кабинет – Kurir.mk

Кабинетот на претседателот ги почитува насоките на МВР, Пендаровски денеска ќе ги извршува редовните работни обврски

Ивона Петрова — Tue, 21 Feb 2023 08:58:45 +0000

Кабинетот на претседателот ги почитува насоките на Министерството за внатрешни работи и примената на стандардните протоколи во вакви прилики, велат од Кабинетот на шефот на државата во врска со денешната информација дека на електронските адреси на повеќе институции и објекти, меѓу кои и во вилата на претседателот изутринава се пристигнати закани за поставени експлозивни направи. -Во врска со вашите прашања потврдуваме дека утрово, на 21 февруари 2023 година од страна на Министерството за внатрешни работи бевме информирани дека има дојава за поставена бомба во местото на домување на претседателот. Кабинетот на претседателот ги почитува насоките на Министерството за внатрешни работи и примената на стандардните протоколи во вакви прилики, велат од Кабинетот. Нагласуваат дека претседателот Пендаровски денеска ќе ги извршува редовните работни обврски согласно планираната агенда на активности.

Најдено решение за исплата на јануарската плата во Кабинетот на претседателот, со покачување од 5 проценти за административните службеници

Тале Кристо — Wed, 15 Feb 2023 13:20:35 +0000

Најдено е решение помеѓу институциите Претседател на Република Северна Македонија и Министерството за финансии за исплата на плата за претседателот и вработените во Кабинетот на претседателот за месец јануари 2023 година. Како што соопштија од Кабинетот на претседателот, платата ќе биде исплатена во наредните денови, во согласност со Колективниот договор и утврденото покачување од 5 проценти за административните службеници во Кабинетот. - Постигнатото решение предвидува внатрешна прераспределба на средства во рамките на постоечкиот и одобрен буџет за 2023 година за Кабинетот. Со ова решение целосно се почитува Колективниот договор, а уште еднаш повторуваме дека претседателот, именуваните лица и посебните советници не добиваат покачување на плати, се појаснува во соопштението од Кабинетот на претседателот на државата.

Ковачевски за платите кај Пендаровски: Претседателот е посебна институција, ќе седнат со МФ и ќе најдат решение

Ивона Петрова — Fri, 03 Feb 2023 13:28:11 +0000

Претседателот е посебна институција, не знам каков колективен договор има. Ќе си седнат со Министерството за финансии, ќе разгледаат колку имаат во буџетот, ќе споредат со Колективниот договор, ќе се договорат и на крај ќе донесат решение како што има решение за се, рече денеска премиерот Димитар Ковачевски, одговорајќи на новирански прашања по посетата на „Виталиа“. Ковачевски напомена дека претседателот е правник, ги знае сите законски регулативи, а и во својот Кабинет има врвни експерти од областа на правото. -Мислам дека и за тоа ќе се најде решение, истакна Ковачевски, алудирајќи на Колективниот договор потпишан со Синдикатот на вработените кај претседателот на државата. Според Ковачевски, не може институциите да седнат со синдикатот и без да гледаат во буџетските рамки да речат „ние потпишавме колективен договор“. -Замислете сите да потпишат колективен договор, што ќе треба да направиме?, праша премиерот. Пред неполн час до медиумите беше испратен Став од Кабинетот на претседателот на Република Северна Македонија во кој се потврдува дека „платата за јануари 2023 година не е исплатена за вработените во Кабинетот и за претседателот на Република Северна Македонија. -Образложението кое го добивме од Министерството за финансии е дека во Буџетот за 2023 година нема дополнителни средства за исплата на плати за вработените во Кабинетот на претседателот и го сметаме за неосновано, се наведува во Ставот. Кабинетот на претседателот во согласност со потпишаниот Колективен договор со Синдикатот на вработените, предвиде покачување од пет проценти на плата само за државните службеници кои се вработени во Кабинетот на претседателот. Ова покачување не се однесува за претседателот, именуваните лица и посебните советници во Кабинетот. -Средствата за Буџетот во 2023 година се обезбедени преку сопствени заштеди во буџетот на нашата институција и за ова не се побарани дополнителни средства од Министерството за финансии. Барањето за финансиски средства за плата за јануари 2023 година, кое Кабинетот на претседателот го достави до Министерството за финансии е изработено во согласност со Законот, во рамки на одобрените средства во Буџетот на Република Северна Македонија за 2023 година, буџетскиот корисник – Претседател и во согласност со Колективниот договор за вработените при Претседател на Република Северна Македонија, стои во Ставот од Кабинетот на претседателот на државата.

Пендаровски и вработените во неговиот Кабинет не земале плата, од Финансии им рекле дека нема дополнителни средства за исплата

Ивона Петрова — Fri, 03 Feb 2023 12:29:36 +0000

Од Кабинетот на претседателот на државата, Стево Пендаровски преку соопштение испратено до медиумите потврдија дека платата за месец јануари 2023 година не е исплатена за вработените во Кабинетот и за претседателот. -Образложението кое го добивме од Министерството за финансии е дека во Буџетот за 2023 година нема дополнителни средства за исплата на плати за вработените во Кабинетот на претседателот и го сметаме за неосновано. Кабинетот на претседателот во согласност со потпишаниот Колективен договор со Синдикатот на вработените, предвиде покачување од 5% на плата само за државните службеници кои се вработени во Кабинетот на претседателот. Ова покачување не се однесува за претседателот, именуваните лица и посебните советници во Кабинетот. Средствата за Буџетот во 2023 година се обезбедени преку сопствени заштеди во буџетот на нашата институција и за ова не се побарани дополнителни средства од Министерството за финансии. Барањето за финансиски средства за плата за месец јануари 2023 година, кое Кабинетот на претседателот го достави до Министерството за финансии е изработено во согласност со Законот, во рамки на одобрените средства во Буџетот на Република Северна Македонија за 2023 година, буџетскиот корисник – Претседател и во согласност со Колективниот договор за вработените при Претседател на Република Северна Македонија, се вели во соопштението.

Кабинет на Пендаровски: Потребни се законски измени за недвосмислено правно уредување на називите на здруженијата и фондациите

Ивона Петрова — Sat, 13 Aug 2022 16:56:35 +0000

Потребни се итни измени на Законот за здруженија и фондации во кој недвосмислено правно ќе се уредат нивните називи, вклучувајќи ја и постапката за регистрација на називи што вклучуваат историски настани и личности, информираат од Кабинетот на претседателот Стево Пендаровски. – За жал, како држава, од неодамнешното именување на клубот во Битола според историски докажан соработник на нацистичкиот режим, не извлековме поука. Потребни се итни измени на Законот за здруженија и фондации во кој на недвосмислен начин правно ќе се уредат нивните називи, вклучувајќи ја и постапката за регистрација на називи што вклучуваат историски настани и личности, соопштија од Кабинетот на претседателот Пендаровски за ТВ 24 во врска со новоформираните бугарски здруженија во земјава. Од Кабинетот посочуваат дека за таа цел е потребно да се определи надлежна институција што ќе дава задолжителна согласност во постапката за регистрација, со претходна изработка на регистар на историски личности кои недвосмислено биле асоцирани со расистички идеологии, а не како досега, преку согласност на нивен роднина или наследник да може да се регистрира здружение со име на личност што неспорно ги повредува чувствата на дел од македонските граѓани. -Во постојните прописи и покрај правните празнини и недоречености, постојат правни можности за реакција на институциите и тие треба да дејствуваат во таа насока без да си ја префрлаат одговорноста, наведува Кабинетот. Во април годинава во Битола беше отворен Културниот центар „Ванчо Михајлов“, но за два месеца, во јуни, објектот беше опожарен. Овој месец, пак, повеќе институции во земјава реагираа за регистрацијата на Здружението „Цар Борис Трети“ во Охрид. Еврејската заедница и Фондот на холокаустот на Евреите од Македонија пред неколку дена соопштија дека со регистрацијата на ова здружение во нашата држава се глорифицираат нацизмот, фашизмот и се шири говор на омраза. На социјалните мрежи, како што објавија некои медиуми, веќе се споделува информација дека и во Богданци се подготвува ново бугарско здружение кое според најавите треба да го носи името на Цар Фердинанд, татко на Царот Борис III.

Берлин: При инцидентот Меркел и членовите на кабинетот не беа во опасност

Тале Кристо — Wed, 25 Nov 2020 13:12:06 +0000

Германската канцеларка Ангела Меркел и членовите на кабинетот во ниту еден момент не беа во опасност кога автомобил се заби во оградата на влезот на нејзината канцеларија, изјави денеска портпаролот на германската Влада. Според него, ударот предизвикал само помала материјална штета. Во меѓувреме, полицијата соопшти дека не верува дека станува збор за терористички напад. – Во моментов не работиме врз основа на таква претпоставка, изјави портпаролката на полицијата на новинарско прашање дели постои сомнение дека станува збор за терористички напад. „Во тек е истрага да се утврди дали возачот намерно удрил во капијата. Тој е уапсен“, напиша берлинската полиција на Твитер. Во инцидентот е повредено едно лице, кому лекарите од Брза помош му укажале медицинска нега на местото на настанот, јави ДПА. Автомобил управуван од засега неименувано лице денеска удри во оградата на канцеларијата на германската канцеларка, а медиумите известуваат дека регистарските таблички на возилото Фолксваген Седан се исти со оние на автомобил кој учествуваше во сличен инцидент во 2014 година, кога возило се заби во канцеларијата на канцеларката со пораки напишани на вратите. Според фотографиите на социјалните мрежи, на автомобилот што денеска удри во портата биле напишани и пораки. „Стоп за политиката на глобализација“ и „Проклети убијци на деца и стари луѓе“, пишува на вратата од автомобилот. Во моментот на инцидентот германската канцеларка се подготвувала за виртуелен состанок со премиерите на 16-те провинции со цел да се разгледаат натамошните мерки за спречување на ширењето на коронавирусот.

Бојко Борисов во карантин, шефицата на неговиот кабинет заразена со коронавирусот

Магдалена Андонова — Fri, 24 Jul 2020 09:37:10 +0000

Шефицата на кабинетот на бугарскиот премиер Бојко Борисов, Деница Желева има позитивен тест на Ковид-19, премиерот е негативен но е ставен во карантин и се чека втор негативен тест, јави Бгнес. Тестирани се и сите членови на делегацијата што беа во Брисел каде учествуваа на самитот на шефовите на држави и влади на Европската унија. Во понеделникот, на 20 јули, владината прес-служба соопшти дека се утврдени два случаи на заразени со Ковид-19 меѓу вработените во администрацијата на Владата, по што зградата на 21 јули беше затворена за да се направи целосна дезинфекција. (МИА)

Нетпрес: Вработена во кабинетот на Премиерот, дел од сообраќајка со двајца мртви

Тале Кристо — Mon, 04 May 2020 19:14:15 +0000

Вработена во Кабинетот премиерот Оливер Спасовски, вчера учествувала во тешка сообраќајката на патот Куманово – Крива Паланка, при што животот го загубија две лица. Неофицијално, станува збор за Ирма Мандева пишува порталот Нетпрес. Според полицискиот билтен, во 9.40 часот, на местото викано „Чешмиче“, пред селото Страцин, се судриле „фиат пунто“, со кумановски регистарски ознаки, управувано од Б.Ѓ.(55) од селотот Железница и „фиат пунто“, со кратовски регистарски ознаки, управувано од И.М.(26) од Битола. Повеќе прочитајте на Нетпрес

АУДИО БОМБА: Закани и уцени од кабинетот на министерот за земјоделие – откажи се заради фамилијата!

Тале Кристо — Sun, 12 Jan 2020 12:09:38 +0000

Скандалозна аудио снимка од разговор помеѓу Томе Мојсовски, советник на министерот за земјоделие Трајан Димковски и лице вработено во инспектарот во Охрид – пристигна до редакцијата на „Економски Лидер“. Откако ја утврдивме автентичноста на разговорот, но и го детектиравме очигледниот јавен интерес – ја објавуваме на нашиот медиум. На снимката се слуша како Мојсовски, кој важи за еден од најблиските луѓе до министерот, го уценува инспекторот од Охрид да укине одредена концесија, а доколку не го стори тоа го принудува да си поднесе оставка. Скандалозно е што директно од кабинетот на министерот, спротивно на законите се бара укинување на концесија, а доколку инспекторот тоа не го стори му се предлага да си даде оставка. Социјалдемократот Мојсовски, во мафијашки стил, на подредениот му вели: -Ако тоа не го направиш земи поднеси барање и поднеси оставка. Друго немам што да ти кажам брат, додека не дојдат некои поголеми работи, значи те молам зради тебе и зради фамилијата, утре ќе се сретнеме, ти си младо дете, јас сум повозрасен, молимте значи две работи ти кажав, прво се да исчистиш и од се да се оградиш и второ ако не можиш да се оградиш барај си ќаре дете ова не е добро, ниту за тебе ниту за… – вели Томе Мојсовски во снимката. Инаку, Мојсовски е истакнат социјалдемократ, барем според она што може да се забележи на социјалните мрежи а во хиерархијата важи за еден од најблиските луѓе на министерот Трајан. Во прилог целосниот транскрипт од разговорот, во кој се забележуваат сериозни кривични дела: Лице: – Молим Томе Мојсовски: Јоване Лице: Еј Томе Мојсовски: Што правиш Лице: Повели Томе Томе Мојсовски: Што правиш Лице: Добар сум еве овдека во Охрид Томе Мојсовски: Овде не слушам за некој број Лице: да, да овој Томе Мојсовски: Па не можам да го отворам телефонот тој ми е на … Лице: овој го користам да ти кажам, другиот не Томе Мојсовски: имам неколку работи што мораме да ги расчистиме пот итно Лице: што требит, повели Томе Мојсовски: Има две работи. Први работа е или да фатиш да ја средиш комплет постапката со надзорните контроли Лице: Добро Томе Мојсовски: А втората работа е ДА СИ ДАДИШ ОСТАВКА да не настанат поголеми промени тоа што те коментираат најдругарски ти го кажувам е голема опасност. Лице: Кој к*р коментирање Томе Мојсовски: Ова ти го кажувам другарски, јас не сум човек што сум те мразам, ниту пак сакам да те мразам ……………. Лице: Добро Томе Мојсовски: Тоа што зборуваат дека имам против тебе нешто, јас немам, ова не би ти го кажал ако имав нешто против тебе Лице: Добро Томе Мојсовски: направи …………….. и од се да се оградиш и под итно да ја скиниш концесијата на концесионерот. Второ ако тоа не го направиш земи поднеси барање и поднеси оставка. Друго немам што да ти кажам брат, додека не дојдат некои поголеми работи, значи те молам зради тебе и зради фамилијата, утре ќе се сретнеме, ти си младо дете, јас сум повозрасен, молимте значи две работи ти кажав, прво се да исчистиш и од се да се оградиш и второ ако не можиш да се оградиш барај си ќаре дете ова не е добро, ниту за тебе ниту за …………… ниту за ………, ниту за државата наша. Значи ни бевме кај градоначалникот, бевме секаде, значи секаде си Јоване мој злато влезен, секаде си спомнуван Јоване, ти си дете младо, барај ќаре, јас ќе те поддржам ако поднесеш барањето за …………., јас ќе те поддржам нема никој да те чепне, а другото брат јас нема да те поддржам. Тоа другото нема јас да ти го поддржам. Молимте Лице: чекај сега тоа е ако … Томе Мојсовски: не чекам јас ти кажав Лице: си правиме сега муабет Томе Мојсовски: ќе правиме муабет кога ќе дојдеш у Скопје Лице: готово во Скопје Томе Мојсовски: ајде здраво Лице: Ајде

Познати имињата на советниците: Еве кои лица ги вработи Пендаровски во својот кабинет

Ивана Ефремовски — Wed, 22 May 2019 11:50:40 +0000

Новиот претседател Стево Пендаровски, го комплетираше составот на својот кабинет. Според информациите на ТЕЛМА од кабинетот на Пендаровски, Блерим Кољари ќе биде советник за национална безбедност, Александар Спасов како надворешен консултант ќе ја врши функцијата на советник за внатрешна и надворешна политика. -Шеф на кабинетот на претседателот Пендаровски ќе биде Миле Бошњаковски, кој на таа функција доаѓа од местото портпарол на влада, додека шеф на протокол ќе биде Билјана Мицевска. Како советници во кабинетот потврдени се Тоше Зафиров, Љуљета Адеми и Гоце Карајанов. Новинарката Катерина Цаневска ќе биде одговорна за односи со јавноста, објавува телевизијата. Надворешни советници ќе бидат поранешните шефови на дипломатија, Александар Димитров и Денко Малески и поранешниот амбасадор во Австрија, Сашо Тавчиовски. -Надворешни советници за правни работи ќе бидат и професорката Беса Арифи и поранешата судијка во Судот за човекови права во Стразбур, Мирјана Лазаревска Трајковска, објави Телма.