јужен судан – Kurir.mk

Најмладата држава на свет обезбеди место на Светското првенство во кошарка

Бошко Тасиќ — Sun, 26 Feb 2023 07:29:02 +0000

Кошаркарската репрезентација на Јужен Судан испиша историја откако успеа да се пласира на Светското првенство во кошарка. Јужен Судан стана независна држава во 2011 година и важи за најмлада држава во светот, а ова беа нивни први квалификации за едно првенство и веднаш успеаа да изборат место меѓу најдобрите на планетата. Селекцијата на Јужен Судан е предводена од некогашниот НБА кошаркар Ројал Ајви, во решавачкиот меч славеше над Сенегал со 83:75, а херој на победничкиот тим беше поранешниот играч на МЗТ Скопје Аеродром, Нуни Омот. Кошаркарот кој игра на позиција ниско крило успеа да постигне 26 поени и беше вистински лидер до историскиот успех на Јужен Судан, кој претпладнево го победи и ДР Конго убедливо со 82:61, па по 11 кола има биланс од 10 победи и само еден пораз. Светското првенство во кошарка ќе се игра следното лето во Јапонија, Индонезија и Филипини. Од Африка сигурен патник освен Јужен Судан се селекциите на Брегот на Слоновата Коска и Египет.

Околу 1,4 милиони деца под петгодишна возраст од Јужен Судан страдаат од неухранетост

Ивона Петрова — Fri, 14 Oct 2022 05:58:08 +0000

Во Јужен Судан, земја која се бори со тешка криза со глад поради честите поплави и вооружените конфликти, околу 1,4 милиона деца, на возраст под пет години, страдаат од неухранетост, предупреди денеска невладината организација „Спасете ги децата“(Save the Children). Најмладата земја во светот, жртва на политичко-етничко насилство и хронична нестабилност од нејзината независност од Судан во 2011 година, четврта година по ред е опустошена од поплавите, кои и годинава зафатија девет од десет нејзини региони. Податоците на ОН покажуваат дека 8,9 милиони жители или 71 отсто од населението имаат потреба од хуманитарна помош. „Меѓу нив има 1,4 милиона деца, на возраст под пет години, кои страдаат од неухранетост“, се наведува во соопштението на невладината организација. „Ситуацијата се влоши во последните месеци бидејќи повеќе од 615.000 лица четврта година по ред се погодени од невидена поплава која уништи куќи и посеви и предизвика зголемување на случаите на маларија и каснување од змии, особено кај жените и децата “, наведуваат од организацијата „Спасете ги деацата“ . Националната валута на оваа источно-африканска земја годинава загуби 40 отсто од вредноста, што доведе до зголемување на цените на увозните производи, на што влијае и војната во Украина, посочува истиот извор. -Јужен Судан е меѓу петте земји во светот што се најранливи на климатските промени, изјави Џиб Рабилтосапорн, директор на организацијата „Спасете ги децата“ за Јужен Судан.

ЕУ бара од властите во Јужен Судан да спроведат истрага за убивањето цивили

Тале Кристо — Thu, 22 Sep 2022 15:50:53 +0000

Европската унија се осврна на извештајот на мисијата на Обединетите Нации за насилството во Јужен Судан и побара итна и ефикасна истрага за насилството и убиствата, јави дописничката на МИА од Брисел. Извештајот на заедничките тимови на Мисијата на ОН за Јужен Судан и Канцеларијата за човекови права се однесува на нападите врз цивили во јужната држава во Јужен Судан позната како “Unity State„. Европската унија изрази длабока загриженост за непрекинатото насилство, вклучително и во овој дел на Јужен Суден и постојаното убивање на хуманитарните работници во земјата. Според извештајот, во периодот меѓу февруари и мај оваа година се случиле систематски напади врз цивили, убиства, сексуално злоставување и употреба на силувањето како воено оружје. Се проценува дека се убиени над 170 цивили, а 44 илјади лица се раселени. ЕУ вели дека извештајот ги означува одговорните за насилството и потенцира дека не смее да останат неказнети. -Ги повикуваме властите да спроведат независни и непристрасни истраги за сите наводи за нарушување на човековите права, злоставувања и прекршувања на меѓународното хуманитарно право, бара Европската унија.

Мистериозна болест однесе 89 животи во само една земја: Испратен е тим за итни случаи

Магдалена Андонова — Tue, 14 Dec 2021 13:00:16 +0000

Работна група на СЗО во Јужен Судан истражува мистериозна болест од која починаа 89 луѓе. Минатата недела Министерството за здравство извести дека од непозната болест починале десетици луѓе во областа, која е една од најтешко погодените од неодамнешните поплави. Локалниот здравствен службеник изјави дека првиоте примероци собрани на тоа подрачје дале негативни резултати на тестовите на колера. - Одлучивме да испратиме тим за брза реакција да одат и да извршат проценка на ризикот и истрагата. Тогаш ќе се соберат примероци од заболени луѓе, но добивме бројка дека има 89 смртни случаи, рекла Шејла Баја за Би-Би-Си. Таа додаде дека до областа Фангака не може да се стигне по копно поради поплавата и дека тимот чека хеликоптер за да ги врати во главниот град. Во пограничната провинција Унити, силните поплави предизвикаа ширење на болести како маларија и доведоа до неухранетост на децата поради недостиг на храна. Поплавите на северот на Јужен Судан целосно ги отсекоа овие делови, кои поради тоа немаа пристап до залихите на храна и други производи неопходни за живот. Повеќе од 700.000 луѓе се погодени од најлошите поплави во земјтата во последните 60 години, објави агенцијата УН за УНХЦР, обвинувајќи ги климатските промени за таквата ситуација.

ФОТО: Се урна авион по полетувањето од аеродром во Јужен Судан

Ивона Петрова — Sat, 22 Aug 2020 11:17:40 +0000

Товарен авион се урна кратко време по полетувањето од аеродромот во Џуба, главниот град на Јужен Судан. Официјални лица стравуваат дека во несреќата загинале 17 лица. Кур Куол, директор на меѓународниот аеродром „Џуба“, за Анадолија изјави дека во авионот, што и припаѓал на компанијата „South West Aviation“, а требало да лета кон северната држава Бахр ел Газал, имало осум лица. -Осум лица беа во авионот и се уште немам детали за бројот на загинати во несреќата, рече Куол. Очевидци за Анадолија изјавиле дека едно повредено лице било пренесено во болница и дека виделе шест тела на земјата.

Најмалку 43 убиени во судири во Јужен Судан

Тале Кристо — Sat, 04 Jul 2020 18:37:56 +0000

Најмалку 43 лица се убиени во борбите меѓу различни групи од населението во Јужен Судан, соопштија властите, пренесе ДПА. -Членови на групата Мурле денеска нападнаа село во државата Џонглеј, изјави локалниот претставник Дејвид Манок. Во вториот напад има четири жртви. Покрај тоа, украдени се и десетици говеда. Ваквите судири се честа појава во оваа источноафриканска земја, а често пати се случуваат за земјиште и добиток. По неколку децении конфликти во Јужен Судан, многу луѓе се вооружени. ОН неодамна предупреди дека ваквите борби можат да го уништат мировниот договор меѓу страните во граѓанската војна. Граѓанската војна што избувна во 2013 година, официјално заврши со мировен договор во 2018 година, но преодната влада формирана во февруари од претседателот Салва Киир и лидерот на бунтовниците Ријек Мачар е кревка.

На 5,5 милиони жители на Јужен Судан им се заканува глад

Тале Кристо — Thu, 12 Dec 2019 19:26:28 +0000

Сушата и поплавите во Јужен Судан ги уништија земјоделските култури и добитокот предизвикувајќи „интензивна политичка нестабилност“ и закана од глад за околу 5,5 милиони жители, соопшти денеска Светската програма за храна на Обединети нации (WFP). Програмата предупредува дека итно се потребни 270 милиони американски долари за да се обезбеди храна да се спречи глад во првата половна на 2020 година во најмладата земја во светот, Јужен Судан. – Директорот на светската програма за храна во Јужен Судан, Метју Холингворт истакна дека ако веднаш не се достави до погодените подрачја од поплавите тогаш жителите на Јужен Судан и во следната година ќе се соочат со глад. Прогласена е вонредна состојба во неколку области по неколкумесечни поплави, се вели во соопштението на светската програма за храна. Поради поплавите изгубени се 73.000 тони сирак(фуражно растение), просо и пченка како и илјадници глави говеда. Според Холингворт стапката на акутна неухранетост кај деца помлади од пет години годинава изнесува 16 отсто, додека минатата година беше помала за три проценти. Покрај гладтта жителите на Јужен Судан се соочуваат и со болести пред се колерата што се пренесува преку нечиста вода. Јужен Судан, кој е богат со нафта, стекна независност од Судан во 2011 година по еднодецениската војна при што загинаа околу 400.000 луѓе, а милиони беа раселени. Во 2013 година во земјата изби граѓанска војна, а меѓу племенските борби се и понатаму присутни.

Авион се урна во езеро во Јужен Судан, 21 лице загина

Ивона Петрова — Sun, 09 Sep 2018 12:42:00 +0000

Преполн авион на компанијата „Бејби ер“ се урна во езеро во Јужен Судан, при што загинаа 21 лице, а тројца ја преживеаја несреќата, меѓу кои и едно шест годишно дете. Портпаролот на градските власти во Јирол, Табан Абел Агуек изјави дека во авионот, кој летал кон главниот град Џуба, имало место за 19 луѓе, а истражните органи ја утврдуваат причината за уривањето на леталото. Покрај детето, несреќата ја преживеале и еден возрасен маж и италијански лекар вработен во хуманитарна организација, кој е опериран и се наоѓа во критична состојба. - Насекаде има тела на загинати, истакна Агуек. Градот Јирол се наоѓа во централниот дел на оваа источноафриканска држава. МИА

Ужасна судбина: Деца се продаваат во замена за крави

Ивана Ефремовски — Sun, 04 Feb 2018 11:36:50 +0000

Во Јужен Судан дете, без оглед на возраста, се продава за 20 крави, односно за околу седум илјади долари. Киднапирањето на деца се зачести за време на петгодишната граѓанска војна во Јужен Судан, а луѓето се обидуваат да најдат начин за да преживеат. За време на посетата на едно од последните упоришта на опозицијата, американски репортер, разговарал со таткото чии деца се киднапирани. Таткото стравува дека две негови деца се продадени за крави, а дека најмалото не е живо.