к-15 – Kurir.mk

Вработените во ЈП „Градски паркинг“ добија К-15

Ивона Петрова — Fri, 23 Dec 2022 15:09:37 +0000

Од ЈП „Градски паркинг“ информираат дека по направената анализа на финансиските резултати постигнати во последните два месеци се покрена иницијатива за исплата на регрес за годишен одмор на вработените. -Пред се’ позитивниот и значително зголемен раст на финансиските приходи во сите сектори на претпријатието, се должи на исклучителниот и максимален вложен труд на сите вработени. По презентирањето на овој финансискиот раст пред Синдикатот, Надзорниот одбор и Управниот одбор, усогласено беше донесена одлука за исплата на регрес за годишен одмор за 2022 година во износ од по 12.000 денари, се наведува во соопштението. Исплатата на регресот за годишен одмор е значајна поддршка во време на економска криза, со што ќе им олесни на вработените во справувањето со зголемувањето на цените за живот, велат од градското претпријатие.

Христовски: ПРВПАТ по 14 години, сите вработени во ЈП Градски Паркинг ќе добијат К-15

Ивана Ефремовски — Thu, 22 Dec 2022 16:27:24 +0000

По 12000 денари К-15 ќе добијат сите вработени во ЈП Градски Паркинг. -На иницијатива на Управниот одбор на ЈП Градски Паркинг - Скопје, поддржано од Надзорниот одбор на претпријатието, денес Управниот одбор донесе одлука за исплата на К-15 на сите вработени. По спроведување на одлуката од страна на претпријатието, вработените, за прв пат после 14 години ќе го добијат своето право за регрес за годишен одмор, односно ќе им бидат исплатени по 12000 денари на нивните сметки. Честитки за одлуката, истакна поранешниот в.д. директор на Градски паркинг, Бојан Христовски.

ОСТАНУВА УШТЕ МАЛКУ ВРЕМЕ: Еве колку пари од К-15 треба да ви легнат на сметката до крајот на годината

Дарко Андоновски — Tue, 06 Dec 2022 14:40:54 +0000

Работникот има право на регрес за годишен одмор во висина од најмалку 40 проценти од просечната месечна нето-плата по работник во Македонија исплатена во последните три месеци. По најмалку 12.740 денари треба да легнат на сметката на секој вработен во приватниот сектор за регрес за годишен одмор. Крајниот рок за овогодишниот регрес е 31 декември 2022 година.

Остана уште еден месец – еве колку пари од К-15 треба да ви легнат на сметката до крајот на годината

Дарко Андоновски — Wed, 09 Nov 2022 21:00:50 +0000

Во буџетот за идната година не се планирани пари за К-15 за јавниот сектор

Ивона Петрова — Wed, 15 Dec 2021 11:36:52 +0000

Министерот за финансии Фатмир Бесими денеска изјави дека во Предлог-буџетот за 2022 година не се планирани средства за исплата на К-15 во јавниот сектор. – За 2022 година нема дополнително предвидено пари за исплата на К-15 во јавниот сектор, истакна Бесими, прашан дали има предвидено пари во Предлог-буџетот за регрес за годишен одмор за вработените во јавниот сектор. Во неделата, Сојузот на синдикати на Македонија одржа протест, изразувајќи незадоволство од неизгласувањето на законот за прогласување на недела за неработен ден и барајќи зголемување на минималната плата на 18.000 денари и спирално зголемување на сите останати плати. Дел од барањата на синдикатот беа и враќање на правото за регрес на годишен одмор за сите работници во Општиот колективен договор за јавен сектор и пензионирање по неколку основи.

Земавте ли К-15? Последен рок за исплата е 31 декември

Катерина Бојаџиева — Sat, 04 Dec 2021 21:14:16 +0000

Вработените во приватниот сектор, до крајот на годинава треба да добијат регрес за годишен одмор попознат како К-15. Регресот за годишен одмор годинава е во минимален износ од 11.457 денари. Пресметката за износот на К-15 е утврдена на 40 отсто од износот на просечната нето плата во последните три месеци или 40 отсто од износот на просечната бруто плата во последните три месеци. Услов кој треба да се исполни за регресот за годишен одмор е работникот да работел најмалку 6 месеци во календарската година кај ист работодавач, а право на регрес секој работник има еднаш во годината. За работодавците кои нема да дадат К-15 или пак ќе го побараат назад од вработените, казната е до 4.000 евра.

ССМ: Работодавците да исплатат регрес за годишен одмор

Ивона Петрова — Tue, 07 Sep 2021 11:06:42 +0000

Регресот за годишен одмор е право воспоставено по пат на дијалог помеѓу претставниците на работниците во конкретниот случај Сојузот на синдикатите на Македонија и од претставниците на работодавците – ОРМ и со оглед на тоа што се работи за право уредено спогодбено со потпишување на колективен договор, очекувано е работодавците целосно да ја исполнат обврската која доброволно ја презеле, информира ССМ. – Согласно член 35 од ОКД за приватниот сектор од областа на стопанството регресот за годишен одмор се исплаќа во висина од најмалку 40 проценти од основицата, под услов работникот да работел најмалку шест месеци во календарската година кај ист работодавец, се вели во соопштението. Од Сојузот на синдикати потсетуваат дека основицата за пресметување на надоместоците на работниците претставува просечната месечна нето-плата по работник во Република Македонија исплатена во последните три месеци. – Со колективен договор на ниво на дејност или колективен договор на ниво на работодавец може да се утврди регрес за годишен одмор во поголем износ од износот утврден со овој колективен договор. Регресот за годишен одмор се исплатува еднаш во текот на годината, а износот се утврдува според основицата која важи на денот на донесувањето на одлуката за исплата, велат од ССМ. Сојузот на синдикати апелира до работодавците во јавниот и приватен сектор каде што ова работничко право е уредено со колективен договор да го исполнат во најскоро време, имајќи предвид дека нема никакви законски ограничувања и истото претставува уредено право согласно со Закон и Колективен договор и претставува редовна исплата. – На работниците на кои нема да им биде исплатен регресот за годишен одмор им укажуваме дека можат да побараат интервенција преку новата мобилна апликација ССМ – мои работнички права за да можеме да интервенираме до Државниот инспекторат за труд, или пак да започнат судска постапка за заштита на своите права, додаваат од ССМ. Потсетуваат дека за неодговорните работодавци кои не исплаќаат регрес за годишен одмор или бараат од работниците да ги вратат исплатените средства по овој основ, Кривичниот закон предвидува затворската казна до една година. Оваа законска обврска, од ССМ велат дека дополнително придонесува за заштита и остварување на ова уставно и законско право на работниците според Закон за изменување и дополнување на Кривичниот законик, а за минатата година веќе се поднесени неколку кривични пријави од страна на ССМ.

АСМЛ: Наместо да се смислат решенија за одмор на медицинскиот персонал, ќе се наградат оние кои седеа дома

Ивона Петрова — Thu, 10 Jun 2021 12:00:41 +0000

Асоцијацијата на специјализанти и млади лекари реагира на информацијата за регресот за годишен одмор на администрацијата. -Наместо да се смислат решенија за одмор на медицинскиот персонал кој беше во први борбени редови цела година, ќе се наградат оние кои седеа дома. Не дека немаше такви и меѓу нашите колеги, ама приоритетот мора да се знае. Платете одмор на медицинските работници и останатите во здравството кои работеа со Ковид пациенти, порачаа од АСМЛ. Вработените во јавната администрација кои од лани во март до пред неколку недели не одеа на работа поради мерките за заштита од ковид-19, сепак ќе добијат регрес за годишен одмор, К-15. Премиерот Зоран Заев одговарајќи на новинарско прашање дали е соодветно да се дава К-15 на администрацијата што не одеше на работа, во време кога приватниот сектор се соочува со тешкотии во работењето и намалени плати, рече дека регресот мора и треба да се исплати оти тоа е предвидено со колективните договори од 2019. -Имаа разбирање за одлагање на ова мерка во 2020 бидејќи кога требаше да почне исплатата почна третиот бран на коронавирусот и беше несоодветно регресот да се исплати во време кога приватниот сектор оди со рационализација. Оваа година одлучивме да се исплати и треба да се исплати, сме го ветиле и не само што сме го ветиле потпишан е договор. Затоа се алоцирани дополнителни 230 милиони денари за оваа намена, рече Заев.

К-15 ќе добијат 27.000 административни работници – еве каде се вработени тие на кои им следува регрес за годишен одмор

Ивана Ефремовски — Wed, 09 Jun 2021 08:54:53 +0000

Информацијата за регресот за годишен одмор на администрацијата предизвика негодувања во јавноста и остра рекација од опозицијата. Претседателот на Синдикатот на УПОЗ, Пецо Грујовски, во изјава за „Слободен печат“ објаснува дека право на К-15 имаат 27.000 работници, а не цела админстрација. -Правото на регрес за годишен одмор произлегува од Гранскиот колективен договор за органите на државната управа, стручните служби на Владата, судовите, јавните обвинителства, казнено-поправните и воспитно-поправните установи, државното правобранителство, општините, Град Скопје, општините во Град Скопје, агенциите, фондовите и другите органи основани од Собранието. Овој договор е склучен пред да почне пандемијата и има сила на закон. Тоа значи дека доколку не се исплати регресот, работниците може да го бараат по судски пат и тоа да ја чини државата повеќе пари, вели Грујовски.

Вработените во јавна администрација кои не одеа на работа ќе добијат К-15

Ивана Ефремовски — Tue, 08 Jun 2021 16:44:01 +0000

Вработените во јавната администрација кои од лани во март до пред неколку недели не одеа на работа поради мерките за заштита од ковид-19, сепак ќе добијат регрес за годишен одмор, К-15. Премиерот Зоран Заев одговарајќи на новинарско прашање дали е соодветно да се дава К-15 на администрацијата што не одеше на работа, во време кога приватниот сектор се соочува со тешкотии во работењето и намалени плати, рече дека регресот мора и треба да се исплати оти тоа е предвидено со колективните договори од 2019. „Имаа разбирање за одлагање на ова мерка во 2020 бидејќи кога требаше да почне исплатата почна третиот бран на коронавирусот и беше несоодветно регресот да се исплати во време кога приватниот сектор оди со рационализација. Оваа година одлучивме да се исплати и треба да се исплати, сме го ветиле и не само што сме го ветиле потпишан е договор. Затоа се алоцирани дополнителни 230 милиони денари за оваа намена“, рече Заев.