Јусаку Маезава – Kurir.mk

Јапонскиот милијардер се врати на Земјата по 12 дена во Вселената

Дарко Андоновски — Mon, 20 Dec 2021 08:10:33 +0000

Јапонскиот милијардер кој помина 12 дена на Меѓународната вселенска станица денеска се врати на Земјата, соопшти руската вселенска агенција Роскосмос. Јусаку Маезава, 46-годишен милијардер, неговиот помошник Јозо Хиноро и рускиот астронаут Александар Мисуркин се спуштија со падобран во казахстанската степа околу 03.13 часот по Гринич. „Заврши туристичкиот лет на леталото Сојуз МС-20“, се наведува на веб-страницата на Роскосмос. Двајцата Јапонци се првите туристи кои сами си го платиле патувањето. Ова е прва туристичка посета на вселенската станица од 2009 година. Цената на патувањето не е објавена. Беше планирано Хиноро да ја сними целата мисија.

Милијардерот кој бараше придружничка за на Месечината во проблеми, на огласот се пријавиле над 20.000 кандидатки

Ивона Петрова — Fri, 17 Jan 2020 09:28:10 +0000

Јапонскиот милијардер Јусаку Маезава во понеделникот објави дека бара придружничка на неговото туристичко патување на Месечината, но и воопшто – во животот. На огласот досега се пријавиле над 20.000 жени – Полека ме обземаат чувствa на осаменост и празнина. Затоа, постојано размислувам за едно нешто: Сакам да сакам една жена, напиша Маезава на својата интернет-страница, додавајќи дека не би било никаков проблем ако кандидатката не знае јапонски јазик. Маезава (44) е првиот добитник на билети за туристичко патување до Месечината, кое го организира Спејс-Икс и е закажано за 2023 година. Познат е и по тоа што пред минатата седмица преку Твитер на своите следачи им подели девет милиона долари. – Сакам да најдам животна партнерка и од Вселената да испратам порака за нашата љубов и мир во светот, нагласи Јапонецот. Тој е основач на најголемиот јапонски трговски синџир за облека – Зозо. Неговиот вкупен имот се проценува на две милијарди долари.

ФОТО: Твит на јапонски милијардер го собори рекордот во ретвитување

Ивона Петрова — Tue, 08 Jan 2019 11:54:54 +0000

Објава на јапонскиот милијардер Јусаку Маезава на Твитер го собори рекордот во споделувања – вкупно пет милиони, со што го надмина скорешниот твит на американскиот тинејџер Картер Вилкерсон. Младото момче тоа го постигна со едноставна молба – објавата да биде споделена 18 милиони, заради едногодишно бесплатно добивање оброк во познат американски синџир ресторани. Но, стигна „само“ до бројката од 3,5 милиони реобјавувања. Маезава, сопственик на синџирот маркети „Зозотаун“, се пофали на Твитер за продажбата за време на новогодишните празници и дека по тој повод ќе им подели 100 милиони јени (900.000 долари) на некои од оние што ќе ја споделат неговата објава. Така твитот досега собра над пет милиони споделувања. Јапонецот, е пријател на американскиот милијардер Илон Маск, и е избран да оди на првиот туристички лет кон Месечината закажан за 2023 година. Последен пат човек отиде на Месечината во 1972 година, при мисијата „Аполо 17“. МИА

ФОТО: Овој Јапонец ќе биде првиот турист на Месечината

Ивана Ефремовски — Tue, 18 Sep 2018 09:04:30 +0000

Јапонскиот милијардер и тајкун од областа на интернет продажбата, Јусаку Маезава (42) ќе биде првиот што туристички ќе ја посети Месечината. Тој со себе има намера да понесе и уметници од повеќе области, за сето тоа да биде еден голем уметнички проект, соопштија вчера заедно со претставници на Спејс-Икс. - Конечно можам да кажам дека ќе одам на Месечината и одбрав да одам со артисти, изјави Маезава на официјалната објава на одлуката на компанијата. Според „Форбс“, Јапонецот располага со речиси 2,9 милијарди долари. Тој исто така е и колекционер на уметнички дела, за што е подготвен да потроши и стотици милиони долари. Тој се надева дека нема да биде сам на патувањето, оти има „уште слободни места“. Летот ќе се реализира најрано во 2023 година. (МИА)