, објавија некои британски медиуми. Стелини привремено го презеде Тотенхем Хотспур по вчерашната оставка на Антонио Конте. На почетокот на минатата недела, Нагелсман доби отказ од Баерн Минхен. По 28 натпревари, Тотенхем се наоѓа на 4. место на табелата во Премиер лигата.

Нагелсман: Заслуживме четвртфинале, бевме подобри од ПСЖ

Бошко Тасиќ — Thu, 09 Mar 2023 05:33:03 +0000

Јулијан Нагелсман беше задоволен откако Баерн се пласира во четвртфиналето во Лигата на шампионите. Баварците најпрвин славеа во Париз со 0-1, а потоа со победата од 2-0 во Минхен го потврдија пласманот во четвртфиналето на Лигата на шампионите и го елиминираа Пари Сен Жермен. „Во првиот натпревар навистина не го остваривме најдоброто на теренот, за што зборувавме пред овој натпревар. Оставивме премногу простор во Париз. Вечерва во Минхен одлично се браневме во второто полувреме. Бевме на топката, бевме опасни кога ја имавме во нозе и мислам дека заслуживме да победиме“, рече тренерот на Баерн.