јурумлери – Kurir.mk

Повеќе од 2.000 луѓе од Јурумлери со порака до Јетон Шакири: Ќе ги радикализираме протестите!

Дарко Андоновски — Wed, 04 Oct 2023 16:05:45 +0000

Учениците од ООУ Његош, веќе 10тина дена не посетуваат настава, а соодветно решение за надминување на нивниот проблем, сеуште нема, објавува Канал 5. Станува збор за 13 албански ученици од 6то одделение кои моментално наставата на својот мајчин јазик ја следат во училиштето во с.Огњанци, до каде им е обезбеден платен превоз, но нивните родители бараат отварање на паралелка за нив во Његош. Од одборот на родители на училиштето, велат дека во оваа ситуација оштетени се децата . -Нашите ученици бројат паралелки од 33 дечиња и повеќе. Дечињата седат по тројца во една клупа..Овие дечиња не се воопшто дискриминирани ниту се обесправени, напротив тие имаат право и посетуваат настава на свој мајчин јазик. Нашите деца немаат платен превоз патуваат пешки по 3 и повеќе километри по регонален пат којшто е небезбеден за нив-- Соња Милановска Цветковска. Родителите велат дека имале средба и со министерто за образование Шакири и со градоначлникот на Гази Баба Стефковски, но не успеале да изнајдат решение.. Од МОН за Канал 5 велат дека се отворени за продолжување на разговорите, и потенцираат дека станува збор за проблем кој се провлекува 20 години наназад. Како привремено решение нудат доградба на училиштето.. Градоначалникот Стефковски, пак, вели дека оваа ситуација е вештачки создадена криза и дека во училиштето нема услови за нова паралелка. -Учениците кој сакаат да ја следат предмената настава на албански јазик општината им обезбедува бесплатен автобуски превоз до училиштето во Огњанци. Не знам од која причина министерот Шакири наместо кон решавање на овој проблем, состојбата ја носи кон нови проблеми. – вели Стефковски за Канал 5. И МОН и општината трајно решение на проблемот гледаат во израдба на ново училиште во Идризово. Инаку родителите на учениците на учениците утрово испратија и писмо до Министерот за образование и наука г-дин Јетон Шакири: Почитуван Министер, Се одлучивме преку јавноста да го испратиме ова писмо до Вас со цел да ги истакнеме нашите гледишта, наспроти Вашата примена на сила, закани и ултиматум кон нас како родители и кон општината. Ние жителите од Јурумлери, Колонија, Идризово, Дрма, Гоце Делчев, Трубарево и цела Гази Баба живееме сложно со нашите сограѓани албанци, роми, срби, турци, власи и сите останати. Помеѓу нас пред се како соседи, а дел од нас се и роднински поврзани како кумови, старосвати владее соживот и на различностите поради нашата вероисповест гледаме како на предизвик за запознавање на нешто туѓо, а не како пречка за заеднички комшиски живот. Учењето во ООУ Његош е овозможено за сите дечиња од нашиот крај. Наставата во одделенската настава се врши на македонски и албански јазик како што е опишано и со Статутот на нашето училиште, а додека за предметната настава учењето на македонски јазик се одвива во ООУ Његош, додека учењето на албански јазик се врши во соседното училиште во Огњанци за што општина Гази Баба обезбедува бесплатен превоз за дечињата кој организирано ги зема од своите домови до училиштето и назад од училиштето до својот дом со што тезите дека се врши дискриминација за настава на својот мајчин јазик не држат вода. Почитуван Министер, Жалиме што Вие како Министер во Владата наместо да бидете медијатор и да делувате во насока на надминување на ситуацијата, Вие одбравте од Ваши партски интереси да завземете страна и јавно на социјалните мрежи да се сликате и објавувате слики со лицата кои вештачки создаваат етнички проблем во нашето населено место. Последната слика е објавена и направена пред само еден ден, кога кризата завзема досега најголеми размери. (сликата Ви ја доставуваме во прилог). Жалиме што наместо преставник на народот, ние имаме Министер кој се слика со луѓето кои јавно со зборување и коментирање на социјалните мрежи се закануваат, а откако сите ние ги видовме сликите станува јасно кој и од каде им дава моќ да се однесуваат така. Почитуван Министер, 305 ученици посетуваат настава на македонски јазик во ООУ Његош и во одделенска и во предметна настава, Вие дозволивте да се создаде ваков проблем со целосен бојкот на наставата повеќе од 10 дена за 10 ученици албанци во шесто одделение кои повеќе не сакале да користат бесплатен превоз и да посетуваат настава во Огњанци. Ја користиме и оваа јавна можност да го повикаме претседателот на Владата г-дин Димитар Ковачевски да посвети внимание на нашиот проблем и се надеваме дека тој нема по стапките на неговиот Министер да завземе страна туку ќе биде над целата состојба со цел изнаоѓање на решение. Денес во 17:30 часот излегуваме на голем протест пред зградата на училиштето Његош и ова е нашиот последен протест тука. По завршување на протестот ќе оддржиме состанок на кој ќе ги утврдиме следните активности кои ќе одат во насока на наша радикализација со блокирање на автопатот, регионалниот пат и клучни раскрсници низ Скопје, а не ја исклучуваме и можноста за поставување на шатори пред зградата на Министерството за образование и наука. Господине Јетон Шакири, нема да дозволиме нашите деца да бидат експрименти во Вашите раце. Господине Јетон Шакири, Вие си поигравте со нас како родители, ја злоупотребивте наша доверба и не излажавте дека не ги познавате луѓето кои ги подгреваат тензиите за потоа да се објавуваат фотографии од неформални средби по рестораните низ Скопје. Господине Јетон Шакири немојте поради Вашите партиски интереси да ја воведувате цела Гази Баба во бојкот. Не си поигрувајте со нашите чувства, кога во прашање се нашите деца. Зад ова писмо стојат родители на ученици од: ООУ Његош, населено место Јурумлери ООУ Крум Тошев, населено место Трубарево ООУ Крсте Мисирков, населено место Ченто ООУ Дане Крапчев, населено место Ченто ООУ Кирил и Методиј, населено место Стајковци ООУ Наум Охридски, населено место Булачани ООУ Стив Наумов, населба Автокоманда ООУ Григор Прличев, населба Железара ООУ Вера Јоциќ, населба Хиподром ООУ Наум Наумовски Борче, населба Маџари

Стефковски: Изградивме ново детско катче во Јурумлери, Гази Баба се менува

Ивана Ефремовски — Tue, 04 Apr 2023 10:46:04 +0000

Градоначалникот на општина Гази Баба, Бобан Стефковски го пушти во употреба новото детско катче во населеното место Јурумлери. За посетата на Јурумлери, градоначалникот Стефковски информираше на својата официјална страна на Фејсбук на која што напиша: „Пуштено во употреба новото детско катче во населеното место Јурумлери. Утрово го пуштивме во употреба новото детско катче во Јурумлери кое е изградено во рамки на клонот Морковче од детската градинка 25-ти Мај. Нема поубаво чувство од искрената детска насмевка, проследена со неизмерна среќа и топла прегратка. Среќен сум што со изградбата на ова детско катче е создаден простор на кој дечињата ќе можат да го поминуваат поголемиот дел од времето во летниот период. Продолжува обновата на нашата Гази Баба. Се реализираат проекти за сите генерации“ - напиша Стефковски.

83-годишна жена нападната во скопско Јурумлери

Тале Кристо — Mon, 26 Sep 2022 14:20:30 +0000

На 25.09.2022 во 01.00 часот во Полициската станица Гази Баба, Д.С.(83) од с.Јурумлери, скопско, пријавила дека на 24.09.2022 околу 19.30 часот во с.Јурумлери била физички нападната од едно лице. Се преземаат мерки за расчистување на случајот.

Уапсен тинејџер од скопско Јурумлери – еве што направил

Тале Кристо — Fri, 28 Jan 2022 11:31:36 +0000

На 27.01.2022 околу 20.50 часот, полициски службеници од СВР Скопје ги лишиле од слобода А.Р.(18) од с.Јурумлери, скопско и М.Х.(18) од Скопје, затоа што одзеле повеќе предмети од продажен објект во трговски центар на ул.„Кирил и Методиј“. Предметите биле пронајдени и вратени на сопственикот. Тие биле приведени во полициска станица и со нив бил извршен службен разговор. За случајот бил запознаен Јавен обвинител и по целосно документирање на случајот против нив ќе биде поднесена пријава по член 235 од Кривичниот законик.

Ограбен скопјанец, му се заканиле и му одзеле пари

Ивана Ефремовски — Mon, 28 Sep 2020 17:35:23 +0000

На 27.09.2020 во 15:30 часот во Полициската станица Бит Пазар, А.Б.(38) од с.Јурумлери, скопско, пријавил дека околу 14:30 часот на бул.„Никола Карев“ во Скопје неколку лица со употреба на сила и закана со остар предмет му одзеле пари. Се преземаат мерки за расчистување на настанот.

Организирал турнир со играчи и публика во скопско Јурумлери среде епидемија

Ивана Ефремовски — Thu, 13 Aug 2020 14:06:40 +0000

СВР Скопје поднесе кривична пријава против А.А.(20) од Скопје, поради постоење основи на сомнение за сторено кривично дело „непостапување според здравствените прописи за време на епидемија“. Пријавениот, на 09.08.2020 во 19.00 часот организирал и одржал турнир во мал фудбал на фудбалско игралиште во с.Јурумлери, каде покрај играчите имало и публика.

Го истепале, па му ги земале парите: Момче нападнато во Јурумлери

Ивана Ефремовски — Fri, 02 Aug 2019 16:12:30 +0000

Разбојници нападнале момче во скопското село Јурумлери. Како што информира МВР, вчера во 9:20 часот во СВР Скопје, П.Т.(22) од Скопје пријавил дека во село Јурумлери извршено му било разбојништво од две лица, кои физички го нападнале и му одзеле пари. Се преземаат мерки за расчистување на случајот.

Заедно пиеле, па се пресметале: Кумановец претепал жител на Јурумлери во Карпош

Дарко Андоновски — Wed, 10 Apr 2019 13:42:14 +0000

Во СВР Куманово вчера било пријавено дека во Медицински центар Куманово со повреди бил донесен П.В. (31) од с. Јурумлери, скопско, кој потоа бил префрлен во комплексот клиники „Мајка Тереза“ во Скопје. П.В. се здобил со повредите во населба Карпош во Куманово при физички напад од страна на Р.С. (22) од Куманово, со кого, неколку пати физички се пресметале, а претходно заедно со уште неколку лица конзумирале алкохол. Р.С. бил приведен во полициска станица и против него е поднесена кривична пријава поради постоење основи на сомнение за сторено кривично дело „тешка телесна повреда“, а од судија на претходна постапка му бил одреден притвор во траење од 30 дена.

Без струја делови од Илинден и Јурумлери

Матеја Петровски — Sat, 18 Aug 2018 07:02:59 +0000

Корисниците од објектите во околината на мотелот „Белви“ во општина Илинден денеска ќе бидат без електрична енергија од 7:30 до 10:30 часот. Од 11 до 17 часот без струја ќе бидат дел од корисниците од селото Јурумлери, општина Гази Баба и дел од населбата Илинден. В понеделник од 9 до 12 часот без струја ќе бидат дел од корисниците од селото Студеничани, а од 9 до 13 часот корисниците од зградата бр. 9 на улицита „Методија Митевски“ во општина Чаир. Како што информираат од Регионалниот центар за управување со кризи на Град Скопје, причина за прекинот во снабдувањето со електрична енергија е изведувањето планирани технички зафати во дистрибутивната мрежа од страна на екипи на „ЕВН Македонија“ АД. (Миа)