К.К МЗТ Скопје Аеродром – Kurir.mk

МЗТ Скопје ќе биде две недели без Војдан Стојановски

Бошко Тасиќ — Thu, 02 Nov 2023 05:06:28 +0000

Македонскиот кошаркарски шампион МЗТ Скопје објави на социјалните мрежи дека еден од нивните најдобри кошаркари, Војдан Стојановски, ќе паузира две недели поради повредата со која се здоби на натпреварот против Еуро Никел. Стојановски доби исеченица на пресметката против Еуро Никел (71-61), па затоа извесен период ќе тренира со намалено темпо и без контакт додека не му ги извадат конците и не му зарасне повредата. МЗТ Скопје информира дека Стојановски нема да биде во тимот за дуелот против Охрид, кој е закажан за задутре од 17 часот, но ќе биде подготвен за вториот турнир во АБА2-лигата, закажан во Златибор од 13 до 19 ноември.

МЗТ Скопје Аеродром го освои „Кале“ и го совлада Работнички

Бошко Тасиќ — Sat, 21 Oct 2023 19:36:51 +0000

Првото големо „вечно дерби“ во новата сезона се играше во „Кале“, каде според праксата во последно време, натпреварот во еден момент беше и во прекин поради факелите и пиротехниката на трибините. Во веќе препознатливи елементи за најголемото македонско дерби, МЗТ Скопје сепак беше тој кој покажа поголем квалитет и демонстрираше сила на паркетот, каде успеа да го контролира резултатот во текот на целиот меч и на крајот заслужено стигна до победа. Работнички навистина парираше во првото полувреме и беше резултатски во игра се до третата четвртина, кога МЗТ покажа шампионски квалитет и направи двоцифрена предност со резултат 27:41. „Центарци“ од овој момент постојано играа под притисок и бркаат резултат, а тоа беше дополнителен проблем против тимот кој е повоигран и поискусен во овој момент. МЗТ лесно ја одржуваше двоцифрената предност до крајот на натпреварот и на крајот славеше со плус 14, а најзаслужни за победата беа Дамјан Стојановски со 17 и Танасковиќ со 16 поени. Декоски во Работнички имаше исто колку најдобриот поентер на МЗТ, а добар беше и Трис со 11 поени.

МЗТ Скопје ќе плати 16.000 денари за навредлив транспарент кон Перо Антиќ

Бошко Тасиќ — Sat, 14 Oct 2023 06:57:06 +0000

Македонскиот кошаркарски шампион МЗТ Скопје ќе мора да плати 16.000 денари како казна за транспарентот што навивачите на аеродромци го извадија на трибините за време на мечот со Гостивар, како навреда кон првиот човек на КФСМ, Перо Антиќ. „Во 1/4 четвртина бил истакнат транспарент од навивачката група на КК МЗТ Скопје А. во кој било напишано (гробарот на македонската кошарка и докажан циган, кариерата ја продолжува како турбо фолк хулиган), натпреварот бил прекинат и одкако се отстранил транспарентот натпреварот бил продолжен“, наведено е во делегатскиот записник од натпреварот.

Цедевита Јуниор до историски триумф против македонскиот шампион

Бошко Тасиќ — Wed, 11 Oct 2023 05:17:42 +0000

Македонскиот кошаркарски шампион МЗТ Скопје Аеродром загуби од дебитантот во АБА 2, Цедевита Јуниор со 79-92 и му овозможија на хрватскиот тим да ја запише својата прва победа во историјата на оваа лига. Македонскиот првак го диктираше темпото во првите осум минути, водеше и со 12-6, а последен пат беше во водство со 22-20. Цедевита Јуниор потоа направи серија од 10-0 за да го преземе водството кое не го испушти до крајот на мечот. На средина од втората четвртина првпат имаше двоцифрена разлика во своја корист (42-30), а на две минути пред крајот на полувремето, Хрватите поведоа со 55-34. Во натамошниот дел од мечот, МЗТ Скопје ниеднаш не ја симна негативата на едноцифрена вредност. Војдан Стојановски со 16 поени беше најефикасен во редовите на македонскиот шампион, Расел постигна 14, а Ворку 12. Шанса да го заборави овој меч, МЗТ Скопје ќе има в петок во првото македонско дерби оваа сезона во АБА 2 лигата, против Пелистер.

МЗТ Скопје го освои трофејот во Суперкупот за оваа година

Бошко Тасиќ — Sun, 24 Sep 2023 05:43:25 +0000

Кошаркарите на МЗТ Скопје го освоија првиот трофеј во новата сезона и тоа во рамките на Суперкупот каде го совладаа составот на Феникс 2010 со 76:54. Ова за популарните „штркови“ е шеста титула во ова натпреварување, а до истата стигнаа со подобра игра од противникот пред се во второто полувреме. Феникс беше рамноправен ривал во првите 20 минути, поточно избраниците на Атанасов имаа само минимална предност од 33-29. Во третиот период фаворитот дополнителни притисна и со 27-15 се стекна со двоцифрена позитива која беше недостижна за противникот. Војдан Стојановски со 13 поени беше прв стрелец кај победникот за кој Расел уфрли 12 кошеви со 3 скока. На другата страна најефикасен беше Шакур со 18 кошеви.

МЗТ Скопје доживеа пораз на вториот контролен натпревар

Бошко Тасиќ — Sat, 09 Sep 2023 05:16:49 +0000

Кошаркарите на МЗТ Скопје доживеаа уште еден пораз на подготвителните натпревари за новата сезона. Пред неколку дена подобар од македонскиот првак беше грчкиот тим Арис, додека пак денеска „штрковите“ беа надиграни од косовска Пеја со 109-94. Ова беше ефикасен меч кој МЗТ го загуби со лоша игра во вториот дел во кој прими дури 61 поен. Наредниот тест за клубот од Аеродром е против Гостивар на 14 септември.

МЗТ Скопје Аеродром закажа четири меѓународни и една домашна контрола

Бошко Тасиќ — Fri, 18 Aug 2023 04:06:33 +0000

Македонскиот кошаркарски шампион ја објави агендата на пријателски натпревари пред стартот на сезоната. МЗТ Скопје ќе одигра пет меча, од кои три со странски екипи и една со домашна.

„Во пресрет на официјалниот старт на подготовките за новата сезона закажан за следната недела, тренерот Васко Атанасов го дефинира распоредот на подготвителни натпревари преку кои плаво-белите момци ќе ја брусат формата за одбрана на двојната домашна круна за нападот на врвот од АБА2.

Договорени се пет пресметки, кои ги почнуваме со гостување кај традиционално силниот грчки тим Арис, а завршуваме со двомеч во „Јане Сандански“ против бугарски Рилски спортист. Помеѓу овие три средба ќе одиграме уште два натпревари исто така на домашен терен против косовскиот состав Пеја и нашиот Гостивар“, известија од таборот на МЗТ Скопје.

Работнички немоќен пред МЗТ во првиот меч од полуфиналната серија

Бошко Тасиќ — Sun, 14 May 2023 04:32:47 +0000

МЗТ Скопје ја задржа предноста од домашен терен и поведе со 1-0 во полуфиналната серија против Работнички откако славеше со 82-71 во СЦ „Јане Сандански“ . Со 14 поени и 11 скокови лидер на МЗТ Скопје беше Дамјан Стојановски, а него го следеа Кук и Вер со по 13 поени. Со 19 поени и 9 скокови Џелетовиќ беше прво име кај Работнички, а по 16 поени додадоа Нотиџ и Малешевиќ.