јужна америка – Kurir.mk

Рохас и Меси спортисти на годината во Јужна Америка

Дарко Андоновски — Fri, 31 Dec 2021 13:12:47 +0000

Венецуелската атлетичарка во трискок Јулимар Рохас и аргентинскиот фудбалер Лионел Меси се најдобри спортисти во Јужна Америка за 2021 година, одлучи во својот избор Меѓународното здружение на спортски новинари (AIPS). Рохас (26) го освои златниот медал на Олимписките игри во Токио, а со скокот од 15,67 метри воедно го собори и 26 години стариот рекорд што во дисциплината трискок го држеше Инеса Кравец (15,50). Најдобриот спортист на јужноамериканскиот континет за 2021 година Меси, првпат во кариерата освои голем трофеј со аргентинската репрезентација, која беше најдобра на Копа Америка, и тоа првпат по 1993 година. Аргентина во финалето на „Маракана“ во Рио де Женеиро го совлада Бразил со 1:0.

Во Јужна Америка од Ковид-19 починаа над 1,5 милиони луѓе

Дарко Андоновски — Sat, 09 Oct 2021 07:48:57 +0000

Според официјалните бројки, бројот на смртни случаи од пандемијата со Ковид-19 во Јужна Америка и Карибите надмина 1,5 милиони луѓе. Само во Бразил животот го загубија повеќе од 600.000 луѓе. По Бразил, Мексико (281.121), Перу (199.581), Колумбија (126.552) и Аргентина (115.444) имаат најголем број смртни случаи. Со 605 смртни случаи од Ковид-19 на 100.000 жители, Перу е државата со највисока стапка на смртност на потконтинентот. Пандемијата уби најмалку 4,83 милиони луѓе ширум светот од крајот на декември 2019 година. На светско ниво, 422.400 контаминации се регистрирани дневно оваа недела, или седум отсто помалку од претходната недела. Во Јуна Америка и Карибите, бројот на нови случаи на заразени со Ковид-19 се намали за 15 отсто во споредба со претходната недела.

ЦИРКУС ВО БРАЗИЛ: Полицијата го прекина мечот помеѓу Бразил и Аргентина (ВИДЕО)

Бошко Тасиќ — Sun, 05 Sep 2021 19:47:52 +0000

Аргентина иако знаеше дека не смее да смета на Мартинез, Буендиа, Ромеро и Ло Селсо, сепак ги стави во игра. Овие четворица фудбалери требаше да бидат во карантин. Натпреварот почна, се играа десетина минути кога на теренот влезе еден човек кој веројатно беше од здравствените власти во Бразил, по што мечот се прекина. Настана мешаница, се објаснуваа сите крај аут линијата, но се уште нема разрешница на ситуацијата, дали мечот ќе продолжи ли и конечно ќе биде прекинат. Чудна ситуација, нејасно е и како воопшто фудбалерите влегле во Бразил кога требало да бидат во карантин. https://twitter.com/i/status/1434596125525397505

СЗО: Да се одложат масовните, празнични собири низ Јужна и Северна Америка

Магдалена Андонова — Wed, 25 Nov 2020 18:52:43 +0000

Регионалната канцеларија на Светската здравствена организација (СЗО) за Северна и Јужна Америка издаде препорака за одложување на масовни, празнични собири за време на Божиќните празници, бидејќи се зголемува бројот на новоинфицирани со коронавирусот. Помошникот директор на Панамериканската здравствена организација Харбас Барбоза, исто така, апелираше верските собири да се организираат или на отворено или со ограничен број присутни верници. Во Јужна и Северна Америка во изминатите седум дена се регистрирани повеќе од 1,5 милиони случаи на Ковид-19, што е најголем неделен број на новоинфицирани од почетокот на пандемијата, соопшти денеска организацијата. (МИА)

Аргентина и Мексико ќе произведуваат и дистрибуираат во Јужна Америка идна вакцина против Ковид-19

Ивона Петрова — Thu, 13 Aug 2020 06:36:30 +0000

Аргентина и Мексико ќе произведуваат и дистрибуираат во Јужна Америка, освен во Бразил, идна вакцина против коронавирусот на лабораторијата АстраЗенека и Универзитетот Оксфорф, изјави аргентинскиот претседател Алберто Фернандес. – Лабораторијата на АстраЗенека има потпишано договор со Фондацијата Слим за производство на меѓу 150 и 250 милиони вакцини со цела Јужна Америка, освен Бразил, и ќе биде достапна во првите шест месеци од 2021 година и рамномерно распоредена во земјите што го бараат тоа, нагласи Фернандес. Според него, Аргентина и Мексико го преземаат јужноамериканското производство на вакцина против коронавирусот, што ќе овозможи побрз и поефикасен пристап за целиот регион. Јужна Америка и Карибите се најпогодени од вирусот. Во таа област починаа 225.596 лица, додека пет милиони и 720.309 лица се заразени. Од друга страна, бразилската федерална држава Парана одлучи да ја тестира и произведе новата руска вакцина, која неодамна ја објави рускиот претседател Владимир Путин.

УНИЦЕФ: Децата во Јужна Америка под ризик и од урагани

Ивона Петрова — Tue, 04 Aug 2020 05:32:57 +0000

Голем дел од 70 милиони деца погодени во Јужна Америка од пандемијата Ковид-19, особено во Централна Америка и Карибите, се изложени на ризик од тековната сезона на урагани, предупреди УНИЦЕФ. Во наредните недели, децата и нивните семејства ќе бидат погодени од две катастрофи во исто време. Бидејќи Националната администрација за океани и атмосфера предвидува дека ќе има 60 проценти шанси за екстремна активност оваа година со урагани, УНИЦЕФ нагласува дека пандемијата веќе ги засилува националните и локални здравствени системи кои нема да издржат уништувачки урагани. Според УНИЦЕФ, има околу 43 милиони луѓе во 29 мали островски земји во развој (СИДС) на Карибите, а од нив 12,6 милиони се малолетни. Во шериодот 2010-2019 година, бурите насилно раселиле 895.000 деца на Карибите и 297.000 во Централна Америка. Во тој поглед, ОН ги повикаа владите да ги подготват и прилагодат своите стратегии за катастрофи со реалноста на пандемијата Ковид-19, имајќи предвид дека присилното раселување и сиромаштијата придонесат за ширење на болеста.

Јужна Америка е на второ место по бројот на смртни случаи од последици од Ковид-19

Тале Кристо — Mon, 13 Jul 2020 13:08:52 +0000

Јужна Америка и Карибите од денеска се втор најпогоден регион во светот по смртни случаи од последици на новиот коронавирус, со над 144.000 починати лица. Со 144.758 починати од последици од Ковид-19, Јужна Америка и Карибите ги надминаа смртните случаи во САД и во Канада, и регионот се наоѓа зад Европа, каде починаа 202.505 луѓе. Дел од експертите истакнуваат дека најверојатно бројот на смртни случаи во Јужна Америка е многу поголем од официјалните бројки. Бразил е најпогодена држава, во која починале 72.100 луѓе односно речиси половината од смртните случаи во Јужна Америка. По Бразил следи Мексико со 35.006 починати, потоа Перу – 11.870 и Чиле – 6.979 смртни случаи. Со повеќе од 3.370.000 починати, Јужна Америка е на второ место и по бројот на инфицирани е на второ место, зад САД и Канада. (МИА)

Над 100 илјади смртни случаи од Ковид-19 во Јужна Америка

Ивона Петрова — Wed, 24 Jun 2020 05:27:44 +0000

Повеќе од 100.000 луѓе починале во Јужна Америка и Карибите откако биле заразени со новиот коронавирус, јавија западни медиуми повикувајќи се на официјални податоци. Повеќе од 2,1 милиони луѓе се заразени во регионот од почетокот на пандемијата. Најпогодени земји се Бразил, Мексико, Перу и Чиле. Во Бразил има 1.145.906 заразени и 52.645 смртни случаи. Мексико регистрирал 191.410 случаи на инфекција, од кои 23.377 биле фатални.

СЗО: Забрзано зголемување на заразени во Северна и Јужна Америка

Ивона Петрова — Tue, 02 Jun 2020 05:20:03 +0000

Северна и Јужна Америка бележат забрзано зголемување на бројот на заразени со коронавирусот, предупреди Светската здравствена организација (СЗО). Извршниот директор на програмата за вонредни случаи на СЗО, Мајк Рајан рече дека Централна и Јужна Америка станале „интензивни зони на пренесување“ на вирусот. Тој додаде дека не верува дека е достигнат врвот во трансмисијата и истакна дека во моментот не може да предвиди кога ќе достигне тој врв. – Пет од 10-те земји низ целиот свет кои пријавиле најголем број нови случаи во последните 24 часа се во Америка: Бразил, САД, Перу, Чиле и Мексико, рече Рајан. Тој потсети дека „пред многу недели“ светот беше фокусиран на Јужна Азија и Африка како потенцијално жариште на вирусот, пренесува Си-Ен-Ен. Рајан рече дека сега, до одреден степен, ситуацијата во тие области е сè уште тешка, но стабилна. – Од друга страна, јасно е дека ситуацијата во многу земји од Јужна Америка е далеку од стабилна. Има рапидно зголемување на бројот на случаи и овие системи се под зголемен притисок, истакна Рајан.

Во Јужна Америка повеќе од 100.000 луѓе заразени со Ковид-19

Дарко Андоновски — Mon, 20 Apr 2020 12:45:46 +0000

Во Јужна Америка од почетокот на епидемијата со новиот коронавирус инфицирани се 109.000 луѓе, од кои 4.900 починале, се наведува во официјалните податоци за континентот. Најголем број на инфицирани и починати има во Бразил, каде 38.654 се заразени со Ковид-19, од кои 2.462 починале. Во Перу инфицирани се 15.628 лица, од кои 400 починале, додека во Чиле се регистрирани 10.088 лица позитивни на Ковид-19 и 133 смртни случаи. Мексико, која е втора најнаселена држава во Јужна Америка, регистрирани се 8.261 пациенти, од кои 686 починале. Во Еквадор регистрирани се 9.468 луѓе заразени со новиот коронавирус, од кои 474 починале.