Јусуф Мукоко – Kurir.mk

Ла Лига забрани трансфер на Мукоко во Барселона

Дарко Андоновски — Sun, 25 Dec 2022 14:47:08 +0000

Раководството на шпанската Ла Лига ѝ забрани на Барселона да потпише договор со младиот фудбалер на Борусија Дортмунд, Јусуф Мукоко, објави познатиот шпански новинар Жерард Ромеро. Мукоко неколку месеци беше на радарот на Барселона, која пред да почне преговори со 18-годишниот фудбалер и Борусија Дортмунд побара дозвола од Л Лига да купи нови играчи во јануарскиот преоден рок. Меѓутоа каталонскиот клуб доби негативен одговор со образложение дека со тој трансфер Барселона би го прекршила финансискиот ферплеј. Поради тоа раководството на Барселона одлучило овој трансфер да го пролонгираат за летниот преоден рок, бидејќи Мукоко има договор со Борусија до јуни 2023 година.

Челзи е подготвен да плати повеќе од 10 милиони евра за Мукоко

Тале Кристо — Wed, 14 Dec 2022 16:42:59 +0000

Челзи се подготвува да го ангажира напаѓачот на Борусија Дортмунд, Јусуф Мукоко во зимскиот преоден рок. Според „Diario Sport“, лондонскиот клуб е подготвен да плати повеќе од 10 милиони евра за 18-годишниот играч. За германскиот напаѓач е заинтересирана и Барселона, но Каталонците можеби се подготвени да платат за него во јануари наместо да чекаат до летото кога му истекува договорот на Мукоко со Борусија. Фудбалерот оваа сезона одигра 22 натпревари за германскиот клуб во сите натпреварувања, постигна шест гола и имаше шест асистенции. Порталот Трансфермаркт ја проценува вредноста на Мукоко на 30 милиони евра.

Мукоко продолжи да испишува историја, стана најмлад стрелец во Бундеслигата

Ивана Ефремовски — Sat, 19 Dec 2020 09:42:17 +0000

Тинејџерот Јусуф Мукоко синоќа испиша нова страница во европскиот фудбал, откако стана најмладиот стрелец во историјата на Бундеслигата. Мукоко го постигна единствениот гол во поразот на Борусија Дортмунд од 2:1 на гостувањето кај Унион Берлин во премиерниот натпревар од 13. коло во Бундеслигата, станувајќи најмлад стрелец во историјата на германскиот елитен фудбал со 16 години и 28 денови. Подвигот на Мукоко доаѓа неполни две недели, откако стана најмладиот стрелец во историјата на Лигата на шампиони со 16 години и 18 денови, постигнувајќи гол во триумфот на Борусија Дортмунд над Зенит во последното коло од групната фаза. (МИА)