Јуп Хејнкес – Kurir.mk

Хајнкес: Им подаривме два гола

Дарко Андоновски — Thu, 26 Apr 2018 07:15:28 +0000

Тренерот на Баерн Минхен, Јуп Хајнкес не може да се помири со поразот (1:2) од Реал синоќа на домашен терен во полуфиналето од Лигата на шампионите. Предводникот на Баерн стравува и поради повредите на тројцата стандардни првотимци, Робен, Боатенг и Мартинез. - Во чуден меч им дозволивме без игра да ни дадат два гола и да не победат. Покрај поразот ни се повредија и неколку клучни играчи за кои неизвесно е дали ќе играат на реваншот. Се надевам дека повредите не се сериозни но големи се шансите Робен, Боатенг и Мартинез да го пропуштат возвратниот меч, рече Хајнкес. Реваншот во Мадрид е закажан за 1 мај.

Добра вест за Хајнкес пред реваншот со Севиља

Дарко Андоновски — Tue, 10 Apr 2018 18:11:57 +0000

Тренерот на Баерн, Јуп Хајнкес објави дека германскиот репрезентативец Жером Боатенг може да игра во реванш-дуелот од четвртфиналето на Лигата на шампионите против Севиља. Давид Алаба и Артуро Видал отпаѓаат од сметките на експертот. Баварците победија на првата средба со 2:1, а реваншот е утре вечер од 20:45 часот по македонско време во Минхен. - Играчите се гладни да стигнат до полуфиналето. Треба да сме подготвени да напаѓаме против Севиља, но треба и да се браниме добро. Жером е целосно здрав и подготвен за игра. Давид тренираше со тимот, но не успеа да биде целосно подготвен во последните неколку дена, па нема да ризикуваме со неговото вклучување. Затоа, мислам дека би било подобро тој да тренира уште и евентуално да игра во сабота. Мислам дека Артуро Видал ќе започне да тренира во четврток, додаде германскиот специјалист.

Хејнкес синоќа стана рекордер

Даниел Василев — Wed, 04 Apr 2018 07:34:53 +0000

Тренерот на германскиот шампион Баерн Минхен, Јуп Хејнкес стана рекордер во Лигата на Шампионите. Тој со вчерашната победа против Севиља стана првиот тренер во историјата кој стигнал до 12 победи по ред во најелитното фудбалско натпреварување. Хејнкес серијата ја почна во шампионската сезона за Баерн, 2012/2013 почнувајќи од четвртфиналето, кога ги победи Јувентус и Барселона во сите натпревари, а победи и против Борусија Дортмунд во финалето. Иако ги напушти Баварците и се очекуваше да оди во пензија по доаѓањето на Пеп Гвардиола, тој се врати оваа зима. Откако дојде тој ги победи сите натпревари во групната фаза, но и во осминафиналето против Бешикташ.

Хајнкес незадоволен од играта и покрај победата на Баерн

Даниел Василев — Wed, 04 Apr 2018 07:20:23 +0000

Тренерот на Баерн Минхен, Јуп Хајнкес не беше многу расположен по синоќешниот дуел со Севиља и покрај победата на неговиот тим со 2:1 на првиот дуел од четвртфиналето во Лигата на шампионите. - Победивме и тоа е добро. Имавме и среќа, а во наш прилог е брзото изедначување, откако домаќинот прв дојде во водство. Севиља беше подобар противник во првиот дел, ние во второто полувреме. Сепак, за да се освои Лигата на шампионите треба да се игра многу подобро. Баерн по водство на Хајнкес ја постигна 12 победа по ред во елитното фудбалско натпреварување. МИА