Јуп Хајнкес – Kurir.mk

Јуп Хајнкес на итна операција на срцето

Бошко Тасиќ — Sun, 25 Dec 2022 07:42:56 +0000

Јуп Хајнкес, легендарниот тренер на Баерн Минхен, мораше да замине на итна операција на срцето. Речиси комплетно му биле затворени две артерии во градите, па му биле вградени бајпаси. „Тоа беа најлошите моменти во мојот живот. Не можев да спијам, се чинеше дека времето застана. Беше ужасно”, изјавил Хејнкес. По извршениот оперативен зафат, Хејнкес мина две седмици во болница две недели, а сега се чувствува подобро, информираат германските медиуми. Јуп Хајнкес поради здравствената состојба не замина за Катар на Светското првенство во фудбал.

Хајнкес: Пандемијата го покажа лошиот развој на фудбалот и заедницата

Ивана Ефремовски — Sun, 03 May 2020 15:40:46 +0000

Легендарниот германски тренер Јуп Хајнкес изјави дека избувнувањето на пандемијата од коронавирус откриле непожелни случувања во фудбалот и пошироката јавност во последните години. Тој за весникот „Велт“ изјави дека себичноста е поставена над вредностите како што се кохезија, хуманост и солидарност. -Треба повторно да ги изостриме сетилата за луѓето кои не се справуваат толку добро во општеството, во фудбалот, вели Хајнкес. Гледајќи кон фудбалот и кризата, која може да зафати многу клубови, Германецот ги поддржа луѓето што повикуваат на поголема скромност. -Важно е да се бара начин за поголема нормалност во фудбалот. Износите за трансфери и плати треба да се намалат и повторно да се сведат на нормално ниво. Во еден момент, парите станаа неморални, рече искусниот тренер. Хајнкес (74) е поранешен германски репрезентативец, кој ја освои Лигата на шампионите со Реал Мадрид и Баерн Минхен. Тој беше на кормилото на Баварците три периоди, достигнувајќи го врвот во 2013 година кога освои „требл“. Бундеслигата е запрена од средината на март поради пандемијата, но клубовите се надеваат дека ќе го нормализираат процесот на тренинзи подоцна овој месец, чекајќи потврда од владата. (МИА)

Нико Ковач ќе го наследи Хајнкес во Баерн

Ивона Петрова — Fri, 13 Apr 2018 06:09:11 +0000

Хрватскиот тренер Нико Ковач ќе го наследи Јуп Хајнкес на клупата во Баерн Минхен по завршувањето на сезоната, објави германскиот весник „Билд“. За Ковач, кој во моментот е ангажиран како тренер на Ајнтрахт Франкфурт, клубот од Минхен ќе плати откупна клаузула од 2,2 милиони евра. Во прилог на ова е и информацијата дека Ковач веќе го известил спортскиот директор на Ајнтрахт дека на крајот на сезоната ќе го напушти клубот. Ковач од 2001 до 2003 година играше за Баерн Минхен, а пред четири години како селектор ја предводеше хрватската фудбалска репрезентација на Светското првенство во Бразил. Тој сезонава со Ајнтрахт Франкфурт се најпријатното изненадување во Бундеслигата, бидејќи во моментов се на петтото место со шанси за пласман во Лигата на шампионите.