Јута Џез – Kurir.mk

Бојан Богдановиќ потпишува за Детроит Пистонс

Бошко Тасиќ — Thu, 22 Sep 2022 16:59:33 +0000

Бојан Богдановиќ има нов клуб. Најдобро информираните новинари во САД пренесуваат дека Јута договорила трејд со Детроит и останува тој само да биде потврден и официјално. Хрватот ќе замине во редовите на Пистонс, додека Јута ќе ги добие Кели Олиник и Сабин Ли. „Џезерите“ претходно ја завршија соработката и со најголемите ѕвезди, Руди Гобер и Донован Мичел, најавувајќи дека планираат целосно проветрување на тимот и создавање нова екипа која би имала поголеми амбиции за неколку години. Богдановиќ имаше просек од 18,1 поен за Јута минатата сезона, а сега ќе се пресели во една од најслабите екипи во НБА лигата.

Дресот на Мајкл Џордан од НБА финалето во 1998 година продаден за рекордна цифра

Бошко Тасиќ — Sat, 17 Sep 2022 05:15:40 +0000

Дресот на легендарниот американски кошаркар Мајкл Џордан од првиот финален натпревар на НБА лигата во 1998 година во кој Чикаго играше со Јута е продаден на аукција за рекордна цена. Очекувањата беа дека наддавањето ќе достигне сума од три до пет милиони евра, но истиот беше продадеден за 10.1 милион долари со што го сруши рекордот (9.3 милиони долари) кој досега го држеше дресот кој го носеше Диего Марадона кога го постигна голот кој ќе биде запомнет во историјата како „Божјата рака“.

Хрватски репрезентативец ќе игра во Далас

Бошко Тасиќ — Sun, 11 Sep 2022 07:50:31 +0000

Едно од можните засилувања за НБА тимот на Далас е 33-годишниот Бојан Богдановиќ кој во овој момент е со Хрватска на Евробаскетот. На Богдановиќ му завршува договорот со Јута кој е вреден 19.5 милиони долари. Маверикс не се единствената екипа заинтересирана за неговиот потпис, се споменуваа уште Лејкерси, Нујорк Никси и Феникс Санс. Засега не е познат и ставот на Јута, дали тие ќе му понудат нов договор или сакаат обнова на тимот.

Донован Мичел има нов клуб

Бошко Тасиќ — Fri, 02 Sep 2022 05:35:09 +0000

НБА тимовите на Кливленд и Јута вечерва направија голема размена. Нов играч на Кливленд е феноменалниот бек Донован Мичел, а кон Солт Лејк Сити ќе тргнат дури три кошаркари и три пика од првата рунда на драфтот. Џез така за Мичел ги доби Колин Секстон, Лаури Марканен и Очаи Агбаи. Мичел комплетната досегашна кариера ја помина во Јута. Во НБА лигата пристигна во 2017 година и стана една од најголемите ѕвезди. Сепак во текот на минатата сезона беше забележително незадоволството.

Гобер после девет години си заминува од Јута

Бошко Тасиќ — Sun, 03 Jul 2022 06:55:44 +0000

Францускиот кошаркарски репрезентативец Руди Гобер се сели во Минесота. Иако често знае да биде оспоруван, Гобер три сезони беше избран за најдобар дефанзивен играч во НБА лигата, па фактот што Јута реши да се ослободи од него го надокнадува со дури пет играчи и четири пика на драфтот. Гобер оди во Минесота, а во спротивене правец во Јута одат Малик Бизли, Патрик Беверли, Вокер Кеслер, Џаред Вандербилт и Леандро Болмаро, а Џез добива и четири избори од првата рунда на драфтот во годините 2023, 2025, 2027 и 2029-та. – Јута, јас бев само дете од Франција кога дојдов тука пред девет години, но од почетокот бев поддржан и се чувствував прегрнато. Пораснав како човек и како играч и благодарен сум за секој момент. Јута и опкружувањето секогаш ќе има посебно место во моето срце. Засекогаш благодарен, патувањето продолжува, – порача Гобер.

Јута го победи Денвер, Јокиќ го повреди коленото

Тале Кристо — Wed, 27 Oct 2021 07:14:24 +0000

Јута џез рано утрово на домашен терен го победи Денвер нагетс со 122:110 во дуел од НБА-лигата. Најефикасен кошаркар на средбата беше центарот Нагетс, Никола Јокиќ, кој постигна 24 поени. Србинот на теренот мина 15 минути, а на крајот од втората четвртина заработи повреда на коленото и не можеше да го продолжи натпреварот. На другите натпревари од најсилната кошаркарска лига на светот игран ноќта вторник кон среда постигнати се следниве резултати: Њујорк – Филаделфија 112:99 Оклахома – Голден стејт 98:106 Сан Антонио – Лос Анџелес лејкерс 121:125 (по продолжение) Далас – Хјустон 116:106.

ЛА Клиперс против Јута Џез израмни на 2-2 во серијата во финалето на Западната Конференција

Бошко Тасиќ — Tue, 15 Jun 2021 10:07:44 +0000

Кошаркарите на Лос Анџелес Клиперс ја совладаа Јута со 118:104 и на тој начин израмнија на 2-2 во серијата. Победничкиот тим го предводеа Кавај Ленард и Пол Џорџ со по 31 поен. Кај поразените Донован Мичел запиша 37 коша. Интересно е и да се напомене дека Донован Мичел има најголем број поени по минути во историјата на плејофот. Имено, тој во моментов е на 263 поени за 267 минути игра, или 0.99 поени во минута. Тој е исто така на второто место на таа листа, односно неговите постигнувачки способности од минатогодишниот плејоф, кога постигна 0.96 поени во минута. Трет на листата е Џери Вест, кој во просек бележеше 0.95 во 1965 година.

ЛА Клиперс ја совладаа Јута и намалија на 2-1 во серијата (ВИДЕО)

Бошко Тасиќ — Sun, 13 Jun 2021 06:43:59 +0000

Кошаркарите на ЛА Клиперс ја совладаа Јута со 132-106 и намалија на 2-1 во полуфиналната серија во Западната конференција во НБА лигата. Од самиот почеток домаќините имаа предност, делуваа делуваа подобро на теренот, па беше јасно дека Јута тешко ќе го добие овој дуел. Клиперси по првата четвртина имаа 27-23, додека на полувремето позитивата беше 64-49. Најефикасен на теренот беше Кавај Леонард со 34 поени, 12 скока и пет асистенции,додека зад него беше Пол Џорџ со 31 поен, пет асистенции и три скока. Кај Јута најдобар беше Мичел кој имаше 30 поени. https://www.youtube.com/watch?v=18fB6Ovqkqs&feature=emb_title

Руди Гобер дефанзивец на годината во НБА лигата

Бошко Тасиќ — Thu, 10 Jun 2021 16:09:07 +0000

Центарот на Јута, Руди Гобер, е прогласен за дефанзивец на годината во НБА лигата. Тој го победи Бен Симонс во директниот дуел и по трети пат во кариерата дојде до оваа награда. Французинот во просек бележеше по 14.3 поени, 13.5 скокови и 2.7 блокади по натпревар, а неговиот тим ја имаше четвртата најдобра одбрана во лигата.