јувентус – Kurir.mk

Локатели во Јувентус до 2028

Тале Кристо — Thu, 02 Nov 2023 19:19:37 +0000

Фудбалерот на Јувентус и италијански репрезентативец Мануел Локатели го продолжи договорот со клубот од Торино до јуни 2028 година, јавија денеска локалните медиуми. Претходниот договор на Локатели со Јувентус беше со важност до лето 2026 година. Локатели ја почна кариерата во Милан, по што го носеше дресот на Сасуоло, а изминатите две сезони настапуваше како позајмен фудбалер во Јувентус пред ова лето да потпише договор со „старата дама“. Сезонава Локатели на десет натпревари во дресот а Јувентус постигна еден гол и додаде една асистенција.

Црногорскиот фудбалер Мирко Вучиниќ осуден на две години условно

Бошко Тасиќ — Sat, 21 Oct 2023 06:12:52 +0000

Фудбалската легенда на Црна Гора, Мирко Вучиниќ во Италија е осуден на две години условно. Ова е поради тоа што екс напаѓачот на Јуве и други клубови, затајувал данок. Вучиниќ во периодот од 2014 до 2017 година не пријавил приход од 6 милиони евра. Обвинителот барал казна од четири години затвор, но со добри адвокати Вучиниќ сепак минал многу полесно од од очекувањата. Но затоа му се запленети дел од средствата кои ги имал во банките, а потоа и дел од недвижниот имот.Инаку Вучиниќ во Италија играше за Лече, за Рома и за Јувентус.

Младиот фудбалер на Јувентус ја дозна казната за нелегалното обложување

Бошко Тасиќ — Fri, 20 Oct 2023 04:00:14 +0000

Фудбалерот на Јувентус, Николо Фаџоли е суспендиран на 12 месеци, од кои пет ќе бидат отстранети на стартот доколку прифати одвикнување од обложување, соопшти Дисциплинската комисија на Италијанската фудбалска федерација (ФИГЦ). Како што соопштија од ФИГЦ, 22-годишниот фудбалер е суспендиран поради незаконско обложување. Се додава дека на играчот од средниот ред на Јувентус ќе му бидат укинати пет од неговата 12-месечна казна во замена за учество во план за лекување на неговата зависност од коцкање, како и учество на јавни состаноци за да зборува за неговата зависност од обложување и други видови на коцки. Покрај дисквалификацијата, која ќе го оддалечи од терените седум месеци, односно до крајот на актуелната сезона, играчот од средниот ред на Јувентус е казнет и со 12.500 евра.

Душан Влаховиќ ќе потпише нов договор со Јувентус

Бошко Тасиќ — Sat, 14 Oct 2023 06:53:47 +0000

Српскиот фудбалски реепрезентативец Душан Влаховиќ е блиску до потпишување на нов договор со Јувентус, објавија италијанските медиуми. Како што пишува „Газета дело Спорт“, челниците на Јувентус смислиле план за намалување на платата на поранешниот центарфор на Фиорентина и Партизан. Напаѓачот на Јувентус моментално заработува седум милиони нето по сезона, па клупските челници Кристијано Џунтоли и Џовани Мана би сакале да му ја намалат главнината и на тој начин да му оневозможат да дојде до максималните 12,5 милиони.

Јувентус е подготвен да го позајми Санчо во јануари

Ивона Петрова — Sun, 08 Oct 2023 14:34:54 +0000

Играчот од средниот ред на Манчестер јунајтед, Џејдон Санчо може да ја продолжи кариерата во Италија. Според „The Sun“, Јувентус сериозно е заинтересиран за 23-годишниот Англичанец. Торинскиот клуб сака да го изнајми играчот во јануари и да го купи играчот на лето со потпишување на целосен договор. На 14 септември, Манчестер јунајтед објави суспензија на Санчо од тренинзите со главниот тим по конфликтот со тренерот Ерик тен Хаг. Беше објавено дека тренерот е подготвен да го врати играчот во тимот само доколку Санчо му се извини нему и на тимот, но 23-годишниот Англичанец ја одбива оваа опција и покрај барањата на соиграчите.

Повторно падна на допинг: На Погба му се заканува суспензија до четири години

Ивона Петрова — Fri, 06 Oct 2023 19:15:27 +0000

Откако допинг тестот на Пол Погба на 20 август беше позитивен, исто така, и Б примерокот покажа дека францускиот репрезентативец и фудбалер на Јувентус користел недозволени средства. Италијанските медиуми јавија вечерва дека е потврдено зголемено ниво на тестостерон во крвта, како што покажа и првото тестирање. Погба беше тестиран на крајот од август по натпреварот меѓу Удинезе и Јувентус кој францускиот фудбалер го проследи од клупата за резерви од почеток до крај. Зголеменото ниво на тестостерон може да се поврзе и со одреден медицински проблем, но доколку се докаже дека користел лекови за подобрување на своите перформанси на Погба му се заканува суспензија во траење до четири години. Од неговиот адвокатски тим порачаа дека Погба „никогаш не сакал да ги прекрши правилата“.

Шчесни: Јувентус не ја повтори истата грешка

Бошко Тасиќ — Mon, 02 Oct 2023 04:02:32 +0000

Јувентус не можеше да смета на неколку значајни играчи за денешното гостување кај Аталанта, но и без нив успеа да остане непоразен во Бергамо. Избраниците на Алегри не тргнаа отворено да се надигруваат со домаќините кои севкупно гледано беа поопасни, поконкретни, ама Војчех Шчесни беше на висина на задачата.

-Не знам како успеав да го одбранам, ама исто не знам како го примив и оној гол против Сасуоло. Беше важна одбрана, ми беше потребна по мечот против Сасуоло, -истакна Шчесни кој смета дека Јувентус не ја повторил истата грешка.

Пиоли: Јувентус е фаворит за освојување на Скудетото

Бошко Тасиќ — Sat, 30 Sep 2023 04:02:16 +0000

Тренерот на фудбалскиот клуб Милан Стефано Пиоли го смета Јувентус за фаворит во трката за титулата во Серија А. Во калчо лигата веќе се одиграни шест кола по кои лидери се миланските ривали Интер и Милан со по 15 бода по што следи „старата дама“ со 13 поени. -Првенството? Според мене четири екипи ќе се борат за титулата, а фаворит е Јувентус. Зошто? Затоа што немаат европски обврски, -истакна Пиоли кој го подготвува својот тим за соочувањето со Лацио. -Моменталната ситуација на табелата не значи ништо, важно е само како ќе се подготвиме за натпреварот и каков ќе биде нашиот пристап. Задоволен сум од тоа како изгледавме на последните два натпревари, -порача стратегот.

Алегри: Медиумите го претворија Јувентус од ривал на Интер за Скудетото во губитник

Ивона Петрова — Wed, 27 Sep 2023 08:22:24 +0000

Тренерот на Јувентус, Масимилијано Алегри побара покоректен однос од медиумите кон неговиот тим кои изминатиот период често го критикуваа. - Во последните неколку дена од ривали на Интер за Скудето преминавме во аутсајдери, така што треба малку да се избалансира начинот на кој се зборува за нас. Не сакам да кријам дека Интер, Милан и Наполи имаат повеќе ресурси од нас за да ја освојат титулата. Имаме многу играчи без големо искуство, но тие можат да растат. Потребно е трпение и време за да се разберат грешките и да се учи од нив, рече Алегри. Јувентус синоќа го победи Лече со 1:0 во натпреварот од 6. коло на Серија А. - Беше важно да се победи, особено по хаотичниот пораз од Сасуоло со 2:4. Бевмесигурни против Лече и не дозволивме да бидеме изненадени, изјави, изјави Алегри за „Football Italia“. Јувентус е на второто место во Серија А. Во следното коло торинскиот тим на 1 октомври гостува кај Аталанта.

Пораз на Јувентус кај Сасуоло (ВИДЕО)

Ристе Здравков — Sat, 23 Sep 2023 18:23:21 +0000

Сасуоло создаде повеќе шанси, можеше и со уште повисока разлика да победи. Јувентус имаше само два шута во рамките од голот на домаќините. Резултатот го отвори Лауриенте во 12. минута кој донесе водство за Сасуоло по еден голем кикс на Шчесни. Јувентус во 21. минута изедначи со автогол на Виња, но пред крајот на првиот гол Берарди ја врати предноста на Сасуоло. Во 78. минута Киеза постигна гол за 2-2, тоа беше првиот шут во рамките од голот на Јувентус на натпреварот. Но само четири минути подоцна Пинамонти ја врати предноста на Сасуоло, сега на 3-2. Во судиското продолжение Гати си постигна неверојатен автогол за конечна победа на Сасуоло од 4-2.