јута – Kurir.mk

Нов закон за социјални мрежи во Јута: Децата треба да имаат одобрение од родителите за да ги користат

Ивона Петрова — Fri, 24 Mar 2023 07:07:45 +0000

Децата и тинејџерите во Јута ќе го изгубат пристапот до апликациите за социјални мрежи доколку немаат родителска согласност и ќе бидат предмет на други ограничувања според првиот американски закон дизајниран да ги заштити младите од платформи што предизвикуваат зависност. Два закона потпишани од државниот републикански гувернер Спенсер Кокс од вчера им забрануваат на децата под 18 години да користат социјални мрежи помеѓу 22:30 и 6:30 часот, бараат проверка на возраста на секој што сака да користи социјални мрежи во државата и ја отвора вратата за тужби во име на деца кои тврдат дека социјалните мрежи им наштетиле. Земени заедно, двата закони имаат за цел да спречат децата да бидат намамени во апликации преку функции што предизвикуваат зависност и рекламирање. Се очекува компаниите да поднесат барања и приговори пред законите да стапат на сила во март 2024 година. Во законодавниот дом во Јута доминираат републиканците.

Масакр во Јута: Тела на осумчлено семејство пронајдени во куќа, меѓу нив има 5 деца

Ивона Петрова — Thu, 05 Jan 2023 11:11:43 +0000

Телата на осум членови на семејството се пронајдени во куќа во американската сојузна држава Јута, соопштија локалните власти. Меѓу жртвите има пет деца. Потенцијалниот мотив за убиството не е објавен. Жртвите беа пронајдени во средата со прострелни рани во дом во Енох, град со околу 8.000 жители на 400 километри јужно од Солт Лејк Сити.

НБА: Јута се раздели со тренерот Снајдер

Тале Кристо — Mon, 06 Jun 2022 19:08:07 +0000

По соработка која траеше осум години НБА-лигашот Јута Џез објави разделба со досегашниот тренер Квин Снајдер. Телевизијата ЕСПН јави дека одлуката на клупското раководство го затекнала Снајдер, иако тој подоцна понуди кратка изјава со поинаква содржина. – По осум години заедничка работа очигледно ова мораше да се случи, изјави Снајдер. Како главни кандидати за негов наследник се споменуваат Џони Брајант, сегашниот помошник тренер на Њујорк и Тери Стотс, поранешниот тренер на Портланд.

Трагедија во Јута: Осум лица загинаа во верижен судир на 22 автомобили

Ивана Ефремовски — Tue, 27 Jul 2021 13:14:28 +0000

Во верижен судир во кој учествувале 22 автомобили во Јута загинаа осум лица, а уште неколкумина се здобиле со повреди, јавија синоќа американските медиуми. Половината од загинатите се деца. Немилиот настан се случил на автопат во близина на градот Канош, во централниот дел на Јута, а причина за несреќата била намалената видливост предизвикана од песочна бура што траела од неделата попладне до вчера. Четворица од загинатите се возрасни, четворица се деца на возраст до 15 години, соопшти синоќа департментот за општествена безбедност на Јута, кога беа објавени и имињата на настраданите. Петмина од загинатите се од едно семејство. Десет лица биле донесени во блиските болници, најмалку тројца се во критична состојба.

НБА: Меч на кариерата за Богдановиќ, 48 поени на Хрватот за нов триумф на Јута

Ивона Петрова — Sat, 08 May 2021 07:48:33 +0000

Хрватскиот кошаркарски репрезентативец Бојан Богдановиќ го одигра најдобриот натпревар во својата НБА кариера, предводејќи го синоќа тимот на Јута до триумф на домашен терен над Денвер со 127:120. Богдановиќ уфрли 48 поени, реализирајќи притоа осум тројки од 11 обиди, а додаде и осум скокови и две асистенции. Резултати од натпреварите во НБА лигата одиграни ноќта меѓу петокот и сабота: Филаделфија – Њу Орлеанс 109 :107 Чикаго – Бостон 121 : 99 Шарлот – Орландо 122:112 Мајами – Минесота 121 :112 Милвоки – Хјустон 141 :133 Далас – Кливленд 110:90 Јута – Денвер 127:120 Феникс – Њујорк 128 :105 Портланд – ЛА Лејкерс 106 :101 Сакраменто – Сан Антонио 104:113.

ИЗБЕГНАТА ТРАГЕДИЈА: Авионот на Јута принудно слета по судир со птици (ВИДЕО)

Ивона Петрова — Wed, 31 Mar 2021 07:04:49 +0000

Авионот на Јута, кој леташе за Мемфис ноќеска беше принуден да изврши итно слетување во Солт Лејк Сити, поради проблеми со еден од моторите по судир со јато птици. – Кога авионот полета, удри во јато птици. Левиот мотор се исклучи и пилотот повика на итно слетување на меѓународниот аеродром во Солт Лејк Сити. Авионот слета без инциденти, соопшти авиокомпанијата „Делта“.

WOAH. Here’s a look at the plane carrying the @utahjazz that had to make an emergency landing after hitting a flock of birds. @fox13 pic.twitter.com/d0grdE4KLI
— Sydney Glenn (@SydneyGlennTV) March 30, 2021

За време на последователното испитување, авионот покажал видливо оштетување на левата моторна турбина и дамки од крв на долниот дел од пилотската кабина. – Колку прекрасен ден! – напиша центарот на Јута џез, Руди Гоберт. Јута е лидер во поредокот во Западната конференција на НБА-лигата.

НБА: Денвер ја совлада Јута, Јокиќ го повтори рекордот во кариерата

Тале Кристо — Mon, 01 Feb 2021 07:12:45 +0000

Центарот на Денвер нагетс, Никола Јокиќ, го повтори својот личен рекорд по број на постигнати поени на еден НБА натпревар. Србинот синоќа реализира 47 поени на мечот со Јута кој неговиот тим го доби со 128:117. Јокиќ погоди 17 од 26 шутеви од поле, за тројка имаше четири погодоци од четири обиди, слободни фрлања шутираше 9 од 10, а исто така оствари 12 скока, пет асистенции, две украдени топки, една блокада и три загубени топки за 37 минути. Од почетокот на сезоната Јокиќ оствари 20 последователни дабл-дабл, од кои пет се трипл-дабл. Само Бил Волтон има подолга серија во историјата на НБА – 34 дабл-дабл во низа на почетокот на сезоната 76/77. Нагетс ја прекинаа серијата на Јута џез од 11 победи.

ВИДЕО: Мистериозен монолит откриен во карпест предел во Јута

Тале Кристо — Wed, 25 Nov 2020 07:47:39 +0000

Официјални лица за заштита на природата од југоисточна Јута откриле метален монолит поставен во пустинското подрачје на оваа сојузна држава, јави синоќа Њујорк тајмс. Монолитот е најден во подножјето на кањон во Црвената карпеста земја, пустина составена од црвен карпест терен и ретка вегетација. Официјалните лица не знаат колку длабоко е вкопан во карпите и кога е поставен. Металниот монолит е тростран, висок околу три и пол метри, и вкопан длабоко во карпестата почва без никакви ознаки зошто е поставен таму и од каде е донесен. Објектот мошне многу потсетува на сличната идеја со сцената на монолитот пронајден од љубопитни но вознемирени примати во филмот „Одисеја во вселената 2001“ на Стенли Кјубрик. Чуварите го забалежале металниот објект од хеликоптер како визуелна аномалија во карпестиот терен, за време на рутинско надлетување за броење на стадата муфлони, овци од американските Карпести планини. Се претпоставува дека можеби претставува уметнички објект поставен од анонимни лица.

Денвер и Јута ќе играат „мајсторка“

Магдалена Андонова — Mon, 31 Aug 2020 07:12:58 +0000

Екипите на Денвер нагетс и Јута џез ќе играат решавачки, седми дуел за пласман во второто коло од НБА плејофот. Денвер ноќеска ја совлада Јута со 119:107 и изедначи на 3-3 во серијата прв до четири победи. Џамал Мареј со 50 и Никола Јокиќ со 22 поена беа најефикасни во победничкиот тим. Кај „џезерите“ се истакна Донован Мичел со 44 поени. Седмиот натпревар ќе се одржи ноќта вторник кон среда. Победникот од оваа пресметка во конференциското полуфинале на Запад ќе се сретне со Лос Анџелес клиперс. (MИА)

Втор кошаркар на Јута позитивен на коронавирус- дали првозаразениот му го пренел со овој потег?

Катерина Бојаџиева — Thu, 12 Mar 2020 18:12:11 +0000

Бекот на Јута, Донован Мичел е вториот кошаркар на „џезерите“ кој е позитивен на коронавирус по Руди Гобер. Францускиот центар ноќеска беше првиот позитивен играч во НБА лигата. По веста за неговиот позитивен тест, беше одложен натпреварот меѓу Јута и Оклахома, а кратко потоа беше донесена одлука за суспендирање на сезоната. Гобер невнимателно се пошегува за време на прес-конференција пред неколку дена, кога намерно ги допираше микрофоните на новинарите. Се шпекулира дека токму со тој потег, Гобер се заразил со Ковид-19 и му го пренел на Мичел. Адријан Војнаровски, новинар на ЕСПН, го коментира мислењето на кошаркарите на Јута за однесувањето на Гобер. -Играчите на Јута во приватни разговори рекоа дека Гобер невнимателно се однесувал во соблекувалната, допирајќи ги колегите и нивните работи. Сега еден негов соиграч е позитивен на коронавирус, наведе Војнаровски.