кабаст отпад – Kurir.mk

Од 2-ри октомври ќе се собира кабаст отпад во Кисела Вода

Ивана Ефремовски — Fri, 15 Sep 2023 13:40:26 +0000

Општина Кисела Вода продолжува со активности за заштита на животната средина и го повикува целокупното население да се приклучи на уште една значајна иницијатива.

-Во согласност со нашата визија за зачувување на животната средина и грижата за општествената заедница, од 02 октомври 2023 до 13 октомври 2023 година, ќе спроведеме нова акција за бесплатно собирање на кабаст отпад на оваа територија. Во рамките на сите месни и урбани заедници на општина Кисела Вода ќе бидат ангажирани одговорни лица и сезонски работници кои секојдневно бесплатно ќе го подигнуваат кабастиот отпад од пред домаќинствата или колективните згради на територија на општина Кисела Вода, информираат од општината.

За да се искористи оваа бесплатна услуга, потребно е да се закаже термин на телефонскиот број 02/2785-427 секој работен ден од 09:00 до 15:00 часот во период од 25.09.2023 до 29.09.2023.

-Граѓаните кои ќе сакаат да им биде подигнат кабастиот отпад треба да го одложат пред нивниот објект на безбедна локација со што не би ја загрозиле безбедноста на пешаците, велосипедистите и останатите учесници во сообраќајот кои ќе се движат во тој период. Потоа, нашиот тим за собирање на отпад ќе ги подигне предметите, во денот што е претходно договорен со службите и ќе го транспортира на локација предвидена за ова намена. Зачувувањето на природата и животната средина е наша заедничка обврска и одговорност. Затоа апелираме до сите граѓани да се приклучат на оваа акција. Поддршка и заедничката ангажираност се од суштинско значење за нашата заедница, велат од општината.

Општина Кисела Вода ќе го собира кабастиот отпад од домаќинствата

Магдалена Андонова — Fri, 09 Sep 2022 10:00:26 +0000

Општина Кисела Вода ја продолжува практиката за собирање на кабаст отпад по урбани и месни заедници на својата територија. Со оглед на фактот што дложување на кабастиот отпад на несоодветни локации претставува проблем за домаќинствата, oпштината информира дека во период од 19 септември 2022год до 30 септември 2022 година преку Секторот за месна самоуправа на Општина Кисела Вода, ќе бидат ангажирани одговорни лица и сезонски работници кои секојдневно ќе го собираат кабастиот отпад од пред домаќинствата или колективните згради на територија на општина Кисела Вода. Секој жител на општина Кисела Вода, една седмица претходно, во периодот од 12.09.2022 до 19.09.2022 година, ќе може да закаже термин за бесплатно подигнување на кабастот отпад, на телефонскиот број 02/2785-427, секој работен ден од 09:00 до 15:00 часот. Граѓаните кои ќе сакаат да им биде собран и одложен кабастиот отпад се должни истиот да го одложат пред нивниот објект на безбедна локација, со што не би ја загрозиле безбедноста на пешаците, велосипедистите и останатите учесници во сообраќајот кои ќе се движат во тој период. - Уште еднаш, сакаме да апелираме за одговорно однесување на секој поединец со кое се придонесува за зачувување на чистотата и животната средина, што е наша заедничка цел, посочуваат од општина Кисела Вода.

Расчистена дива депонија и одложени 20 кубни метри кабаст отпад во рамките на акцијата за генерално чистење на општина Чаир

Тале Кристо — Wed, 20 Apr 2022 09:28:17 +0000

Во текот на неделава во скопската општина Чаир секојдневно се одвиваат активности во рамките на акцијата за пролетно генерално чистење во организација на Градот Скопје и јавните градски претпријатија. Екипите на ЈП Комунална хигиена-Скопје во текот на акцијата отстранија 10 кубни метри отпад од дива депонија лоцирана на улицата Архиепископ Доситеј. ЈП Комунална хигиена-Скопје реализира и активности за рачно и машинско метење и миење на следните булевари и улици во оваа скопска општина: • Бул. Крсте Мисирков • Бул. Цветан Димов • Бул. Христијан Тодоровски-Карпош • Бул. Македонско-косовска бригада • Ул. Втора Македонска бригада • Ул. Кемал Сејфула Воедно, екипите на Претпријатието вршат миење и дезинфекција на контејнерите поставени на јавни површини вклучително со нивните микролокации. Од почетокот на акцијата во специјалните садови што ги постави ЈП Комунална хигиена-Скопје, жителите на општината Чаир одложиле приближно 20 кубни метри кабаст отпад, информираат од ЈП Комунална хигиена - Скопје.

До недела бесплатно подигнување на кабаст отпад во Кисела Вода, еве на кои локации може да го оставите

Ивона Петрова — Mon, 21 Mar 2022 10:15:44 +0000

Градот Скопје заедно со градските јавни претпријатија и во координација со Oпштина Кисела Вода денеска почнаа голема пролетна работна акција на подрачјето на општина Кисела Вода. Заеднички екипи до крајот на неделата спроведуваат активности за темелно чистење на булеварите и улиците, рачно и машинско миење на улиците, собирање на кабаст отпад, санирање на оштетувања на коловозите, поставување и обновување на сообраќајната сигнализација, садење нови садници и уредување на зеленилото, санации на пријавени дефекти и проблеми од страна на граѓаните, заловување на бездомни кучиња, каде по нивен хуман третман ќе биде овозможено да бидат вдомени, целосно чистење на атмосферските и фекалните линии, како и прочистување на дождовните сливници на булеварите и градските улици. Во рамките на оваа голема акција, ЈП „Комунална Хигиена” постави специјални садови за кабаст отпад на неколку локации, каде што граѓаните ќе можат да го остават, по што тој бесплатно ќе биде подигнат и транспортиран на соодветна локација од страна на ова градско претпријатие. Локациите на кои од денеска до недела може да се остава кабастиот отпад се следните: 1. УЗ Населба Драчево ул. “Бранко Заревски” бр.17, Парк на бранители; 2. УЗ Кисела Вода ул. “Христо Татарчев" (главна улица - наспроти ЈГД 8-ми Март); 3. УЗ Цветан Димов ул. “Георги Димитров” (заден влез на СГУ Васил Антевски-Дрен); 4. УЗ Црниче ул. “Наум Охридски” бб (пред УЗ Црниче); Во големата пролетна работна акција во Кисела Вода на терен координирано работат екипи на градските јавни претпријатија: Паркови и зеленило, Комунална хигиена, Водовод и канализација, Улици и патишта и Лајка. Пролетната акција во општина Кисела Вода ќе трае од 21-ви март и ќе трае се до 27-ми март, а потоа теренските екипи на Јавните претпријатија ќе продолжат со работа во наредната општина којашто е планирана, каде што ќе работат на точно утврдени локации по примерот на општина Кисела Вода.

Исчистена уште една дива депонија во Охрид, подигнати 44 кубни метри кабаст отпад

Ивона Петрова — Wed, 05 Jan 2022 12:28:59 +0000

Екипите на ЈП.„Охридски комуналец” по добиен налог од општинскиот инспекторат расчистија уште една дива депонија лоцирана во населба Даљан, во непосредна близина на крајбрежниот појас. Притоа се подигнати дури 44 метри кубни кабаст отпад, градежен шут, стари пневматици од возила и друго. По акцијата пристапниот пат е измиен со цистерна. За жал, локацијата често се злоупотребува од несовесни граѓани за ненаменско депонирање стара покуќнина и друг цврст отпад. „Охридски комуналец“ и овојпат апелира до граѓаните за сите потреби што ги имаат за депонирање кабаст и зелен отпад да се јават во комуналното претпријатие на дежурниот телефон што е достапен секој ден во неделата, од 7 до 21 часот.

Никнуваат депонии од кабаст отпад до контејнерите во Струмица

Дарко Андоновски — Wed, 29 Jul 2020 09:15:36 +0000

Секојдневно се појавуваат нови депонии од градежен шут, стар намештај и гранки од дрвја околу и во контејнерите кои се поставени низ градот, а тие служат исклучиво само за смет од домакинствата, реагираат од ЈПКД „Комуналец“ од Струмица. И покрај тоа што комуналците го собираат сметот два пати неделно низ четири реона низ градот и централното градско подрачје и низ три реони по населените места, а одржувањето на јавната чистота се врши со метење на улици низ градот со 9 екипи 6 дена во неделата, грдата слика од новите депонии е секојдневна. -Голем број несовесни граѓани со тоа ја загрозуват својата безбедност, безбедноста на пешаците и возилата и создаваат лоша слика за градот. Правилното депонирање на кабастиот отпад и градежниот шут има директно влијание во зачувувањето на урбаната животна средина од аспект на санитарно и еколошко значење, велат од струмичкото комунално претпријатие. Додаваат дека според Законот за јавна чистота не е дозволено граѓаните и правните субјекти да го оставаат во или околу контејнерите за комунален отпад. Затоа, апелираат до граѓаните ваквиот тип на отпад да го оставаат пред своите дворови и да се јават во Одделението „Комунална хигиена“ при ЈКПД „Комуналец“ за да може навремено да биде подигнат.

Акција за собирање на кабаст отпад во Општина Аеродром

Ивана Ефремовски — Fri, 19 Apr 2019 05:55:07 +0000

Од денеска до 24 април Општина Аеродром и ЈП „Комунална хигиена“ ќе реализираат акција за собирање кабаст отпад на повеќе локации низ општината. Под кабаст отпад се подразбира мебел и делови од мебел, бела техника, електрични апарати за домаќинство (шпорети, ладилници, машини за перење алишта и садови, бојлери и слични предмети), електронски апарати (компјутери, телевизори, музички системи и сл.), но не и градежен шут. Општина Аеродром ги повикува граѓаните да го остават кабастиот отпад пред своите домови доколку живеат во куќа, или до најблискиот контејнер, по што екипите ќе го соберат отпадот.

Ќе се собира кабаст отпад во Берово

Ивона Петрова — Mon, 15 Oct 2018 07:27:09 +0000

Соработка со Јавното претпријатие за комунални работи „Услуга”, во општина Берово ќе се собира кабастиот отпад во кој спаѓаат делови од мебел, душеци, теписи и слично. Како што истакна Зоран Аговски, директорот на препријатието, собирањето на кабастиот отпад и градежниот шут има директно влијание во зачувувањето на урбаната животна средина од аспект на санитарно и еколошко значење. - Граѓаните кои имаат потреба од отстранување на ваков отпад на ден 28 октомври треба да го изнесат пред своите домови со цел истиот да биде транспортиран на соодветно место, рече Аговски. Од локалната самоуправа додаваат дека кабастиот отпад не е комунален отпад и општината навреме ќе известува за спроведување на вакви акции за траснпортирање на истиот. Од ЈКПР „Услуга" информираат дека доколку во иднина се забележи фрлање на ваков отпад во контејнерите за комунален отпад, ќе следуваат санкции од страна на надлежните органи. МИА