јунајтед ерлајнс – Kurir.mk

„Јунајтед Ерлајнс“ нарача 200 авиони од „Боинг“

Тале Кристо — Tue, 13 Dec 2022 15:36:29 +0000

Американската авиокомпанија „Јунајтед Ерлајнс“ (United Airlines) денеска соопшти дека нарачува 100 авион и „Боинг 787 Дримлајнери„ (Boeing 787 Dreamlines) и 100 „Боинг 737 МАХД“ (737 MAXD). Каталошката цена на нарачката на американската авиокомпанија изнесува околу 43 милијарди долари и е голем поттик за американскиот производител на авиони, што годинава се соочи со политички и производствени проблеми поврзани со два свои авиони. Големата нарачка на „Јунајтед Ерлајнс“ го одразува оптимизмот за зголемената побарувачка за меѓународни патувања на долги релации и нејзината желба да ги замени постарите авиони. „Боинг“ соопшшти дека е ова најголемата нарачка на авиони „Дримлајнер“ до сега, а „Јунајтед“ соопшти дека тоа е најголемата нарачка на широкотрупни авиони од некој американски авиопревозник. „Јунајтед“, исто така, соопшти дека што е можно поскоро ќе ја одложи својата претходно објавена нарачка на 45 авиони „Ербас А350“ до 2030 година. Извршниот директор на „Јунајтед“, Скот Кирби, кажа дека еден од клучните фактори во одлуката за избор меѓу „Боинг“ и „Ербас“ за нивната широкотрупна нарачка е нивната актуелна флота на „Боинг 787“. -Кога се обидуваме да вработиме 2.500 пилоти годишно и да ја прошириме авионската компанија, внесувањето нов тип на авиони во флотата тоа драматично го забавува, рече Кирби.

„Јунајтед Ерлајнс“ отпушти 232 вработени кои не сакале да се вакцинираат

Ивона Петрова — Thu, 14 Oct 2021 06:06:32 +0000

Американската авиокомпанија „Јунајтед Ерлајнс“ вчера соопшти дека ги откажува договорите со 232 вработени, кои одлучиле да не се вакцинираат против Ковид-19. „Јунајтед Ерлајнс“ е првата авиокомпанија што воведе обврска за вакцинација за вработените. Првиот човек на компанијата, Стив Кирби, јави дека 232 од 67.000 вработени одбиле да се вакцинираат. „Јунајтед Ерлајнс“ во моментов е единствениот голем американски авиопревозник што прибегна кон процесот на отпуштање на вработените кои одбиле да ја примат вакцината против Ковид-19. „Делта Ерлајнс“ воведе месечна обврска од 200 американски долари за невакцинираните вработени, додека „Американ Ерлајнс“ и „Саутвест Ерлајнс“ преземаат различни мерки за мотивирање на вработените да се вакцинираат. До вчера во „Делта Ерлајнс“ беа вакцинирани 90 проценти од вработените.

„Јунајтед ерлајнс“ отпушта речиси 600 невакцинирани работници

Тале Кристо — Wed, 29 Sep 2021 06:57:52 +0000

Авиокомпанијата „Јунајтед ерлајнс“, која на почетокот на август побара од сите свои вработени во САД да бидат вакцинирани против Ковид-19, соопшти дека се подготвува да отпушти 593 лица кои не приложиле доказ дека се имунизирани. Од вкупно 67.000 вработени во компанијата, помалку од три проценти (околу 2.000 луѓе) побарале да бидат ослободени од обврската поради медицински или верски причини. Над 99 проценти од останатите избрале да се вакцинираат. – Побаравме од сите наши вработени во САД да се вакцинираат од една едноставна причина: да ја гарантираме безбедноста на нашиот персонал. Вистината е, дека сите се побезбедни кога сите се вакцинирани, и барањата за имунизација функционира, изјавија извршниот директор Скот Кирби и претседателот на компанијата Брет Харт. За 593 вработени кои не доставиле доказ за вакцинација, компанијата ќе започне процес на отпуштање согласно процедура договорена со синдикатите.

„Јунајтед Ерлајнс“ прв побара вакцинација на вработените како услов за работа

Тале Кристо — Fri, 06 Aug 2021 13:51:20 +0000

Американската авиокомпанија „Јунајтед Ерлајнс“ ќе побара од вработените во САД да се вакцинираат против коронавирусот, објави денеска компанијата, со што стана прва во американскиот воздушен сообраќај која побарала од своите вработени да бидат имунизирани како услов за работа. Тоа правило ќе важи за 67.000 работници кои работат во САД, пишува „Вашингтон пост“. – Знаеме дека некои од вас нема да се согласат со оваа одлука да се бара вакцинација од сите вработени во Јунајтед Ерлајнс, изјавија извршниот директор Скот Кирби и претседателот на авиокомпанијата, Брет Харт, во писмо до вработените. Тие додаваат дека немаат поголема одговорност кон вработените отколку да им гарантираат безбедност кога се на работа, а „фактите се кристално јасни – сите се побезбедни кога сите се вакцинирани“.

„Јунајтед ерлајнс“ праќа 2.850 пилоти на принуден одмор

Дарко Андоновски — Fri, 28 Aug 2020 08:54:11 +0000

Авиокомпанијата „Јунајтед ерлајнс“ соопшти дека оваа есен ќе испрати до 2.850 пилоти на принуден одмор, освен ако американската Влада не им обезбеди поголема помош на авиокомпаниите за покривање на деловните трошоци за време на падот поради пандемијата. Јунајтед ќе испрати повеќе пилоти на одмор од Делта ерлајнс, кој планира принуден одмор за 1.941 пилоти, додека „Американ ерлајнс“ најави отказ за 1.600 вработени. „Јунајтед ерлајнс“, со седиште во Чикаго, ги известил пилотите дека во следните неколку по пошта ќе испрати решенија за принуден одмор, кои ќе стапат во сила меѓу 1 октомври и 30 ноември.